Lukas 13
13
Ghaa buu naŋa ibəb kə və zə i ney ghaa
1N nəŋə i tii zə, ghə̂ a loʼ ghə n bə dza bə tə̀ Yeso nə̀ Pilato n wey ghə̂ a Galili a loʼ ghə nə ghə fəələ umaʼlə tə Zə̀ kə n ndaw Kəzə̀ i nii zə n Yerosalem. 2Yeso n beeli ndòw ghə nə̀, “Ghaa moʼlə nə̀ ghə̂ a Galili ghən ghə â weynə ghə, ghə a bəb tsəghəshinu ghə̂ a loʼ ghən ghə loʼnə utaw nya fu tii inaʼ ə? 3Ngaŋ! N dza n dza bə tə̀ ghaa nə̀, abə ghaa ka kwey fə̀ŋ tə ghaa, ghaa dzûmə Kəzə̀, ghaa i kpuu soʼo sey. 4Nkee ghaa moʼonə ghə̂ ghey ighəm n ghə̂ ghə ifam n ndaw zey i kuulə doʼonə n tow kə ndaw â beeli wey maʼanə n Siloam, ghə â bəb tsəghəshinu ghə̂ ghey ghə â loʼnə n Yerosalem n nəŋə i tii zə ə? 5Ngaŋ! N dza n dza bə tə̀ ghaa nə abə, ghaa ka kwey fə̀ŋ tə ghaa, ghaa dzûmə Kəzə̀, ghaa i kpuu soʼo tə̀ a loʼ ghə.”
Zəzəə fə fənkəfən bòʼ kaʼ fən fə məə way tam wə
6Sey, Yeso n dza ndòw zəzəə fə fənkəfən tə̀ ghə nə̀, “Wù loʼ â zəghə naŋa fəkaʼ n sùm u wi, ambə tə ndòwnə ni ndòw kɔy utam tii, tə n ndòw koʼ nə̀ fə ka mə̀ dzə. 7Sey tə n dza ndòw tə̀ wù kəfwaʼ wey tə â laalənə sûm wey nə̀, ‘À nya loʼ tə a loʼ tənûm tətəghə n bəghənə fa ni bə kɔy utam, mə n ka koʼ dzə fə kə loʼ kə. N dzanə wə̀ fuŋ maʼa kaʼ fə tii fə, n təŋkey, fə maŋa zəə saŋŋə maʼa zub tə dzuŋu tə kənunu.’ 8Wù kəfwaʼ wey n fəd dza ndòw tə̀ wi nə̀, ‘Mûkəbii, naŋa kpiʼi tsu nûm kə kəmɔ̀ʼ, mə i bòw tsəghə ndòw key i tii zə, n bow bə zub tə kəduŋ, n kuu tsəghə ndow n key i tii zə. 9Abə fə mə̂nə nə kənum, a i loʼ ghə i dzuŋu zə, nə fə ka mə, a i fuŋ maʼa.’”
Yeso baŋŋə weyzən u loʼ wə n tsuʼ inaʼ u Təjuu
10N tsuʼ inaʼ u ghə u loʼ wə, Yeso n dii n ndaw kədzəŋi ghə̂ a Təjuu i loʼ zə. 11Weyzən u loʼ wə n loʼ fu nə a loʼ kəkə̀ŋŋə̀ ntəŋkey zay kə bwu kə ma wi khə̂mə naŋa nə tənum ighəm n num tə ifam. Tə n loʼ nə tə n ngəmə doʼo, way ni təmi kɔʼ tsətsəghə. 12Ambə Yeso kòʼ ndòwnə wi, tə n tɔŋŋə tsu wi dza tə̀ wi nə̀, “n dza nə̀ dzaŋ zə i may.” 13Yeso n gaʼ ndòw awɔɔ nkow weyzən wey, tə n daŋŋə naalə shi ndòw uwû, təmi i kɔʼ tsətsəghə, kaʼ ndòw ni fu nkɔʼlə tə̀ Zə̀ kə. 14Wù nii wey tə â laalənə ndaw Kədzəŋi ghə, n kaʼ ni fəələ unəghə, sənnə ghɔɔmə ndòw tə̀ ghə̂ ghə nə̀, “Tsuʼu n loʼ ntuubə ni fwaʼ, i bəghə na n tsuʼu n tii mə ni bə baŋŋə iwû, à way dzə n tsuʼ inaʼ u saa.” 15Mûkəbii n beeli ndòw wi dza, “Ghə nəb ityim! N dza ghaa bəghə ghaa n ney kɔʼ nyam tə ghaa, ndow fu ghə n fəzəə wə, ndòw fu soʼo ghə n mmuu mə n tsuʼ inaʼ a? 16À wən loʼ waa sali ndaw zə Abraham nə̀ tə n fəghə n wɔ Satan, nə tənum ighəm nsə num tə ifam, a bəbə kee tii ni bəghəshi wi n chɔd u wi abə a loʼ kə n tsuʼ inaʼ a?” 17Ambə Yeso dza tsu nə sey, tow kə n dəd ghə̂ ghey ghə bàanə wi, nɔɔ kə aghə̂ key kə â loʼ nə fu n kee ngii duʼlə bòʼ faalə mey tə ghəŋənə.
