Jẹnẹsisi 5
5
Isi Nke Isẹn
Ụmụ Adam
Gha Adam D'e Ru Nụa
1Ebeni kẹ wẹ deyesọnmẹ ẹfan ụmụ Adam.
Ogẹn Osolobuẹ gi ke ịhịan, o ke ẹ, o yi Osolobuẹ. 2Okẹn lẹ onyẹnnyẹ k'o ke wẹ. Ọ nọ gọzi wẹ, kpọ wẹ “Ịhịan”.
3Ogẹn Adam gi rị ahụa iri kwasị ọgụn-isin, ọ nọ mụ okẹnnyẹ hụn yin'ẹ, ọ gụn a “Sẹtị”. 4Ọ mụgụ Sẹtị, ọ nọ bizi ahụa nnụnaị. Ọ mụzịghọ ụmụ ndị ọzọ chen'ẹ — kẹ ikẹnnyẹ kẹ ikpoho. 5Ya wụ, ahụa iri kwasị ọgụn-isin kwasị nnụnaị (930) kẹ Adam tọ, ọ nọ nwụnhụn.
6Ogẹn Sẹtị gi rị ahụa isẹn kwasị ọgụn-isẹn, ọ nọ mụ Ẹnọshị. 7Sẹtị a mụgụ Ẹnọshị, ọ nọ bizi ahụa ẹsa kwasị nnụnaị (807). Ọ mụzịghọ ụmụ ndị ọzọ chen'ẹ — kẹ ikẹnnyẹ kẹ ikpoho. 8Ya wụ, ahụa mmẹbụọ kwasị ọgụn-isẹn kwasị nnụnaị (912) kẹ Sẹtị tọ, ọ nọ nwụnhụn.
9Ogẹn Ẹnọshị gi rị ahụa iri kwasị ọgụn-ẹnọ, ọ nọ mụ Kenanị. 10Ẹnọshị a mụgụ Kenanị, ọ nọ bizi ahụa mmisẹn kwasị nnụnaị. Ọ mụzịghọ ụmụ ndị ọzọ chen'ẹ — kẹ ikẹnnyẹ kẹ ikpoho. 11Ya wụ, ahụa isẹn kwasị ọgụn-isẹn kwasị nnụnaị kẹ Ẹnọshị tọ, ọ nọ nwụnhụn.
12Ogẹn Kenanị gi rị ahụa iri kwasị ọgụn-ẹtọ, ọ nọ mụ Mahalalẹlụ. 13Kenanị a mụgụ Mahalalẹlụ, ọ nọ bizi ahụa ọgụnnaị kwasị nnụnaị. Ọ mụzịghọ ụmụ ndị ọzọ chen'ẹ — kẹ ikẹnnyẹ kẹ ikpoho. 14Ya wụ ahụa iri kwasị ọgụn-isẹn kwasị nnụnaị kẹ Kenanị tọ, ọ nọ nwụnhụn.
15Ogẹn Mahalalẹlụ gi rị ahụa isẹn kwasị ọgụn-ẹtọ, ọ nọ mụ Jarẹdi. 16Mahalalẹlụ a mụgụ Jarẹdi, ọ nọ bizi ahụa iri kwasị ọgụn kwasị nnụnaị. Ọ mụzịghọ ụmụ ndị ọzọ chen'ẹ — kẹ ikẹnnyẹ kẹ ikpoho. 17Ya wụ, ahụa mmisẹn kwasị ọgụn-ẹnọ kwasị nnụnaị kẹ Mahalalẹlụ tọ, ọ nọ nwụnhụn.
18Ogẹn Jarẹdi gi rị ahụa ẹbụọ kwasị ọgụn-ẹsatọ, ọ nọ mụ Ẹnọkụ. 19Jarẹdi a mụgụ Ẹnọkụ, ọ nọ bizi ahụa nnụnaị. Ọ mụzịghọ ụmụ ndị ọzọ chen'ẹ — kẹ ikẹnnyẹ kẹ ikpoho. 20Ya wụ, ahụa ẹbụọ kwasị ọgụn-ẹsatọ kwasị nnụnaị kẹ Jarẹdi tọ, ọ nọ nwụnhụn.
21Ogẹn Ẹnọkụ gi rị ahụa isẹn kwasị ọgụn-ẹtọ, ọ nọ mụ Mẹtusẹla. 22Ogẹn Ẹnọkụ gi mụgụ Mẹtusẹla, Ẹnọkụ nọ sọnmẹ Osolobuẹ, sọn ẹ ọrọgbọ ahụa ọgụn-mmisẹn. Ọ mụzịghọ ụmụ ndị ọzọ ogẹn ahụn — kẹ ikẹnnyẹ kẹ ikpoho. 23Ya wụ, ahụa isẹn kwasị ọgụn-mmẹsatọ kẹ Ẹnọkụ tọ. 24Ẹnọkụ e sọnbe Osolobuẹ, ahụnzịnị w'a — makẹni Osolobuẹ weri ẹ.
25Ogẹn Mẹtusẹla gi rị ahụa ẹsa kwasị ọgụn-itenẹi, ọ nọ mụ Lamẹki. 26Mẹtusẹla a mụgụ Lamẹki, ọ nọ bizi ahụa ẹbụọ kwasị ọgụn-mmitenẹi kwasị nnụ. Ọ mụzịghọ ụmụ ndị ọzọ chen'ẹ — kẹ ikẹnnyẹ kẹ ikpoho. 27Ya wụ, ahụa itenẹi kwasị ọgụn-ẹsatọ kwasị nnụnaị (969) kẹ Mẹtusẹla tọ, ọ nọ nwụnhụn.
28Ogẹn Lamẹki gi rị ahụa ẹbụọ kwasị ọgụn-itenẹi, ọ nọ mụ okẹnnyẹ. 29Ọ nọ gụn a Nụa, sị, “Ẹka nwatanị kẹ ẹnyi k'a gha zu ikẹn okẹn afụnfụnnị ẹnyi rị a ta a rụn ugbo akpakalị Osolobuẹ bụ ọnụ#5.29 Lele Jẹn 8.21.” 30Lamẹki a mụgụ Nụa, ọ nọ bizi ahụa mmisẹn kwasị ọgụn-itenẹi kwasị nnụ. Ọ mụzịghọ ụmụ ndị ọzọ chen'ẹ — kẹ ikẹnnyẹ kẹ ikpoho. 31Ya wụ, ahụa mmẹsa kwasị ọgụn-mmẹsatọ kwasị nnụ kẹ Lamẹki tọ, ọ nọ nwụnhụn.
32Ogẹn Nụa gi rị ahụa ọgụn-isẹn kwasị nnụ, ọ nọ mụma nwa, ndịnị wụ ụmụ a: Shẹm lẹ Ham lẹ Jafẹtị.
اکنون انتخاب شده:
Jẹnẹsisi 5: ikkBI
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2018, Mission for Language Translation/Ika Bible Translation Committee.
© 2018, Wycliffe Bible Translators, Inc.