Luk 21
21
Tvtanu iamk isran vatu iru al pukis
(Mak 12:41-44)
1Laha, a Iesu ip'a mamahr kala m'ertu siar istudau, avsran nav'etar istudau al pukis iter al nmah tamat. 2Kala tvtanu iamk sian ihei, isran nav'et papa iru atlera. 3Kavr ti a, “Nvrdaui, nvr a kam'i, Tvtanu lera, sian ihei, v'eti itsran sera nav'etan kasiv'r hir udlani. 4Sena ti hir udlani avsran nav'etar kavtau an Atua, kavln duanan istudau iv'i nkar uam, v'eti tav'et lera sian ihei isran udlen nav'etan la ipasilv' ani ha.”
A Iesu ivrp'ep'a ti nmah tamat ipars
(Matiu 24:1,2; Mak 13:1,2)
5Laha, naran m'ertu kinkin avvrur nmah tamat, a ti nav'et nen ip'eset m'a sei m'ertu avtau ani ip'eset, a Iesu ivr ti a, 6“Si udlani la kvlei hin ha, napn ipama a ti nav'et iamk ikap'tir ml arna tv'aln, v'eti apasran udlani ipav'a a nadep'.”
Der ipama naran nadep' itv'i ti ipahiris
(Matiu 24:3-14; Mak 13:3-13)
7Laha, avmiman ani kavvr ti a, “?Tisa, si lera ipatu hin v'aran? ?V'ata ipav'iv'en naran si udlani lera ipatu hin?”
8Ivrpranr kavr ti a, “Pavv'ahur kam'i. Imahei ti m'ertu apavhap'il m'a kam'i. Sena ti m'ertu ipastudau apavrama arna nahak, kavvr ti a, ‘Kana nv'i a Kristu,’ v'aha, ‘Nut pa ti ipav'i naran na ti a Kristu ipama ra.’ Sena si lera, kam'i mavsapar. 9V'eti naran pavrn ti avan naur v'aha der, mavdedrn ani, sena ti si udlani lera ipatu hin ipatauamu pr, v'eti naran nen ikdav'i naran si udlani ipahiris.”
10Sarei, ivr anr kavr ti a, “V'anu ipamk ipan naur m'a v'anu uraur, mlin ipamk ipan naur m'a mlin uraur. 11Laha, nami ipami ipalil arna nut kinkin, m'em'erien ipaiak, m'etien lil ipav'el. M'ertu apavdedrn ipastudau sena pari lilan Atua apavlei arna p'knaran. 12V'eti naran si udlani lera idatu hin, m'ertu apavtp'ev' kam'i kavuada kam'i, kavtu kam'i al lm'ar ardu lilil na nmah tamat kavtu kam'i al p'resin, kavv'ev'a kam'i arna nahr mlin lilil m'er kavman, sena nahak. 13Arna naran nen, kam'i pavrndu ti pavvrp'ep'a nahak anr. 14#Luk 12:11,12.Sena si lera, pavhua arna v'ahienam'i a ti mavv'ahur sei pavvrpranr ipatauamu. 15Sena ti Kana p'etu v'nen a kam'i katu v'ahien p'as a kam'i a ti m'ertu apavmlen kam'i akavvrpren kam'i kavvr ti kvhap'il. 16A tetiam'i m'er a uniam'i m'er tv'elm'i m'er nl nam'elam'i m'er m'ertu avlak mima asnm'i apavtu kam'i al lm'ar m'ertu avlep'la kam'i kavtu kam'i kinkin al lm'ar a ti apavrpep'n kam'i. 17Laha, m'ertu udlani apavlep'la kam'i sena nahak. 18V'eti nil ptm'i ikahmk ikmln. 19Kam'i pavp'tir ipahua kavuada mamh silv'ienam'i.
