Luk WIINGELELO
WIINGELELO
Luka koandeki linɛ libuku. Wiiki nde wiinngi, lonkinɛ phaiki Muyuda. Waandeki linɛ libuku aliko aasimele bale bapha Bayuda Besako Belɔti be nkakolama mbetela Yesu Kilisito. La ndako kaandeki libuku ja Bisima be Baeki. Luka nɛmɛlɛ koo mɛna Yesu, kinaki ochichi ike la mona besao aliko la Yesu.
Luka olende ataɛnya nte Yesu Kilisito kole Bɔna a Ɔnto aandi mona la nkakola banto ba limeli (Luka 19.10). Lonkinɛ ataɛnya nte Yesu wɛɛnɛli banto ŋandi banɛ baelolelami wɛɛnte: baola, bainto, la bana. Luka ɔmbɔlɔnda aliko la bolemo ba Lɔkɛngɛ Lɔɛlɔ wiingo biiki Yesu atakee.
Libuku ja Luka nde liyalaka litale ike ndeka ma buku lalikuli ba lilaka ja kasende. Omanja linɛ libuku, Luka ɔmbɔlɔnda ike aliko la mbotama ya Yesu (Luka 1-2), ɔmbɔlɔnda lonkinɛ aliko la jooti ja Yesu (Luka 3.23-38). Lonkinɛ ɔmbɔlɔnda aliko la mbatisama ya Yesu (Luka 3.21), la nkekelama yande la Bosombo (Luka 4.1-13), la bolemo bande (Luka 4-21), la ntumbyama yande waalemba (Luka 22-23), la ntondwa yande (Luka 24). Pa ŋango Luka ɔmbɔlɔnda ŋango wiyɛnyisa Yesu lonkinɛ o baeki bande mala ike pa ntondwa yande. Aalɔngɔsɔli o bolemo ba mbekya Besako Belɔti waanto. Okantunda, Luka ɔlɔndi bolengo nke Kanamombe obuulisa Yesu e loola.
اکنون انتخاب شده:
Luk WIINGELELO: oml
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
2025 Forum Communautairre des Traducteurs de la bible et Alphabetisation