Mberaand 8
8
1Roog a wetandooxa a Nowe fo muumeen ke fo cegel ke ndeeƭna fo ten na kaal ale fop. Roog a wuuɗa nqeñ took lanq ke soo poofi ke a mbaajoox. 2A cur ake no poofi ke na juwaam fee fo pand ke na asamaan a ndalfooxa o sux, soo a teƥ ale a simid. 3Poofi ke a qicooxa no lanq ke o ndang o ndang soo a mbañooxaa. Cinj ñaal teemeed fo ñaal qarɓeen ƥetik, a ndefa no mbañooxaa. 4No ñaal xarɓaxay fo ñaal ɓetuu ƭikandeer ne no nqool o ɓetuu ƭikandeer onqe, a kaal ale a geenooxa took xa coong axe Araraat. 5Poofi ke a ndefa no mbañooxaa rek boo no nqool o xarɓaxayandeer onqe. No ñaal eetaand ne no nqool onqaaga xa cul axe na xa coong axe a mbeeña.
6Cinj ñaal qarɓeen nahik, Nowe a weta o falangteer ole ta fi’an’ina a kaal ale. 7A xaƴa a tooq, ta retaa a garaa boo neen poofi ke a ŋiisu took lanq ke. 8A xaƴa itam a nuukuur ale boo a ɗeet ndax poofi ke a mbañooxa took lanq ke. 9Kaa koy, a nuukuur ale jeg’ee maa ta dongna, too a nomtooxiida na kaal ale, yaam foofi le kaa maad’u took lanq ke fop. Nowe a letna o ɓay um a xotin, soo a ɓekin kam a kaal ale, ta ref fo ten. 10A cungahina ñaal ɓetuu ƭik lakas, soo a ɓaat o xaƴ a nuukuur ale ta sutoox a kaal ale. 11A nuukuur ale a nomtooxiida me ten no kirand naa, a siiñ a naf ndaxar oliiw. Neene, Nowe a anda yee poofi ke a mbañooxa took lanq ke. 12A ɓaata o muñ ñaal ɓetuu ƭik lakas. Cinj kaaga, ta xaƴ a nuukuur ale. Kaa koy, a nuukuur ale nomtooxiidatee me ten.
13No hiid teemeed ɓetuu fo lengandeer ole, no ñaal eetaand ne no nqool o eetaand onqe, poofi ke a ŋiisa took lanq ke. Nowe a watna bomb le na kaal ale, a ɗeet soo a ga ee lanq ke a ƥuusa. 14No nqool o ƭikandeer onqe, no ñaal qarɓeen ƭik fo ñaal ɓetuu ƭikandeer ne no nqool onqaaga, lanq ke a mbeera koroŋ.
15Maaga, Roog a laya a Nowe yee: 16«Sutooxi a kaal ale, wo fo o teef fo xa ƥeef fo rew den. 17Suti xa qos muumeen axe ndefna fa wo fop, tiiƭ ke fo muumeen ke fo ƥood ke. Fat da pictoor no lanq ke, a ndimik, a mayƭandik adna fee.» 18Naaga, Nowe a sutooxa, ten fo xa ƥeem fo o teem fo rew na xa ƥeem. 19Muumeen ke fop fo ƥood ke fop fo tiiƭ ke fop fo ke na yo’nooxaa took lanq ke, o xos oluu refna teen a sutooxa a kaal ale.
20Nowe a maxana o Yaal oxe o sadaxand, a xot no muumeen qoolu ke fop fo no tiiƭ qoolu ke soo a ɓoxot sadax toxel took o sadaxand ole. 21O Yaal oxe a yega tuñ pelu soo a lay no xeeñ um ee: «Salooxkatiim lanq ke muk yaam o kiin, ke xeeñ um a yuuɓaa paaxeer fop oo no ke xotitna no ndeƥandoong um, too saŋikkatiim ke na ñoowaa fop ne fi’it’anuuma. 22Feek lanq ke we maadaa, a tuup fo a saxad, a ƥuuɓ fo a sumaan, ñaal fo o yeng ñakkatee muk.»