Zəzəə fə fənkəfən bòʼ sam i Mostad
(Mat 13.33)
18Yeso n dza, “Saʼ i Kəzə̀ n kow ghə̂ a wi baa loʼ tə aloʼ kee? N loʼ ni foʼlə ngee? 19U loʼ tə à loʼ sam i kaʼ fə loʼ fə ghə tɔŋŋə nə̀ a loʼ Mustard wù loʼ â ney kɔʼnə, zəghə tsu n sûm u wi, fə n nyim i kɔʼ doʼo bə fəkaʼ, nnən mən n zəʼlə idəŋ n bə bəghə naŋa bə ndaw tə ghə tii n kpî tə tii tə.” 20Tə n kəm bəb tsu nə̀, “N baa loʼ ni foʼlə saʼ i Kəzə̀ ghi kee? 21U loʼ tə a loʼ mbvuŋ weyzən u loʼ wə â ney kɔʼ nə̀, kuu ndow n tɔ̀ɔ nfuŋ mən ghə ghəŋŋə baa kə nkala kə a tii, fuŋ n tii mə n kɔʼ kɔʼ naʼ idzəm.”
Yeso dii nə̀ saa i tsəghə n fuʼ u ndaw u təbə wə
(Mat 7.13-14, 21-23)
22Yeso n tsəghə ndow kə isə tə ndownə n Yerosalem, bwey dii ndow aghəə tə ghə̂ ghə naʼa tə naʼa. 23Wù loʼ n bəb ndow tə̀ wi nə̀, “Mûkəbii, i sey dii nə̀ bəghəshi i loʼ kə tə̀ sə̂ fə aghə̂ fə ə?” Tə n dza a ghə nə; 24“Dəmə tsu na ni nyi ndow n fuʼ u ndwaw u təbə wə, n təŋkey, ndəmə aghə̂ ghə î ləghənu ni tsəghə nyi fu, jii i way tə ghə. 25Abə mû ndaw i nu fii kɔʼ dzənə fuʼ u ndwa wə, nə ghaa tey a bii, ghaa i kaʼ ni buʼ fuʼ u ndaw nə̀, ‘Mûkəbii, chi bə fuʼ u ndaw wə tə ghey.’” Tə i beeli shi bə ghaa nə̀, “Ngaŋ! N khə way ghaa, n khə soʼo way luʼu key ghaa nu bənə tii.” 26Sey, ghaa i dza nə̀, “Ghey a zəə dzəŋi tsə ghi wɔ, məə dzəŋi ghi wɔ, wə n tsəm dii soʼo ghey n naʼ i ghey.” 27Tə i nam fəd dza bə tə̀ ghaa nə̀, “Ngaŋ! N dza nə̀ khə way ghaa, N khə way luʼu key ghaa nuu bənə tii. Nu na n səə mə, ghə̂ a bəbə ghə.” 28Sey ghaa nə dey, fəə asɔŋ, bə ghaa i koʼnə Abraham, Ayzik, Yakɔb, nsə tûm tə Kəzə̀ tə, ghə loʼnə n fɔɔ u Kəzə̀, nə ghə n ghaa tuu maʼa. 29Ghə̂ ghə i nuu bə n badla tə mbi tədzəm, ghə i loʼ i ghə zə n fɔɔ u Kəzə̀, ghə zə̂ənə. 30Kuum kuum, ghə̂ ghey ghə̂ a koʼo kìi nə ghə nya, Zə̀ kə i ghəŋŋə ghə nə̀ ghə bə doʼo ghə̂ a səŋi ghə, ighələ tə ghə̂ ghey ghə̂ a koʼo nə̀ ghə loʼ ghə̂ a səŋi ghə nya, Zə̀ kə i ghəŋŋə soʼo nə ghə̂ ghə i bə koʼ kìi ghə.
