YA-SFADOCI JRNE 3
3
1Huwa ilani ntvsi vpiwv nihki Palaseki uci, Nakvdemvse si-nofu, dabalamrtv nihi Josvhi : 2hinv ivskv udfrli nili tapahgi biawv, macimi Labrye, ni wrkudrpa yasi Mvnatu uci birivni gelv gagahgimiwatv; xvga mvtv wiyafv ivh kvtvwi yolumv giginolo-wanv si lvwi yrsi lvweivni, waciwaphi Mvnadoli weje-makuta, u talrli. 3Jesise rpvfsa macimi, Tapilo, tapilo, gi tala nelv, Waci-waphi wiyafv mvivgi usgi-lanvwawita, mvtv inv u tvh kvtvwi nama ini ugimrwi-drmkumi Mvnatu, u talrli. 4Nahiwa wihsi kvtvwi usgi-lanvwawi ilani ina pvsidofiwita? hv wih kvtvwi mvwi-nesana becfvtvmv-wrli u Irmvdrkv-nilici u gali macimi wi husgi-lanvwawi? u talrli Nakvdemvse. 5Rpvfsa Jesise, Tapilo, tapilo, gi tala nelv, Waciwaphi wiyafv napi macimi nili Ucvjrlvh-qvli uci usgilanvwawita, mvtv inv u tvh kvtvwi becfvtv ini ugim-rwi-drmkumi Mvnatu. 6Hinv wa-usgi-lanvwawitv ini wivufi uci wivufiwi; chena inv wa-usgi-lanvwawitv nili Ucvjrlvhqvli uci ucvjrlvhkuwi. 7Tagi qvqahdrni-tahalu, Qelv’ husgi-lanvwawiku yasi ilalv. 8Hini mahsigikvgi bodrcigaiv goqa tvsi yasi tahayrgi, macimi gelv gi notv yasilwagi ntvsi, pvyaqv mvtv gi wrkutv wa-moyrgi ini, macimi yahayrgi ini; yone yagi jrgi wiyafv wa-usgi-lanvwawitv nili Ucvjrlvhqvli uci, u talrli. 9Nakvdemvse rpvfsa macimi, Nahiwa wihsi kvtvwi inu yolumv wiahi? u talrli. 10Jesise rpvfsa macimi, Hv gelv nili u kvgahgimrmvli Is weiv, macimi mvtv gi nanuhdrnv yolumv wiahi? 11Tapilo, tapilo, gi tala nelv, Ni kvlvwipa ini wvyrkutvmrga, chena ni pvh-nemapa dab-wawa ini mviahci namayrga; macimi gelvwv mvtv ki utvhpanr-nrwv ni dabwawananv. 12Qahqi wetvmolvku vsisgi si wiahi macimi mvtv ki dapwahdr-nrwv, nahiwa gah si gelvwv dapwahdr-nrwv wetvmolvku manqvdowi si wiahi? 13Chena mvtv wiyafv manqvtugi mah’ lrfiwa, i-nv wakv mankvtugi waci lrsiwatv, data-pilvhi nili u Qihfvli ilani, yapitv mankvtugi. 14Chena yasi Mosise nemvtwhrci nili mvnadoli ini Ir belasgi, yone datapilvhi qelvhi inv u Qihfvli ilani si nemvdhofuci; 15wvhsi waciganvhi goqa-nafv-grci dapwahsa manvwvhi bonvgi u weyrwilici goqa-lrqvsi lanvwawewa.
16Xvga yone u tasi vhqalatv Mvnatu ini yalakuqvh-kvmigigi, waciganvhi meliwa u nakudo-srkvnvli u Qihfvli, wvhsi goqa-nafv-grci dapwahtv-wrta nili bur iqinaci, wakv bonvgi goqa-lrqvsi la-nvwawewa. 17Xvga Mvnatu mvtv u tah wrwenaskvwrli nili Uqihhmrli ini yalakuqvh-kvmigigi wvhsi wiah-lvhkuwrtv-malici ini yalakuqvh-kvmigigi; wakv wi hini yalakuqvh-kvmigigi wrpvnasdodagi srpwi nili. 18Hinv da-dapwahtv-wrtv nili mvtv wiah-lvhkuwrfu : inv buryr dapwahsatv naiahkv mahtvh-kuwrfu, xvga inv mvtv naiahkv u dapwahtv ini u wefowa inv nakudo-srkv u Qihfvli Mvnatu. 19Chena vlv-yomv ini lvhkuwrfowa, yasi ini wvivhfayrgi ini yalakuqvh-kvmigigi biayrgi, macimi ilaneki vhqalatv-muwrci grjekv ini bapagijrgi notv ini wvivhfayrgi; xvga u pakvtafewanwv mvjrfi. 20Xvga jrgi wiyafv majrfigi yasi lvwetv u segalatv ini wvivhfayrgi, macimi mvtv ini wvivh-fayrgi ivh si biawv, belapa u pakvtafewanv wih mvdrtudodali. 21Wakv inv ini dabwawa yasi lvwetv ini wvivhfayrgi si biawv, wvhsi u pakvtafewanv manvwvhi tapinvuqidodaki, yasi nili mahci pakvtanodaki Mvnadogi.
22Hvhkuwihi ina yolumv wiahi ini Cudiawi drmqagi si biaki Jesise macimi u kvgahgimrf hi; macimi n’tvsi u nvkvhsino-mvhi nihi, chena fvfvhqi-ulalhiwa. 23Chena Jrne nahfrpi bami fvfvhqi-ulalhiwaci Ainvnegi mrlrqvhi Salime, xvga ntvsi mama-kvnwi napi : macimi nihki biaki, chena fvfvhqi-ulalhofoki. 24Xvga mvtv Jrne mah’ becfa-pvgilofu giphudewa-nagi. 25Waciganvhi ntvsi pvfaqeiv nvtuhdwrdewa ini wvyatvhqa u kvgahgimrfhi Jrne gilagi Josvli yagi ufapi-lvwewa. 26Chena nihki Jrneli si biaki, macimi, Labrye, inv wa-wetvfomahkv ini vlikv wiyaci Jrtane, mviahci pvh-nemvwvtv dabwawa, wrpvmi, fvfvhqi-ulalhiwa inv ivskv, macimi jrivhki ilaneki nili si biaki, u talrwrli. 27Hrpvfsa Jrne macimi, Ilani kvtvwi utafi mvtv-wiahi, waciwaphi manqvtugi uci mahci melata ini. 28Gelvwv nahvlwrkv ki pvh-nemvwipwv dabwawa, Mvtv neiv inv Klvisde, yasi iuiv, wakv yasi nelv negrnaskvwigi inv. 29Hinv ba-bonrtv nili mvivgi-nhrkvnah-qali mvivgi-nhrkvnv inv : wakv nili wih-grnvli inv mvivgi-nhrkvnv, na-nepvwilici macimi nodrkuci, msi-usvsilabwrli xvga ini mvivgi-nhrkvnv u ta sihsimowa : yone yomv waciganvhi nelv n’usvsilabwrwa uqrwi sdota. 30Qelv’ hinv wa sqelafi, wakv nelv qelvhi na hujagelafi.
31Hinv spamagi wa-makv sbalamakufi jrivhki : hinv ini vsisgi-drmqa waciwitv ini vsisgi-drmqa uciwi, macimi ini vsisgi-drmqa ud rtutv : inv manqvtugi wa-makv sbalamakufi jrivhki.
32Hini mviahci inv namagi macimi notvgi, u pvh-nema ini si dabwawa; macimi mvtv ilani utvhpanv-mvwrli u dabwawa-nilick.
33Hinv mviahci utvhpanv-mvwrtv u dabwawa-nilici mahci pashvlwa yomv, yasi Mvnatu dabwawici. 34Xvga inv Mvnatu mviahci wrwenaskvwrci kvlvwi nili Mvnatu u kvlvwewanv : xvga inv mvtv tapvcikv si meliwa nili Ucvjrlvhqvli. 35Hinv Ufimv ut vhqalamrli nili Uqihfimrli, macimi u laciwilici si meliwa jrivhki wiahi. 36Hinv da-dapwahsatv nili Uqihfimrli u bonv goqa-lrqvsi lanvwawewa; wakv inv buryr malunah-tvwrtv nili Uqihfimrli mvtv wah nama lanvwawewa, wakv ini u gidawa Mvnatu wa vdali weyrgi.
انتخاب شده:
YA-SFADOCI JRNE 3: SJW
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Published for Thomas Wildcat Alford in 1929
YA-SFADOCI JRNE 3
3
1Huwa ilani ntvsi vpiwv nihki Palaseki uci, Nakvdemvse si-nofu, dabalamrtv nihi Josvhi : 2hinv ivskv udfrli nili tapahgi biawv, macimi Labrye, ni wrkudrpa yasi Mvnatu uci birivni gelv gagahgimiwatv; xvga mvtv wiyafv ivh kvtvwi yolumv giginolo-wanv si lvwi yrsi lvweivni, waciwaphi Mvnadoli weje-makuta, u talrli. 3Jesise rpvfsa macimi, Tapilo, tapilo, gi tala nelv, Waci-waphi wiyafv mvivgi usgi-lanvwawita, mvtv inv u tvh kvtvwi nama ini ugimrwi-drmkumi Mvnatu, u talrli. 4Nahiwa wihsi kvtvwi usgi-lanvwawi ilani ina pvsidofiwita? hv wih kvtvwi mvwi-nesana becfvtvmv-wrli u Irmvdrkv-nilici u gali macimi wi husgi-lanvwawi? u talrli Nakvdemvse. 5Rpvfsa Jesise, Tapilo, tapilo, gi tala nelv, Waciwaphi wiyafv napi macimi nili Ucvjrlvh-qvli uci usgilanvwawita, mvtv inv u tvh kvtvwi becfvtv ini ugim-rwi-drmkumi Mvnatu. 6Hinv wa-usgi-lanvwawitv ini wivufi uci wivufiwi; chena inv wa-usgi-lanvwawitv nili Ucvjrlvhqvli uci ucvjrlvhkuwi. 7Tagi qvqahdrni-tahalu, Qelv’ husgi-lanvwawiku yasi ilalv. 8Hini mahsigikvgi bodrcigaiv goqa tvsi yasi tahayrgi, macimi gelv gi notv yasilwagi ntvsi, pvyaqv mvtv gi wrkutv wa-moyrgi ini, macimi yahayrgi ini; yone yagi jrgi wiyafv wa-usgi-lanvwawitv nili Ucvjrlvhqvli uci, u talrli. 9Nakvdemvse rpvfsa macimi, Nahiwa wihsi kvtvwi inu yolumv wiahi? u talrli. 10Jesise rpvfsa macimi, Hv gelv nili u kvgahgimrmvli Is weiv, macimi mvtv gi nanuhdrnv yolumv wiahi? 11Tapilo, tapilo, gi tala nelv, Ni kvlvwipa ini wvyrkutvmrga, chena ni pvh-nemapa dab-wawa ini mviahci namayrga; macimi gelvwv mvtv ki utvhpanr-nrwv ni dabwawananv. 12Qahqi wetvmolvku vsisgi si wiahi macimi mvtv ki dapwahdr-nrwv, nahiwa gah si gelvwv dapwahdr-nrwv wetvmolvku manqvdowi si wiahi? 13Chena mvtv wiyafv manqvtugi mah’ lrfiwa, i-nv wakv mankvtugi waci lrsiwatv, data-pilvhi nili u Qihfvli ilani, yapitv mankvtugi. 14Chena yasi Mosise nemvtwhrci nili mvnadoli ini Ir belasgi, yone datapilvhi qelvhi inv u Qihfvli ilani si nemvdhofuci; 15wvhsi waciganvhi goqa-nafv-grci dapwahsa manvwvhi bonvgi u weyrwilici goqa-lrqvsi lanvwawewa.
16Xvga yone u tasi vhqalatv Mvnatu ini yalakuqvh-kvmigigi, waciganvhi meliwa u nakudo-srkvnvli u Qihfvli, wvhsi goqa-nafv-grci dapwahtv-wrta nili bur iqinaci, wakv bonvgi goqa-lrqvsi la-nvwawewa. 17Xvga Mvnatu mvtv u tah wrwenaskvwrli nili Uqihhmrli ini yalakuqvh-kvmigigi wvhsi wiah-lvhkuwrtv-malici ini yalakuqvh-kvmigigi; wakv wi hini yalakuqvh-kvmigigi wrpvnasdodagi srpwi nili. 18Hinv da-dapwahtv-wrtv nili mvtv wiah-lvhkuwrfu : inv buryr dapwahsatv naiahkv mahtvh-kuwrfu, xvga inv mvtv naiahkv u dapwahtv ini u wefowa inv nakudo-srkv u Qihfvli Mvnatu. 19Chena vlv-yomv ini lvhkuwrfowa, yasi ini wvivhfayrgi ini yalakuqvh-kvmigigi biayrgi, macimi ilaneki vhqalatv-muwrci grjekv ini bapagijrgi notv ini wvivhfayrgi; xvga u pakvtafewanwv mvjrfi. 20Xvga jrgi wiyafv majrfigi yasi lvwetv u segalatv ini wvivhfayrgi, macimi mvtv ini wvivh-fayrgi ivh si biawv, belapa u pakvtafewanv wih mvdrtudodali. 21Wakv inv ini dabwawa yasi lvwetv ini wvivhfayrgi si biawv, wvhsi u pakvtafewanv manvwvhi tapinvuqidodaki, yasi nili mahci pakvtanodaki Mvnadogi.
22Hvhkuwihi ina yolumv wiahi ini Cudiawi drmqagi si biaki Jesise macimi u kvgahgimrf hi; macimi n’tvsi u nvkvhsino-mvhi nihi, chena fvfvhqi-ulalhiwa. 23Chena Jrne nahfrpi bami fvfvhqi-ulalhiwaci Ainvnegi mrlrqvhi Salime, xvga ntvsi mama-kvnwi napi : macimi nihki biaki, chena fvfvhqi-ulalhofoki. 24Xvga mvtv Jrne mah’ becfa-pvgilofu giphudewa-nagi. 25Waciganvhi ntvsi pvfaqeiv nvtuhdwrdewa ini wvyatvhqa u kvgahgimrfhi Jrne gilagi Josvli yagi ufapi-lvwewa. 26Chena nihki Jrneli si biaki, macimi, Labrye, inv wa-wetvfomahkv ini vlikv wiyaci Jrtane, mviahci pvh-nemvwvtv dabwawa, wrpvmi, fvfvhqi-ulalhiwa inv ivskv, macimi jrivhki ilaneki nili si biaki, u talrwrli. 27Hrpvfsa Jrne macimi, Ilani kvtvwi utafi mvtv-wiahi, waciwaphi manqvtugi uci mahci melata ini. 28Gelvwv nahvlwrkv ki pvh-nemvwipwv dabwawa, Mvtv neiv inv Klvisde, yasi iuiv, wakv yasi nelv negrnaskvwigi inv. 29Hinv ba-bonrtv nili mvivgi-nhrkvnah-qali mvivgi-nhrkvnv inv : wakv nili wih-grnvli inv mvivgi-nhrkvnv, na-nepvwilici macimi nodrkuci, msi-usvsilabwrli xvga ini mvivgi-nhrkvnv u ta sihsimowa : yone yomv waciganvhi nelv n’usvsilabwrwa uqrwi sdota. 30Qelv’ hinv wa sqelafi, wakv nelv qelvhi na hujagelafi.
31Hinv spamagi wa-makv sbalamakufi jrivhki : hinv ini vsisgi-drmqa waciwitv ini vsisgi-drmqa uciwi, macimi ini vsisgi-drmqa ud rtutv : inv manqvtugi wa-makv sbalamakufi jrivhki.
32Hini mviahci inv namagi macimi notvgi, u pvh-nema ini si dabwawa; macimi mvtv ilani utvhpanv-mvwrli u dabwawa-nilick.
33Hinv mviahci utvhpanv-mvwrtv u dabwawa-nilici mahci pashvlwa yomv, yasi Mvnatu dabwawici. 34Xvga inv Mvnatu mviahci wrwenaskvwrci kvlvwi nili Mvnatu u kvlvwewanv : xvga inv mvtv tapvcikv si meliwa nili Ucvjrlvhqvli. 35Hinv Ufimv ut vhqalamrli nili Uqihfimrli, macimi u laciwilici si meliwa jrivhki wiahi. 36Hinv da-dapwahsatv nili Uqihfimrli u bonv goqa-lrqvsi lanvwawewa; wakv inv buryr malunah-tvwrtv nili Uqihfimrli mvtv wah nama lanvwawewa, wakv ini u gidawa Mvnatu wa vdali weyrgi.
انتخاب شده:
:
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Published for Thomas Wildcat Alford in 1929