Luke 7
7
Inpamapteng Jesus I Bagaen Na Kapitan
(Matthew 8:5-13)
1Idi kincheng Jesus a kigwan ton emiin ira man cha tothoo, kimowan cha Capernaum. 2Et gwared man i sa-kin kapitan na Romano a sosolcharo. Sema kapitan, gwariy bagaen ton napiyategan to. Mansekit iwa bagaen to et chanchanin metiy. 3Idi chimag na kapitan i mimothok si Jesus, into-no tho iriy iyangkaama na Hodjos a ibagaan ches Jesus no onkowan alin pemapteng toy bagaen to. 4Et kimowan ira ma iyangkaamed kad-an Jesus, et iyanpakpakaasi iren engowan i “Pangpangaasim, iyaykari ma kapitan na tolong mo. 5Tep ensemek to kiyen Hodjos et inpategwen toy synagog tayo.” 6Et ekiolop si Jesus cha si-kara.
Idi man-eesop ires Jesus cha baliy na kapitan, into-no na kapitan iriy echom a kajem ton mengaspol Jesus. Et kigwan ched Jesus a kigwan na kapitan i “Afo, enog i bindiy i angel mo tep nat maykariak a onsekep ked baliy ko. 7Isonga, kabaingak a onkowan chitha kad-an mo. Nem ibilin mo bengat tep on-anay i esel mon mengipamapteng na bagaen ko. 8Tep amtak i maypangkep na karebengan tep si-kak, gwariy ekayang a naiyanbili-bilin cha si-kak, tan gwara ngoy sosolcharon nabinili-bilin ko. No konen kod sa-ki i ‘Taha wed man,’ onkowan ma. Et no konen ko pay cha sa-ki i ‘Gomali,’ onkowan ali. Et no konen ko pay cha bagaen ko i ‘Amag mo jay,’ a-magen to.” 9Idi inki-ngelan Jesus iwan, iyasdaaw, et singab toy tothoon kaono-onod cha si-kathon kigwan to i “Konen kod si-kayo i angken chiya Israel, nagwariy sipol kon Hodjon gwariy pamati thon inges niya nat Hodjo.” 10Et sema iren iyangkaama na Hodjos a into-no na kapitan, idi imoli ired baliy to, inpaamta ra i mimapteng miy bagaen.
Inpanpawil Jesus I Anak Na Ebalo
11Idi epalabas miy piyen akow, kimowan si Jesus cha siyodad a nakigwan cha i Nain. Ekiolop iriy disipolos tod si-katho, pati chakel a tothoo. 12Idi man-eesop ired sakepan na siyodad, iyaspol cha iriy toon iyangkedafod man. Mansaksakbat ira na dahin etiy say ibeka ra. Sema etiy, si-kathoy sa-sa-kin anak na biin ebalo. Et chakel pay ngoy iriy toon iyangkedafod ma siyodad a iyodo-odop cha. 13Idi miten Jesus iwa bii, kiyaasian to, et kigwan to i “Kosto, enog i nangis.” 14Et imesop si Jesus a kiyapkap toy imoligan na etiy et simalcheng ira ma enakbat niwan. Et kigwan Jesus chiwa etiy i “Balodahi, konen kod si-kam i ‘Bangon ka.’ ” 15Et bimangon a chakos iwa etiy et imesel. Et kigwan Jesus chiwa bii i “Ajay i anak mo.” 16Sema emiin a tothood man, timahot iren pasiya, et chijaw ches Afo Chiyos a kigwan cha i “Iyanparang i ekayang a profited si-kathayo!” Et kigwan cha pay i “Kimowan alis Afo Chiyos a menolong na tothoo to!” 17Et sema imag Jesus, iyaychama-chamag cha intiron Judea tan emiin a doga-dogad a iyandikmot chiwan.
Sema Salodsod John A Naemonjag Tan Sema Songbat Jesus
(Matthew 11:2-19)
18Sema iren disipolos John a Naemonjag, kigwan ched si-katho i maypangkep na emiin a ima-imag Jesus. Isonga, ena-gway si John na chegwen disipolos to, 19et into-no tho iren mengibagen Jesus i “Si-kam iwa inkarin Afo Chiyos a onkowan ali ono gwariy echom a seskeren mi?” 20Idi mimothok ired kad-an Jesus, kigwan cha i “Into-no tho kawin John a Naemonjag a mengibaga i ‘Si-kam iwa inkarin Afo Chiyos a onkowan ali, ono gwariy echom a seskeren mi?’ ” 21Nontan a timpon mimothok ira ma disipolos, niyan-ipamapteng Jesus ira ma chakel a toon mansekit a ekila-kilasin sahit, towan ipabtik iriy dimonyos, tan towan ekaliy korab na iyangkekorab. 22Et insongbat Jesus i “Oli kayon kowan jod John iwa mita yo tan inki-ngelan jo. Kowan jod si-katho i sema iren iyangkekorab, mahasi-neng ira, tan sema iren iyangkepilay, mahaahad ira; sema iren paladoy kolid cha, mimapteng ira, tan sema iren iyangketoleng, mahaki-ngel ira; sema iren iyangketiy, iyanpawil ira, tan sema mapteng a chamag, naiyaykaskasabed iyangkebitheg. 23Kowan jo pay cha si-katho i magesat i toon nagwariy chegwa-chegwa tho maypangkep cha si-kak.”
Sema Kigwan Jesus Maypangkep John A Naemonjag
24Idi bimetik ma ira ma disipolos John a Naemonjag, inchogin Jesus a mengowan cha tothoo maypangkep John. Kigwan to i “Nontan a inkowan jod kad-an John chiwa dogad a nagwariy toon naiyan-iya-iyan, nengoy piyan jon si-nengen? Sema toon manchegwa-chegwen inges toy bila-jon nagwimedgwedgwed cha chahem? Enchi emo. 25Siyay piyan jon si-nengen nonta kimowan kayod man? Sema toon naiyanbaro na ekanas? Enchi. Tep sema naiyanbaro na ekanas tan siged i panbiyag to, naiyan-iyan ired baliy na ari. 26Siya ngarod i piyan jon si-nengen nonta kimowan kayod man? Sema profita? Ahow, nem konen kod si-kayo i sema sini-neng jo, ekayang iy say profita. 27Tep si John a Naemonjag, si-katho ma engibanagan cha iyaysolat cha esel Afo Chiyos a kigwan to i ‘Mengidagwasak na toon mengisagana na chedanen mo.’ ” 28Et intoloy men Jesus a engowan i “Konen kod si-kayo i nagwariy toon iyay-anak chiya dobong a ekayang iy say si John a Naemonjag, nem sema kababaan ngod pantorayan Afo Chiyos, ekayang iy say si John.” 29Emiin a tothoo tan sema iren para singil na binis, inki-ngelan chiy nakigwan Jesus. Tep napiyati ra i kostoy bili-bilin Afo Chiyos, et iyanpabonjag ired John. 30Nem sema iren Pharisees tan sema iren mamaistoro na dinteg, eg ira iyanpabonjag cha John tep nat piyan chiy planon Afo Chiyos cha si-kara.
31Et kigwan pay Jesus i “Sema too niman, nengoy kay-arigan cha? Ngoy iyay-ingesan cha? 32Inges to ira ma aanak a ketinokkong cha plasen kainamayon nagwariy kepnekan cha. Tep iyankinowan ira i ‘Naiyanmosiko kawi para cha si-kayo, nem eg jo piyan a mansada. Naiyankansiyon kawi na kansiyon na para cha aremag para cha si-kayo, nem eg jo piyan a onngogngog.’ 33Tep kimowan alis John a Naemonjag a naiyan-ayonar a eg naenginom na adak et nakigwan jo i ‘Iya-janan na dimonyos!’ 34Si-kak ngon Anak na Too, kimowanak alin naekidihobak tan naekiinomak cha si-kayo et nakigwan jo i ‘Si-neng jo ma too! Mahibel tan mabotheng, kajem na toon para singil na binis tan mabesol a too!’ 35Nem angken setan i konen jo, sema daing Afo Chiyos, mesi-neng cha naimag iren ma engawat.”
Piyakawanan Jesus I Mabesol A Bii
36Gwariy sa-kin Pharisee a si Simon i ngaran ton enginbitar Jesus a mekidihob cha baliy to. Isonga kimowan si Jesus chiwan et ekidihob cha si-kara. 37Gwara ngoy biid ma siyodad a chakel i basol to. Idi inki-ngelan to i ekidihob si Jesus chiwa baliy na Pharisee, kimowan chiwan a engitahin na pirongkon aamag na alabastar a iyapno na palit a danen manbangdo. 38Et kimowan iwa bii et imakgwat cha sekian Jesus a mannanangis ingkathod iyalpek miy seki tho na saya tho. Et piyonasan toy sekin Jesus na bowek to tan iyongoan to, et inso-jat to ma manbangdon daned seki tho. 39Sema Pharisee a enginbitar Jesus, idi sini-neng to i niyan-amagen ma bii, kigwan tod nemnem to i “No agpayson profites Jesus, amta tho koma no ngoy kasasaad niwa biin mankapkapkap cha seki tho. Amta tho koma i mabesol iwa bii.” 40Et kigwan Jesus chiwa Pharisee i “Simon, gwariy konen kod si-kam.” Insongbat Simon i “Nganiwan, Maistoro?”
41Et kigwan Jesus i “Gwariy chegwen toon gwariy othang ched ma sa-kin naengibolod na pilak. Sema sa-kin too, dimen dasos a denariiy othang to, tan sema sa-ki ngo, dimen polo. 42Nem nagwariy kebedinan na chegwen emolod a manbejad na othang cha, isonga in-olay na naengibolod iwa othang niwa chegwa. Et kowan mo pangod si-kak no siya iren ma chegwen emolod i mas banay i semek tod naengibolod na pilak cha si-kara?”
43Et insongbat Simon i “Sema emon sa-kin mas banay i othang to.” Et kigwan Jesus i “Kostoy songbat mo.”
44Et gwimingis Jesus chiwa biin kigwan tod Simon i “Mowan si-nenga ja bii? Simekepak chiya baliy mo, nem eg moak in-i-kanan na chanom a panchaychay ko. Nem seja bii, chiyaychayan toy sekik na saya tho, et piyonasan to na bowek to. 45Et eg moak iyongoan nonta iyaspol moak, nem seja bii, iyongo-ongoan toy sekik manipod inmothok ko ingkathod niman. 46Eg mo siyo-jathan i toktok ko na danen panchejaw mod si-kak, nem seja bii, siyo-jathan toy sekik na danen manbangdo. 47Isonga, konen kod si-kam i sema banay a semek a inbiybiy to, si-kathoy engipaamta i epakawanan i chakel a basol to. Nem sema toon otik i basol ton epakawanan, otik ngoy semek tod Afo Chiyos.” 48Et kigwan Jesus cha bii “Epakawanan iriy basol mo.” 49Sema iren echom a gwared Jesus, chiyan nemnemnema i “Siya jay a toon angken basol, napiyakawanan to?” 50Et kigwan Jesus cha bii i “Kagol na pamatim cha si-kak, iyaysalakan ka wa. Taha wa betik et gwariy talned nemnem mo.”
انتخاب شده:
Luke 7: KAR
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2023 Wycliffe Bible Translators, Inc. All rights reserved.
Luke 7
7
Inpamapteng Jesus I Bagaen Na Kapitan
(Matthew 8:5-13)
1Idi kincheng Jesus a kigwan ton emiin ira man cha tothoo, kimowan cha Capernaum. 2Et gwared man i sa-kin kapitan na Romano a sosolcharo. Sema kapitan, gwariy bagaen ton napiyategan to. Mansekit iwa bagaen to et chanchanin metiy. 3Idi chimag na kapitan i mimothok si Jesus, into-no tho iriy iyangkaama na Hodjos a ibagaan ches Jesus no onkowan alin pemapteng toy bagaen to. 4Et kimowan ira ma iyangkaamed kad-an Jesus, et iyanpakpakaasi iren engowan i “Pangpangaasim, iyaykari ma kapitan na tolong mo. 5Tep ensemek to kiyen Hodjos et inpategwen toy synagog tayo.” 6Et ekiolop si Jesus cha si-kara.
Idi man-eesop ires Jesus cha baliy na kapitan, into-no na kapitan iriy echom a kajem ton mengaspol Jesus. Et kigwan ched Jesus a kigwan na kapitan i “Afo, enog i bindiy i angel mo tep nat maykariak a onsekep ked baliy ko. 7Isonga, kabaingak a onkowan chitha kad-an mo. Nem ibilin mo bengat tep on-anay i esel mon mengipamapteng na bagaen ko. 8Tep amtak i maypangkep na karebengan tep si-kak, gwariy ekayang a naiyanbili-bilin cha si-kak, tan gwara ngoy sosolcharon nabinili-bilin ko. No konen kod sa-ki i ‘Taha wed man,’ onkowan ma. Et no konen ko pay cha sa-ki i ‘Gomali,’ onkowan ali. Et no konen ko pay cha bagaen ko i ‘Amag mo jay,’ a-magen to.” 9Idi inki-ngelan Jesus iwan, iyasdaaw, et singab toy tothoon kaono-onod cha si-kathon kigwan to i “Konen kod si-kayo i angken chiya Israel, nagwariy sipol kon Hodjon gwariy pamati thon inges niya nat Hodjo.” 10Et sema iren iyangkaama na Hodjos a into-no na kapitan, idi imoli ired baliy to, inpaamta ra i mimapteng miy bagaen.
Inpanpawil Jesus I Anak Na Ebalo
11Idi epalabas miy piyen akow, kimowan si Jesus cha siyodad a nakigwan cha i Nain. Ekiolop iriy disipolos tod si-katho, pati chakel a tothoo. 12Idi man-eesop ired sakepan na siyodad, iyaspol cha iriy toon iyangkedafod man. Mansaksakbat ira na dahin etiy say ibeka ra. Sema etiy, si-kathoy sa-sa-kin anak na biin ebalo. Et chakel pay ngoy iriy toon iyangkedafod ma siyodad a iyodo-odop cha. 13Idi miten Jesus iwa bii, kiyaasian to, et kigwan to i “Kosto, enog i nangis.” 14Et imesop si Jesus a kiyapkap toy imoligan na etiy et simalcheng ira ma enakbat niwan. Et kigwan Jesus chiwa etiy i “Balodahi, konen kod si-kam i ‘Bangon ka.’ ” 15Et bimangon a chakos iwa etiy et imesel. Et kigwan Jesus chiwa bii i “Ajay i anak mo.” 16Sema emiin a tothood man, timahot iren pasiya, et chijaw ches Afo Chiyos a kigwan cha i “Iyanparang i ekayang a profited si-kathayo!” Et kigwan cha pay i “Kimowan alis Afo Chiyos a menolong na tothoo to!” 17Et sema imag Jesus, iyaychama-chamag cha intiron Judea tan emiin a doga-dogad a iyandikmot chiwan.
Sema Salodsod John A Naemonjag Tan Sema Songbat Jesus
(Matthew 11:2-19)
18Sema iren disipolos John a Naemonjag, kigwan ched si-katho i maypangkep na emiin a ima-imag Jesus. Isonga, ena-gway si John na chegwen disipolos to, 19et into-no tho iren mengibagen Jesus i “Si-kam iwa inkarin Afo Chiyos a onkowan ali ono gwariy echom a seskeren mi?” 20Idi mimothok ired kad-an Jesus, kigwan cha i “Into-no tho kawin John a Naemonjag a mengibaga i ‘Si-kam iwa inkarin Afo Chiyos a onkowan ali, ono gwariy echom a seskeren mi?’ ” 21Nontan a timpon mimothok ira ma disipolos, niyan-ipamapteng Jesus ira ma chakel a toon mansekit a ekila-kilasin sahit, towan ipabtik iriy dimonyos, tan towan ekaliy korab na iyangkekorab. 22Et insongbat Jesus i “Oli kayon kowan jod John iwa mita yo tan inki-ngelan jo. Kowan jod si-katho i sema iren iyangkekorab, mahasi-neng ira, tan sema iren iyangkepilay, mahaahad ira; sema iren paladoy kolid cha, mimapteng ira, tan sema iren iyangketoleng, mahaki-ngel ira; sema iren iyangketiy, iyanpawil ira, tan sema mapteng a chamag, naiyaykaskasabed iyangkebitheg. 23Kowan jo pay cha si-katho i magesat i toon nagwariy chegwa-chegwa tho maypangkep cha si-kak.”
Sema Kigwan Jesus Maypangkep John A Naemonjag
24Idi bimetik ma ira ma disipolos John a Naemonjag, inchogin Jesus a mengowan cha tothoo maypangkep John. Kigwan to i “Nontan a inkowan jod kad-an John chiwa dogad a nagwariy toon naiyan-iya-iyan, nengoy piyan jon si-nengen? Sema toon manchegwa-chegwen inges toy bila-jon nagwimedgwedgwed cha chahem? Enchi emo. 25Siyay piyan jon si-nengen nonta kimowan kayod man? Sema toon naiyanbaro na ekanas? Enchi. Tep sema naiyanbaro na ekanas tan siged i panbiyag to, naiyan-iyan ired baliy na ari. 26Siya ngarod i piyan jon si-nengen nonta kimowan kayod man? Sema profita? Ahow, nem konen kod si-kayo i sema sini-neng jo, ekayang iy say profita. 27Tep si John a Naemonjag, si-katho ma engibanagan cha iyaysolat cha esel Afo Chiyos a kigwan to i ‘Mengidagwasak na toon mengisagana na chedanen mo.’ ” 28Et intoloy men Jesus a engowan i “Konen kod si-kayo i nagwariy toon iyay-anak chiya dobong a ekayang iy say si John a Naemonjag, nem sema kababaan ngod pantorayan Afo Chiyos, ekayang iy say si John.” 29Emiin a tothoo tan sema iren para singil na binis, inki-ngelan chiy nakigwan Jesus. Tep napiyati ra i kostoy bili-bilin Afo Chiyos, et iyanpabonjag ired John. 30Nem sema iren Pharisees tan sema iren mamaistoro na dinteg, eg ira iyanpabonjag cha John tep nat piyan chiy planon Afo Chiyos cha si-kara.
31Et kigwan pay Jesus i “Sema too niman, nengoy kay-arigan cha? Ngoy iyay-ingesan cha? 32Inges to ira ma aanak a ketinokkong cha plasen kainamayon nagwariy kepnekan cha. Tep iyankinowan ira i ‘Naiyanmosiko kawi para cha si-kayo, nem eg jo piyan a mansada. Naiyankansiyon kawi na kansiyon na para cha aremag para cha si-kayo, nem eg jo piyan a onngogngog.’ 33Tep kimowan alis John a Naemonjag a naiyan-ayonar a eg naenginom na adak et nakigwan jo i ‘Iya-janan na dimonyos!’ 34Si-kak ngon Anak na Too, kimowanak alin naekidihobak tan naekiinomak cha si-kayo et nakigwan jo i ‘Si-neng jo ma too! Mahibel tan mabotheng, kajem na toon para singil na binis tan mabesol a too!’ 35Nem angken setan i konen jo, sema daing Afo Chiyos, mesi-neng cha naimag iren ma engawat.”
Piyakawanan Jesus I Mabesol A Bii
36Gwariy sa-kin Pharisee a si Simon i ngaran ton enginbitar Jesus a mekidihob cha baliy to. Isonga kimowan si Jesus chiwan et ekidihob cha si-kara. 37Gwara ngoy biid ma siyodad a chakel i basol to. Idi inki-ngelan to i ekidihob si Jesus chiwa baliy na Pharisee, kimowan chiwan a engitahin na pirongkon aamag na alabastar a iyapno na palit a danen manbangdo. 38Et kimowan iwa bii et imakgwat cha sekian Jesus a mannanangis ingkathod iyalpek miy seki tho na saya tho. Et piyonasan toy sekin Jesus na bowek to tan iyongoan to, et inso-jat to ma manbangdon daned seki tho. 39Sema Pharisee a enginbitar Jesus, idi sini-neng to i niyan-amagen ma bii, kigwan tod nemnem to i “No agpayson profites Jesus, amta tho koma no ngoy kasasaad niwa biin mankapkapkap cha seki tho. Amta tho koma i mabesol iwa bii.” 40Et kigwan Jesus chiwa Pharisee i “Simon, gwariy konen kod si-kam.” Insongbat Simon i “Nganiwan, Maistoro?”
41Et kigwan Jesus i “Gwariy chegwen toon gwariy othang ched ma sa-kin naengibolod na pilak. Sema sa-kin too, dimen dasos a denariiy othang to, tan sema sa-ki ngo, dimen polo. 42Nem nagwariy kebedinan na chegwen emolod a manbejad na othang cha, isonga in-olay na naengibolod iwa othang niwa chegwa. Et kowan mo pangod si-kak no siya iren ma chegwen emolod i mas banay i semek tod naengibolod na pilak cha si-kara?”
43Et insongbat Simon i “Sema emon sa-kin mas banay i othang to.” Et kigwan Jesus i “Kostoy songbat mo.”
44Et gwimingis Jesus chiwa biin kigwan tod Simon i “Mowan si-nenga ja bii? Simekepak chiya baliy mo, nem eg moak in-i-kanan na chanom a panchaychay ko. Nem seja bii, chiyaychayan toy sekik na saya tho, et piyonasan to na bowek to. 45Et eg moak iyongoan nonta iyaspol moak, nem seja bii, iyongo-ongoan toy sekik manipod inmothok ko ingkathod niman. 46Eg mo siyo-jathan i toktok ko na danen panchejaw mod si-kak, nem seja bii, siyo-jathan toy sekik na danen manbangdo. 47Isonga, konen kod si-kam i sema banay a semek a inbiybiy to, si-kathoy engipaamta i epakawanan i chakel a basol to. Nem sema toon otik i basol ton epakawanan, otik ngoy semek tod Afo Chiyos.” 48Et kigwan Jesus cha bii “Epakawanan iriy basol mo.” 49Sema iren echom a gwared Jesus, chiyan nemnemnema i “Siya jay a toon angken basol, napiyakawanan to?” 50Et kigwan Jesus cha bii i “Kagol na pamatim cha si-kak, iyaysalakan ka wa. Taha wa betik et gwariy talned nemnem mo.”
انتخاب شده:
:
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2023 Wycliffe Bible Translators, Inc. All rights reserved.