Luc 9
9
Zezi otumi aluoni a kuumi na vuele
1Zezi okusihi aluoni a kuumi na vuele. Nde ompi bo mpari bla onkumu ma otsuura edidima ma ebi eso, na lesalaha la abieri. 2Nde otumi bo ma otooso Onkani o Ndziami, na lesalaha la abieri. 3Nde na bo ndi: «Ntini e be ledze, lekaa biriha kiila se omo ni: i bira osuumbu, i bira mpie, na biila, na adoro ni. Be i bira amfa muele ni. 4Ntini ma yamba be o ndzo mo, be leki ŋa tii ngo e be le tsiehe mpuhu dzia. 5Ntini e baari ma ali i yamba be ni, be letsiehi ma onguundu kia, lekubihi ogru a mo nyiili e be. Ntini e be lesa vua, be ledziese bo.» 6Bo ayeni ma ampuhu. Atoosi Ntsia e Mve, na lesalaha la abieri.
Erode amono onguo o mvuuru a nkuumi Zezi
7Erode Titrake#9.7 Erode Titrake ma tsuoloho se ma Erode Atipase. aki nkumu a Ngalili, oyuha maami ma ayiri, onguo osi nde. Obila maamo ndi: «Zan omi nyusuha ntsa leku». 8Akima ndi: «Eli omi ya na avuruha». Ma lembisa ndi: «Omo ntsa awobi a mbari e Ndziami a kala omi ya na avuriha.» 9Erode ndi: «Zan me ti etuma otsebe nkii, ŋa yu mvuuru okima ma wobo o nde na?» Nde aki asaha omono Zezi.
Zezi abunuŋa lemvuuru le kuna
10Antuma ayi na avuriha, aduhi Zezi maami a bo ma asi aso. Nde obiri bo, oyeni na bo la na baari, mpili onguundu o Betesayida. 11Lemvuuru leyuha vua, leluoni nde. Zezi oyambi bo, owobi na bo ma Onkani o Ndziami. Osalihi ma aki na kaama. 12Tsuhu eki eya ekolo, antuma a kuumi na vuele atsiini mpili e nde ndi: «Vuura baari ntsa ampuhu na andzo a m paani. Mpili e bo ma baha biri e tolo na biila e bo ma adza. Obila saabe leli o biri e kayi.» 13Zezi na bo ndi: «Lempa bo biila be anku.» Bo akaali ndi: «Bisi leli ŋa na mpeembe taani na antsu vuele atu. Leke we asaha mbri bisi lema suuma biila mo baari ba aso?» 14Bo aki ma buuna oto amile ataani a baari(5000). Zezi oduhi na aluoni a nde ndi: «Leduha bo aka ma antsi asa edzu. Odzu omo ekuumi e baari etaani.» 15Bo anyiimi, atsuusi baari aso ma antsi. 16Zezi oyahi mpeembe e taani na antsu a vuele. Okeesi yulu, ovuoni, ompi andosoho o yula biila, okabi, ompi na aluoni ma okabaha lemvuuru. 17Bo aso adzi, adzurihi. Abiri angara kuumi na muele, ma entiha e biila ma esiili.
Piere ndi Zezi Krisi
18Tsuhu mo Zezi avuono o paani bla aluoni a nde. Opisi bo ndi: «Lemvuuru leduha ndi me na?» 19Bo akaali ndi: «Zan Batise, maamo ndi Eli. Ma lembisa ndi owobi a mbari e Ndziami a kala, ama nyusuha.» 20Zezi opisi bo ndi: «Mo be, me na?» Piere okaali ndi: «We Krisi a Ndziami.»
21Zezi obie na bo ndi: «Leka duha dzaa dzia na mvuuru ni.» 22Nde oluusi ndi: «Ove muana Mvuuru omoni ambaba mo mini. Akuuru a ntsa ekuha, ankumu ma asi ma avuoŋi, na ayisihi ma angri madze obuma nde. Ŋa tsuhu otari nde onyusuhi.»
Osuumbu ma oluono Zezi
23Emana nde na bo aso ndi: «Mvuuru asaha oluono me, i ma tsimiha o nde anku ni, ove nde obiri lembandzi le nde, ŋa nde oluoni me. 24Ŋa mpini mvuuru asaha okiele lebihi le nde, ayele lo. Mvuuru adze oyele lebihi le nde o me, adze ovusuha lo. 25Mvuuru obaha biibi e yula ntsie eso, omana nde obiisi lebihi le nde, si kali nde oposihi lo nde anku, nde obaha oma? 26Mpini mvuuru amono okru o me, na mbari e me, Muana Mvuuru adze omono okru o nde se, o ntini e nde adze oya ntsa lekuma le nde, na le Taara, na la abaandzi ma epeende. 27Me eduha be asisiele, maamo o mpanihi e be ŋa ma aka sa kua ni yuhu bo akini omono maami ma Onkani o Ndziami ni.»
Zezi ntsa lekuma le Ndziami
28Etsuhu mfuomo eyiri e nde amani owobo, Zezi oyahi Piere, bla Zan na Zaake, okumi yula okuri na avuono. 29Ntini e nde avuonihi, olia o nde okalihi osuumbu, amfa aya kubuhu mva epeeŋi e ngari. 30O ŋa, abalaha vuele aya ma awobo bla nde. Eki Moyize bla Eli bo aki awobi a mbari e Ndziami. 31Bo awasihi. Lekuma le Ndziami lema dzenehe bo. Ma awobo na Zezi ma ekuhi e nde o Zerizaleme. 32Piere bla abuha a nde ama ntsa antolo lo mini. Bo anyusihi, amoni lekuma le Zezi, bla abalaha vuele ma aki bla nde. 33Ntini e Moyize bla Eli ma nyili Zezi, Piere na nde ndi: «Nkumu saabe ma oka ŋa yemiŋi. Letua elebe etari. Omo a we, omo a Moyize, omo Eli.» Piere aka yaa maami a nde aduuhi ni. 34Ntini e nde awobihi vua, lenguri lewuhi bo. Aluoni amoni vuoho ntini e bo ma nyuniŋi ntsa lenguri. 35Dzuuhi lewobi ntsa lenguri ndi: «Yu Muana a me ema suolo, leyuha nde!» 36Dzuuhi lemana owobo, Zezi ama ka nde otu. Aluoni akieli maami maa, bo aka duha mvuuru o ntini dzia ni.
Zezi asalaha muana ali na odidima obi
37Tsuhu etsa, bo asurihi okuri, lemvuuru leyi mpili e Zezi. 38O ntsa lemvuuru, balaha mo ewuli nkima: «E Nkumu, kolo kolo e we, lehe miisi a we o yula muana a me a balaha. Me nde muana a kia! 39Odidima kia okuari nde o ŋiŋa, nde owuli nkima, tso onyisihi nde na mpari. Awuru aya ma tsuuha nde ma onyua. Odidima kia osuesihi nde kuna, tso ma otsuuha o nde eki na onono. 40Me vuoni aluoni a we ma otsuura tso, bo aka buuna ni.»
41Zezi okaali ndi: «Be baari le eli oyalihi kali, be osiaha maami ma abi. Me edze oka bla be, na lebaha le okiini o ma be, tii ngo dzini ntini?» Zezi na balaha dzia ndi: «Ya na muana a we kuuni!» 42Ntini e muana atsiini, odidima obi obali nde o ntsie, onyisihi nde na mpari. Ŋa Zezi obie na odidima obi, osalihi muana, ovuuri na taara. 43Baari aso akimi onini o Ndziami.
Zezi avuriha oduha ndi nde adze okua
Ŋa baari aso aya ma yuusa Zezi, o maami a nde asihi. Nde na aluoni ndi: 44«Leyuha maami a me eduha be. Ma adze ompa Muana mvuuru o dziala e baari.» 45Ŋa aluoni a nde aka yuha mbari dzia ni, yo eki lempiini. Ma oduma bo ama yuha, bo amoni vuoho ma olehe nde eduhu.
Avuli abuha o mpanihi aluoni na?
46Aluoni aya ma awobo o mpanihi e bo, ma saha oyaa mvuuru avuli abuha onkumu. 47Zezi aki oyaa etsimiŋi e bo. Oyahi muana onkere, otsuusi o paani e nde. 48Nde na bo ndi: «Mvuuru ayamba muana yu, o nkuumi e me, nde ayambi me. Mvuuru se ayamba me, nde ayambi mvuuru atumi me. Obila mvuuru avuli onkere o mpanihi e be, dzua mvuuru avuli abuha onkumu.»
Mvuuru ali mbele e be kali, oli bla be
49Zan oyahi mbari ndi: «E Nkumu, bisi lemi mono mvuuru atsuura edidima ma ebi o nkuumi e we. Ŋa bisi lema saha okanaha nde, obila nde i luono we bla bisi ni.» 50Zezi okaali nde ndi: «Lekaa kanaha nde ni. Obila mvuuru ali mbele e be kali, oli bla be.»
