Luk 18
18
A Iesu isran v'nen ivrur tvtanu iamk ikra sei
1Laha, isran v'nen asnr kav'iv'en a ti m'ertu apavtu tamat nakl pr, amavrn np'r ani. 2Kavr ti a, “Arna v'anu kinkin iamk, dui iamk iv'ana nakl arna kut ilak. Hin iadedrn an Atua, iav'ah m'ertu. 3Tvtanu iamk ilak arna v'anu lera kadama asnn nakl kavr ti a, ‘Pamhmah a kana asn m'ertu imlen kana.’ 4Iter ip'arei dav'a iarn ti ipamhmah ani, sarei iv'hv'ahuri a nln kavr ti a, ‘Kana nadedrn an Atua, nav'ah m'ertu. 5V'eti tvtanu lera itp' kana iel, sena si lera p'emhmah ani. Imahei ti ipama dav'a dav'a ti p'ern np'k ani ipastudau.’ ”
6Laha, a Mlinad ivr ti a, “Pavv'rn a v'nena mlin stu lera. 7?Kvv'ah ti Atua ikamhmah a m'ertuan itv'li sarar, la avv'ara ani ren m'a lihat ha? Atua nln ip'arei asnr m'ertuan. 8Nvr a kam'i, ipamhmah anr ipalahml. ?V'eti naran Kana, nv'i Net M'ertu, p'ama, kvv'ah ti p'epasla m'ertu ipav'ah Kana arna nadep'?”
A Iesu isran v'nen ivrur Varisi m'a dui ma takis
9Isran v'nen laha asnr m'ertu kinkin avv'ah ti hir avviviln kavsip'len m'ertu uraur. 10“Dui arru arv'a eia al nmah tamat a ti apartu tamat, tv'aln iv'i Varisi, tv'aln iv'i dui na takis. 11Varisi lera ip'tir katu tamat arna nln kavr ti a, ‘Atua, nvr ip'as anh sena ti kana nanep'a m'ertu uraur, avv'i m'ertu na v'nv'nahien, kavluvn a v'nen hua, kavv'nah tav'et. Aau, nanep'a dui na takis laha. 12Kana nln tim'ah iv'aru nakl arna uik udlani. Arna si udlani niak ani, snal nen iv'i nkam.’ 13V'eti dui na takis lahara ilak v'iv'a kamamih a ti ipap'a nut eia, v'eti kaiaul kusa mrn kavr ti a, ‘Atua, parn istu a kana, nv'i m'ertu stu.’ 14#Mat 23:12; Luk 14:11.Nvr a kam'i, aulera ihau kaviviln arna nahn Atua, v'eti tv'aln ihei. Sena ti m'ertu ien hin a ti nahan ipav'a eia, nahan ipav'a a nadep', v'eti m'ertu iani ti nahan ipav'a a nadep', hin nahan ipav'a eia.”
A Iesu imhmah anr mardel papa
(Matiu 19:13-15; Mak 10:13-16)
15Laha, avuirma mardel papa asnn a ti ipaiarr, v'eti naran arm'ertuan avla si lera, avv'ana hua m'er. 16V'eti a Iesu iv'ara anr a ti apavrama asnn kavr ti a, “Pavm'ahu a ti mardel papa apavrama asnk, mavvrkarr, sena ti v'anuan Atua iv'i nkar m'ertu avnap'ar. 17Nvrdaui, nvr a kam'i, ipavr ti m'ertu ialev' v'anuan Atua kanep'a mardel pa, ikahv'a arna v'anuan Atua naran kinkin.”
Mlin iamk sian istudau ima asn a Iesu
(Matiu 19:16-22; Mak 10:17-22)
18Mlin iamk imiman ani, kavr ti a, “?Tisa P'as, p'en v'ata a ti p'elev' silv'ien ikahiris naran?”
19A Iesu ivrprani, kavr ti a, “Inap'i hin kvr ti Kana np'as? M'ertu kinkin iahamk ip'as, v'eti Atua iamk uaki. 20#Avruh 20:14; TVH 5:18; Avruh 20:13; TVH 5:17; Avruh 20:15; TVH 5:19; Avruh 20:16; TVH 5:20; Avruh 20:12; TVH 5:16.Nakm krndu v'nen hua ivr ti a, ‘Mav'nah tav'et, Marpep'n m'ertu, Mav'nah sei, Mahap'il m'a tv'alm, Pani ti nahar a tetiam m'ei a uniam ipav'a eia.’ ”
21V'eti ivr ti a, “Kana nsapa v'nen hua udlani lera naran nsusupa dav'a ier dika.”
22Naran a Iesu irn si lera, ivr ani, kavr ti a, “Si iamk idater uam. Pulul a siam udlani katutau a m'ertu siar ihei, laha siam ipastudau arna nut eia. Sarei, pama kasapa Kana.”
23Naran irn v'nen lera, irn istu ihuadau, sena ti sian istudau.
Atua irndu ti ipan si udlani
24A Iesu ila ti irn istu ihuadau kavr ti a, “Ihua ihuadau a ti m'ertu sian istudau ipav'a arna v'anuan Atua. 25Ihua a ti kam'el ipav'a al pt nitil, v'eti ihua mau a ti m'ertu sian istudau ipav'a arna v'anu eia.”
26Laha, m'ertu la avrn si lera ha, avvr ti a, “?Ipavr ti inap'i lera, ak iviviln a ti Atua ipalev'lei?”
27Laha, ivr ti a, “Sei m'ertu ahavrndu ti apavani, Atua irndu ti ipani.”
28Laha, a P'ita ivr ti a, “Palei, kam'em' ntvln sera si udlani kavsapah.”
29Ivr anr kavr ti a, “Nvrdaui, nvr a kam'i, m'ertu udlani la avln nmahar, v'aha a tetiar m'ei a uniar, v'aha tv'alr, v'aha a naur, v'aha a natr ha, sena v'anuan Atua, 30Atua ipatum'alet si lera udlani anr ml ipasiv'i ipastudau arna silv'ienar laha, sarei, arna naran ipatauatah, ipatu silv'ien anr ikahiris naran.”
A Iesu ivri ml, iv'i v'atl nen, kavr ti ipathal ml arna m'ienen
(Matiu 20:17-19; Mak 10:32-34)
31Laha, Hin ilev' m'ertuan arnal lman iru (12) avrama asnn, kavr anr kavr ti a, “Pavrni, p'vrav'a a Serusalem. Hilaha si udlani la pruvet atvulul sarei ani ha kavvrur Kana, nv'i Net M'ertu ha, ipama katu hin. 32Sena ti apavtu Kana arna lm'ar v'anudl. Hir apavsip'len Kana kavanp'ilen Kana kavirei aranak. 33Kavrp Kana a nahau kavrpep'n Kana, sarei ti p'ethal ml arna m'ien.”
34V'eti arm'ertuan ahavrndu si ki ivri, inep'a ti iv'i v'nen tutuah uaki asnr. Ahavrndu v'nen la ivr anr ra.
M'etapar iamk iledu sei ml
(Matiu 20:29-34; Mak 10:46-52)
35Iv'el dav'a kamima asn nut a Seriku. Laha, m'etapar iamk ilak arna tv'eliel na navanel kamiman sei anr nelnal. 36Karn ti nelnal avstudau kavsiv'siv'i a navanel, laha imiman anr kavr ti a, “?Inap'i, v'ata itu hin?” 37Laha, avvr ani, kavr ti a, “A Iesu iv'i dui a Nasaret iv'siau a navanel.” 38Laha, iv'ara eia, kavr ti a, “Iesu, Nakm kv'i a Natn a Divt, parn istu a kana.”
39V'eti m'ertu la avtauamu ha, avv'ana hua m'ei a ti imav'ara eia. V'eti hin iv'ara eia sp'n ml kavr ti a, “Nakm, kv'i a Natn a Divt, parn istu a kana.”
40Laha, a Iesu ip'tir katu v'nen a ti apauirma asnn. Laha, naran imima asnn, imiman ani, 41kavr ti a, “?Nakm krn ti p'en v'ata anh?” Ivrprani, kavr ti a, “Mlin, nrn ti p'eledu sei ml.”
42A Iesu ivr ani, kavr ti a, “Hilaha m'atam ip'as ml. V'ahienam iani ti kp'as ml.” 43Iv'amk m'a ti m'aten ima kap'as ml. Sarei, isapei kapatei Atua. Laha, naran nelnal udlani avlei, avpatei Atua.
اکنون انتخاب شده:
Luk 18: nmb
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2023 Presbyterian Reformed Church of Australia
Luk 18
18
A Iesu isran v'nen ivrur tvtanu iamk ikra sei
1Laha, isran v'nen asnr kav'iv'en a ti m'ertu apavtu tamat nakl pr, amavrn np'r ani. 2Kavr ti a, “Arna v'anu kinkin iamk, dui iamk iv'ana nakl arna kut ilak. Hin iadedrn an Atua, iav'ah m'ertu. 3Tvtanu iamk ilak arna v'anu lera kadama asnn nakl kavr ti a, ‘Pamhmah a kana asn m'ertu imlen kana.’ 4Iter ip'arei dav'a iarn ti ipamhmah ani, sarei iv'hv'ahuri a nln kavr ti a, ‘Kana nadedrn an Atua, nav'ah m'ertu. 5V'eti tvtanu lera itp' kana iel, sena si lera p'emhmah ani. Imahei ti ipama dav'a dav'a ti p'ern np'k ani ipastudau.’ ”
6Laha, a Mlinad ivr ti a, “Pavv'rn a v'nena mlin stu lera. 7?Kvv'ah ti Atua ikamhmah a m'ertuan itv'li sarar, la avv'ara ani ren m'a lihat ha? Atua nln ip'arei asnr m'ertuan. 8Nvr a kam'i, ipamhmah anr ipalahml. ?V'eti naran Kana, nv'i Net M'ertu, p'ama, kvv'ah ti p'epasla m'ertu ipav'ah Kana arna nadep'?”
A Iesu isran v'nen ivrur Varisi m'a dui ma takis
9Isran v'nen laha asnr m'ertu kinkin avv'ah ti hir avviviln kavsip'len m'ertu uraur. 10“Dui arru arv'a eia al nmah tamat a ti apartu tamat, tv'aln iv'i Varisi, tv'aln iv'i dui na takis. 11Varisi lera ip'tir katu tamat arna nln kavr ti a, ‘Atua, nvr ip'as anh sena ti kana nanep'a m'ertu uraur, avv'i m'ertu na v'nv'nahien, kavluvn a v'nen hua, kavv'nah tav'et. Aau, nanep'a dui na takis laha. 12Kana nln tim'ah iv'aru nakl arna uik udlani. Arna si udlani niak ani, snal nen iv'i nkam.’ 13V'eti dui na takis lahara ilak v'iv'a kamamih a ti ipap'a nut eia, v'eti kaiaul kusa mrn kavr ti a, ‘Atua, parn istu a kana, nv'i m'ertu stu.’ 14#Mat 23:12; Luk 14:11.Nvr a kam'i, aulera ihau kaviviln arna nahn Atua, v'eti tv'aln ihei. Sena ti m'ertu ien hin a ti nahan ipav'a eia, nahan ipav'a a nadep', v'eti m'ertu iani ti nahan ipav'a a nadep', hin nahan ipav'a eia.”
A Iesu imhmah anr mardel papa
(Matiu 19:13-15; Mak 10:13-16)
15Laha, avuirma mardel papa asnn a ti ipaiarr, v'eti naran arm'ertuan avla si lera, avv'ana hua m'er. 16V'eti a Iesu iv'ara anr a ti apavrama asnn kavr ti a, “Pavm'ahu a ti mardel papa apavrama asnk, mavvrkarr, sena ti v'anuan Atua iv'i nkar m'ertu avnap'ar. 17Nvrdaui, nvr a kam'i, ipavr ti m'ertu ialev' v'anuan Atua kanep'a mardel pa, ikahv'a arna v'anuan Atua naran kinkin.”
Mlin iamk sian istudau ima asn a Iesu
(Matiu 19:16-22; Mak 10:17-22)
18Mlin iamk imiman ani, kavr ti a, “?Tisa P'as, p'en v'ata a ti p'elev' silv'ien ikahiris naran?”
19A Iesu ivrprani, kavr ti a, “Inap'i hin kvr ti Kana np'as? M'ertu kinkin iahamk ip'as, v'eti Atua iamk uaki. 20#Avruh 20:14; TVH 5:18; Avruh 20:13; TVH 5:17; Avruh 20:15; TVH 5:19; Avruh 20:16; TVH 5:20; Avruh 20:12; TVH 5:16.Nakm krndu v'nen hua ivr ti a, ‘Mav'nah tav'et, Marpep'n m'ertu, Mav'nah sei, Mahap'il m'a tv'alm, Pani ti nahar a tetiam m'ei a uniam ipav'a eia.’ ”
21V'eti ivr ti a, “Kana nsapa v'nen hua udlani lera naran nsusupa dav'a ier dika.”
22Naran a Iesu irn si lera, ivr ani, kavr ti a, “Si iamk idater uam. Pulul a siam udlani katutau a m'ertu siar ihei, laha siam ipastudau arna nut eia. Sarei, pama kasapa Kana.”
23Naran irn v'nen lera, irn istu ihuadau, sena ti sian istudau.
Atua irndu ti ipan si udlani
24A Iesu ila ti irn istu ihuadau kavr ti a, “Ihua ihuadau a ti m'ertu sian istudau ipav'a arna v'anuan Atua. 25Ihua a ti kam'el ipav'a al pt nitil, v'eti ihua mau a ti m'ertu sian istudau ipav'a arna v'anu eia.”
26Laha, m'ertu la avrn si lera ha, avvr ti a, “?Ipavr ti inap'i lera, ak iviviln a ti Atua ipalev'lei?”
27Laha, ivr ti a, “Sei m'ertu ahavrndu ti apavani, Atua irndu ti ipani.”
28Laha, a P'ita ivr ti a, “Palei, kam'em' ntvln sera si udlani kavsapah.”
29Ivr anr kavr ti a, “Nvrdaui, nvr a kam'i, m'ertu udlani la avln nmahar, v'aha a tetiar m'ei a uniar, v'aha tv'alr, v'aha a naur, v'aha a natr ha, sena v'anuan Atua, 30Atua ipatum'alet si lera udlani anr ml ipasiv'i ipastudau arna silv'ienar laha, sarei, arna naran ipatauatah, ipatu silv'ien anr ikahiris naran.”
A Iesu ivri ml, iv'i v'atl nen, kavr ti ipathal ml arna m'ienen
(Matiu 20:17-19; Mak 10:32-34)
31Laha, Hin ilev' m'ertuan arnal lman iru (12) avrama asnn, kavr anr kavr ti a, “Pavrni, p'vrav'a a Serusalem. Hilaha si udlani la pruvet atvulul sarei ani ha kavvrur Kana, nv'i Net M'ertu ha, ipama katu hin. 32Sena ti apavtu Kana arna lm'ar v'anudl. Hir apavsip'len Kana kavanp'ilen Kana kavirei aranak. 33Kavrp Kana a nahau kavrpep'n Kana, sarei ti p'ethal ml arna m'ien.”
34V'eti arm'ertuan ahavrndu si ki ivri, inep'a ti iv'i v'nen tutuah uaki asnr. Ahavrndu v'nen la ivr anr ra.
M'etapar iamk iledu sei ml
(Matiu 20:29-34; Mak 10:46-52)
35Iv'el dav'a kamima asn nut a Seriku. Laha, m'etapar iamk ilak arna tv'eliel na navanel kamiman sei anr nelnal. 36Karn ti nelnal avstudau kavsiv'siv'i a navanel, laha imiman anr kavr ti a, “?Inap'i, v'ata itu hin?” 37Laha, avvr ani, kavr ti a, “A Iesu iv'i dui a Nasaret iv'siau a navanel.” 38Laha, iv'ara eia, kavr ti a, “Iesu, Nakm kv'i a Natn a Divt, parn istu a kana.”
39V'eti m'ertu la avtauamu ha, avv'ana hua m'ei a ti imav'ara eia. V'eti hin iv'ara eia sp'n ml kavr ti a, “Nakm, kv'i a Natn a Divt, parn istu a kana.”
40Laha, a Iesu ip'tir katu v'nen a ti apauirma asnn. Laha, naran imima asnn, imiman ani, 41kavr ti a, “?Nakm krn ti p'en v'ata anh?” Ivrprani, kavr ti a, “Mlin, nrn ti p'eledu sei ml.”
42A Iesu ivr ani, kavr ti a, “Hilaha m'atam ip'as ml. V'ahienam iani ti kp'as ml.” 43Iv'amk m'a ti m'aten ima kap'as ml. Sarei, isapei kapatei Atua. Laha, naran nelnal udlani avlei, avpatei Atua.
اکنون انتخاب شده:
:
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2023 Presbyterian Reformed Church of Australia