1 Corintios 13
13
Da' nesóxodic
1Da' 'uootaxa jaỹim sosiilo naua' l'aqtaqa na' siỹaxadipi, qataxa naua' l'aqtaqa na' piỹem lé'ecpi Dios lamaxa'spi, qaláxasa da' qaỹa 'te ỹisóxodic, qana'chi sená'am jaga' qataqui 'me ỹisamétapiỹi, 'uootaxa jaga' natovíaxanata 'me 'chi qoỹatovíaxatetapiỹi. 2Qataxa da' jaỹim da' 'uootaxa s'axátetac da' l'aqtac ñi' Dios, qataxa ỹima saỹáten jen'me lasoxocpi 'me sa di'ỹoq, qataxa semata'a't ỹima na' naatetonaxanaxacpi, qataxa da' ỹip'iỹáxac ma'le ỹóvi' da' sañoxot da' ñoqochíỹaxat jega' qasoxonaxa, qaláxasa da' qaỹa 'te ỹisóxodic, qana'chi taqadíta qaỹa ga' ñisáaque. 3Qataxa da' 'uootaxa jaỹim sanéegue ỹima na' ñ'atetpi, qataxa sivíd'a da' san da' ỹó'oquiaxac da' qoỹic'oi, qaláxasa da' qaỹa 'te ỹisóxodic, qana'chi taqadíta da' qaỹa 'te ga' sachiỹoxotaỹi jeda'me.
4Ga' 'uo da' lesóxodic ỹátaqta ne'queten, qataxa huotaxanaqtáqaic, sa 'te quiỹaxanaqtáqaic, qataxa sa 'te jágaqtenaxaic, 'uootaxa ỹ'oxodénaxaic. 5Qataxa sa 'te da' ỹ'aloqtet ga' laqáỹa, sa 'te da' n'atela't da' ỹiỹamaxañi. Qataxa sa 'te da' sa ỹoxó'ña, qataxa sa 'te ỹilótaỹi ga' qoỹ'étec. 6Qataxa sa 'te netónec ga' lesamaxataxac ga' laqáỹa. Jaldáta da' ỹataqtelégue nasoxoc 'me netónec. 7Ỹima napogáxadeneguet na' chaqáina, p'étaqadaic, pogoxóinaxaic, qataxa pogáxadenaxaic.
8Da' nesóxodic qaỹa 'te loiquiaqa'. Qaláxasa 'uo qomle ga' nolo', qana'chi ỹinoxodéegue da' qoỹ'axa't naua' l'aqtaqa ñi'me Dios, 'uootaxa da' qodosiilo naua' n'aqtaqa 'me sa lequesapiỹi, qataxa da' naatetonaxanaxac. 9Qá'a naua' qadaatetonaxanaxaco 'chi loquet'apolqa, qataxa da' qad'aqtaxanaxac da' l'aqtac ñi'me Dios. 10Qaláxasa qomle sivítaxa da' nepáxachichiiñi da' qadaatetonaxanaxac, huá'a qomle, qana'chi ỹinoxodéegue naua' loquet'apolqa.
11Ca'li maliaxa jaỹim nootolec, qana'chi naua' ỹitaxaỹaxaco qataxa naua' ỹic'atenaxanaxaco qataxa naua' ỹiinataxaco quichiilo da' maliaxa jaỹim nootolec. Qaláxasa ca'li ma'le jaỹim ỹ'axaic, qana'chi saxañi da' ñinóidisec. 12Qana'chi 'ená'am naỹi da' qo'mi seloqótaaue na' nasoxocpi, 'ená'am da' seloqótanỹi jaga' talnaxai da' qoliaxatánỹi. Qaláxasa qomle ỹivíta ga' nolo', qana'chi huá'a qomle, qana'chi ỹima jen'me selaqá'a ỹátaqta di'ỹoqóta. Naỹi naua' ỹaatetonaxanaxaco loquet'apiỹi'salolqa. Qaláxasa qomle ỹivíta ga' nolo', qana'chi huá'a qomle, qana'chi nala'a't da' ỹaatetonaxanaxac, 'ená'am da' 'éeta ñi'me Dios da' jaỹim ỹaatetóota. 13Chan'eesa naỹi 'uo da' nip'iỹáxac qataxa da' nasoxonataxanaxac qataxa da' nesóxodic, naa'me ỹátaqta qaỹa 'te ga' loiquiaqa't. Qaláxasa da' ỹátaqta ỹágueegue jenaa'me tres, jaldáta da' nesóxodic.
اکنون انتخاب شده:
1 Corintios 13: PLGNT93
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Nuevo Testamento Pilagá © Sociedades Bíblicas Unidas, 1993.
1 Corintios 13
13
Da' nesóxodic
1Da' 'uootaxa jaỹim sosiilo naua' l'aqtaqa na' siỹaxadipi, qataxa naua' l'aqtaqa na' piỹem lé'ecpi Dios lamaxa'spi, qaláxasa da' qaỹa 'te ỹisóxodic, qana'chi sená'am jaga' qataqui 'me ỹisamétapiỹi, 'uootaxa jaga' natovíaxanata 'me 'chi qoỹatovíaxatetapiỹi. 2Qataxa da' jaỹim da' 'uootaxa s'axátetac da' l'aqtac ñi' Dios, qataxa ỹima saỹáten jen'me lasoxocpi 'me sa di'ỹoq, qataxa semata'a't ỹima na' naatetonaxanaxacpi, qataxa da' ỹip'iỹáxac ma'le ỹóvi' da' sañoxot da' ñoqochíỹaxat jega' qasoxonaxa, qaláxasa da' qaỹa 'te ỹisóxodic, qana'chi taqadíta qaỹa ga' ñisáaque. 3Qataxa da' 'uootaxa jaỹim sanéegue ỹima na' ñ'atetpi, qataxa sivíd'a da' san da' ỹó'oquiaxac da' qoỹic'oi, qaláxasa da' qaỹa 'te ỹisóxodic, qana'chi taqadíta da' qaỹa 'te ga' sachiỹoxotaỹi jeda'me.
4Ga' 'uo da' lesóxodic ỹátaqta ne'queten, qataxa huotaxanaqtáqaic, sa 'te quiỹaxanaqtáqaic, qataxa sa 'te jágaqtenaxaic, 'uootaxa ỹ'oxodénaxaic. 5Qataxa sa 'te da' ỹ'aloqtet ga' laqáỹa, sa 'te da' n'atela't da' ỹiỹamaxañi. Qataxa sa 'te da' sa ỹoxó'ña, qataxa sa 'te ỹilótaỹi ga' qoỹ'étec. 6Qataxa sa 'te netónec ga' lesamaxataxac ga' laqáỹa. Jaldáta da' ỹataqtelégue nasoxoc 'me netónec. 7Ỹima napogáxadeneguet na' chaqáina, p'étaqadaic, pogoxóinaxaic, qataxa pogáxadenaxaic.
8Da' nesóxodic qaỹa 'te loiquiaqa'. Qaláxasa 'uo qomle ga' nolo', qana'chi ỹinoxodéegue da' qoỹ'axa't naua' l'aqtaqa ñi'me Dios, 'uootaxa da' qodosiilo naua' n'aqtaqa 'me sa lequesapiỹi, qataxa da' naatetonaxanaxac. 9Qá'a naua' qadaatetonaxanaxaco 'chi loquet'apolqa, qataxa da' qad'aqtaxanaxac da' l'aqtac ñi'me Dios. 10Qaláxasa qomle sivítaxa da' nepáxachichiiñi da' qadaatetonaxanaxac, huá'a qomle, qana'chi ỹinoxodéegue naua' loquet'apolqa.
11Ca'li maliaxa jaỹim nootolec, qana'chi naua' ỹitaxaỹaxaco qataxa naua' ỹic'atenaxanaxaco qataxa naua' ỹiinataxaco quichiilo da' maliaxa jaỹim nootolec. Qaláxasa ca'li ma'le jaỹim ỹ'axaic, qana'chi saxañi da' ñinóidisec. 12Qana'chi 'ená'am naỹi da' qo'mi seloqótaaue na' nasoxocpi, 'ená'am da' seloqótanỹi jaga' talnaxai da' qoliaxatánỹi. Qaláxasa qomle ỹivíta ga' nolo', qana'chi huá'a qomle, qana'chi ỹima jen'me selaqá'a ỹátaqta di'ỹoqóta. Naỹi naua' ỹaatetonaxanaxaco loquet'apiỹi'salolqa. Qaláxasa qomle ỹivíta ga' nolo', qana'chi huá'a qomle, qana'chi nala'a't da' ỹaatetonaxanaxac, 'ená'am da' 'éeta ñi'me Dios da' jaỹim ỹaatetóota. 13Chan'eesa naỹi 'uo da' nip'iỹáxac qataxa da' nasoxonataxanaxac qataxa da' nesóxodic, naa'me ỹátaqta qaỹa 'te ga' loiquiaqa't. Qaláxasa da' ỹátaqta ỹágueegue jenaa'me tres, jaldáta da' nesóxodic.
اکنون انتخاب شده:
:
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Nuevo Testamento Pilagá © Sociedades Bíblicas Unidas, 1993.