Lukas 17
17
Ibəb, bəghəm i fə̀ŋ nsə fwaʼ kə
(Mat 18.6-7, 21-22; Mak 9.42)
1Yeso n dza ndòw tə dzûmə tə wi tə nə̀, “ghəə ghey a ghəŋənə nə ghə̂ ghə î ghəŋə ghəə a bəbə ghə, a khə ni teeli bə, ngoʼ kee loʼ tə wù wey zə î bəghənə n baa wi. 2Kùm nə̀, abə ghə tsəm kow kɔʼ kənə tay i nii zə n mwey u wù, tuŋu maʼa nyi tsu ndow wi n dzuu, tə i nam zow kədzuŋ tsəghəshi ngoʼ zey wù wən tə ghəŋənə nə winətəghə umɔʼ bwu n ghəə a bəbə ghə i zownə. 3Sey î ney na ghə̂mə zə n wû i ghaa. Abə waazu ghəŋə tsunə ghə i bəbə zə, kpaa ndòw wi, nə tə kwey kɔʼnu fəŋ ə wi, wə n neyzəə ndòw wi. 4Abə tə tsəm ghəŋŋə bəəbə kə tə wɔ kɔʼɔ kùm ndow tənəŋə təsəghəmbəghə nə fətsuʼ, bə dzəŋŋə soʼo tənəŋə təsəghəmbəghə dza, ‘Mə n kwey fə̀ŋ zuŋ’, wə khə ni teeli neyzəə wi.”
Bəghəm i fə̀ŋ
5Ngəd tə wi tə n dza nə̀, “Mûkəbii dii bə tə̀ ghey nghee ghey loʼ ni ghəŋə ni keeli bəghəm i fə̀ŋ i nii zə.” 6Tə n beeli ndòw ghə dza, “Abə ghaa khənə bəghəm i fə̀ŋ zə tə̀ a loʼ sə̂ ikuu, ghaa loʼ ni dza tə̀ kaʼ fə nîi fən nə̀, ‘zəbə nuu kɔʼ wû wə wə̀, wə̀ ndòw zəghə doʼo tsu n fəŋ ə dzùu’, fə i zow bə tə̀ ghaa.
Tsuʼ fə wù kəfwaʼ
7Ney kɔʼ na nə wù ghaa u loʼ u khə wù kəfwaʼ tə vəllənə nkee tə laalənə tə njì tə, abə tə fən bə nə̀, wə i dza ndownu tə̀ wi nə̀, ‘ndòw ney kɔʼ fəzəə wə, wə̀ zə ə?’ 8Ngaŋ! Wə̀ i fədlə dza ndow tə wi nə̀, ‘Kuu kɔʼ dzə fəzəə wùŋ wə, wə̀ faalə tsu wû wə, wə̀ ney teyyə bə fəzəə wùŋ tə n zə kɔʼ, wə̀ i sə zə u wə wə̀, nə̀ mə n zə may.’ 9Tə i fuunu zɔŋŋə kə tə wù kəfwaʼ wey n fwaʼ key tə fwaʼnə tə wi ə? 10A loʼ soʼo ighələ ghi ghaa, abə ghaa fwaʼ may tsunə fwaʼ kə ghaa kə, ghaa n dza tsu nə̀, ‘Ghey maŋ loʼ ghə̂ a kəfwaʼ, ghey mə sa fwaʼa fwaʼ kə ghey.’”
Yeso baŋŋə ghə̂ ghə ukə̀m ighəm
11Ambə Yeso ndòwnə n Yerosalem, Tə n tsəghə tɔɔlə ndòw n tii u mboʼo Samaria nsə n mboʼo Galili. 12Nghee tə nyiə ndòwnə n naʼ i loʼ zə fu, Tə n kpii ndow ghi ghə̂ ghə ukə̀m ghə ighəm. Ghə n tey n ghab kə, 13tɔŋɔ bə wi n dzə i taw zə nə̀, “Yeso! Mûkəbii! Kwɔɔlə sî zə n kow ghey!” 14Nghee tə koʼ ndòw nə ghə, tə n dza tə̀ ghə nə̀, “Ndòw dii na wû i ghaa zə tə ghə fɔɔngili.” Nghee ghə ndòwnə n jii, ghə n taw doʼo dzəŋŋə bə. 15Sey, wù umɔʼ n fəŋŋə kə ghə n nuu dzəŋŋə i bə, kaʼ ni fu nkɔʼlə tə Zə̀ kə, n dzə i taw zə. 16Tə n bə təm bə tənguʼ n tənnə Yeso, fu zɔŋə kə wi, a n loʼ nə a loʼ wù Samaria. 17Yeso n bəb tsu nə̀, “N dza ghə̂ a mə loʼ ighəm, ghə mə taw doʼo bə nə ə? A loʼ ghey a ntaandzuu kee loʼ ghee? 18A loʼ kee, a sə fəd loʼ wù kətûm tə dzəŋŋə bənə ni bə fu nkɔʼlə tə Zə̀ kə ə?” 19Yeso n dza ndòw tə̀ wi nə̀, “Nuu kɔʼ, wə nuu ndow i zə zə̀, bəghəm i fə̀ŋ zə, zə n baŋŋə wɔ.”
Nəŋŋə zey fɔɔ u Kəzə̀ wə i bəghənə tii
(Mat 24.23-28, 37-41)
20Tsuʼ fə loʼ fə, ghə̂ a tə Falasi a loʼ ghə n bəb ndòw tə̀ Yeso nə̀, “Fɔɔ u Kəzə̀ u nə bəghə zeeli.” Yeso n beeli ndòw ghə dza, “Fɔɔ u Kəzə̀ wə î bə way n jìi zey ghaa loʼ ni koʼ n mgbaŋ. 21Wù loʼ î dza dzə way nə u wey fey, nkee u wənə fa, n təŋkey fɔɔ u Kəzə̀ u loʼ n fəŋŋə kə ghaa.” 22Sey tə n dza ndòw tə dzûmə tə wi tə nə̀, “Nəŋə i bəghənu ghaa nə mbuŋənə ni koʼ fətsuʼ n tsuʼu n Waa wù sɔŋtsuʼ ghaa nə way ni ndɔm koʼ wi.” 23Ghə̂ a nə dza tə ghaa nə̀, “Tə wey fey, nkee tə wənə fa.” Kə ghaa nə dzûmənə ghɔɔmə i ghə zə. 24Təŋkey, bə i waa wù sɔŋtsuʼ i nə loʼ n mgbaŋ, tə a loʼ ighow i mualə nə n bad kə bikighow kəmɔʼ kuum ndow n bad kə loʼ key. 25Ghə i sə̂ isə i loʼ nə̀ tə nə fəʼlə dzənu n ndəmə tə aghəə, ghə̂ a num tə tən nə tuu maʼa soʼo wi. 26Tə̀ zə â loʼnə n tsuʼu n Noa, a loʼ soʼo sey i nə doʼlənə n tsuʼu n Waa wù sɔŋtsuʼ. 27N tsuʼu n tii mə, ghə̂ ghə â zəənu, məə, ney aghey ni kɔʼ kùm n tsuʼ fey Noa â nyinə nə kəfən, dzuu n luu shi bə, kuŋŋə wey maʼa tsu aghə̂ adzəm. 28A loʼ soʼo sey zə â shinə n tsuʼu n Lɔd, ghə̂ ghə a zəənu, məə, fiillə, zuu ufə, vəllə isum, bəghə təndaw. 29Ambə n tsuʼ fey Lɔd zə̀ghə̀ tsunə Sodom, vəllə wə n tsu bə n bikighow nsə bvəkə uvəllə kə, tə ghow i nə tsuulənə n tətay mə, bə ləŋi maʼa tsu aghə̂ adzəm. 30I nə bɔɔmə loʼ soʼo sey n tsuʼu n Waa wù sɔŋtsuʼ. 31N tsu fə tii fə, nə wù loʼ n tow kə ndaw, kə tə nə ndɔm tsu bənə ni bə ney kəfə n ndaw wi, ighələ ghi wù wey tə loʼnə nə usum, kə tə nə dzəŋŋə bənə ibam n ndaw. 32Moʼlə tsu na ghə zey zə â shinə ghi wey Lɔd. 33Wù wey tə dəmənə ni keyyə mû i wi nə fədlə nayyə maʼanu mû i tii zə. Wù wey tə tuu maʼanə wû u wi wə bòʼ mə, nə fədlə keeli muu zə itsali. 34N dza bə tə̀ ghaa nə̀, n tsuʼ fə tii fə, n tsuʼu tə, ghə̂ à nə nyə̀ŋ abəghə nə ukay, ghə nə ney nuu kɔʼ umɔʼ ghə naŋa səə tsu umɔʼ. 35Agheyzən abəghə nə dzəŋi gwɔɔlə səb ghə, ghə nə ney nuu kɔʼ umɔʼ, umɔʼ n doʼo səə tsu. 36Gheynum a nə loʼ nə usum abəghə, ghə nə ney nuu kɔʼ umɔʼ, ghə naŋa sə tsu umɔ. 37Dzûmə tə Yeso tə n bəb ndòw tə̀ wi nə̀, “Ghəə ghən a nə shiə ghee a Mûkəbii?” Tə dza ndòw tə̀ ghə nə̀, “Dzədzəətə zuʼu kə n luʼu key nyam kpu doʼonə tii.”
انتخاب شده:
Lukas 17: WEH
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Lukas 17
17
Ibəb, bəghəm i fə̀ŋ nsə fwaʼ kə
(Mat 18.6-7, 21-22; Mak 9.42)
1Yeso n dza ndòw tə dzûmə tə wi tə nə̀, “ghəə ghey a ghəŋənə nə ghə̂ ghə î ghəŋə ghəə a bəbə ghə, a khə ni teeli bə, ngoʼ kee loʼ tə wù wey zə î bəghənə n baa wi. 2Kùm nə̀, abə ghə tsəm kow kɔʼ kənə tay i nii zə n mwey u wù, tuŋu maʼa nyi tsu ndow wi n dzuu, tə i nam zow kədzuŋ tsəghəshi ngoʼ zey wù wən tə ghəŋənə nə winətəghə umɔʼ bwu n ghəə a bəbə ghə i zownə. 3Sey î ney na ghə̂mə zə n wû i ghaa. Abə waazu ghəŋə tsunə ghə i bəbə zə, kpaa ndòw wi, nə tə kwey kɔʼnu fəŋ ə wi, wə n neyzəə ndòw wi. 4Abə tə tsəm ghəŋŋə bəəbə kə tə wɔ kɔʼɔ kùm ndow tənəŋə təsəghəmbəghə nə fətsuʼ, bə dzəŋŋə soʼo tənəŋə təsəghəmbəghə dza, ‘Mə n kwey fə̀ŋ zuŋ’, wə khə ni teeli neyzəə wi.”
Bəghəm i fə̀ŋ
5Ngəd tə wi tə n dza nə̀, “Mûkəbii dii bə tə̀ ghey nghee ghey loʼ ni ghəŋə ni keeli bəghəm i fə̀ŋ i nii zə.” 6Tə n beeli ndòw ghə dza, “Abə ghaa khənə bəghəm i fə̀ŋ zə tə̀ a loʼ sə̂ ikuu, ghaa loʼ ni dza tə̀ kaʼ fə nîi fən nə̀, ‘zəbə nuu kɔʼ wû wə wə̀, wə̀ ndòw zəghə doʼo tsu n fəŋ ə dzùu’, fə i zow bə tə̀ ghaa.
Tsuʼ fə wù kəfwaʼ
7Ney kɔʼ na nə wù ghaa u loʼ u khə wù kəfwaʼ tə vəllənə nkee tə laalənə tə njì tə, abə tə fən bə nə̀, wə i dza ndownu tə̀ wi nə̀, ‘ndòw ney kɔʼ fəzəə wə, wə̀ zə ə?’ 8Ngaŋ! Wə̀ i fədlə dza ndow tə wi nə̀, ‘Kuu kɔʼ dzə fəzəə wùŋ wə, wə̀ faalə tsu wû wə, wə̀ ney teyyə bə fəzəə wùŋ tə n zə kɔʼ, wə̀ i sə zə u wə wə̀, nə̀ mə n zə may.’ 9Tə i fuunu zɔŋŋə kə tə wù kəfwaʼ wey n fwaʼ key tə fwaʼnə tə wi ə? 10A loʼ soʼo ighələ ghi ghaa, abə ghaa fwaʼ may tsunə fwaʼ kə ghaa kə, ghaa n dza tsu nə̀, ‘Ghey maŋ loʼ ghə̂ a kəfwaʼ, ghey mə sa fwaʼa fwaʼ kə ghey.’”
Yeso baŋŋə ghə̂ ghə ukə̀m ighəm
11Ambə Yeso ndòwnə n Yerosalem, Tə n tsəghə tɔɔlə ndòw n tii u mboʼo Samaria nsə n mboʼo Galili. 12Nghee tə nyiə ndòwnə n naʼ i loʼ zə fu, Tə n kpii ndow ghi ghə̂ ghə ukə̀m ghə ighəm. Ghə n tey n ghab kə, 13tɔŋɔ bə wi n dzə i taw zə nə̀, “Yeso! Mûkəbii! Kwɔɔlə sî zə n kow ghey!” 14Nghee tə koʼ ndòw nə ghə, tə n dza tə̀ ghə nə̀, “Ndòw dii na wû i ghaa zə tə ghə fɔɔngili.” Nghee ghə ndòwnə n jii, ghə n taw doʼo dzəŋŋə bə. 15Sey, wù umɔʼ n fəŋŋə kə ghə n nuu dzəŋŋə i bə, kaʼ ni fu nkɔʼlə tə Zə̀ kə, n dzə i taw zə. 16Tə n bə təm bə tənguʼ n tənnə Yeso, fu zɔŋə kə wi, a n loʼ nə a loʼ wù Samaria. 17Yeso n bəb tsu nə̀, “N dza ghə̂ a mə loʼ ighəm, ghə mə taw doʼo bə nə ə? A loʼ ghey a ntaandzuu kee loʼ ghee? 18A loʼ kee, a sə fəd loʼ wù kətûm tə dzəŋŋə bənə ni bə fu nkɔʼlə tə Zə̀ kə ə?” 19Yeso n dza ndòw tə̀ wi nə̀, “Nuu kɔʼ, wə nuu ndow i zə zə̀, bəghəm i fə̀ŋ zə, zə n baŋŋə wɔ.”
Nəŋŋə zey fɔɔ u Kəzə̀ wə i bəghənə tii
(Mat 24.23-28, 37-41)
20Tsuʼ fə loʼ fə, ghə̂ a tə Falasi a loʼ ghə n bəb ndòw tə̀ Yeso nə̀, “Fɔɔ u Kəzə̀ u nə bəghə zeeli.” Yeso n beeli ndòw ghə dza, “Fɔɔ u Kəzə̀ wə î bə way n jìi zey ghaa loʼ ni koʼ n mgbaŋ. 21Wù loʼ î dza dzə way nə u wey fey, nkee u wənə fa, n təŋkey fɔɔ u Kəzə̀ u loʼ n fəŋŋə kə ghaa.” 22Sey tə n dza ndòw tə dzûmə tə wi tə nə̀, “Nəŋə i bəghənu ghaa nə mbuŋənə ni koʼ fətsuʼ n tsuʼu n Waa wù sɔŋtsuʼ ghaa nə way ni ndɔm koʼ wi.” 23Ghə̂ a nə dza tə ghaa nə̀, “Tə wey fey, nkee tə wənə fa.” Kə ghaa nə dzûmənə ghɔɔmə i ghə zə. 24Təŋkey, bə i waa wù sɔŋtsuʼ i nə loʼ n mgbaŋ, tə a loʼ ighow i mualə nə n bad kə bikighow kəmɔʼ kuum ndow n bad kə loʼ key. 25Ghə i sə̂ isə i loʼ nə̀ tə nə fəʼlə dzənu n ndəmə tə aghəə, ghə̂ a num tə tən nə tuu maʼa soʼo wi. 26Tə̀ zə â loʼnə n tsuʼu n Noa, a loʼ soʼo sey i nə doʼlənə n tsuʼu n Waa wù sɔŋtsuʼ. 27N tsuʼu n tii mə, ghə̂ ghə â zəənu, məə, ney aghey ni kɔʼ kùm n tsuʼ fey Noa â nyinə nə kəfən, dzuu n luu shi bə, kuŋŋə wey maʼa tsu aghə̂ adzəm. 28A loʼ soʼo sey zə â shinə n tsuʼu n Lɔd, ghə̂ ghə a zəənu, məə, fiillə, zuu ufə, vəllə isum, bəghə təndaw. 29Ambə n tsuʼ fey Lɔd zə̀ghə̀ tsunə Sodom, vəllə wə n tsu bə n bikighow nsə bvəkə uvəllə kə, tə ghow i nə tsuulənə n tətay mə, bə ləŋi maʼa tsu aghə̂ adzəm. 30I nə bɔɔmə loʼ soʼo sey n tsuʼu n Waa wù sɔŋtsuʼ. 31N tsu fə tii fə, nə wù loʼ n tow kə ndaw, kə tə nə ndɔm tsu bənə ni bə ney kəfə n ndaw wi, ighələ ghi wù wey tə loʼnə nə usum, kə tə nə dzəŋŋə bənə ibam n ndaw. 32Moʼlə tsu na ghə zey zə â shinə ghi wey Lɔd. 33Wù wey tə dəmənə ni keyyə mû i wi nə fədlə nayyə maʼanu mû i tii zə. Wù wey tə tuu maʼanə wû u wi wə bòʼ mə, nə fədlə keeli muu zə itsali. 34N dza bə tə̀ ghaa nə̀, n tsuʼ fə tii fə, n tsuʼu tə, ghə̂ à nə nyə̀ŋ abəghə nə ukay, ghə nə ney nuu kɔʼ umɔʼ ghə naŋa səə tsu umɔʼ. 35Agheyzən abəghə nə dzəŋi gwɔɔlə səb ghə, ghə nə ney nuu kɔʼ umɔʼ, umɔʼ n doʼo səə tsu. 36Gheynum a nə loʼ nə usum abəghə, ghə nə ney nuu kɔʼ umɔʼ, ghə naŋa sə tsu umɔ. 37Dzûmə tə Yeso tə n bəb ndòw tə̀ wi nə̀, “Ghəə ghən a nə shiə ghee a Mûkəbii?” Tə dza ndòw tə̀ ghə nə̀, “Dzədzəətə zuʼu kə n luʼu key nyam kpu doʼonə tii.”
انتخاب شده:
:
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید