Ma-thi-ơ 4
4
Chaak ap lêch lung
(Mak 1:12,13; Lu-ka 4:1-13)
1Kươi nei, Brah Wêêng liêu Brah Jê-sus mưt knông trenh sngat jah dol chaak ap lêch lung.#Hê 2:18; 4:15. 2Di kươi ơt sa puôn jơt nar u puôn jơt mang, Pang nh'hit. 3Bah lêch lung dơơh lôh, mor n'hai Pang: “Mơq 'bei laa Koon Brah Ưn, phrui tak lơh pal tmau au but nom ơơi.” 4Brah Jê-sus ơh, “Geh baak 'bian laah:
‘Bu rêh 'bưn geh dơơn chkhôm nom ei laang,
Dôh kot chkhôm jôm baak mor a wiêm Brah Ưn.’”
5Chaak ap liêu Pang mưt poh jrah, dơih Pang lơ kưmbung nhi r'bưn, 6u mor: “Mơq 'bei laa Koon Brah Ưn, phrui jroh chhak nơơm u su ơơi, đươm geh baak 'bian:
‘Brah a kươi tơmbơh aan bơl lênh brah,
Bơl yaang nei a kươi kơldơk 'bei lơ ti,
Ach jơng 'bei a chêh tmau pan.’”
7Brah Jê-sus lah: “Kot geh baak 'bian: ‘'Bei khơơm tuul Brah laa Brah Ưn 'bei.’”
8Chaak ap liêu Pang hao bnơm prêh, chong aan Pang leq sêch pal nggoor a swich teh n'hai baak byơơt byai bu ri, 9u mor: “Mơq 'bei kun smbah hei, hei a kươi aan 'bei leq sêch pal ntil au.” 10Brah Jê-sus lah n'hai bu: “Ơi Sa-tan, phrui rônh kơndaal! Đươm geh baak 'bian laah:
‘'Bei phrui tư wơơl Brah laa Brah Ưn 'bei,
U dơơn chôh di mbu Pang ei.’”
11Chaak ap lơơi du, u tôw, bơl lênh brah lôh jraih Pang.
Kaar Brah Jê-sus tu kwaal Ga-li-lê
(4:12–18:35)
Bơl jơrnơ bôôk daak
(Mak 1:14-20; Lu-ka 4:14,15; 5:1-11)
12Kươt gưt Jang bu nhôp, Brah Jê-sus plơq siq kwaal Ga-li-lê.#Mat 14:3; Mak 6:17; Lu 3:19-20. 13Pang lơơi poh Na-sa-ret, lôh gôq tal poh Ka-bê-na-um mak kơh daak rmưt, knông kwaal Sa-bu-lôn u Nep-ta-li,#Ja 2:12. 14jah baak Ê-sai yau grnưt noor ri ja lah kươt dip plak:
15“Teh Sa-bu-lôn u Nep-ta-li,
Troong han lôh daak rmưt, mak tôw daak Jô-đanh,
Kwaal Ga-li-lê bnih raih agaih ri —
16Raih gôq knông mang jơ ngôw,
Ja sau rơn aang ttih;
U pal bnih gôq ktôk baak chhưt kơndơp,
Ja sau rơn aang hao chring.”
17A plah nei, Brah Jê-sus ptơơm chhuôr laah: “Bơl 'bei phrui teq lơi dôih, đươm nggoor trôôk êch dơơh lôh.”#Mat 3:2.
18Tơt Pang plah han rgoq kơh daak rmưt Ga-li-lê, Pang sau baar du oh bi tôw laa Si-môn, kot chôôl laa Phi-e-rơ, u oh laa Anh-rê plah rang moong a teh daak rmưt, đươm bu kot bơ kaar rang moong. 19Pang lah n'hai bu: “Phrui tênh Hei, Hei a kươi lơh bơl 'bei but ti rang moong bnih.” 20Bu kơndaal teq moong baah tênh Pang. 21Ndih han, Pang sau baar du oh bi êêng laa Ja-kơ, koon Sê-bê-đê ri, u oh laa Jang plah pôl n'hai bươp jhênh moong lơ duuk. Pang khuôl bu. 22Baar du lơơi duuk drơh u bươp bơn ja nei tênh Pang.
23Brah Jê-sus han jôm kwaal Ga-li-lê, kne knông nhi pơrgum, chhuôr Baak Sroong Klanh#4:23 Baak Sroong Klanh: Paich laa Sroong Klanh; paich laa Baak Broh. teq u nggoor trôôk, u tơmbah jôm pơrtanh, tanh ji knông phung raih.#Mat 9:35; Mak 1:39. 24Saak baak Pang teh lư jôm kwaal Si-ri. Bu liêu bơl bnih tanh ji, pal til pơrtanh, chaak rup, brut, a wiêl lôh aan Pang, u Pang tơmbah leq sêch. 25ơk đat bnih a kwaal Ga-li-lê, Đê-ka-bô-lơ,#4:25 Đê-ka-bô-lơ: rơih lah “Mơt Poh”. poh Jê-ru-sa-lem, kwaal Ju-đê u kwaal mak tôw daak Jô-đanh têk têêng han tênh Pang.
اکنون انتخاب شده:
Ma-thi-ơ 4: SBL2024
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2024 Bible Society Vietnam. All rights reserved.
