Imamat 16
16
Wangere laya ga'a 'imam 'o si'a'a ngowa'a dadunu 'aḏi marimoi moju ra Ma JOU
1Pasala i'a, 'a Harun 'ai ngowa'a nga muḏiḏi Ma JOU ya'u sisengene, sababu ananga 'aḏi maco-cori ra Ma JOU remanga jou-jou dupa rema u'u ga'a Ma JOU 'a simaha ua, #Im. 10:1-2 2Ma JOU 'o kanau ra Musa ma betongo so'o ne:<<Singadolo tani ioro 'a Harun mangale, pa'i toma 'orasa ga'a Ngoi to sitantukanga ḏua, unanga gena-ge nyengara 'o osama toma Kamara Lai 'Ofi-'Ofi ga'a 'i sibati reo da-daku re 'o talaḏi toma Burua Jaji ga'a 'ane, awa-awa unanga 'o sengene. Ma sababu ngi'i gena-ge Ngoi to sijumu 'Ari diri toma kakamo ma dara toma Burua Jaji ma damunu ma re'u 3'A Harun nyengara 'o osama toma Kamara Lai 'Ofi-'Ofi pa'i rema duhu nena-ne: Unanga balasu 'o sidoa'a sapi ma ngowa ma nau'u sa'olo jou-jou di'a sigofi ngowa'a ra Ma JOU 'ai momina re doba ma nau'u ma ngowa rimoi sa'olo jou-jou tau'u.ḏ 4Gena ḏua, wakutu 'a Harun 'o osama nyangu Kamara Lai 'Ofi-'Ofi, unanga balasu 'o ma'ori'i re 'o ngali 'ai pakeanga reo pakeanga 'imam ga'a 'ofi-'ofi: gena-ge baju kiḏanga, calana ḇoko'o,#16:4 Calana gena-ge enanga ma gau'u golona singadolo busuu'u. golona ma bi-biri'u re serban, mo-moini gena-ge 'i si'a'a reo ḇa'a lenan. 5Ḏua, 'a Harun balasu 'oro ananga manga 'abingi ma nau'u romoḏiḏi sa'olo manga jou-jou di'a sigofi ngowa'a ra Ma JOU 'ai momina, re doba ma nau'u rimoi sa'olo manga jou-jou tau'u.
6Ḏua, 'a Harun balasu 'o sidoa'a sapi ma ngowa ma nau'u rimoi sa'olo jou-jou di'a sigofi ngowa'a ra Ma JOU 'ai momina di'a 'ai diri masiretene re 'ai ngitu re ngale. Rema duhu gena-ge unanga 'o si'a'a ananga gena-ge dadunu 'aḏi dadi marimoi moju ra Ma JOU. 7Gena ḏua, 'abingi ma nau'u romoḏiḏi sa'olo ngowa'a Israel manga jou-jou, 'a Harun balasu 'o gasa enanga gena-ge toma Suyu'u Lo-lomu ma ngalana ma da-daku ma biono. 8Toma ngi'i gena-ge 'a Harun balasu 'o pake loterei reo maḏi romoḏiḏi di'a 'abingi ma nau'u romoḏiḏi gena-ge: rimoi 'a gare nana'o 'abingi ta Ma JOU, rimoi ḏi'i nana'o sa'olo 'abingi di'a sibebasa.#16:8 bolo <<Azazel>> 9'Abingi ma nau'u ga'a mete'e loterei ri cumutu di'a Ma JOU, 'a Harun balasu ya sitola'a sa'olo jou-jou di'a sigofi ngowa'a ra Ma JOU 'ai momina. 10'Abingi ma nau'u ga'a 'ahu-'ahu re mete'e loterei 'i cumutu di'a sibebasa, 'a Harun balasu 'a gasa ra Ma JOU 'ai momina di'a si'a'a ngowa'a Israel dadunu 'aḏi dadi marimoi moju ra Ma JOU kara ya eanga toma daeraha baulaco.
11Gena ḏua, 'a Harun 'a tola'a sapi ma ngowa ma nau'u re 'a sidoa'a sa'olo jou-jou di'a sigofi 'ai diri masiretene re 'ai ngitu re ngale ra Ma JOU 'ai momina. 12Unanga balasu 'a 'oro u'u ma ngi'i ga'a 'i siromanga reo u'u ma ngaboso toma jou-jou dupa ma ngi'i ma re'u toma Kamara 'Ofi-'Ofi ma dara re 'oro dupa ga'a ri tutu'u singadolo 'alusu bo'umu ḏiḏi kara 'a gasa mo-moini toma Kamara Lai 'Ofi-'Ofi ma dara. 13Dupa gena-ge unanga balasu 'a sigare dupa toma u'u ma ngaboso toma u'u ma ngi'i kara dupa ma loworo 'i sie singadolo dupa ma loworo gena-ge 'i sao burua jaji ma da-damunu. Dadi 'a Harun 'a oḏi'i yoḏu'u, sababu na'o unanga 'a oḏi'i, unanga ḏuanga i'a 'o sengene. 14Dadi Harun balasu 'o 'oro sapi ma ngowa ma nau'u ga'a ri tola'a nange-ge ma ngaunu ceka'a ua kara 'o siji-jiri ngaunu gena-ge rai rarag̱a toma burua jaji ma da-damunu ma re'u, papolo wangere ma la'o, re ḏi'i 'o siji-jiri ngaunu gena-ge soi tumudingi toma burua jaji ma da-damunu ma biono.
15Togumu i'a, 'a Harun balasu 'a tola'a 'abingi ma nau'u sa'olo jou-jou di'a sigofi ngowa'a Israel ra Ma JOU 'ai momina. 'Abingi gena-ge ma ngaunu unanga balasu 'a gasa toma Kamara Lai 'Ofi-'Ofi, kara unanga 'o 'a'a reo ngaunu gena-ge ma tero sa'olo unanga 'o 'a'a reo sapi ma ngowa ma nau'u ma ngaunu, gena-ge unanga 'o siji-jiri ngaunu gena-ge rai rarag̱a toma burua jaji ma da-damunu ma re'u, re ḏi'i 'o siji-jiri ngaunu gena-ge toma burua jaji ma da-damunu ma biono. 16Rema duhu gena-ge unanga 'a sigofi moju Kamara Lai 'Ofi-'Ofi sababu bangsa Israel manga ga'a ma najis, manga ga'a ma lawana re manga ḏosa mo-moini. Rema duhu gena-ge, unanga 'o sigofi Suyu'u Lo-Lomu ma bageanga ma lelegu di'a Ma JOU sababu enanga 'age toma bangsa Israel manga sigolona re ananga manga ga'a ma najis. 17Ma di'ara 'a Harun 'age toma Kamara Lai 'Ofi-'Ofi ma dara di'a 'o si'a'a 'ai diri, 'ai ngitu re ngale re bangsa Israel mo-moini, ananga gena-ge dadunu 'aḏi dadi marimoi moju ra Ma JOU, matengo i'a mai ua nyengara 'o osama Suyu'u Lo-Lomu ma dara. 18Gena ḏua, 'a Harun balasu 'o supu toma Suyu'u 'Ofi-'Ofi ma dara re 'o tagi toma jou-jou tau'u ma ngi'i di'a 'a sigofi moju jou-jou tau'u ma ngi'i gena-ge. Unanga balasu 'o 'oro sapi ma ngowa ma nau'u ngaunu ceka'a ua re 'abingi ma nau'u ma ngaunu ceka'a ua di'a 'a si'ese toma tadu-tadu'u toma jou-jou tau'u ma ngi'i ma ḇuḇuku rata. 19Gena ḏua, sapi re 'abingi ma ngaunu unanga 'a siji-jiri rai rarag̱a soi tumudingi toma jou-jou tau'u ma ngi'i ma re'u. Rema duhu gena-ge jou-jou tau'u ma ngi'i, unanga 'a sigofi moju sababu bangsa Israel manga ga'a ma najis, la enanga gena-ge 'i siwola i'a di'a Ma JOU.
'Abingi di'a sibebasa
16:20-21
20Togumu i'a Harun 'a sigofi Kamara Lai 'Ofi-'Ofi, Suyu'u Lo-lomu ma bageanga ma lelegu re jou-jou tau'u ma ngi'i mo-moini gena-ge, unanga balasu 'o sidoa'a 'abingi ma nau'u ga'a 'ahu-'ahu di'a Ma JOU. 21Ḏua Harun balasu 'o siteru 'ai giama kaci ḏiḏi toma 'abingi gena-ge ma sae'e re mangaku bangsa Israel manga ga'a ma rapu, ga'a ma lawana re ḏosa mo-moini. Rema duhu gena-ge, unanga 'a silage toma 'abingi gena-ge ma sae'e kara ngowa'a ga'a ro cumutu, unanga gena-ge balasu 'o dusu'u 'abingi ma nau'u gena-ge toma daeraha baulaco. 22Rema duhu gena-ge, bangsa Israel manga ga'a ma rapu mo-moini 'abingi ma nau'u gena-ge ya doiti ma hukumana toma daeraha baulaco ga'a ngowa'a ya ḏegoro ua, kara unanga 'o sibebasa 'abingi gena-ge toma ngi'i gena-ge. 23Gena ḏua, Harun dadunu 'o osama toma Suyu'u Lo-Lomu ma dara re 'o woi'i 'ai pakeanga lenan ga'a 'o pake wakutu 'o osama toma Kamara Lai 'Ofi-'Ofi re sisoi'i tala pakeanga gena-ge toma Kamara 'Ofi-'Ofi ma dara, 24kara unanga balasu 'o ma'ori'i toma ngi'i ma lelegu ga'a siwola i'a ḏua re 'o mapake 'ai pakeanga masiretene. Togumu i'a, unanga balasu 'o supu re sidoa'a 'ai jou-jou tau'u re bangsa Israel manga jou-jou tau'u. Rema duhu gena-ge 'a Harun 'o si'a'a unanga re bangsa Israel dadunu 'aḏi dadi marimoi moju ra Ma JOU. 25Gena ḏua, unanga 'o tau'u haiwani ma gaji sa'olo jou-jou di'a sigofi ngowa'a ra Ma JOU 'ai momina toma jou-jou tau'u ma ngi'i ma re'u. 26Ḏi'i, ngowa'a ga'a sibebasa 'abingi ma nau'u toma daeraha baulaco, unanga balasu 'o 'uju 'ai pakeanga re ma'ori'i kara unanga dadunu 'o osama moju toma suyu'u ma daeraha. 27Sapi ma ngowa ma nau'u re 'abingi ma nau'u ga'a ya sitola'a ḏua sa'olo jou-jou di'a sigofi ngowa'a ra Ma JOU 'ai momina, re enanga gena-ge ma ngaunu 'a Harun ra singosama toma Kamara Lai 'Ofi-'Ofi di'a 'a'a ngowa'a dadunu 'aḏi dadi marimoi moju ra Ma JOU, haiwani gena-ge balasu gasa sisupu toma suyu'u ma daeraha. Gena ḏua, ma eno'o, ma la-la'eme, ma po'olo ma dara re ma faja, enanga gena-ge ananga balasu ya tau'u simoini toma ngi'i gena-ge. 28Ngowa'a matengo ga'a 'a tau'u enanga gena-ge, unanga balasu 'o 'uju 'ai pakeanga re balasu ma'ori'i kara unanga dadunu 'o osama moju toma suyu'u ma daeraha.
Silamo'o wangere di'a 'a'a ngowa'a dadunu 'aḏi dadi marimoi moju ra Ma JOU
16:29-34
29' Ngini balasu ni mete'e kasingado-ngadolo i'a 'atoranga-'atoranga nena-ne: Toma tanggal nyagi moi re ngara tumudingi, ngowa'a Israel madutu re ngowa'a tagi-tagi ino ga'a 'aḏi tegoro ra ngini ninga sigolona. Ngini gena-ge balasu ni munara yoḏu'u re sisoi'i tala ninga nyafusu ga'a 'i sisanangi ninga 'akala re sinyingara: ngo-ngoromo bolo laya re ma lelegu ḏi'i. 30Sababu toma wangere gena-ge, 'Imam 'Agung ḏuanga i'a 'o sidoa'a jou-jou di'a sigofi ngini ra Ma JOU 'ai momina, la ngini ni dadi 'ofi taninga ḏosa mo-moini, kara ngini dadunu ni dadi marimoi moju ra Ma JOU. 31Wangere gena-ge sabata, wangere rimoi di'a mangomasa ti-tiai re ḏi'i ni sisoi'i tala ninga nyafusu ga'a 'i sisanangi ninga 'akala re sinyingara; ma tero sa'olo ngo-ngoromo bolo laya re ma lelegu ḏi'i. Gena-ge 'atoranga-'atoranga di'a kasingado-ngadolo i'a. 32'Imam ga'a 'a Musa ru siba-ba'ala goroho 'urapana re siwola i'a sa'olo 'ai ḇaḇa ma nga-ngali di'a de-de'oso Ma JOU sa'olo 'Imam 'Agung, unanga gena-ge balasu 'o siḏagi 'atoranga di'a sigofi baranga bolo si'a'a ngowa'a dadunu 'aḏi dadi marimoi moju ra Ma JOU. Toma wangere gena-ge 'o mapake pakeanga lenan ga'a ri siwola i'a di'a 'Imam 'Agung. 33Unanga gena-ge balasu 'o siḏagi 'atoranga di'a 'o sigofi Kamara Lai 'Ofi-'Ofi, Suyu'u Lo-lomu ma bageanga ma lelegu re jou-jou tau'u ma ngi'i. Re ḏi'i 'Imam 'Agung gena-ge 'o si'a'a 'imam-'imam re bangsa Israel mo-moini, ananga gena-ge dadunu 'aḏi dadi marimoi moju ra Ma JOU. 34Musungu rimoi soi moi, 'Imam 'Agung balasu 'o si'a'a ngowa'a Israel dadunu 'aḏi dadi marimoi moju ra Ma JOU, sababu ananga gena-ge manga ḏosa mo-moini. Gena-ge 'i dadi 'atoranga rimoi di'a ngini kasingado-ngadolo i'a.>> Re 'a Harun 'o siḏagi 'oru ga'a Ma JOU ro parenta ra Musa.
اکنون انتخاب شده:
Imamat 16: SAJ
هایلایت
به اشتراک گذاشتن
مقایسه
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
2025 Indonesian Bible Society (LAI)
Imamat 16
16
Wangere laya ga'a 'imam 'o si'a'a ngowa'a dadunu 'aḏi marimoi moju ra Ma JOU
1Pasala i'a, 'a Harun 'ai ngowa'a nga muḏiḏi Ma JOU ya'u sisengene, sababu ananga 'aḏi maco-cori ra Ma JOU remanga jou-jou dupa rema u'u ga'a Ma JOU 'a simaha ua, #Im. 10:1-2 2Ma JOU 'o kanau ra Musa ma betongo so'o ne:<<Singadolo tani ioro 'a Harun mangale, pa'i toma 'orasa ga'a Ngoi to sitantukanga ḏua, unanga gena-ge nyengara 'o osama toma Kamara Lai 'Ofi-'Ofi ga'a 'i sibati reo da-daku re 'o talaḏi toma Burua Jaji ga'a 'ane, awa-awa unanga 'o sengene. Ma sababu ngi'i gena-ge Ngoi to sijumu 'Ari diri toma kakamo ma dara toma Burua Jaji ma damunu ma re'u 3'A Harun nyengara 'o osama toma Kamara Lai 'Ofi-'Ofi pa'i rema duhu nena-ne: Unanga balasu 'o sidoa'a sapi ma ngowa ma nau'u sa'olo jou-jou di'a sigofi ngowa'a ra Ma JOU 'ai momina re doba ma nau'u ma ngowa rimoi sa'olo jou-jou tau'u.ḏ 4Gena ḏua, wakutu 'a Harun 'o osama nyangu Kamara Lai 'Ofi-'Ofi, unanga balasu 'o ma'ori'i re 'o ngali 'ai pakeanga reo pakeanga 'imam ga'a 'ofi-'ofi: gena-ge baju kiḏanga, calana ḇoko'o,#16:4 Calana gena-ge enanga ma gau'u golona singadolo busuu'u. golona ma bi-biri'u re serban, mo-moini gena-ge 'i si'a'a reo ḇa'a lenan. 5Ḏua, 'a Harun balasu 'oro ananga manga 'abingi ma nau'u romoḏiḏi sa'olo manga jou-jou di'a sigofi ngowa'a ra Ma JOU 'ai momina, re doba ma nau'u rimoi sa'olo manga jou-jou tau'u.
6Ḏua, 'a Harun balasu 'o sidoa'a sapi ma ngowa ma nau'u rimoi sa'olo jou-jou di'a sigofi ngowa'a ra Ma JOU 'ai momina di'a 'ai diri masiretene re 'ai ngitu re ngale. Rema duhu gena-ge unanga 'o si'a'a ananga gena-ge dadunu 'aḏi dadi marimoi moju ra Ma JOU. 7Gena ḏua, 'abingi ma nau'u romoḏiḏi sa'olo ngowa'a Israel manga jou-jou, 'a Harun balasu 'o gasa enanga gena-ge toma Suyu'u Lo-lomu ma ngalana ma da-daku ma biono. 8Toma ngi'i gena-ge 'a Harun balasu 'o pake loterei reo maḏi romoḏiḏi di'a 'abingi ma nau'u romoḏiḏi gena-ge: rimoi 'a gare nana'o 'abingi ta Ma JOU, rimoi ḏi'i nana'o sa'olo 'abingi di'a sibebasa.#16:8 bolo <<Azazel>> 9'Abingi ma nau'u ga'a mete'e loterei ri cumutu di'a Ma JOU, 'a Harun balasu ya sitola'a sa'olo jou-jou di'a sigofi ngowa'a ra Ma JOU 'ai momina. 10'Abingi ma nau'u ga'a 'ahu-'ahu re mete'e loterei 'i cumutu di'a sibebasa, 'a Harun balasu 'a gasa ra Ma JOU 'ai momina di'a si'a'a ngowa'a Israel dadunu 'aḏi dadi marimoi moju ra Ma JOU kara ya eanga toma daeraha baulaco.
11Gena ḏua, 'a Harun 'a tola'a sapi ma ngowa ma nau'u re 'a sidoa'a sa'olo jou-jou di'a sigofi 'ai diri masiretene re 'ai ngitu re ngale ra Ma JOU 'ai momina. 12Unanga balasu 'a 'oro u'u ma ngi'i ga'a 'i siromanga reo u'u ma ngaboso toma jou-jou dupa ma ngi'i ma re'u toma Kamara 'Ofi-'Ofi ma dara re 'oro dupa ga'a ri tutu'u singadolo 'alusu bo'umu ḏiḏi kara 'a gasa mo-moini toma Kamara Lai 'Ofi-'Ofi ma dara. 13Dupa gena-ge unanga balasu 'a sigare dupa toma u'u ma ngaboso toma u'u ma ngi'i kara dupa ma loworo 'i sie singadolo dupa ma loworo gena-ge 'i sao burua jaji ma da-damunu. Dadi 'a Harun 'a oḏi'i yoḏu'u, sababu na'o unanga 'a oḏi'i, unanga ḏuanga i'a 'o sengene. 14Dadi Harun balasu 'o 'oro sapi ma ngowa ma nau'u ga'a ri tola'a nange-ge ma ngaunu ceka'a ua kara 'o siji-jiri ngaunu gena-ge rai rarag̱a toma burua jaji ma da-damunu ma re'u, papolo wangere ma la'o, re ḏi'i 'o siji-jiri ngaunu gena-ge soi tumudingi toma burua jaji ma da-damunu ma biono.
15Togumu i'a, 'a Harun balasu 'a tola'a 'abingi ma nau'u sa'olo jou-jou di'a sigofi ngowa'a Israel ra Ma JOU 'ai momina. 'Abingi gena-ge ma ngaunu unanga balasu 'a gasa toma Kamara Lai 'Ofi-'Ofi, kara unanga 'o 'a'a reo ngaunu gena-ge ma tero sa'olo unanga 'o 'a'a reo sapi ma ngowa ma nau'u ma ngaunu, gena-ge unanga 'o siji-jiri ngaunu gena-ge rai rarag̱a toma burua jaji ma da-damunu ma re'u, re ḏi'i 'o siji-jiri ngaunu gena-ge toma burua jaji ma da-damunu ma biono. 16Rema duhu gena-ge unanga 'a sigofi moju Kamara Lai 'Ofi-'Ofi sababu bangsa Israel manga ga'a ma najis, manga ga'a ma lawana re manga ḏosa mo-moini. Rema duhu gena-ge, unanga 'o sigofi Suyu'u Lo-Lomu ma bageanga ma lelegu di'a Ma JOU sababu enanga 'age toma bangsa Israel manga sigolona re ananga manga ga'a ma najis. 17Ma di'ara 'a Harun 'age toma Kamara Lai 'Ofi-'Ofi ma dara di'a 'o si'a'a 'ai diri, 'ai ngitu re ngale re bangsa Israel mo-moini, ananga gena-ge dadunu 'aḏi dadi marimoi moju ra Ma JOU, matengo i'a mai ua nyengara 'o osama Suyu'u Lo-Lomu ma dara. 18Gena ḏua, 'a Harun balasu 'o supu toma Suyu'u 'Ofi-'Ofi ma dara re 'o tagi toma jou-jou tau'u ma ngi'i di'a 'a sigofi moju jou-jou tau'u ma ngi'i gena-ge. Unanga balasu 'o 'oro sapi ma ngowa ma nau'u ngaunu ceka'a ua re 'abingi ma nau'u ma ngaunu ceka'a ua di'a 'a si'ese toma tadu-tadu'u toma jou-jou tau'u ma ngi'i ma ḇuḇuku rata. 19Gena ḏua, sapi re 'abingi ma ngaunu unanga 'a siji-jiri rai rarag̱a soi tumudingi toma jou-jou tau'u ma ngi'i ma re'u. Rema duhu gena-ge jou-jou tau'u ma ngi'i, unanga 'a sigofi moju sababu bangsa Israel manga ga'a ma najis, la enanga gena-ge 'i siwola i'a di'a Ma JOU.
'Abingi di'a sibebasa
16:20-21
20Togumu i'a Harun 'a sigofi Kamara Lai 'Ofi-'Ofi, Suyu'u Lo-lomu ma bageanga ma lelegu re jou-jou tau'u ma ngi'i mo-moini gena-ge, unanga balasu 'o sidoa'a 'abingi ma nau'u ga'a 'ahu-'ahu di'a Ma JOU. 21Ḏua Harun balasu 'o siteru 'ai giama kaci ḏiḏi toma 'abingi gena-ge ma sae'e re mangaku bangsa Israel manga ga'a ma rapu, ga'a ma lawana re ḏosa mo-moini. Rema duhu gena-ge, unanga 'a silage toma 'abingi gena-ge ma sae'e kara ngowa'a ga'a ro cumutu, unanga gena-ge balasu 'o dusu'u 'abingi ma nau'u gena-ge toma daeraha baulaco. 22Rema duhu gena-ge, bangsa Israel manga ga'a ma rapu mo-moini 'abingi ma nau'u gena-ge ya doiti ma hukumana toma daeraha baulaco ga'a ngowa'a ya ḏegoro ua, kara unanga 'o sibebasa 'abingi gena-ge toma ngi'i gena-ge. 23Gena ḏua, Harun dadunu 'o osama toma Suyu'u Lo-Lomu ma dara re 'o woi'i 'ai pakeanga lenan ga'a 'o pake wakutu 'o osama toma Kamara Lai 'Ofi-'Ofi re sisoi'i tala pakeanga gena-ge toma Kamara 'Ofi-'Ofi ma dara, 24kara unanga balasu 'o ma'ori'i toma ngi'i ma lelegu ga'a siwola i'a ḏua re 'o mapake 'ai pakeanga masiretene. Togumu i'a, unanga balasu 'o supu re sidoa'a 'ai jou-jou tau'u re bangsa Israel manga jou-jou tau'u. Rema duhu gena-ge 'a Harun 'o si'a'a unanga re bangsa Israel dadunu 'aḏi dadi marimoi moju ra Ma JOU. 25Gena ḏua, unanga 'o tau'u haiwani ma gaji sa'olo jou-jou di'a sigofi ngowa'a ra Ma JOU 'ai momina toma jou-jou tau'u ma ngi'i ma re'u. 26Ḏi'i, ngowa'a ga'a sibebasa 'abingi ma nau'u toma daeraha baulaco, unanga balasu 'o 'uju 'ai pakeanga re ma'ori'i kara unanga dadunu 'o osama moju toma suyu'u ma daeraha. 27Sapi ma ngowa ma nau'u re 'abingi ma nau'u ga'a ya sitola'a ḏua sa'olo jou-jou di'a sigofi ngowa'a ra Ma JOU 'ai momina, re enanga gena-ge ma ngaunu 'a Harun ra singosama toma Kamara Lai 'Ofi-'Ofi di'a 'a'a ngowa'a dadunu 'aḏi dadi marimoi moju ra Ma JOU, haiwani gena-ge balasu gasa sisupu toma suyu'u ma daeraha. Gena ḏua, ma eno'o, ma la-la'eme, ma po'olo ma dara re ma faja, enanga gena-ge ananga balasu ya tau'u simoini toma ngi'i gena-ge. 28Ngowa'a matengo ga'a 'a tau'u enanga gena-ge, unanga balasu 'o 'uju 'ai pakeanga re balasu ma'ori'i kara unanga dadunu 'o osama moju toma suyu'u ma daeraha.
Silamo'o wangere di'a 'a'a ngowa'a dadunu 'aḏi dadi marimoi moju ra Ma JOU
16:29-34
29' Ngini balasu ni mete'e kasingado-ngadolo i'a 'atoranga-'atoranga nena-ne: Toma tanggal nyagi moi re ngara tumudingi, ngowa'a Israel madutu re ngowa'a tagi-tagi ino ga'a 'aḏi tegoro ra ngini ninga sigolona. Ngini gena-ge balasu ni munara yoḏu'u re sisoi'i tala ninga nyafusu ga'a 'i sisanangi ninga 'akala re sinyingara: ngo-ngoromo bolo laya re ma lelegu ḏi'i. 30Sababu toma wangere gena-ge, 'Imam 'Agung ḏuanga i'a 'o sidoa'a jou-jou di'a sigofi ngini ra Ma JOU 'ai momina, la ngini ni dadi 'ofi taninga ḏosa mo-moini, kara ngini dadunu ni dadi marimoi moju ra Ma JOU. 31Wangere gena-ge sabata, wangere rimoi di'a mangomasa ti-tiai re ḏi'i ni sisoi'i tala ninga nyafusu ga'a 'i sisanangi ninga 'akala re sinyingara; ma tero sa'olo ngo-ngoromo bolo laya re ma lelegu ḏi'i. Gena-ge 'atoranga-'atoranga di'a kasingado-ngadolo i'a. 32'Imam ga'a 'a Musa ru siba-ba'ala goroho 'urapana re siwola i'a sa'olo 'ai ḇaḇa ma nga-ngali di'a de-de'oso Ma JOU sa'olo 'Imam 'Agung, unanga gena-ge balasu 'o siḏagi 'atoranga di'a sigofi baranga bolo si'a'a ngowa'a dadunu 'aḏi dadi marimoi moju ra Ma JOU. Toma wangere gena-ge 'o mapake pakeanga lenan ga'a ri siwola i'a di'a 'Imam 'Agung. 33Unanga gena-ge balasu 'o siḏagi 'atoranga di'a 'o sigofi Kamara Lai 'Ofi-'Ofi, Suyu'u Lo-lomu ma bageanga ma lelegu re jou-jou tau'u ma ngi'i. Re ḏi'i 'Imam 'Agung gena-ge 'o si'a'a 'imam-'imam re bangsa Israel mo-moini, ananga gena-ge dadunu 'aḏi dadi marimoi moju ra Ma JOU. 34Musungu rimoi soi moi, 'Imam 'Agung balasu 'o si'a'a ngowa'a Israel dadunu 'aḏi dadi marimoi moju ra Ma JOU, sababu ananga gena-ge manga ḏosa mo-moini. Gena-ge 'i dadi 'atoranga rimoi di'a ngini kasingado-ngadolo i'a.>> Re 'a Harun 'o siḏagi 'oru ga'a Ma JOU ro parenta ra Musa.
اکنون انتخاب شده:
:
هایلایت
به اشتراک گذاشتن
مقایسه
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
2025 Indonesian Bible Society (LAI)