انتخاب شده:
Mberaand 8: SRR23
های‌لایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Copyright © 2015-2023 by Eglise luthérienne du Sénégal
Mberaand 8
8
1Roog a wetandooxa a Nowe fo muumeen ke fo cegel ke ndeeƭna fo ten na kaal ale fop. Roog a wuuɗa nqeñ took lanq ke soo poofi ke a mbaajoox. 2A cur ake no poofi ke na juwaam fee fo pand ke na asamaan a ndalfooxa o sux, soo a teƥ ale a simid. 3Poofi ke a qicooxa no lanq ke o ndang o ndang soo a mbañooxaa. Cinj ñaal teemeed fo ñaal qarɓeen ƥetik, a ndefa no mbañooxaa. 4No ñaal xarɓaxay fo ñaal ɓetuu ƭikandeer ne no nqool o ɓetuu ƭikandeer onqe, a kaal ale a geenooxa took xa coong axe Araraat. 5Poofi ke a ndefa no mbañooxaa rek boo no nqool o xarɓaxayandeer onqe. No ñaal eetaand ne no nqool onqaaga xa cul axe na xa coong axe a mbeeña.
6Cinj ñaal qarɓeen nahik, Nowe a weta o falangteer ole ta fi’an’ina a kaal ale. 7A xaƴa a tooq, ta retaa a garaa boo neen poofi ke a ŋiisu took lanq ke. 8A xaƴa itam a nuukuur ale boo a ɗeet ndax poofi ke a mbañooxa took lanq ke. 9Kaa koy, a nuukuur ale jeg’ee maa ta dongna, too a nomtooxiida na kaal ale, yaam foofi le kaa maad’u took lanq ke fop. Nowe a letna o ɓay um a xotin, soo a ɓekin kam a kaal ale, ta ref fo ten. 10A cungahina ñaal ɓetuu ƭik lakas, soo a ɓaat o xaƴ a nuukuur ale ta sutoox a kaal ale. 11A nuukuur ale a nomtooxiida me ten no kirand naa, a siiñ a naf ndaxar oliiw. Neene, Nowe a anda yee poofi ke a mbañooxa took lanq ke. 12A ɓaata o muñ ñaal ɓetuu ƭik lakas. Cinj kaaga, ta xaƴ a nuukuur ale. Kaa koy, a nuukuur ale nomtooxiidatee me ten.
13No hiid teemeed ɓetuu fo lengandeer ole, no ñaal eetaand ne no nqool o eetaand onqe, poofi ke a ŋiisa took lanq ke. Nowe a watna bomb le na kaal ale, a ɗeet soo a ga ee lanq ke a ƥuusa. 14No nqool o ƭikandeer onqe, no ñaal qarɓeen ƭik fo ñaal ɓetuu ƭikandeer ne no nqool onqaaga, lanq ke a mbeera koroŋ.
15Maaga, Roog a laya a Nowe yee: 16«Sutooxi a kaal ale, wo fo o teef fo xa ƥeef fo rew den. 17Suti xa qos muumeen axe ndefna fa wo fop, tiiƭ ke fo muumeen ke fo ƥood ke. Fat da pictoor no lanq ke, a ndimik, a mayƭandik adna fee.» 18Naaga, Nowe a sutooxa, ten fo xa ƥeem fo o teem fo rew na xa ƥeem. 19Muumeen ke fop fo ƥood ke fop fo tiiƭ ke fop fo ke na yo’nooxaa took lanq ke, o xos oluu refna teen a sutooxa a kaal ale.
20Nowe a maxana o Yaal oxe o sadaxand, a xot no muumeen qoolu ke fop fo no tiiƭ qoolu ke soo a ɓoxot sadax toxel took o sadaxand ole. 21O Yaal oxe a yega tuñ pelu soo a lay no xeeñ um ee: «Salooxkatiim lanq ke muk yaam o kiin, ke xeeñ um a yuuɓaa paaxeer fop oo no ke xotitna no ndeƥandoong um, too saŋikkatiim ke na ñoowaa fop ne fi’it’anuuma. 22Feek lanq ke we maadaa, a tuup fo a saxad, a ƥuuɓ fo a sumaan, ñaal fo o yeng ñakkatee muk.»
انتخاب شده:
:
های‌لایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Copyright © 2015-2023 by Eglise luthérienne du Sénégal