Ma-thi-ơ 4
4
Chaak ap lêch lung
(Mak 1:12,13; Lu-ka 4:1-13)
1Kươi nei, Brah Wêêng liêu Brah Jê-sus mưt knông trenh sngat jah dol chaak ap lêch lung.#Hê 2:18; 4:15. 2Di kươi ơt sa puôn jơt nar u puôn jơt mang, Pang nh'hit. 3Bah lêch lung dơơh lôh, mor n'hai Pang: “Mơq 'bei laa Koon Brah Ưn, phrui tak lơh pal tmau au but nom ơơi.” 4Brah Jê-sus ơh, “Geh baak 'bian laah:
‘Bu rêh 'bưn geh dơơn chkhôm nom ei laang,
Dôh kot chkhôm jôm baak mor a wiêm Brah Ưn.’”
5Chaak ap liêu Pang mưt poh jrah, dơih Pang lơ kưmbung nhi r'bưn, 6u mor: “Mơq 'bei laa Koon Brah Ưn, phrui jroh chhak nơơm u su ơơi, đươm geh baak 'bian:
‘Brah a kươi tơmbơh aan bơl lênh brah,
Bơl yaang nei a kươi kơldơk 'bei lơ ti,
Ach jơng 'bei a chêh tmau pan.’”
7Brah Jê-sus lah: “Kot geh baak 'bian: ‘'Bei khơơm tuul Brah laa Brah Ưn 'bei.’”
8Chaak ap liêu Pang hao bnơm prêh, chong aan Pang leq sêch pal nggoor a swich teh n'hai baak byơơt byai bu ri, 9u mor: “Mơq 'bei kun smbah hei, hei a kươi aan 'bei leq sêch pal ntil au.” 10Brah Jê-sus lah n'hai bu: “Ơi Sa-tan, phrui rônh kơndaal! Đươm geh baak 'bian laah:
‘'Bei phrui tư wơơl Brah laa Brah Ưn 'bei,
U dơơn chôh di mbu Pang ei.’”
11Chaak ap lơơi du, u tôw, bơl lênh brah lôh jraih Pang.
Kaar Brah Jê-sus tu kwaal Ga-li-lê
(4:12–18:35)
Bơl jơrnơ bôôk daak
(Mak 1:14-20; Lu-ka 4:14,15; 5:1-11)
12Kươt gưt Jang bu nhôp, Brah Jê-sus plơq siq kwaal Ga-li-lê.#Mat 14:3; Mak 6:17; Lu 3:19-20. 13Pang lơơi poh Na-sa-ret, lôh gôq tal poh Ka-bê-na-um mak kơh daak rmưt, knông kwaal Sa-bu-lôn u Nep-ta-li,#Ja 2:12. 14jah baak Ê-sai yau grnưt noor ri ja lah kươt dip plak:
15“Teh Sa-bu-lôn u Nep-ta-li,
Troong han lôh daak rmưt, mak tôw daak Jô-đanh,
Kwaal Ga-li-lê bnih raih agaih ri —
16Raih gôq knông mang jơ ngôw,
Ja sau rơn aang ttih;
U pal bnih gôq ktôk baak chhưt kơndơp,
Ja sau rơn aang hao chring.”
17A plah nei, Brah Jê-sus ptơơm chhuôr laah: “Bơl 'bei phrui teq lơi dôih, đươm nggoor trôôk êch dơơh lôh.”#Mat 3:2.
18Tơt Pang plah han rgoq kơh daak rmưt Ga-li-lê, Pang sau baar du oh bi tôw laa Si-môn, kot chôôl laa Phi-e-rơ, u oh laa Anh-rê plah rang moong a teh daak rmưt, đươm bu kot bơ kaar rang moong. 19Pang lah n'hai bu: “Phrui tênh Hei, Hei a kươi lơh bơl 'bei but ti rang moong bnih.” 20Bu kơndaal teq moong baah tênh Pang. 21Ndih han, Pang sau baar du oh bi êêng laa Ja-kơ, koon Sê-bê-đê ri, u oh laa Jang plah pôl n'hai bươp jhênh moong lơ duuk. Pang khuôl bu. 22Baar du lơơi duuk drơh u bươp bơn ja nei tênh Pang.
23Brah Jê-sus han jôm kwaal Ga-li-lê, kne knông nhi pơrgum, chhuôr Baak Sroong Klanh#4:23 Baak Sroong Klanh: Paich laa Sroong Klanh; paich laa Baak Broh. teq u nggoor trôôk, u tơmbah jôm pơrtanh, tanh ji knông phung raih.#Mat 9:35; Mak 1:39. 24Saak baak Pang teh lư jôm kwaal Si-ri. Bu liêu bơl bnih tanh ji, pal til pơrtanh, chaak rup, brut, a wiêl lôh aan Pang, u Pang tơmbah leq sêch. 25ơk đat bnih a kwaal Ga-li-lê, Đê-ka-bô-lơ,#4:25 Đê-ka-bô-lơ: rơih lah “Mơt Poh”. poh Jê-ru-sa-lem, kwaal Ju-đê u kwaal mak tôw daak Jô-đanh têk têêng han tênh Pang.
اکنون انتخاب شده:
:
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2024 Bible Society Vietnam. All rights reserved.