Génesis 1
1
Dios naatiiwi udiwadi
1Diospa udiwakĩ taewadi dai yawi bai. 2Bai sharaba idi. Wakishiwane enewa wepua idi. Epa Dios awẽ Espíritu Santo enewa manaũ kawakedi. 3Epa Diospa yuidi: “Chaxayai inu”, waadu chaxatadi. 4Epa Dios uĩya sharakui idi. Chaxayai ita wakishiwa paxkanawadi. 5Chaxayai adekĩ peda, wadi. Wakishiwa adekĩ yabe, wadi. Yabeta pedai taedi. Ma peda wisti ika idi.
6Epa Diospa yuidi: “Daiwe”, waadu daidi. “Dai nexpakayaduax ede paxkanu”, wadi. 7Naskawaxu dai Diospa udiwadi. Ede atiriwi dai mera ikaidu atiriwi amanauri idi. 8Diospa uĩya dai sharakui uĩdi. Na adekĩ dai, wadi. Naskata yabeta pedadi. Ma peda rawe ika idi.
9Naskata: “Dai nunamariduax nadu wisti enewa ichanu”, Diospa wadi. “Bai betu tsekenu”, waadu kushi naskatadi. 10Epa Dios bai betu adekĩ bai, wadi. Enewa nadu wisti ichawu adekĩ enewa, wadi. Epa Dios uĩya shara idi. 11Diospa bai adu uĩya sharakui idi. Bai adu iwiwu ma ika idi. Wibiyawu wasiwu exeyawu idi. 12Bai adu charuwu wetsa keskarawu wuaita wasi exeyawu ita iwi wibitiruwu Diospa uĩya sharakui idi. 13Ma peda tres ma ika idi.
14Naskata Epa Diospa yuidi: “Dai mera chaxayaiwu inu Peda yawi yabe paxkanawaduwu. Naawuxu peda tapita wariya bechaka nu tapinu. 15Dai meraxu bai adu chaxaiwu inu”, waadu naskadi. 16Epa Diospa chaxayai ewapa rawe wadi. Wari pedata chaxanu uxe yabetari chaxanu exteweruri wadi. 17Nama chaxanuwu Epa Dios dai adu netadi. 18Chaxayai ita wakishiwa paxkanawadi. Pedata chaxata yabetari chaxanuwu. Epa Diospa uĩya sharakui idi. 19Naskata ma peda cuatro ika idi.
20Naskata Epa Diospa yuidi: “Ede mera ikawu wetsa keskarawu inu. Enewawu mera ikawu ichanuwu. Peiyawuri wumakaya dai mera yuyatiruwu inu”. Diospa uĩya sharakui idi. 21Naskawaxu Diospa ede meradua shima ewapanawawu kaitiru udiwata peiyawu udiwadi. Diospa uĩya sharakui idi. 22Tsai shara iskara atu yuidi: “Ichapakexakawe yuina wetsa keskara edewu mera ikawu. Ewapanawawuriwi ichapa wakewuya ipaxanuwu. Peiyawu wetsa keskarawu inu. Peiyawawe wakewu bai adu ichapakexanuwu”, Diospa wadi. 23Yabeta pedadi. Ma peda cinco ma ika idi.
24Epa Diospa yuidi: “Bai adu ikawu yuina idawanabetiruwu dii mera yuina ikawuri ichapakexanuwu”, idi. Naskatari: “Yuina pitiruwu ita yuina pitiruwuba bai adu xaratiruwuri inu”, Epa Diospa waadu naskatadi. 25Epa Diospa udiwadi yuina pitiruwu ita yuina pitiruwuba bai adu xaratiruwuri. Epa Diospa uĩya sharakui idi.
26Naskata yuidi: “Dukuwede nu udiwanu duku keskara inu. Yuinawu atũ iwu inu”, Diospa wadi.
27Diospa dukuwede udiwadi
awẽ shina keskara inu.
Dukuwede udiwata awĩwu udiwadi.
28Epa Dios tsai shara iskara atu yuidi:
“Ichapakexakawe.
Ede mera ikawu shimawawe atũ iwu peiyawawe atũ iwuri na dai mera yuyatiruwuri
yuinawawe iwuri bai adu xaratiruwuri nawuwawe iwu mi ipadaka.
29Ẽ bia bai inai. Iwi wibiyawu exeyawu naawu mi pitiru. 30Yuina wetsa keskarawu peiyawu xaratiruwu wasiwu inata badi peiwuri ẽ atu inai nawu pinuwu”, Epa Diospa Adán wadi. 31Diospa uĩya sharakui idi. Ma peda seis ma ika idi.
اکنون انتخاب شده:
Génesis 1: mtsB
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید