Mak 6:41-43

Ame di meglko, Jisas ye bret 5-pela ya buglo bagle suo ikra idre, kan heven ibo ede, God di wakai yei togwa. Di wakai yei tedre, bret ake buko didre, ye duglo beglkwa yoba i pi tenaiglmedi togwa. Tedre, ye buglo bagle suo ikra ama ake buko didre, yoba mudu yubu si togwa. Yubu si togo, yoba mudu neigwa, dano eruko, ye bret ya buglo bagle kawa te yogwa i, gade makai sidre, degigl gagl 12-pela gre kau sigwa.