Apavutakm an a Serusalem
(Matiu 24:15-21; Mak 13:14-19)
20V'eti naran pavla ti m'rnur apavlaktalu a Serusalem, kam'i pavrndu mamh ti nut pa ti apavutakm ani. 21Arna naran lera, ip'as a ti m'ertu avlak a Sutia apavruh kavrav'a arna ptha. Ip'as a ti m'ertu avlak arna v'anu apavruh arna v'anu, v'aha m'ertu avlak arna nut uraur amavm'alet ml arna v'anu. 22#Usia 9:7.Sena ti naran lera ipav'i naran Atua iputakm anr m'ertu a Serusalem sena si stuar, a ti si udlani Paivul ivri ipatu hin. 23V'eti nrn istu anr tav'et apavtkar m'er hir kinkin a natr advnunu uam arna napn lera. Sena ti der ipastudau ipaier v'anu. Nl reran Atua ipaiak arna m'ertu avlak arna nut laha. 24Laha, apavtrp'nr a tali lil kavv'av'ar a ti apavp'resin arna v'anu udlani. Laha, v'anudl apavlak kavutakm a Serusalem dav'a ipaier naran napnar v'anudl ipahiris.
Net M'ertu ipama
(Matiu 24:29-31; Mak 13:24-27)
25 #
Aisaia 13:10; Esikiel 32:7; Suil 2:31; Rev 6:12,13. Laha, Atua ipav'iv'en si lilil arna neiel, m'a nal, m'a msi, katu der lil arna m'ertu arna nadep', dav'a, akavrndu sei apavani. Nahu na nata drln ipastudau. 26M'ertu apavdedrn ipastudau kavm'em'a, naran apavtrah si udlani ipama arna nadep'. Sena ti si udlani ihua arna liha masamas ipadul. 27#Taniel 7:13; Rev 1:7.Sarei, apavla Kana, nv'i Net M'ertu, p'ama arna p'knaran m'a nut huak m'a si p'sp'asak udlani. 28V'eti naran si udlani lahara ipatudina hin, kam'i pavp'tir kavp'a nut eia, sena ti itv'i ti ipav'i naran p'ulla kam'i.”
A Iesu isran v'nen ivrur p'alak
(Matiu 24:32-35; Mak 13:28-31)
29Laha, isran v'nen asnr kavr ti a, “Pavla p'alak m'a nai udlani navan iak. 30Naran navan ipaiak, pavrndu ti ipav'i naran na rahvien imima. 31Kam'i pavnap'i lera. Naran pavla si udlani lahara ipatu hin, pavrndu ti v'anuan Atua itmima. 32Nvrdaui, nvr a kam'i, m'ertu avlak hilaha akdavram'a ipaier naran si udlani lera ipatu hin. 33P'knaran m'a nadep' ipahiris, v'eti v'nenak ikahiris naran kinkin.
!Pavv'ahur kam'i!
34V'eti kam'i pavv'ahur kam'i. Imahei ti v'ahienam'i ipalini a sei a nadep' uaki. Imahei ti pavan tim'ah nakl kavm'nm'n nakl kavv'ahur sia nadep' nakl. Imahei ti napnak ipama, naran kaavv'ahur Kana. 35Sena ti si lera ipaier m'ertu udlani avlak arna nadep' ka. Ipanep'a sera nam'et isr si dm. 36Sena si lera, kam'i pavv'ahur kam'i kavtu tamat nakl, a ti pavrndu ti pavruh asn si udlani la ipatu hin ra, a ti pavp'tir arna nahk, nv'i Net M'ertu.”
37 #
Luk 19:47. Laha, arna ren, iv'iv'en sei nakl al nmah tamat, v'eti lihat iv'a kalak arna ptha, nahan iv'i Uliv. 38Laha, m'ertu udlani avrama asnn nakl al nmah tamat m'etav'aran nrnren a ti apavrn v'nenan.
اکنون انتخاب شده:
Luk 21: nmb
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2023 Presbyterian Reformed Church of Australia
Luk 21
21
Tvtanu iamk isran vatu iru al pukis
(Mak 12:41-44)
1Laha, a Iesu ip'a mamahr kala m'ertu siar istudau, avsran nav'etar istudau al pukis iter al nmah tamat. 2Kala tvtanu iamk sian ihei, isran nav'et papa iru atlera. 3Kavr ti a, “Nvrdaui, nvr a kam'i, Tvtanu lera, sian ihei, v'eti itsran sera nav'etan kasiv'r hir udlani. 4Sena ti hir udlani avsran nav'etar kavtau an Atua, kavln duanan istudau iv'i nkar uam, v'eti tav'et lera sian ihei isran udlen nav'etan la ipasilv' ani ha.”
A Iesu ivrp'ep'a ti nmah tamat ipars
(Matiu 24:1,2; Mak 13:1,2)
5Laha, naran m'ertu kinkin avvrur nmah tamat, a ti nav'et nen ip'eset m'a sei m'ertu avtau ani ip'eset, a Iesu ivr ti a, 6“Si udlani la kvlei hin ha, napn ipama a ti nav'et iamk ikap'tir ml arna tv'aln, v'eti apasran udlani ipav'a a nadep'.”
Der ipama naran nadep' itv'i ti ipahiris
(Matiu 24:3-14; Mak 13:3-13)
7Laha, avmiman ani kavvr ti a, “?Tisa, si lera ipatu hin v'aran? ?V'ata ipav'iv'en naran si udlani lera ipatu hin?”
8Ivrpranr kavr ti a, “Pavv'ahur kam'i. Imahei ti m'ertu apavhap'il m'a kam'i. Sena ti m'ertu ipastudau apavrama arna nahak, kavvr ti a, ‘Kana nv'i a Kristu,’ v'aha, ‘Nut pa ti ipav'i naran na ti a Kristu ipama ra.’ Sena si lera, kam'i mavsapar. 9V'eti naran pavrn ti avan naur v'aha der, mavdedrn ani, sena ti si udlani lera ipatu hin ipatauamu pr, v'eti naran nen ikdav'i naran si udlani ipahiris.”
10Sarei, ivr anr kavr ti a, “V'anu ipamk ipan naur m'a v'anu uraur, mlin ipamk ipan naur m'a mlin uraur. 11Laha, nami ipami ipalil arna nut kinkin, m'em'erien ipaiak, m'etien lil ipav'el. M'ertu apavdedrn ipastudau sena pari lilan Atua apavlei arna p'knaran. 12V'eti naran si udlani lera idatu hin, m'ertu apavtp'ev' kam'i kavuada kam'i, kavtu kam'i al lm'ar ardu lilil na nmah tamat kavtu kam'i al p'resin, kavv'ev'a kam'i arna nahr mlin lilil m'er kavman, sena nahak. 13Arna naran nen, kam'i pavrndu ti pavvrp'ep'a nahak anr. 14#Luk 12:11,12.Sena si lera, pavhua arna v'ahienam'i a ti mavv'ahur sei pavvrpranr ipatauamu. 15Sena ti Kana p'etu v'nen a kam'i katu v'ahien p'as a kam'i a ti m'ertu apavmlen kam'i akavvrpren kam'i kavvr ti kvhap'il. 16A tetiam'i m'er a uniam'i m'er tv'elm'i m'er nl nam'elam'i m'er m'ertu avlak mima asnm'i apavtu kam'i al lm'ar m'ertu avlep'la kam'i kavtu kam'i kinkin al lm'ar a ti apavrpep'n kam'i. 17Laha, m'ertu udlani apavlep'la kam'i sena nahak. 18V'eti nil ptm'i ikahmk ikmln. 19Kam'i pavp'tir ipahua kavuada mamh silv'ienam'i.
Apavutakm an a Serusalem
(Matiu 24:15-21; Mak 13:14-19)
20V'eti naran pavla ti m'rnur apavlaktalu a Serusalem, kam'i pavrndu mamh ti nut pa ti apavutakm ani. 21Arna naran lera, ip'as a ti m'ertu avlak a Sutia apavruh kavrav'a arna ptha. Ip'as a ti m'ertu avlak arna v'anu apavruh arna v'anu, v'aha m'ertu avlak arna nut uraur amavm'alet ml arna v'anu. 22#Usia 9:7.Sena ti naran lera ipav'i naran Atua iputakm anr m'ertu a Serusalem sena si stuar, a ti si udlani Paivul ivri ipatu hin. 23V'eti nrn istu anr tav'et apavtkar m'er hir kinkin a natr advnunu uam arna napn lera. Sena ti der ipastudau ipaier v'anu. Nl reran Atua ipaiak arna m'ertu avlak arna nut laha. 24Laha, apavtrp'nr a tali lil kavv'av'ar a ti apavp'resin arna v'anu udlani. Laha, v'anudl apavlak kavutakm a Serusalem dav'a ipaier naran napnar v'anudl ipahiris.
Net M'ertu ipama
(Matiu 24:29-31; Mak 13:24-27)
25 #
Aisaia 13:10; Esikiel 32:7; Suil 2:31; Rev 6:12,13. Laha, Atua ipav'iv'en si lilil arna neiel, m'a nal, m'a msi, katu der lil arna m'ertu arna nadep', dav'a, akavrndu sei apavani. Nahu na nata drln ipastudau. 26M'ertu apavdedrn ipastudau kavm'em'a, naran apavtrah si udlani ipama arna nadep'. Sena ti si udlani ihua arna liha masamas ipadul. 27#Taniel 7:13; Rev 1:7.Sarei, apavla Kana, nv'i Net M'ertu, p'ama arna p'knaran m'a nut huak m'a si p'sp'asak udlani. 28V'eti naran si udlani lahara ipatudina hin, kam'i pavp'tir kavp'a nut eia, sena ti itv'i ti ipav'i naran p'ulla kam'i.”
A Iesu isran v'nen ivrur p'alak
(Matiu 24:32-35; Mak 13:28-31)
29Laha, isran v'nen asnr kavr ti a, “Pavla p'alak m'a nai udlani navan iak. 30Naran navan ipaiak, pavrndu ti ipav'i naran na rahvien imima. 31Kam'i pavnap'i lera. Naran pavla si udlani lahara ipatu hin, pavrndu ti v'anuan Atua itmima. 32Nvrdaui, nvr a kam'i, m'ertu avlak hilaha akdavram'a ipaier naran si udlani lera ipatu hin. 33P'knaran m'a nadep' ipahiris, v'eti v'nenak ikahiris naran kinkin.
!Pavv'ahur kam'i!
34V'eti kam'i pavv'ahur kam'i. Imahei ti v'ahienam'i ipalini a sei a nadep' uaki. Imahei ti pavan tim'ah nakl kavm'nm'n nakl kavv'ahur sia nadep' nakl. Imahei ti napnak ipama, naran kaavv'ahur Kana. 35Sena ti si lera ipaier m'ertu udlani avlak arna nadep' ka. Ipanep'a sera nam'et isr si dm. 36Sena si lera, kam'i pavv'ahur kam'i kavtu tamat nakl, a ti pavrndu ti pavruh asn si udlani la ipatu hin ra, a ti pavp'tir arna nahk, nv'i Net M'ertu.”
37 #
Luk 19:47. Laha, arna ren, iv'iv'en sei nakl al nmah tamat, v'eti lihat iv'a kalak arna ptha, nahan iv'i Uliv. 38Laha, m'ertu udlani avrama asnn nakl al nmah tamat m'etav'aran nrnren a ti apavrn v'nenan.
اکنون انتخاب شده:
:
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2023 Presbyterian Reformed Church of Australia