Isaià 15
15
Fitarainana momba an’i Môaba
(Toko 15–16; jereo Jer 48)
1Hafatra momba an’i Môaba.
Indray alina monja dia rava
tsy nisy niangana ny tanàna Hara-Môaba,
indray alina monja dia rava
tsy nisy niangana ny tanàna Kira-Môaba#15.1 Hara-Môaba sy Kira-Môaba: tanàna anankiroa anisan’ireo lehibe tao Môaba, any atsimon’i Arnôna. Ilay faharoa dia antsoina koa hoe Kira-Heresa ao amin’ny Jer 48.31 (jereo Is 16.7); toa io no renivohi-panjakana. –Momba ny Môabita, dia jereo 25.10-12; Jer 48; Ezek 25.8-11; Ham 2.1-3; Tsef 2.8-11..
2Ny mponin’i Dibôna dia miakatra
eny amin’ny toeram-pivavahany mba hitomany.
Any Nebao sy Medebà no idradradradran’i Môaba.
Voaharatra avokoa ny loha rehetra
ary voaala ny volombava rehetra#15.2 I Dibôna no toa renivohitra ara-pivavahana tao Môaba. –loha voaharatra, volombava voaala: mariky ny fisaonana; jereo Jer 48.37..
3Eny an-dalambe dia lamba fisaonana
no itafian’ny besinimaro,
eny an-tampon-trano sy eny an-kianja eny
no idradradradran’izy rehetra
sady irotsahan’ny ranomasony#15.3 Jereo Jer 48.38..
4Miantso vonjy ny any Hesbôna sy Elehale
ka re hatrany Jahatsa ny feony;
izany no mampilofika an’i Môaba
sy mahakivy ny fanahiny#15.4 And 4: jereo Jer 48.34. –Hesbôna, Elehale: tanàna môabita any akaikin’ny sisintany avaratra..
5Mitaraina ny foko noho ny amin’i Môaba:
tonga hatrany Tsôhara sy Heglata-Selisià ny mpandositra.
Mitomany ny olona mianika ny fiakaran’i Lohita
ary midradradradra mamoy fo eny an-dalana ho any Hôrônaima#15.5 Mitaraina... Môaba: jereo Jer 48.31 sy nta. –Tsôhara: jereo Jer 48.4 sy nta; 48.34. –fiakaran’i Lohita, Hôrônaima: jereo Jer 48.5..
6Nanjary ritra ny ranon’i Nimrima#15.6 Nimrima: jereo Jer 48.34 sy nta.,
maina ny vilona, nalazo ny zava-maniry,
ary tsy nisy ahi-maitso intsony.
7Ireo harena vitsivitsy hany sisa voatahiry
dia nentin’ireo Môabita nitsoaka
any am-pitan’ny lohasahan-driakan’ny Hazomalahelo.
8Antsoantsom-pitarainana no heno
manodidina ny faritanin’i Môaba;
hatrany Eglaîma sy hatrany Beera-Elima aza
no andrenesana ny fidradradradràny#15.8 Eglaîma: toa tanàna ao avaratry ny Ranomasina Maty. –Beera-Elima: eo akaikin’ny sisintany avaratra atsinanan’i Môaba..
9Feno ra ny rano mandalo ao Dibôna,
fa hoy ny TOMPO hoe:
«Eny, hitondra loza vaovao ao Dibôna Aho,
dia liona hamely izay afa-nandositra tao Môaba,
sy izay sisa velona amin’izany tany izany.»
اکنون انتخاب شده:
Isaià 15: DIEM
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Dikanteny Iombonana Eto Madagasikara © Malagasy Bible Society, 2004.