Zaa 1
1
Zezu Kli -noɔ -lɔ Lagɔ 'na bhulɛweli yɔ
1"Kucidɛku, weli -le 'awɔ, "ne weli -nyɛ Lagɔ "bhaa, 'wa -ko 'awɔ lɔbhɔ, "ne weli -noɔ 'awɔ -lɔ Lagɔ yɔ#1.1 Weli -noa -lɔ Lagɔ yɛ: "Ɛ weli -wɛ Zezu yɔ -lɔ. 'A "ye me Zaa 1.14.. 2"Kucidɛku, weli -nyɛ Lagɔ "bhaa 'wa -ko 'awɔ lɔbhɔ. 3"Ne weli "me, 'ye Lagɔ -nole -lɔ li 'klekle, -bɛɛ' 'na -ye 'ɔ "ne weli "me -nole "ne -le. 4Weli "me 'ye zikpɛ -ko -lɔ, "ne weli -noɔ -lɔ 'nyakpa 'na zle yɛ. 5"Ne "ɛ zle le -lɔ titiɛ "me, -mɔ, "ɛ titiɛ "ne kɔ sa-.
6Lagɔ yi -lɔ 'nyɔkpɔ -ye 'wa la Zaa -wɛ lebhe-. 7'Ɔ -yi -se 'ɔ "kɛ "ɛ zle 'na -ɔyeɛdɛ "zo, -se, 'nyakpa 'klekle "kɛ 'dleku kɛle- 'ɔnɛɛ 'ylime. 8'Ɔ "ne nɛ zle yɔ, -mɔ zle 'na 'ɔyeɛdɛ 'ye 'ɔ -noɔ 'awɔ -lɔ.
9"Naa-, weli -noɔ 'awɔ -lɔ 'diɛɛ 'na zle yɛ. 'Ɛ -yi dodo ne "ku -se 'ɛ "kɛ 'nyakpa 'klekle "ku lea-.
10"Ɛ weli -wɛ -ko 'awɔ 'nyakpa 'glɛme, "ne 'ɛyi "me 'ye Lagɔ -nole -lɔ zikpɛ, -mɔ, zikpɛ "ne -yibhlele. 11"Ne 'ɛ Weli yi -lɔ 'ɛnɛɛ -gligbɛ "ku yi, -mɔ, 'ɛnɛɛ -gligbɛnya -sɛ 'ɛnɛɛ lo. 12-Mɔ, 'wanɛɛ 'glɛme 'na -bedia sɛ- kɔ "ne 'wa -kɛle 'dleku. 'Wayi -wɛ ne, 'ɛ 'nyoa- 'bhɛloɛ -se 'wa "kɛ Lagɔ 'na yua "zo. 13"Ne 'wa yi -lɔ "ɛ Lagɔ 'na yua "zo. 'Nyakpa 'ɛ -na kɔ 'bhale-; 'Ɛ "ne -see 'ŋɔnɔ -nyɛ 'widi "bhaa 'wa 'gwɛle yu -wɛ yɛ. -Mɔ, Lagɔ "zoa- -da -lɔ 'ɔnɛɛ yua.
14"Ne "ɛ weli yi -lɔ 'nyɔkpɔ "me yili-, "ne 'ɔ -nyɔ "bhaa -a yi -lɔ "ku kole-, "ne -a yi -lɔ 'ɔnɛɛ 'ŋlu 'ylime 'ye. "Ɛ 'ŋlu -wɛ, To 'jo- -lɔ kɔ. Lagɔ Yowli -bholo -kpee, -ɔ yiɛ- -jɔlo "ku, "ne -ɔ bhulɛ gbɛklɛklɛ 'na 'ŋlu yɛ -lɔ.
15Zaa -noɔ -lɔ 'ɔnɛɛ -ɔyeɛdɛ yɔ, "ne 'ɔ -sɛle -lɔ glɔnya 'de nɛɛ: «-Nyɔ 'na weli -ye 'e -bhulɛ, "ne 'e yi no- nɛɛ: 'Nyɔkpɔ -ɔ 'bhale -ame 'beme -wɛ kpɔ "ne 'ɔ -zi -ame "ku -wɛ -lɔ; "Naa- 'ɔɔ -yi -lɔ 'neɛ za tɛɛ zɛ.»
16'A -gɛyli, 'ɔ -wamale -anye 'na 'ylime, -anye 'klekle -a -yle -jɔlo, -jɔlo 'na 'kwleyi. 17Lagɔ 'je- -lɔ Moyize -Lɔ kɔ, "ne 'ɔ 'yi -lɔ -anye -nɛme, -mɔ, -jɔlo -nyɛ gbɛklɛklɛ "bhaa Zezu Kli -nɛme -lɔ. 18'Nyɔkpɔ -na 'ce -zɛ Lagɔ 'ylime 'ye, -mɔ, Yu -bholo -kpee, -ɔ -noɔ Lagɔ yɔ, "ne 'ɔ -ko To yɔko -wɛ, 'ɔɔ -slo -lɔ -anye.
Zaa Batise 'na bhulɛweli
(Matie 3.1-12; Malke 1.2-8; Luke 3.15-17)
19Sɛne Zaa lɛ- 'awɔ -lɔ, -sɔɔdɛku Zeluzalɛme 'na Zufonya 'na "cifia -lebhe 'awɔ Levi -gligbɛ "ku 'na 'nyakpa "ne bɔbɔnya -se 'wa "kɛ Zaa lo 'yɔbhɔ -gbɔ: «Sɔɔnyɔ 'ye -e -noɔ bhɔ -tiaa?» 20Zaa "ne weli "ku zizi-, -mɔ, 'ɔ -bhulɛ gbɛklɛklɛ nɛɛ: «'Mɔɔ "ne Lagɔ 'na ŋwlɛŋwlɛyu yɔ.» 21"Ne 'wa yu -lɔ lo 'yɔbhɔ- nɛɛ: «-Ye -e -noɔ bhɔ? -Mɔɔ -noɔ bhɔ Eli yɔ 'a?» 'Ɔ nɛɛ: «'E "ne -kɛ 'ɔyi yɔ.» "Ne 'wa yu -lɔ "kusɔ lo 'yɔbhɔ- nɛɛ: «Zaa, "guɔkwɔmenyɔ 'ye -e -noɔ bha?» 'Ɔ nɛɛ: «'Bhɔ -kɛ.» 22"Ne 'wa yu -da -lɔ lo 'yɔbhɔ- nɛɛ: «-Ye -e -noɔ bhɔ -tiaa? Zaa, -see -a -na bhulɛle bhɔ "ɛ -wa -lebhe -anye -wɛ?» 23"Ne Zaa yi -lɔ sɛne lɛ nɛɛ: «'Nyɔkpɔ -bholo -nyɔ 'na weli "guɔkwɔmenyɔ Ezayi -bhulɛ -gbɔ 'ɔ 'kpale 'kɔsɛku "me -wɛ, -ame yɔ -lɔ. Sɛne 'ye 'ɔ lɛ- -lɔ nɛɛ: 'A -sɛ Anyinɛnyɔ 'na -gwe, 'a 'jeɛ- -kɛ 'wli gbii.»
24"Ɛ 'nyakpa -ye 'wa -lebhe 'awɔ Zaa "ku -wɛ, Faliziɛnya -ko -moa 'awɔ 'glɛme. 25"Ne 'wa 'yɔbhɔ -lɔ "ɛ Zaa lo 'yiɛ, ŋwɛnɛɛ: «-E nɛɛ -e "ne 'Fuɔnyɔ yɔ, -e "ne Eli yɔ, "ne -e "ne 'lelee "guɔkwɔmenyɔ yɔ, zaa, sɔɔbɛɛza -e 'nyɛ bhɔ 'nyakpa batɛme?» 26"Ne Zaa yua -lɔ bhulɛle- nɛɛ: «-Ame, 'ŋu nu 'ye 'e "nyɛle -lɔ batɛme. -Mɔ, 'nyɔkpɔ -bholo -ko 'anye 'glɛme 'a "no -yi. 27'Ɔɔ 'bhale -lɔ -ame 'beme. 'Ɔyi -wɛ ne, 'e "ne 'bhɛle- -se 'e "kɛ 'ɔnɛɛ -kpɔklo 'na lu vulu.» 28-Ɛwɛ 'klekle ne, Betani 'ye 'ɛ -ylɛle -lɔ, bɔɔ -ye 'wa la Zludɛ -wɛ 'na pɛɛ -ce "ku, -dee Zaa 'nyɛle 'awɔ 'nyakpa batɛme -wɛ.
Zezu, Lagɔ Yowli yɔ -lɔ
29-Zle "kɛ ze ne, Zaa 'na wolo, Zezu yilu lo; "ne 'ɔ yi -lɔ no- nɛɛ: «Lagɔ 'na Zɛbhlɛbhlɛyu, -ɔ "titli 'nyakpa 'klekle 'na "nyinyɔnɔli "ku ne lɛ.» 30'Ɔnɛɛ "ku 'na weli 'ye 'e -bhulɛ -lɔ nɛɛ: «'Nyɔkpɔ, -ɔ 'bhale -ame 'beme -wɛ 'kpɔ- kpɛnyee "ne 'ɔ -zi -ame "ku, sɛko -wɛ, 'e "ne 'awɔ -le, "ne 'ɔ -le nɛ -lɔ. 31"Ne -ame 'nabhɛ 'e "no nɛ -yi "klee, -mɔ, 'e -yi 'nyakpa batɛme 'ŋu nu "nyɛle -ka, -se Izlayɛle 'na -gligbɛnya "kɔ yibhlele-.»
32"Ne "ɛ Zaa yi -lɔ -ye 'ɔ 'ye- 'ylime -wɛ 'na weli bhulɛ-; 'Ɔ nɛɛ: «'E 'ye- Zuzu Wlewle 'ylime, 'ɔ -le sɛgbɛɛ -kobhlele, "ne 'ɔ yi -lɔ "nɔgɔ "me 'bhale-, "ne 'ɔ yi -lɔ Zezu "ku 'kwile-, "ne 'ɔ yi -lɔ lɔbhɔ tole-. 33-Ame 'nabhɛ, 'e "no nɛ -yi "klee, -mɔ, Lagɔ -ɔ -lebhe -ame -gbɔ 'e "nyɛle 'nyakpa batɛme 'ŋu nu -wɛ, 'ɔɔ -bhulɛle -lɔ -ame nɛɛ: -E yi Zuzu Wlewle 'ylime 'ye "ne 'ɔ yi 'nyɔkpɔ -bholo -kopi "ku 'gli; 'Ɔyi -wɛ 'ɔɔ "kɛ -lɔ 'nyakpa batɛme Zuzu Wlewle "me "nyɛle. 34-Ɛwɛ 'klekle 'e 'ye- 'ylime, "ne 'e 'ye- 'ɛ dɛ; 'Ɛza 'e no -lɔ nɛɛ: 'Nyɔkpɔ ne, Lagɔ 'na Yu yɔ -lɔ 'diɛɛ.»
Zezu 'tɔ 'ɔnɛɛ gɛlenya 'na tɛtɛnoa
35-Zle "kɛ ze ne, Zaa -ko "ɛ dɛbhele -wɛ, 'ɔ -nyɛ 'ɔnɛɛ gɛlenya 'glɛme 'na 'nyakpa "sɔ "bhaa. 36Zaa "kɛ Zezu 'na 'pleplenɔ 'ylime 'ye ne, 'ɔ nɛɛ: «Lagɔ 'na Zɛbhlɛbhlɛyu ne lɛ.»
37"Ɛ Zaa 'na gɛlenya "sɔ -wɛ 'no- lɛ "ɛ weli -wɛ "me ne, Zezu 'wa -bhli -lɔ 'beku. 38Zezu "kɛ 'beme wolo-, 'ɔ 'na "zo sɛ, 'wa -gɛlelo, "ne 'ɔ yua -lɔ lo 'yɔbhɔ- nɛɛ: «-Ye 'a tɛle bhɔ siɛ?» Ŋwɛnɛɛ: «Ylabi, -neɛ' 'glidɛ -dee 'ɛ -ko bhɔ?» Ylabi sɛ zɔ nɛɛ: «"Bhenyɔ.» 39"Ne Zezu yua -lɔ bhulɛle- nɛɛ: «'A yi, -se 'a "kɛ lɔbhɔ 'ylime 'ye.» "Ne 'wa yi -lɔ -dee 'ɔ -ko -wɛ 'ylime 'ye ka me, "ne 'wa yu -lɔ yɔko to-; Kugbɛdɛ glee -mɔɔnɔ me nɛ ylɛ -dɛku.
40Adle, Simɔ Piɛle 'ɔ "nɔwli, "ɛ 'nyakpa "sɔ -wa 'no- 'awɔ Zaa 'na bhulɛweli, "ne 'wa yi 'awɔ Zezu gɛle- -wɛ 'na 'glɛme 'na -bholo yɔ -lɔ. 41'Ɔ -me 'ɔ "nɔwli Simɔ "bhle yle -ka, "ne 'ɔ yu -lɔ bhulɛle- nɛɛ: «-A -yle Klise, Lagɔ 'na ŋwɛnɛŋwɛnɛyu!»
42"Ne 'ɔ yu -lɔ Zezu kɔme-. "Ne Zezu yu -lɔ "ku wolo- -vlee, 'ɔ nɛɛ: «Simɔ, Zaa yowli 'ye -e -noɔ -lɔ, 'wa yi -da -eyi Sefase la.» 'Ɛ sɛ zɔ nɛɛ: «Piɛle.»
Filipo "ne Natanayɛle
43-Zle "kɛ ze ne, Zezu yi -lɔ no- nɛɛ: 'E kaa- Galile me! "Ne 'ɔ -nyɛ Filipo "bhaa 'wa yi -lɔ "ku 'sibhɔle-, "ne 'ɔ yu -lɔ bhulɛle- nɛɛ: «Gɛle- -ame!» 44"Ɛ Filipo, Bɛtesayida 'na 'nyɔkpɔ yɔ -lɔ, Adle "ne Piɛle 'wa 'luku. 45"Ne Filipo -nyɛ Natanayɛle "bhaa 'wa yi -lɔ "ku sibhɔle-, "ne 'ɔ yu -lɔ bhulɛle- nɛɛ: «-Nyɔ za 'wa 'kɛle- Moyize 'na gbagbɛ -bɔgo, "ne -nyɔ 'na "kukoweli "guɔkwɔmenya -bhulɛ -me -wɛ, -a -ylo: Nazalɛte 'na Zozɛfo Yowli Zezu yɔ -lɔ.» 46"Ne Natanayɛle yi -lɔ Filipo bhulɛle- nɛɛ: «"Ɛ Nazalɛte -wɛ, -bɛɛ' 'na -bɛɛ' yi bhɔ "bhle zɔ 'wlole 'a?» "Ne Filipo yu -lɔ bhulɛle- nɛɛ: «Yi -se -e "cɛ 'ylime 'ye.»
47Zezu "kɛ Natanayɛle 'na yiyinɔ 'ylime 'ye ne, 'ɔ yi -lɔ 'ɔnɛɛ "ku 'na weli bhulɛ- nɛɛ: «Izlayɛleyu -gbaa -ye yo "ne lɛ 'dlezɔ -ko -wɛ -lɔ.» 48"Ne Natanayɛle yi -lɔ Zezu lo 'yɔbhɔ- nɛɛ: «-Dee -e -yile bhɔ -ame -tiaa?» "Ne Zezu yu -lɔ bhulɛle- nɛɛ: «Filipo -na nɛ -eyi la, -e -ko figesu zɔ, "ne 'e yi -lɔ -eyi 'ylime 'ye.» 49Lɔbhɔ 'ye Natanayɛle -bhulɛlo -lɔ nɛɛ: «"Bhenyɔ, Lagɔ Yowli 'ye -e -noɔ -lɔ, "ne -e -noɔ 'lelee -lɔ Izlayɛle 'na -klɔgbɔnyɔ yɔ.» 50"Ne Zezu yu -lɔ bhulɛle- nɛɛ: «'E no -gbɔ 'e 'ye- -eyi 'ylime figesu zɔ, 'ɛza -e -kɛle -lɔ 'dleku? -Mɔ, -e yi 'ce -bɛɛ' 'na -ɛ 'kpɔ "ne 'ɛ -zi "ɛ -ɛne "ku ne 'ylime 'ye.»
51"Ne Zezu yi 'lelee -lɔ sɛne lɛ nɛɛ: «'Diɛɛ, gbɛklɛklɛ 'ye 'e bhulɛle -lɔ 'anye; 'A yi 'ce "nɔgɔ 'na "ku -vuluɔ -nɛ 'ylime 'ye, "ne "nɔgɔzilia 'wa 'gblɛ "ne 'wa 'kwli 'Nyɔkpɔ Yowli 'wli "ku.»
اکنون انتخاب شده:
Zaa 1: btg
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2024 (Active), Wycliffe Bible Translators, Inc. All rights reserved.
Zaa 1
1
Zezu Kli -noɔ -lɔ Lagɔ 'na bhulɛweli yɔ
1"Kucidɛku, weli -le 'awɔ, "ne weli -nyɛ Lagɔ "bhaa, 'wa -ko 'awɔ lɔbhɔ, "ne weli -noɔ 'awɔ -lɔ Lagɔ yɔ#1.1 Weli -noa -lɔ Lagɔ yɛ: "Ɛ weli -wɛ Zezu yɔ -lɔ. 'A "ye me Zaa 1.14.. 2"Kucidɛku, weli -nyɛ Lagɔ "bhaa 'wa -ko 'awɔ lɔbhɔ. 3"Ne weli "me, 'ye Lagɔ -nole -lɔ li 'klekle, -bɛɛ' 'na -ye 'ɔ "ne weli "me -nole "ne -le. 4Weli "me 'ye zikpɛ -ko -lɔ, "ne weli -noɔ -lɔ 'nyakpa 'na zle yɛ. 5"Ne "ɛ zle le -lɔ titiɛ "me, -mɔ, "ɛ titiɛ "ne kɔ sa-.
6Lagɔ yi -lɔ 'nyɔkpɔ -ye 'wa la Zaa -wɛ lebhe-. 7'Ɔ -yi -se 'ɔ "kɛ "ɛ zle 'na -ɔyeɛdɛ "zo, -se, 'nyakpa 'klekle "kɛ 'dleku kɛle- 'ɔnɛɛ 'ylime. 8'Ɔ "ne nɛ zle yɔ, -mɔ zle 'na 'ɔyeɛdɛ 'ye 'ɔ -noɔ 'awɔ -lɔ.
9"Naa-, weli -noɔ 'awɔ -lɔ 'diɛɛ 'na zle yɛ. 'Ɛ -yi dodo ne "ku -se 'ɛ "kɛ 'nyakpa 'klekle "ku lea-.
10"Ɛ weli -wɛ -ko 'awɔ 'nyakpa 'glɛme, "ne 'ɛyi "me 'ye Lagɔ -nole -lɔ zikpɛ, -mɔ, zikpɛ "ne -yibhlele. 11"Ne 'ɛ Weli yi -lɔ 'ɛnɛɛ -gligbɛ "ku yi, -mɔ, 'ɛnɛɛ -gligbɛnya -sɛ 'ɛnɛɛ lo. 12-Mɔ, 'wanɛɛ 'glɛme 'na -bedia sɛ- kɔ "ne 'wa -kɛle 'dleku. 'Wayi -wɛ ne, 'ɛ 'nyoa- 'bhɛloɛ -se 'wa "kɛ Lagɔ 'na yua "zo. 13"Ne 'wa yi -lɔ "ɛ Lagɔ 'na yua "zo. 'Nyakpa 'ɛ -na kɔ 'bhale-; 'Ɛ "ne -see 'ŋɔnɔ -nyɛ 'widi "bhaa 'wa 'gwɛle yu -wɛ yɛ. -Mɔ, Lagɔ "zoa- -da -lɔ 'ɔnɛɛ yua.
14"Ne "ɛ weli yi -lɔ 'nyɔkpɔ "me yili-, "ne 'ɔ -nyɔ "bhaa -a yi -lɔ "ku kole-, "ne -a yi -lɔ 'ɔnɛɛ 'ŋlu 'ylime 'ye. "Ɛ 'ŋlu -wɛ, To 'jo- -lɔ kɔ. Lagɔ Yowli -bholo -kpee, -ɔ yiɛ- -jɔlo "ku, "ne -ɔ bhulɛ gbɛklɛklɛ 'na 'ŋlu yɛ -lɔ.
15Zaa -noɔ -lɔ 'ɔnɛɛ -ɔyeɛdɛ yɔ, "ne 'ɔ -sɛle -lɔ glɔnya 'de nɛɛ: «-Nyɔ 'na weli -ye 'e -bhulɛ, "ne 'e yi no- nɛɛ: 'Nyɔkpɔ -ɔ 'bhale -ame 'beme -wɛ kpɔ "ne 'ɔ -zi -ame "ku -wɛ -lɔ; "Naa- 'ɔɔ -yi -lɔ 'neɛ za tɛɛ zɛ.»
16'A -gɛyli, 'ɔ -wamale -anye 'na 'ylime, -anye 'klekle -a -yle -jɔlo, -jɔlo 'na 'kwleyi. 17Lagɔ 'je- -lɔ Moyize -Lɔ kɔ, "ne 'ɔ 'yi -lɔ -anye -nɛme, -mɔ, -jɔlo -nyɛ gbɛklɛklɛ "bhaa Zezu Kli -nɛme -lɔ. 18'Nyɔkpɔ -na 'ce -zɛ Lagɔ 'ylime 'ye, -mɔ, Yu -bholo -kpee, -ɔ -noɔ Lagɔ yɔ, "ne 'ɔ -ko To yɔko -wɛ, 'ɔɔ -slo -lɔ -anye.
Zaa Batise 'na bhulɛweli
(Matie 3.1-12; Malke 1.2-8; Luke 3.15-17)
19Sɛne Zaa lɛ- 'awɔ -lɔ, -sɔɔdɛku Zeluzalɛme 'na Zufonya 'na "cifia -lebhe 'awɔ Levi -gligbɛ "ku 'na 'nyakpa "ne bɔbɔnya -se 'wa "kɛ Zaa lo 'yɔbhɔ -gbɔ: «Sɔɔnyɔ 'ye -e -noɔ bhɔ -tiaa?» 20Zaa "ne weli "ku zizi-, -mɔ, 'ɔ -bhulɛ gbɛklɛklɛ nɛɛ: «'Mɔɔ "ne Lagɔ 'na ŋwlɛŋwlɛyu yɔ.» 21"Ne 'wa yu -lɔ lo 'yɔbhɔ- nɛɛ: «-Ye -e -noɔ bhɔ? -Mɔɔ -noɔ bhɔ Eli yɔ 'a?» 'Ɔ nɛɛ: «'E "ne -kɛ 'ɔyi yɔ.» "Ne 'wa yu -lɔ "kusɔ lo 'yɔbhɔ- nɛɛ: «Zaa, "guɔkwɔmenyɔ 'ye -e -noɔ bha?» 'Ɔ nɛɛ: «'Bhɔ -kɛ.» 22"Ne 'wa yu -da -lɔ lo 'yɔbhɔ- nɛɛ: «-Ye -e -noɔ bhɔ -tiaa? Zaa, -see -a -na bhulɛle bhɔ "ɛ -wa -lebhe -anye -wɛ?» 23"Ne Zaa yi -lɔ sɛne lɛ nɛɛ: «'Nyɔkpɔ -bholo -nyɔ 'na weli "guɔkwɔmenyɔ Ezayi -bhulɛ -gbɔ 'ɔ 'kpale 'kɔsɛku "me -wɛ, -ame yɔ -lɔ. Sɛne 'ye 'ɔ lɛ- -lɔ nɛɛ: 'A -sɛ Anyinɛnyɔ 'na -gwe, 'a 'jeɛ- -kɛ 'wli gbii.»
24"Ɛ 'nyakpa -ye 'wa -lebhe 'awɔ Zaa "ku -wɛ, Faliziɛnya -ko -moa 'awɔ 'glɛme. 25"Ne 'wa 'yɔbhɔ -lɔ "ɛ Zaa lo 'yiɛ, ŋwɛnɛɛ: «-E nɛɛ -e "ne 'Fuɔnyɔ yɔ, -e "ne Eli yɔ, "ne -e "ne 'lelee "guɔkwɔmenyɔ yɔ, zaa, sɔɔbɛɛza -e 'nyɛ bhɔ 'nyakpa batɛme?» 26"Ne Zaa yua -lɔ bhulɛle- nɛɛ: «-Ame, 'ŋu nu 'ye 'e "nyɛle -lɔ batɛme. -Mɔ, 'nyɔkpɔ -bholo -ko 'anye 'glɛme 'a "no -yi. 27'Ɔɔ 'bhale -lɔ -ame 'beme. 'Ɔyi -wɛ ne, 'e "ne 'bhɛle- -se 'e "kɛ 'ɔnɛɛ -kpɔklo 'na lu vulu.» 28-Ɛwɛ 'klekle ne, Betani 'ye 'ɛ -ylɛle -lɔ, bɔɔ -ye 'wa la Zludɛ -wɛ 'na pɛɛ -ce "ku, -dee Zaa 'nyɛle 'awɔ 'nyakpa batɛme -wɛ.
Zezu, Lagɔ Yowli yɔ -lɔ
29-Zle "kɛ ze ne, Zaa 'na wolo, Zezu yilu lo; "ne 'ɔ yi -lɔ no- nɛɛ: «Lagɔ 'na Zɛbhlɛbhlɛyu, -ɔ "titli 'nyakpa 'klekle 'na "nyinyɔnɔli "ku ne lɛ.» 30'Ɔnɛɛ "ku 'na weli 'ye 'e -bhulɛ -lɔ nɛɛ: «'Nyɔkpɔ, -ɔ 'bhale -ame 'beme -wɛ 'kpɔ- kpɛnyee "ne 'ɔ -zi -ame "ku, sɛko -wɛ, 'e "ne 'awɔ -le, "ne 'ɔ -le nɛ -lɔ. 31"Ne -ame 'nabhɛ 'e "no nɛ -yi "klee, -mɔ, 'e -yi 'nyakpa batɛme 'ŋu nu "nyɛle -ka, -se Izlayɛle 'na -gligbɛnya "kɔ yibhlele-.»
32"Ne "ɛ Zaa yi -lɔ -ye 'ɔ 'ye- 'ylime -wɛ 'na weli bhulɛ-; 'Ɔ nɛɛ: «'E 'ye- Zuzu Wlewle 'ylime, 'ɔ -le sɛgbɛɛ -kobhlele, "ne 'ɔ yi -lɔ "nɔgɔ "me 'bhale-, "ne 'ɔ yi -lɔ Zezu "ku 'kwile-, "ne 'ɔ yi -lɔ lɔbhɔ tole-. 33-Ame 'nabhɛ, 'e "no nɛ -yi "klee, -mɔ, Lagɔ -ɔ -lebhe -ame -gbɔ 'e "nyɛle 'nyakpa batɛme 'ŋu nu -wɛ, 'ɔɔ -bhulɛle -lɔ -ame nɛɛ: -E yi Zuzu Wlewle 'ylime 'ye "ne 'ɔ yi 'nyɔkpɔ -bholo -kopi "ku 'gli; 'Ɔyi -wɛ 'ɔɔ "kɛ -lɔ 'nyakpa batɛme Zuzu Wlewle "me "nyɛle. 34-Ɛwɛ 'klekle 'e 'ye- 'ylime, "ne 'e 'ye- 'ɛ dɛ; 'Ɛza 'e no -lɔ nɛɛ: 'Nyɔkpɔ ne, Lagɔ 'na Yu yɔ -lɔ 'diɛɛ.»
Zezu 'tɔ 'ɔnɛɛ gɛlenya 'na tɛtɛnoa
35-Zle "kɛ ze ne, Zaa -ko "ɛ dɛbhele -wɛ, 'ɔ -nyɛ 'ɔnɛɛ gɛlenya 'glɛme 'na 'nyakpa "sɔ "bhaa. 36Zaa "kɛ Zezu 'na 'pleplenɔ 'ylime 'ye ne, 'ɔ nɛɛ: «Lagɔ 'na Zɛbhlɛbhlɛyu ne lɛ.»
37"Ɛ Zaa 'na gɛlenya "sɔ -wɛ 'no- lɛ "ɛ weli -wɛ "me ne, Zezu 'wa -bhli -lɔ 'beku. 38Zezu "kɛ 'beme wolo-, 'ɔ 'na "zo sɛ, 'wa -gɛlelo, "ne 'ɔ yua -lɔ lo 'yɔbhɔ- nɛɛ: «-Ye 'a tɛle bhɔ siɛ?» Ŋwɛnɛɛ: «Ylabi, -neɛ' 'glidɛ -dee 'ɛ -ko bhɔ?» Ylabi sɛ zɔ nɛɛ: «"Bhenyɔ.» 39"Ne Zezu yua -lɔ bhulɛle- nɛɛ: «'A yi, -se 'a "kɛ lɔbhɔ 'ylime 'ye.» "Ne 'wa yi -lɔ -dee 'ɔ -ko -wɛ 'ylime 'ye ka me, "ne 'wa yu -lɔ yɔko to-; Kugbɛdɛ glee -mɔɔnɔ me nɛ ylɛ -dɛku.
40Adle, Simɔ Piɛle 'ɔ "nɔwli, "ɛ 'nyakpa "sɔ -wa 'no- 'awɔ Zaa 'na bhulɛweli, "ne 'wa yi 'awɔ Zezu gɛle- -wɛ 'na 'glɛme 'na -bholo yɔ -lɔ. 41'Ɔ -me 'ɔ "nɔwli Simɔ "bhle yle -ka, "ne 'ɔ yu -lɔ bhulɛle- nɛɛ: «-A -yle Klise, Lagɔ 'na ŋwɛnɛŋwɛnɛyu!»
42"Ne 'ɔ yu -lɔ Zezu kɔme-. "Ne Zezu yu -lɔ "ku wolo- -vlee, 'ɔ nɛɛ: «Simɔ, Zaa yowli 'ye -e -noɔ -lɔ, 'wa yi -da -eyi Sefase la.» 'Ɛ sɛ zɔ nɛɛ: «Piɛle.»
Filipo "ne Natanayɛle
43-Zle "kɛ ze ne, Zezu yi -lɔ no- nɛɛ: 'E kaa- Galile me! "Ne 'ɔ -nyɛ Filipo "bhaa 'wa yi -lɔ "ku 'sibhɔle-, "ne 'ɔ yu -lɔ bhulɛle- nɛɛ: «Gɛle- -ame!» 44"Ɛ Filipo, Bɛtesayida 'na 'nyɔkpɔ yɔ -lɔ, Adle "ne Piɛle 'wa 'luku. 45"Ne Filipo -nyɛ Natanayɛle "bhaa 'wa yi -lɔ "ku sibhɔle-, "ne 'ɔ yu -lɔ bhulɛle- nɛɛ: «-Nyɔ za 'wa 'kɛle- Moyize 'na gbagbɛ -bɔgo, "ne -nyɔ 'na "kukoweli "guɔkwɔmenya -bhulɛ -me -wɛ, -a -ylo: Nazalɛte 'na Zozɛfo Yowli Zezu yɔ -lɔ.» 46"Ne Natanayɛle yi -lɔ Filipo bhulɛle- nɛɛ: «"Ɛ Nazalɛte -wɛ, -bɛɛ' 'na -bɛɛ' yi bhɔ "bhle zɔ 'wlole 'a?» "Ne Filipo yu -lɔ bhulɛle- nɛɛ: «Yi -se -e "cɛ 'ylime 'ye.»
47Zezu "kɛ Natanayɛle 'na yiyinɔ 'ylime 'ye ne, 'ɔ yi -lɔ 'ɔnɛɛ "ku 'na weli bhulɛ- nɛɛ: «Izlayɛleyu -gbaa -ye yo "ne lɛ 'dlezɔ -ko -wɛ -lɔ.» 48"Ne Natanayɛle yi -lɔ Zezu lo 'yɔbhɔ- nɛɛ: «-Dee -e -yile bhɔ -ame -tiaa?» "Ne Zezu yu -lɔ bhulɛle- nɛɛ: «Filipo -na nɛ -eyi la, -e -ko figesu zɔ, "ne 'e yi -lɔ -eyi 'ylime 'ye.» 49Lɔbhɔ 'ye Natanayɛle -bhulɛlo -lɔ nɛɛ: «"Bhenyɔ, Lagɔ Yowli 'ye -e -noɔ -lɔ, "ne -e -noɔ 'lelee -lɔ Izlayɛle 'na -klɔgbɔnyɔ yɔ.» 50"Ne Zezu yu -lɔ bhulɛle- nɛɛ: «'E no -gbɔ 'e 'ye- -eyi 'ylime figesu zɔ, 'ɛza -e -kɛle -lɔ 'dleku? -Mɔ, -e yi 'ce -bɛɛ' 'na -ɛ 'kpɔ "ne 'ɛ -zi "ɛ -ɛne "ku ne 'ylime 'ye.»
51"Ne Zezu yi 'lelee -lɔ sɛne lɛ nɛɛ: «'Diɛɛ, gbɛklɛklɛ 'ye 'e bhulɛle -lɔ 'anye; 'A yi 'ce "nɔgɔ 'na "ku -vuluɔ -nɛ 'ylime 'ye, "ne "nɔgɔzilia 'wa 'gblɛ "ne 'wa 'kwli 'Nyɔkpɔ Yowli 'wli "ku.»
اکنون انتخاب شده:
:
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2024 (Active), Wycliffe Bible Translators, Inc. All rights reserved.