Zezi adze Zerizaleme. Asi Samari aka yamba nde ni
51Antini aki aya ma tsiina, ma etsiehi e Zezi o yula ntsie, nde okuri eyenihi e Zerizaleme. 52Otumi baari levusu le nde. Bo ayeni, anyunihi o mpuhu asi Samari, ma oyeese edzihi e Zezi. 53Bo aka dia o yamba nde ni, obila nde ayenihi na Zerizaleme. 54Bo amono vua, aluoni ma tsuolo o Zaake bla Zan na Zezi ndi: «E Nkumu we asaha bisi leduha mbaa ewa yulu, etsuha bo?» 55Zezi okalihi mpili e bo, obie na bo. 56O ŋa bo ayeni mpuhu nkima.
Leluono le Zezi
57Ntini eki bo o ndzila, balaha mo na Zezi ndi: «Me edze oluono we, ma ebiri e we adze oyira eso.» 58Zezi okaali na nde ndi: «Ebahi na abulu ama otsa tolo, anyui a yulu na andzo. Ŋa Muana mvuuru biri owuuma kali.»
59Zezi na okima ndi: «Luono me!» Ŋa balaha dzia ekaali ndi: «E Nkumu, sa nyila me dze na dziiha taara a me.» 60Ŋa Zezi okaali ndi: «Nyila akui adziiha akui#9.60 Akui ma dziiha akui: baari ma ama kua ma oduduma. Bo oyaligi kali. Ŋa ba baari ma dziiha ebiimi. Aluoni a Zezi dzandza le tooso la onkani o Ndziami. a bo. Ŋa we, dziehe na atooso Onkani o Ndziami.»
61Okima ndi: «Me edze oluono we Nkumu, ŋa sa nyila me dze na laasa nkuono e me.» 62Zezi oduhi nde ndi: «Mvuuru yuhu akuna nguunu omana nde okuoni yo, nde mva mvuuru ali i buuna odzandza ma Onkani o Ndziami ni.»
انتخاب شده:
Luc 9: MDT
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
Luc 9
9
Zezi otumi aluoni a kuumi na vuele
1Zezi okusihi aluoni a kuumi na vuele. Nde ompi bo mpari bla onkumu ma otsuura edidima ma ebi eso, na lesalaha la abieri. 2Nde otumi bo ma otooso Onkani o Ndziami, na lesalaha la abieri. 3Nde na bo ndi: «Ntini e be ledze, lekaa biriha kiila se omo ni: i bira osuumbu, i bira mpie, na biila, na adoro ni. Be i bira amfa muele ni. 4Ntini ma yamba be o ndzo mo, be leki ŋa tii ngo e be le tsiehe mpuhu dzia. 5Ntini e baari ma ali i yamba be ni, be letsiehi ma onguundu kia, lekubihi ogru a mo nyiili e be. Ntini e be lesa vua, be ledziese bo.» 6Bo ayeni ma ampuhu. Atoosi Ntsia e Mve, na lesalaha la abieri.
Erode amono onguo o mvuuru a nkuumi Zezi
7Erode Titrake#9.7 Erode Titrake ma tsuoloho se ma Erode Atipase. aki nkumu a Ngalili, oyuha maami ma ayiri, onguo osi nde. Obila maamo ndi: «Zan omi nyusuha ntsa leku». 8Akima ndi: «Eli omi ya na avuruha». Ma lembisa ndi: «Omo ntsa awobi a mbari e Ndziami a kala omi ya na avuriha.» 9Erode ndi: «Zan me ti etuma otsebe nkii, ŋa yu mvuuru okima ma wobo o nde na?» Nde aki asaha omono Zezi.
Zezi abunuŋa lemvuuru le kuna
10Antuma ayi na avuriha, aduhi Zezi maami a bo ma asi aso. Nde obiri bo, oyeni na bo la na baari, mpili onguundu o Betesayida. 11Lemvuuru leyuha vua, leluoni nde. Zezi oyambi bo, owobi na bo ma Onkani o Ndziami. Osalihi ma aki na kaama. 12Tsuhu eki eya ekolo, antuma a kuumi na vuele atsiini mpili e nde ndi: «Vuura baari ntsa ampuhu na andzo a m paani. Mpili e bo ma baha biri e tolo na biila e bo ma adza. Obila saabe leli o biri e kayi.» 13Zezi na bo ndi: «Lempa bo biila be anku.» Bo akaali ndi: «Bisi leli ŋa na mpeembe taani na antsu vuele atu. Leke we asaha mbri bisi lema suuma biila mo baari ba aso?» 14Bo aki ma buuna oto amile ataani a baari(5000). Zezi oduhi na aluoni a nde ndi: «Leduha bo aka ma antsi asa edzu. Odzu omo ekuumi e baari etaani.» 15Bo anyiimi, atsuusi baari aso ma antsi. 16Zezi oyahi mpeembe e taani na antsu a vuele. Okeesi yulu, ovuoni, ompi andosoho o yula biila, okabi, ompi na aluoni ma okabaha lemvuuru. 17Bo aso adzi, adzurihi. Abiri angara kuumi na muele, ma entiha e biila ma esiili.
Piere ndi Zezi Krisi
18Tsuhu mo Zezi avuono o paani bla aluoni a nde. Opisi bo ndi: «Lemvuuru leduha ndi me na?» 19Bo akaali ndi: «Zan Batise, maamo ndi Eli. Ma lembisa ndi owobi a mbari e Ndziami a kala, ama nyusuha.» 20Zezi opisi bo ndi: «Mo be, me na?» Piere okaali ndi: «We Krisi a Ndziami.»
21Zezi obie na bo ndi: «Leka duha dzaa dzia na mvuuru ni.» 22Nde oluusi ndi: «Ove muana Mvuuru omoni ambaba mo mini. Akuuru a ntsa ekuha, ankumu ma asi ma avuoŋi, na ayisihi ma angri madze obuma nde. Ŋa tsuhu otari nde onyusuhi.»
Osuumbu ma oluono Zezi
23Emana nde na bo aso ndi: «Mvuuru asaha oluono me, i ma tsimiha o nde anku ni, ove nde obiri lembandzi le nde, ŋa nde oluoni me. 24Ŋa mpini mvuuru asaha okiele lebihi le nde, ayele lo. Mvuuru adze oyele lebihi le nde o me, adze ovusuha lo. 25Mvuuru obaha biibi e yula ntsie eso, omana nde obiisi lebihi le nde, si kali nde oposihi lo nde anku, nde obaha oma? 26Mpini mvuuru amono okru o me, na mbari e me, Muana Mvuuru adze omono okru o nde se, o ntini e nde adze oya ntsa lekuma le nde, na le Taara, na la abaandzi ma epeende. 27Me eduha be asisiele, maamo o mpanihi e be ŋa ma aka sa kua ni yuhu bo akini omono maami ma Onkani o Ndziami ni.»
Zezi ntsa lekuma le Ndziami
28Etsuhu mfuomo eyiri e nde amani owobo, Zezi oyahi Piere, bla Zan na Zaake, okumi yula okuri na avuono. 29Ntini e nde avuonihi, olia o nde okalihi osuumbu, amfa aya kubuhu mva epeeŋi e ngari. 30O ŋa, abalaha vuele aya ma awobo bla nde. Eki Moyize bla Eli bo aki awobi a mbari e Ndziami. 31Bo awasihi. Lekuma le Ndziami lema dzenehe bo. Ma awobo na Zezi ma ekuhi e nde o Zerizaleme. 32Piere bla abuha a nde ama ntsa antolo lo mini. Bo anyusihi, amoni lekuma le Zezi, bla abalaha vuele ma aki bla nde. 33Ntini e Moyize bla Eli ma nyili Zezi, Piere na nde ndi: «Nkumu saabe ma oka ŋa yemiŋi. Letua elebe etari. Omo a we, omo a Moyize, omo Eli.» Piere aka yaa maami a nde aduuhi ni. 34Ntini e nde awobihi vua, lenguri lewuhi bo. Aluoni amoni vuoho ntini e bo ma nyuniŋi ntsa lenguri. 35Dzuuhi lewobi ntsa lenguri ndi: «Yu Muana a me ema suolo, leyuha nde!» 36Dzuuhi lemana owobo, Zezi ama ka nde otu. Aluoni akieli maami maa, bo aka duha mvuuru o ntini dzia ni.
Zezi asalaha muana ali na odidima obi
37Tsuhu etsa, bo asurihi okuri, lemvuuru leyi mpili e Zezi. 38O ntsa lemvuuru, balaha mo ewuli nkima: «E Nkumu, kolo kolo e we, lehe miisi a we o yula muana a me a balaha. Me nde muana a kia! 39Odidima kia okuari nde o ŋiŋa, nde owuli nkima, tso onyisihi nde na mpari. Awuru aya ma tsuuha nde ma onyua. Odidima kia osuesihi nde kuna, tso ma otsuuha o nde eki na onono. 40Me vuoni aluoni a we ma otsuura tso, bo aka buuna ni.»
41Zezi okaali ndi: «Be baari le eli oyalihi kali, be osiaha maami ma abi. Me edze oka bla be, na lebaha le okiini o ma be, tii ngo dzini ntini?» Zezi na balaha dzia ndi: «Ya na muana a we kuuni!» 42Ntini e muana atsiini, odidima obi obali nde o ntsie, onyisihi nde na mpari. Ŋa Zezi obie na odidima obi, osalihi muana, ovuuri na taara. 43Baari aso akimi onini o Ndziami.
Zezi avuriha oduha ndi nde adze okua
Ŋa baari aso aya ma yuusa Zezi, o maami a nde asihi. Nde na aluoni ndi: 44«Leyuha maami a me eduha be. Ma adze ompa Muana mvuuru o dziala e baari.» 45Ŋa aluoni a nde aka yuha mbari dzia ni, yo eki lempiini. Ma oduma bo ama yuha, bo amoni vuoho ma olehe nde eduhu.
Avuli abuha o mpanihi aluoni na?
46Aluoni aya ma awobo o mpanihi e bo, ma saha oyaa mvuuru avuli abuha onkumu. 47Zezi aki oyaa etsimiŋi e bo. Oyahi muana onkere, otsuusi o paani e nde. 48Nde na bo ndi: «Mvuuru ayamba muana yu, o nkuumi e me, nde ayambi me. Mvuuru se ayamba me, nde ayambi mvuuru atumi me. Obila mvuuru avuli onkere o mpanihi e be, dzua mvuuru avuli abuha onkumu.»
Mvuuru ali mbele e be kali, oli bla be
49Zan oyahi mbari ndi: «E Nkumu, bisi lemi mono mvuuru atsuura edidima ma ebi o nkuumi e we. Ŋa bisi lema saha okanaha nde, obila nde i luono we bla bisi ni.» 50Zezi okaali nde ndi: «Lekaa kanaha nde ni. Obila mvuuru ali mbele e be kali, oli bla be.»
Zezi adze Zerizaleme. Asi Samari aka yamba nde ni
51Antini aki aya ma tsiina, ma etsiehi e Zezi o yula ntsie, nde okuri eyenihi e Zerizaleme. 52Otumi baari levusu le nde. Bo ayeni, anyunihi o mpuhu asi Samari, ma oyeese edzihi e Zezi. 53Bo aka dia o yamba nde ni, obila nde ayenihi na Zerizaleme. 54Bo amono vua, aluoni ma tsuolo o Zaake bla Zan na Zezi ndi: «E Nkumu we asaha bisi leduha mbaa ewa yulu, etsuha bo?» 55Zezi okalihi mpili e bo, obie na bo. 56O ŋa bo ayeni mpuhu nkima.
Leluono le Zezi
57Ntini eki bo o ndzila, balaha mo na Zezi ndi: «Me edze oluono we, ma ebiri e we adze oyira eso.» 58Zezi okaali na nde ndi: «Ebahi na abulu ama otsa tolo, anyui a yulu na andzo. Ŋa Muana mvuuru biri owuuma kali.»
59Zezi na okima ndi: «Luono me!» Ŋa balaha dzia ekaali ndi: «E Nkumu, sa nyila me dze na dziiha taara a me.» 60Ŋa Zezi okaali ndi: «Nyila akui adziiha akui#9.60 Akui ma dziiha akui: baari ma ama kua ma oduduma. Bo oyaligi kali. Ŋa ba baari ma dziiha ebiimi. Aluoni a Zezi dzandza le tooso la onkani o Ndziami. a bo. Ŋa we, dziehe na atooso Onkani o Ndziami.»
61Okima ndi: «Me edze oluono we Nkumu, ŋa sa nyila me dze na laasa nkuono e me.» 62Zezi oduhi nde ndi: «Mvuuru yuhu akuna nguunu omana nde okuoni yo, nde mva mvuuru ali i buuna odzandza ma Onkani o Ndziami ni.»
انتخاب شده:
:
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES