Lk 15
15
E ngale ntômba a nga jañ a e moné a nga jañ
(Mt 18:11-14)
1Benyoñe *toya bese a bebo *abé be nga zu Yésus bebé na be vô'ôlô nye. 2Befarizieñ a *beyeme bekalate be nga kobô menyiñ be jô'ô na: e nyôna a nyoñe bebo *abé, ba be be be ja'ak.
3Ve a nga kane be *nkana wu: 4môte *mbé ya be mia, nge a bili beyale mintômba ntet, a dimili wua, a bo te li'i ba bevo'o 99 e *nkôte si, asu ya ke tôñe nyô a ne njañan akekui a yeneya nye' 5Eyoñ a yeneya nye, a beté nye e bitule bié a meva'a mese, 6mebulane ya *nda, a loone bemvôé bé a bembôma'ane bé e *nda jé a jô be na: e mbo'one mevak, amu me yeneya ngale ntômba wom a nga jañ. 7Avale te ma jô mia de na: mevak ma ye dañe bo e yôp amu mbo *abé wua *a kôñelane nlem a dañe bezôsôô 99 be nji yi *nkôñelane nlem.
8Nge na minga *mbé, nge a bili minsañ mi moné awôm, a dimili wua, a ye bo te bo'é lambe, a nga vose *nda a tu'a jeñ, akekui a yene wô'
9Eyoñ a yeneya wô, a loone bemvôé be binga bé a e binga baa be nye be too bebé e *nda jé a jô'ô na: bia be mia e mvakan, amu me yeneya e nsañe mone me nga dimili. 10Avale te ma jô mia de na: mevak me ne asu beéngele be Zambe amu e mbo *abé wua *a kôñelane nlem.
E monafam a nga jañ
(Oz 14:1; Mi 7:7-8; 1Yo 3:1)
11A nga beta jô na: môt éziñ a nga bili bobefame bebaé. 12Nyô a nga dañe mongô a nga jô ésaa wé na: A ésaa wom, va'a ma ngabe ya akume da yiane bo éndam. A ésaa a nga kabe be akume dé. 13Tyôtyôé melu é lôteya, nyô a nga dañe mongô a nga kôan e biôme bise a nga bili a ke e si é ne ôyap e vôm a nga mane dimili afo'o dé a mboon ébamba. 14Eyoñ a maneya dimili biôme bise beta mfumbale zaé a nga kui e si éte, a a nga taté na a jembane biôme bise. 15A nga ke lat a wua ya bôte ya si éte, nye ve lôme nye e mefube mé na a ke ba'ale bengôé. 16A nga ye bi nkômbane ya di bikôla'a bidi bengôé be mbe be ja'ak, ve teke môt a mbe a va'a nye bie. 17Eyoñ a nga bulane be émien, a nga jô émiene na: bebo bisaé e be ésaa wom bañembé be bili bidi abui, a ma, e vana, ma wu amu zaé. 18Ma ye kôlô si, ma ye ke e be ésaa wom a ma ye jô nye na: a ésaa wom, me boya yôp a wo *abé, 19me nji yiane beta lobane na mone wôé; bo'o ma ane wua ya bebo bisaé bôé. 20A nga kôlô si a ke e be ésaa. A ngenan ôyap, ésaa a nga yene nye, éngôngole *nlem é nga bi nye, a nga mate ke ku nye *tyiñ, a wubane nye. 21Mon a nga jô nye na: A ésaa wom, me boya yôp a wo abé; me nji yiane beta lobane na mone wôé; bo'o ma ane wua ya bebo bisaé bôé. 22Ve ésaa a nga jô bebo bisaé bé na: Jika'a zuan ézingi ja dañ abeñ a jalé nye je; jala'ane nye élondo ônyu a besilefase mebo. 23Za'ane mone nyak a ne avoñ, a wôane nye. E nja'an a e mvakan; 24amu e mone wome nyô a nga wu, a a beteya bulan ényiñ; a nga jañ, a a yenéya. A be nga taté na ba bo mevak. 25Nde ntôle monafam ô mbe mefup. Eyoñ ô nga bulan a subu *nda bebé, a nga wô'ô mezik a *mebôk. 26A nga loone wua ya bebo bisaé a yemelane jam da lôtan. 27Mbo ésaé ate a nga jô nye na: Monyoñ a bulaneya, a amu a te beta so nye *mvo'é, ajô te ésoo a te wôé mone nyak a ne avoñ. 28Ane a nga wô'ô ôlun a a nji kômbô nyiine *nda. Esaa a nga kui atane na a nyiñeli nye *nda été. 29E nde a nga yalan ésaa na: tame yen, abui mimbu, me saane wo, me nji ve'ele bo mebendé môé melo éyoñ éziñ, ô nji ve ma mon ékela éyoñ éziñe na me vak bia bemvôé bam. 30V'éyoñe mone wôé ate a soya, e nyô a nga min akume dôé baa be binga b'ébamba, ô wôéya mone nyak a ne avoñ asu dé! 31Esaa a nga jô nye na: Wo a mone wom, bia wo bi ne éyoñ ése, a jôm ése me bili é ne énjôé; 32ve da yiane na bi vak a jem, amu monyoñ ate a nga wu a a beteya bulan ényiñ; a nga jañ, a a yenéya.
انتخاب شده:
Lk 15: BDCB
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Bible en langue Bulu © L'Alliance Biblique du Cameroun, 2007, 2015.
Lk 15
15
E ngale ntômba a nga jañ a e moné a nga jañ
(Mt 18:11-14)
1Benyoñe *toya bese a bebo *abé be nga zu Yésus bebé na be vô'ôlô nye. 2Befarizieñ a *beyeme bekalate be nga kobô menyiñ be jô'ô na: e nyôna a nyoñe bebo *abé, ba be be be ja'ak.
3Ve a nga kane be *nkana wu: 4môte *mbé ya be mia, nge a bili beyale mintômba ntet, a dimili wua, a bo te li'i ba bevo'o 99 e *nkôte si, asu ya ke tôñe nyô a ne njañan akekui a yeneya nye' 5Eyoñ a yeneya nye, a beté nye e bitule bié a meva'a mese, 6mebulane ya *nda, a loone bemvôé bé a bembôma'ane bé e *nda jé a jô be na: e mbo'one mevak, amu me yeneya ngale ntômba wom a nga jañ. 7Avale te ma jô mia de na: mevak ma ye dañe bo e yôp amu mbo *abé wua *a kôñelane nlem a dañe bezôsôô 99 be nji yi *nkôñelane nlem.
8Nge na minga *mbé, nge a bili minsañ mi moné awôm, a dimili wua, a ye bo te bo'é lambe, a nga vose *nda a tu'a jeñ, akekui a yene wô'
9Eyoñ a yeneya wô, a loone bemvôé be binga bé a e binga baa be nye be too bebé e *nda jé a jô'ô na: bia be mia e mvakan, amu me yeneya e nsañe mone me nga dimili. 10Avale te ma jô mia de na: mevak me ne asu beéngele be Zambe amu e mbo *abé wua *a kôñelane nlem.
E monafam a nga jañ
(Oz 14:1; Mi 7:7-8; 1Yo 3:1)
11A nga beta jô na: môt éziñ a nga bili bobefame bebaé. 12Nyô a nga dañe mongô a nga jô ésaa wé na: A ésaa wom, va'a ma ngabe ya akume da yiane bo éndam. A ésaa a nga kabe be akume dé. 13Tyôtyôé melu é lôteya, nyô a nga dañe mongô a nga kôan e biôme bise a nga bili a ke e si é ne ôyap e vôm a nga mane dimili afo'o dé a mboon ébamba. 14Eyoñ a maneya dimili biôme bise beta mfumbale zaé a nga kui e si éte, a a nga taté na a jembane biôme bise. 15A nga ke lat a wua ya bôte ya si éte, nye ve lôme nye e mefube mé na a ke ba'ale bengôé. 16A nga ye bi nkômbane ya di bikôla'a bidi bengôé be mbe be ja'ak, ve teke môt a mbe a va'a nye bie. 17Eyoñ a nga bulane be émien, a nga jô émiene na: bebo bisaé e be ésaa wom bañembé be bili bidi abui, a ma, e vana, ma wu amu zaé. 18Ma ye kôlô si, ma ye ke e be ésaa wom a ma ye jô nye na: a ésaa wom, me boya yôp a wo *abé, 19me nji yiane beta lobane na mone wôé; bo'o ma ane wua ya bebo bisaé bôé. 20A nga kôlô si a ke e be ésaa. A ngenan ôyap, ésaa a nga yene nye, éngôngole *nlem é nga bi nye, a nga mate ke ku nye *tyiñ, a wubane nye. 21Mon a nga jô nye na: A ésaa wom, me boya yôp a wo abé; me nji yiane beta lobane na mone wôé; bo'o ma ane wua ya bebo bisaé bôé. 22Ve ésaa a nga jô bebo bisaé bé na: Jika'a zuan ézingi ja dañ abeñ a jalé nye je; jala'ane nye élondo ônyu a besilefase mebo. 23Za'ane mone nyak a ne avoñ, a wôane nye. E nja'an a e mvakan; 24amu e mone wome nyô a nga wu, a a beteya bulan ényiñ; a nga jañ, a a yenéya. A be nga taté na ba bo mevak. 25Nde ntôle monafam ô mbe mefup. Eyoñ ô nga bulan a subu *nda bebé, a nga wô'ô mezik a *mebôk. 26A nga loone wua ya bebo bisaé a yemelane jam da lôtan. 27Mbo ésaé ate a nga jô nye na: Monyoñ a bulaneya, a amu a te beta so nye *mvo'é, ajô te ésoo a te wôé mone nyak a ne avoñ. 28Ane a nga wô'ô ôlun a a nji kômbô nyiine *nda. Esaa a nga kui atane na a nyiñeli nye *nda été. 29E nde a nga yalan ésaa na: tame yen, abui mimbu, me saane wo, me nji ve'ele bo mebendé môé melo éyoñ éziñ, ô nji ve ma mon ékela éyoñ éziñe na me vak bia bemvôé bam. 30V'éyoñe mone wôé ate a soya, e nyô a nga min akume dôé baa be binga b'ébamba, ô wôéya mone nyak a ne avoñ asu dé! 31Esaa a nga jô nye na: Wo a mone wom, bia wo bi ne éyoñ ése, a jôm ése me bili é ne énjôé; 32ve da yiane na bi vak a jem, amu monyoñ ate a nga wu a a beteya bulan ényiñ; a nga jañ, a a yenéya.
انتخاب شده:
:
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Bible en langue Bulu © L'Alliance Biblique du Cameroun, 2007, 2015.