Yeso mow bòʼ Yerosalem
(Mat 23.37-39)
31Ghə̂ a tə Falasi a loʼ ghə n daŋŋə ndow bə n nəŋə i tii zə n səə Yeso, dza tə wi nə̀, “Tyi nuu tsu fa, wə nuu ndow n luʼu kə nuu kə, n təŋkey, Helɔd ləghə ni wey maʼa wɔ.” 32Yeso n dza, “Ndow dza na tə̀ wù wən tə tsiilə ghəŋŋə ghəə ghə tə̀ a loʼ kəkəŋ nə̀, n nam dzùm shiə avəətsəə n kow ghə̂ ghə, baŋŋə soʼo ghə̂ a dzaŋa ghə, n nam khə ni fwaʼ na nsə tsətsə, abə təfu mə i mayyə tsu fwaʼ kuŋ.” 33Nsə sey, n nam khə ni bwey na, n bwey tsə tə nsə təfu, n təŋkey, luʼu key kə kpiinə ni wey tûm Kəzə̀ tii, a may kə n Yerosalem. 34Ohooo Yerosalem, Yerosalem, naʼ zey i weyyənə tûm tə Kəzə̀ tə, təmmə wey a loʼ ghə nə atay, n mâ dəm ni zuŋŋə naŋa bə waa ghə tə nay mbvə nə zuŋŋə naŋŋə waa a wi ghə n tənə ghaw tə wi, ghaa n ka bəghəm. 35Koʼo na, ndaw ghaa nya loʼ i zûm zə. N dza bə tə ghaa nə̀, ghaa i kəm koʼ way mə ni ndow kuum tsuʼ fey ghaa i dza nə̀, “Buulə i loʼ tə wù wey tə bəghənə n zəd i Mûkəbii.”
انتخاب شده:
Lukas 13: WEH
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Lukas 13
13
Ghaa buu naŋa ibəb kə və zə i ney ghaa
1N nəŋə i tii zə, ghə̂ a loʼ ghə n bə dza bə tə̀ Yeso nə̀ Pilato n wey ghə̂ a Galili a loʼ ghə nə ghə fəələ umaʼlə tə Zə̀ kə n ndaw Kəzə̀ i nii zə n Yerosalem. 2Yeso n beeli ndòw ghə nə̀, “Ghaa moʼlə nə̀ ghə̂ a Galili ghən ghə â weynə ghə, ghə a bəb tsəghəshinu ghə̂ a loʼ ghən ghə loʼnə utaw nya fu tii inaʼ ə? 3Ngaŋ! N dza n dza bə tə̀ ghaa nə̀, abə ghaa ka kwey fə̀ŋ tə ghaa, ghaa dzûmə Kəzə̀, ghaa i kpuu soʼo sey. 4Nkee ghaa moʼonə ghə̂ ghey ighəm n ghə̂ ghə ifam n ndaw zey i kuulə doʼonə n tow kə ndaw â beeli wey maʼanə n Siloam, ghə â bəb tsəghəshinu ghə̂ ghey ghə â loʼnə n Yerosalem n nəŋə i tii zə ə? 5Ngaŋ! N dza n dza bə tə̀ ghaa nə abə, ghaa ka kwey fə̀ŋ tə ghaa, ghaa dzûmə Kəzə̀, ghaa i kpuu soʼo tə̀ a loʼ ghə.”
Zəzəə fə fənkəfən bòʼ kaʼ fən fə məə way tam wə
6Sey, Yeso n dza ndòw zəzəə fə fənkəfən tə̀ ghə nə̀, “Wù loʼ â zəghə naŋa fəkaʼ n sùm u wi, ambə tə ndòwnə ni ndòw kɔy utam tii, tə n ndòw koʼ nə̀ fə ka mə̀ dzə. 7Sey tə n dza ndòw tə̀ wù kəfwaʼ wey tə â laalənə sûm wey nə̀, ‘À nya loʼ tə a loʼ tənûm tətəghə n bəghənə fa ni bə kɔy utam, mə n ka koʼ dzə fə kə loʼ kə. N dzanə wə̀ fuŋ maʼa kaʼ fə tii fə, n təŋkey, fə maŋa zəə saŋŋə maʼa zub tə dzuŋu tə kənunu.’ 8Wù kəfwaʼ wey n fəd dza ndòw tə̀ wi nə̀, ‘Mûkəbii, naŋa kpiʼi tsu nûm kə kəmɔ̀ʼ, mə i bòw tsəghə ndòw key i tii zə, n bow bə zub tə kəduŋ, n kuu tsəghə ndow n key i tii zə. 9Abə fə mə̂nə nə kənum, a i loʼ ghə i dzuŋu zə, nə fə ka mə, a i fuŋ maʼa.’”
Yeso baŋŋə weyzən u loʼ wə n tsuʼ inaʼ u Təjuu
10N tsuʼ inaʼ u ghə u loʼ wə, Yeso n dii n ndaw kədzəŋi ghə̂ a Təjuu i loʼ zə. 11Weyzən u loʼ wə n loʼ fu nə a loʼ kəkə̀ŋŋə̀ ntəŋkey zay kə bwu kə ma wi khə̂mə naŋa nə tənum ighəm n num tə ifam. Tə n loʼ nə tə n ngəmə doʼo, way ni təmi kɔʼ tsətsəghə. 12Ambə Yeso kòʼ ndòwnə wi, tə n tɔŋŋə tsu wi dza tə̀ wi nə̀, “n dza nə̀ dzaŋ zə i may.” 13Yeso n gaʼ ndòw awɔɔ nkow weyzən wey, tə n daŋŋə naalə shi ndòw uwû, təmi i kɔʼ tsətsəghə, kaʼ ndòw ni fu nkɔʼlə tə̀ Zə̀ kə. 14Wù nii wey tə â laalənə ndaw Kədzəŋi ghə, n kaʼ ni fəələ unəghə, sənnə ghɔɔmə ndòw tə̀ ghə̂ ghə nə̀, “Tsuʼu n loʼ ntuubə ni fwaʼ, i bəghə na n tsuʼu n tii mə ni bə baŋŋə iwû, à way dzə n tsuʼ inaʼ u saa.” 15Mûkəbii n beeli ndòw wi dza, “Ghə nəb ityim! N dza ghaa bəghə ghaa n ney kɔʼ nyam tə ghaa, ndow fu ghə n fəzəə wə, ndòw fu soʼo ghə n mmuu mə n tsuʼ inaʼ a? 16À wən loʼ waa sali ndaw zə Abraham nə̀ tə n fəghə n wɔ Satan, nə tənum ighəm nsə num tə ifam, a bəbə kee tii ni bəghəshi wi n chɔd u wi abə a loʼ kə n tsuʼ inaʼ a?” 17Ambə Yeso dza tsu nə sey, tow kə n dəd ghə̂ ghey ghə bàanə wi, nɔɔ kə aghə̂ key kə â loʼ nə fu n kee ngii duʼlə bòʼ faalə mey tə ghəŋənə.
Zəzəə fə fənkəfən bòʼ sam i Mostad
(Mat 13.33)
18Yeso n dza, “Saʼ i Kəzə̀ n kow ghə̂ a wi baa loʼ tə aloʼ kee? N loʼ ni foʼlə ngee? 19U loʼ tə à loʼ sam i kaʼ fə loʼ fə ghə tɔŋŋə nə̀ a loʼ Mustard wù loʼ â ney kɔʼnə, zəghə tsu n sûm u wi, fə n nyim i kɔʼ doʼo bə fəkaʼ, nnən mən n zəʼlə idəŋ n bə bəghə naŋa bə ndaw tə ghə tii n kpî tə tii tə.” 20Tə n kəm bəb tsu nə̀, “N baa loʼ ni foʼlə saʼ i Kəzə̀ ghi kee? 21U loʼ tə a loʼ mbvuŋ weyzən u loʼ wə â ney kɔʼ nə̀, kuu ndow n tɔ̀ɔ nfuŋ mən ghə ghəŋŋə baa kə nkala kə a tii, fuŋ n tii mə n kɔʼ kɔʼ naʼ idzəm.”
Yeso dii nə̀ saa i tsəghə n fuʼ u ndaw u təbə wə
(Mat 7.13-14, 21-23)
22Yeso n tsəghə ndow kə isə tə ndownə n Yerosalem, bwey dii ndow aghəə tə ghə̂ ghə naʼa tə naʼa. 23Wù loʼ n bəb ndow tə̀ wi nə̀, “Mûkəbii, i sey dii nə̀ bəghəshi i loʼ kə tə̀ sə̂ fə aghə̂ fə ə?” Tə n dza a ghə nə; 24“Dəmə tsu na ni nyi ndow n fuʼ u ndwaw u təbə wə, n təŋkey, ndəmə aghə̂ ghə î ləghənu ni tsəghə nyi fu, jii i way tə ghə. 25Abə mû ndaw i nu fii kɔʼ dzənə fuʼ u ndwa wə, nə ghaa tey a bii, ghaa i kaʼ ni buʼ fuʼ u ndaw nə̀, ‘Mûkəbii, chi bə fuʼ u ndaw wə tə ghey.’” Tə i beeli shi bə ghaa nə̀, “Ngaŋ! N khə way ghaa, n khə soʼo way luʼu key ghaa nu bənə tii.” 26Sey, ghaa i dza nə̀, “Ghey a zəə dzəŋi tsə ghi wɔ, məə dzəŋi ghi wɔ, wə n tsəm dii soʼo ghey n naʼ i ghey.” 27Tə i nam fəd dza bə tə̀ ghaa nə̀, “Ngaŋ! N dza nə̀ khə way ghaa, N khə way luʼu key ghaa nuu bənə tii. Nu na n səə mə, ghə̂ a bəbə ghə.” 28Sey ghaa nə dey, fəə asɔŋ, bə ghaa i koʼnə Abraham, Ayzik, Yakɔb, nsə tûm tə Kəzə̀ tə, ghə loʼnə n fɔɔ u Kəzə̀, nə ghə n ghaa tuu maʼa. 29Ghə̂ ghə i nuu bə n badla tə mbi tədzəm, ghə i loʼ i ghə zə n fɔɔ u Kəzə̀, ghə zə̂ənə. 30Kuum kuum, ghə̂ ghey ghə̂ a koʼo kìi nə ghə nya, Zə̀ kə i ghəŋŋə ghə nə̀ ghə bə doʼo ghə̂ a səŋi ghə, ighələ tə ghə̂ ghey ghə̂ a koʼo nə̀ ghə loʼ ghə̂ a səŋi ghə nya, Zə̀ kə i ghəŋŋə soʼo nə ghə̂ ghə i bə koʼ kìi ghə.
Yeso mow bòʼ Yerosalem
(Mat 23.37-39)
31Ghə̂ a tə Falasi a loʼ ghə n daŋŋə ndow bə n nəŋə i tii zə n səə Yeso, dza tə wi nə̀, “Tyi nuu tsu fa, wə nuu ndow n luʼu kə nuu kə, n təŋkey, Helɔd ləghə ni wey maʼa wɔ.” 32Yeso n dza, “Ndow dza na tə̀ wù wən tə tsiilə ghəŋŋə ghəə ghə tə̀ a loʼ kəkəŋ nə̀, n nam dzùm shiə avəətsəə n kow ghə̂ ghə, baŋŋə soʼo ghə̂ a dzaŋa ghə, n nam khə ni fwaʼ na nsə tsətsə, abə təfu mə i mayyə tsu fwaʼ kuŋ.” 33Nsə sey, n nam khə ni bwey na, n bwey tsə tə nsə təfu, n təŋkey, luʼu key kə kpiinə ni wey tûm Kəzə̀ tii, a may kə n Yerosalem. 34Ohooo Yerosalem, Yerosalem, naʼ zey i weyyənə tûm tə Kəzə̀ tə, təmmə wey a loʼ ghə nə atay, n mâ dəm ni zuŋŋə naŋa bə waa ghə tə nay mbvə nə zuŋŋə naŋŋə waa a wi ghə n tənə ghaw tə wi, ghaa n ka bəghəm. 35Koʼo na, ndaw ghaa nya loʼ i zûm zə. N dza bə tə ghaa nə̀, ghaa i kəm koʼ way mə ni ndow kuum tsuʼ fey ghaa i dza nə̀, “Buulə i loʼ tə wù wey tə bəghənə n zəd i Mûkəbii.”
انتخاب شده:
:
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید