MAT 13
13
बी पेराशेतोनदी दृष्टांत
1आबद येशुड यंदु शिक्षा इद्दु आंदुकेल यल्ली गालील सरोवर कंटाम मिंदा फोई कुसन्या 2आप्पुड वानदी इनेदेंक मंदीद गर्दी वान देगार जमा आय्या; आंका वाड नावला नेरपेदेंक फोई कुसन्या इंगा आंता मंदी कंटाम मिंदा नीला फडीर. 3मंग वाड वारकी दृष्टांतलाता शेंगेम माटलु शप्या वाड आन्या “सुडना, बी पेराशेतोड बी पेराशेदेंक यल्या; 4इंगा वाड पेराशेताप्पुड काही बी दावा मिंदा फड्या इंगा गुवाल वच्ची आय तिनेशा. 5काही बी खडकुला भुमी मिंदा फड्या, आंदु जास्त मन्नु लेकुंड्या इंगा मन्नु लोत लेकुंड्या आंका आय लग्गे फुट्या; 6पण सूर्य फैनिक वच्या आप्पुड यंडाक आय काली फो इंगा आटलाक मूळलु लेकुंड्या आंका आय यंडी फो. 7काही बी मुंडला शेटलाला फड्या; मंग मुंडला शेटलाला वाढाशी आटलाद वाढ खुटाशा. 8इंगा काही बी शिंगार भुमी मिंदा फड्या; मंग दानकी यंदु शंभरपट, यंदु साठपट तर यंदु तीसपट, इल्ला फंटा वच्या. 9येशुड दृष्टांत शप्पेद संपाय मतेताप्पुड आन्या, यवारकी गुम्माल उंडाय वार इनना.”
दृष्टांतदी उद्देश
10दिन बाद येशुन शिष्यल वान देगार वच्ची आडगीर, नु मंदी जताक दृष्टांतलाता येनटीक माटलाडताव? 11येशुड वारकी उत्तर इच्या, “स्वर्गलोन राज्यद रहस्य तेल्चेद दान मिक इच्चीनार, पण वारकी इयालेद. 12येनटीक की यवार देगार उंडाद वानकी इच्चेदेंक वच्ची इंगा वानकी भरपूर आय्यी; यवार देगार लेद वान देगार येम उंडाद आदी पण वान तीकेल तिशी तिस्कुन्यार. 13दिनिचांग निन वार जताक दृष्टांतलाता माटलाडतान; येनटीक की वार सुशीगास पण सुडार इंगा इनीगास पण इनार इंगा वारकी तेल्वाद पण.#यशया 6:9-10. 14यशया संदेष्ट्यानदी भविष्यवाणी वार बदल पुर्ण आयतुनाद, आदी इल्ला की,
मीर गुम्मालता इन्यार तर खरेम, पण मिक तेल्वाके फोई,
इंगा कंडलाता सुशार तर खरेम, पण मिक कमसाक फोई;
15 येनटीक की इ मंदीद अंतकरण भोरु आयनाद,
वार गुम्मालता कमी इंटार इंगा वार कंडलु मुसकुंडार;
दिनिचांग की, वार कंडलाता सुडाराद,
गुम्मालता इनाराद,
अंतकरणता तेल्वाराद
इंगा ना तिरगाला इंगा निन वारनी बागा शेशान.
16 पण मी कंडलु धन्य उंडाय, येनटीक की आय सुस्तुनाय; इंगा मी गुम्माल, येनटीक की आय इंटुनाय. 17निन मिक खरेम शपतान की, मीर येम सुस्तुनार आदी सुशेद शेंगेम संदेष्ट्यालदी इंगा नितीमान मंदीद इच्छा उंड्या, पण वारकी सुशेदेंक शिक्काक फोया; इंगा मीर येम इंटुनार आदी इनेद वारदी शेंगेम इच्छा उंड्या, तरी वारकी इनेदेंक शिक्काक फोया.”
बी पेराशेतोनदी दृष्टांत स्पष्ट शपकाम
18इंगा येशुड शिष्यलाक दृष्टांतदी अर्थ शप्पेदेंक आंट्या, इप्पुड मीर बी पेराशेतोनदी दृष्टांत इनी तिस्कोंडा. 19दावा मिंदा पेराशीनेद बी इदी उंडाद की, यवाड राज्यद वचन #13:19 राज्यद वचन परमेश्वरदी वचन इंटाड पण आदी वानकी तेल्वाद, आप्पुड आ शैतान वच्ची वान अंतकरणला पेराशीनेद वचन दासकुंटाड; 20इंगा खडकुला पेराशीनेद बी इदी उंडाद की, वाड वचन इनी आदी लग्गे आनंदता स्वीकार शेस्ताड; 21पण वाड अंतकरणला फट्टी फेट्टाड आंका आदी रव्वा वेळ टीकास्ताद इंगा वचन इचांग संकटलु वच्या लेकाते छळ आय्या आंटे वाड लग्गे अटकास्ताड. 22इंगा मुंडला शेटलाला पेराशीनेद बी इदी उंडाद की, वाड वचन इंटाड, पण संसारदी चिंता इंगा धनुद लोभ इ वचनलाद वाढ थांबाय मतताद इंगा आदी निष्फळ आयताद. 23इंगा शिंगार भुमी मिंदा पेराशीनेद आदी इदी उंडाद की, वाड वचन इनी आदी तेल्चकुंटाड; वाड फळ इचकाने उंटाड; यवाड शंभरपट, यवाड साठपट, तर यवाड तीसपट इल्ला इस्ताड.
निंदनदी दृष्टांत
24येशुड मंदीक इंगा वगाट दृष्टांत इच्या. “यादो वगा मनशी मना शेल्ला मंची बी पेराशा दान लेका स्वर्गद राज्य उंडाद. 25पण वगा नाड मोब्बुला यप्पुड कुल्योर फंडकुंडीर आप्पुड वान शत्रु वच्चीगास गोदमालला निंदन पेराशी यल्ली फोया; 26यप्पुड पाला फुट्या इंगा उंब्याल वच्या आप्पुड निंदन पण कमशा. 27आप्पुड शेन मालकुन कुल्योर वच्ची आनीर, महाराज, नु मना शेल्ला मंची बी पेरास्ती? तर मंग दांटल्या निंदन यंदुकेल वच्या? 28वाड वारनी आन्या इदी फनी यादो शत्रुद उंडाद. कुल्योर वान आनीर, तर मिम फोईगास आदी निंदन फिकेस्काडाला इल्ला नीद इच्छा उंडाद येम? 29वाड आन्या, लेद इल्ला शेयाकुंडा. मीर निंदन फिकेताप्पुड दान जताक कदाचीत गोदमाल पण फिकेशार. 30सोंगाशी नंताक रोंडु पण सोबत वाढायनिंडा; यंकसार सोंगाशेताप्पुड निन सोंगाशेतोरकी शप्यान की, पहिला निंदन फिकी जमा शेयना इंगा काल्चेदेंक दानी गंटलु कटना; पण गोदमाल ना कोठाराला जमा शेयना.”
मोहरी दानाद दृष्टांत
31येशुड वारकी इंगा वगा दृष्टांत इच्या की, “स्वर्गद राज्य मोहरी दाना लेका उंडाद; आदी यादो वगा मनशी तिस्केन वान शेल्ला पेराशा; 32आदी तर आन्नी बीजालकाना शिन्नाद उंडाद; तरी फेद्दाद आयनेंका भाजीपालाल काना पण फेद्दाद आय्यी दानदी शट्टु आयताद इंगा मोडामलोन गुवाल दान डांकला मिंदा वच्ची निलस्ताय.”#13:32 इस्राएलला यप्पुड मोहरी शटलु फेद्दाय आयताय आप्पुड आय बाकीचे शटला काना फेद्दाय शटलु आयताय, तर गुवाल वच्ची आटला डांक मिंदा खोपाल बना मतताय.
खमीरदी दृष्टांत
33येशुड वारकी इंगा वगा दृष्टांत शप्या की, “स्वर्गद राज्य खमीर लेका उंडाद; दांटल्योनदी रव्वासा खमीर तिस्केन वगा आंडीद मुड मापलु फिंडीला #13:33 मुड मापलु फिंडीला यदगा फिंडीला येस्काड्या, दानिचांग आखरिक आदी आंता फिंडी फुगाशी फोया.”
34इ आन्नी माटलु येशुड दृष्टांतलाता मंदी गर्दीक शप्या इंगा दृष्टांत शिवाय वाड वार जताक येमीच माटलाडाकुंदु; 35दिनिचांग की, संदेष्ट्यान तीकेल येम शप्पीनेद उंड्या, आदी पुर्ण कावाला; आदी इल्ला की,
दृष्टांत शप्पेदेंक निन नाद नोर तेरशान;
युगदी उत्पत्ती आय्या आप्पुडनोट दाशी फेटने माटलु निन माटलाडी शप्यान.#स्तोत्रसंहिता 78:2.
निंदन दृष्टांतदी स्पष्टीकरण
36आप्पुड येशुड मंदी गर्दीन इडशी इंटल्योंग वच्या; आप्पुड वान शिष्यल वान तीकुड वच्चीगास आनीर, शेल्लोन निंदनदी दृष्टांत माक समजायमती शप. 37वाड उत्तर इच्या की, मंची बी पेराशेतोड मनशी कोडकु उंडाड. 38शेन इदी दुन्याम उंडाद; मंची बी स्वर्ग राज्य बिळ्ळु उंडार; निंदन दुष्ट बिळ्ळु उंडार; 39या शत्रु आदी पेराशीनाड वाड शैतान उंडाड; सोंगाशेद इदी दुन्यामदी समाप्ती उंडाद; इंगा सोंगाशेतोर इर परमेश्वर दुतलु उंडार; 40दिनिचांग यल्ला निंदन फिकी जमा शेशी आग्गीला कालचेस्तार आल्ले दुन्यामदी समाप्ती आय्यी. 41मनशी कोडकु वान स्वर्गदुतलान आंपी इंगा वार पाप शेयामते तोरनी इंगा पाप शेशेतोरनी वान राज्य लोन्केल जमा शेशार, 42इंगा वारनी आग्गी भट्टीला येशार; आंदु येडशेद इंगा फंडलु तिनेद नडशी. 43पण आप्पुड नितीमान मंदी मना आब्बान राज्यला सुर्यलेका चमकाशार. यवारकी गुम्माल उंडाय वार इनना.
गुप्त धनदी दृष्टांत
44येशुड मुंदारकी आन्या, स्वर्गद राज्य शेल्ला दाशी फेटने धनलेका उंडाद, आदी यादो वगा मनशीक शिक्या इंगा वाड आदी दाशी फेट्या. इंगा आनंदता फोई वाड वानदी आंता धन संपत्ती आम्मेशी आदी शेन कोन्कुन्या.
अनमोल मोतीद दृष्टांत
45येशुड मुंदारकी आन्या, स्वर्गद राज्य शिंगार मोती फुडकेतोन यादो वगा व्यापारीलेका उंडाद; 46यप्पुड वानकी वगाट अनमोल मोती शिक्या; मंग वाड फोई वानदी आंता धन संपत्ती आम्मेशी आदी कोन्कुन्या.
जाळीद दृष्टांत
47येशुड मुंदारकी आन्या, स्वर्गद राज्य समुद्रला येशीने जाळी लेका उंडाद यंदाटला समुद्रलोनी आन्नी प्रकारी मील शिकताय; 48जाळी निंडीनेंका मिल फट्टेतोर आदी कंटाम तीकुड जग्गीर इंगा कुसनी याय मंची मील उंडाय आटलान डाल्याला जमा शेशीर, इंगा वाईट आय फेकेस काडीर. 49आल्ले दुन्यामदी समाप्ती आय्यी; परमेश्वर दुतलु वच्ची नितीमान मंदी लोन्केल दुष्ट मंदीन अलग शेशार. 50इंगा वारनी आग्गी भट्टीला येशार; आंदु येडशेद इंगा फंडलु तिनेद नडशी.
फाता इंगा कोता शिक्षणदी महत्व
51येशुड वारनी आडग्या, मिक इ आन्नी माटलु तेलच्या येम? वार वान आनीर, इंगा. 52आप्पुड येशुड वारनी आन्या. “प्रत्येक नियमशास्त्र शिक्षक यवाड स्वर्ग राज्य शिष्य आयनाड वाड मना भंडार लोन्केल कोत्ताय इंगा फाताय माटलु तिशेतोन वगा इल्लु मालकुन लेका उंडाड.”
नासरेथला येशुनदी अनादर
53आप्पुड इल्ला आय्या की, इ दृष्टांतलु शप्पेद आयनेंका येशुड आंदुकेल यल्ली फोया. 54इंगा वान उरुक नासरेथकी वच्ची वगा सभास्थानला वारकी इल्ला नेरप्या की वार आश्चर्य चकीत आय्यी आनीर, इदी ज्ञान इंगा चमत्कारलु शेशेद सामर्थ्य इ मनशीक यंदुकेल शिकताद? 55इड सुतारोन कोडकु उंडाड गरा? इन आम्मान मरीया आंटार कनी? याकोब, योसेफ, शिमोन इंगा यहूदा, इर इन शिन्ना तम्मुळ्ळे गरा? 56इन शेल्यांलु, वार आंदार मना जताक लेर येम? तर इनकी इदी आंता यंदुकेल शिक्या? 57दिनिचांग वार वानदी अपमान शेशीर इंगा वान मिंदा विश्वास फेट्टाक फोईर. पण येशुड वारनी आन्या, “संदेष्ट्यानदी मना नगरला इंगा मना इल्लु इडशी इंगा यंदुच अपमान काद.” 58आंदु मंदी अविश्वास इचांग येशुड जास्त चमत्कारलु शेयालेद.
اکنون انتخاب شده:
MAT 13: WNT
هایلایت
به اشتراک گذاشتن
مقایسه
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
MAT 13
13
बी पेराशेतोनदी दृष्टांत
1आबद येशुड यंदु शिक्षा इद्दु आंदुकेल यल्ली गालील सरोवर कंटाम मिंदा फोई कुसन्या 2आप्पुड वानदी इनेदेंक मंदीद गर्दी वान देगार जमा आय्या; आंका वाड नावला नेरपेदेंक फोई कुसन्या इंगा आंता मंदी कंटाम मिंदा नीला फडीर. 3मंग वाड वारकी दृष्टांतलाता शेंगेम माटलु शप्या वाड आन्या “सुडना, बी पेराशेतोड बी पेराशेदेंक यल्या; 4इंगा वाड पेराशेताप्पुड काही बी दावा मिंदा फड्या इंगा गुवाल वच्ची आय तिनेशा. 5काही बी खडकुला भुमी मिंदा फड्या, आंदु जास्त मन्नु लेकुंड्या इंगा मन्नु लोत लेकुंड्या आंका आय लग्गे फुट्या; 6पण सूर्य फैनिक वच्या आप्पुड यंडाक आय काली फो इंगा आटलाक मूळलु लेकुंड्या आंका आय यंडी फो. 7काही बी मुंडला शेटलाला फड्या; मंग मुंडला शेटलाला वाढाशी आटलाद वाढ खुटाशा. 8इंगा काही बी शिंगार भुमी मिंदा फड्या; मंग दानकी यंदु शंभरपट, यंदु साठपट तर यंदु तीसपट, इल्ला फंटा वच्या. 9येशुड दृष्टांत शप्पेद संपाय मतेताप्पुड आन्या, यवारकी गुम्माल उंडाय वार इनना.”
दृष्टांतदी उद्देश
10दिन बाद येशुन शिष्यल वान देगार वच्ची आडगीर, नु मंदी जताक दृष्टांतलाता येनटीक माटलाडताव? 11येशुड वारकी उत्तर इच्या, “स्वर्गलोन राज्यद रहस्य तेल्चेद दान मिक इच्चीनार, पण वारकी इयालेद. 12येनटीक की यवार देगार उंडाद वानकी इच्चेदेंक वच्ची इंगा वानकी भरपूर आय्यी; यवार देगार लेद वान देगार येम उंडाद आदी पण वान तीकेल तिशी तिस्कुन्यार. 13दिनिचांग निन वार जताक दृष्टांतलाता माटलाडतान; येनटीक की वार सुशीगास पण सुडार इंगा इनीगास पण इनार इंगा वारकी तेल्वाद पण.#यशया 6:9-10. 14यशया संदेष्ट्यानदी भविष्यवाणी वार बदल पुर्ण आयतुनाद, आदी इल्ला की,
मीर गुम्मालता इन्यार तर खरेम, पण मिक तेल्वाके फोई,
इंगा कंडलाता सुशार तर खरेम, पण मिक कमसाक फोई;
15 येनटीक की इ मंदीद अंतकरण भोरु आयनाद,
वार गुम्मालता कमी इंटार इंगा वार कंडलु मुसकुंडार;
दिनिचांग की, वार कंडलाता सुडाराद,
गुम्मालता इनाराद,
अंतकरणता तेल्वाराद
इंगा ना तिरगाला इंगा निन वारनी बागा शेशान.
16 पण मी कंडलु धन्य उंडाय, येनटीक की आय सुस्तुनाय; इंगा मी गुम्माल, येनटीक की आय इंटुनाय. 17निन मिक खरेम शपतान की, मीर येम सुस्तुनार आदी सुशेद शेंगेम संदेष्ट्यालदी इंगा नितीमान मंदीद इच्छा उंड्या, पण वारकी सुशेदेंक शिक्काक फोया; इंगा मीर येम इंटुनार आदी इनेद वारदी शेंगेम इच्छा उंड्या, तरी वारकी इनेदेंक शिक्काक फोया.”
बी पेराशेतोनदी दृष्टांत स्पष्ट शपकाम
18इंगा येशुड शिष्यलाक दृष्टांतदी अर्थ शप्पेदेंक आंट्या, इप्पुड मीर बी पेराशेतोनदी दृष्टांत इनी तिस्कोंडा. 19दावा मिंदा पेराशीनेद बी इदी उंडाद की, यवाड राज्यद वचन #13:19 राज्यद वचन परमेश्वरदी वचन इंटाड पण आदी वानकी तेल्वाद, आप्पुड आ शैतान वच्ची वान अंतकरणला पेराशीनेद वचन दासकुंटाड; 20इंगा खडकुला पेराशीनेद बी इदी उंडाद की, वाड वचन इनी आदी लग्गे आनंदता स्वीकार शेस्ताड; 21पण वाड अंतकरणला फट्टी फेट्टाड आंका आदी रव्वा वेळ टीकास्ताद इंगा वचन इचांग संकटलु वच्या लेकाते छळ आय्या आंटे वाड लग्गे अटकास्ताड. 22इंगा मुंडला शेटलाला पेराशीनेद बी इदी उंडाद की, वाड वचन इंटाड, पण संसारदी चिंता इंगा धनुद लोभ इ वचनलाद वाढ थांबाय मतताद इंगा आदी निष्फळ आयताद. 23इंगा शिंगार भुमी मिंदा पेराशीनेद आदी इदी उंडाद की, वाड वचन इनी आदी तेल्चकुंटाड; वाड फळ इचकाने उंटाड; यवाड शंभरपट, यवाड साठपट, तर यवाड तीसपट इल्ला इस्ताड.
निंदनदी दृष्टांत
24येशुड मंदीक इंगा वगाट दृष्टांत इच्या. “यादो वगा मनशी मना शेल्ला मंची बी पेराशा दान लेका स्वर्गद राज्य उंडाद. 25पण वगा नाड मोब्बुला यप्पुड कुल्योर फंडकुंडीर आप्पुड वान शत्रु वच्चीगास गोदमालला निंदन पेराशी यल्ली फोया; 26यप्पुड पाला फुट्या इंगा उंब्याल वच्या आप्पुड निंदन पण कमशा. 27आप्पुड शेन मालकुन कुल्योर वच्ची आनीर, महाराज, नु मना शेल्ला मंची बी पेरास्ती? तर मंग दांटल्या निंदन यंदुकेल वच्या? 28वाड वारनी आन्या इदी फनी यादो शत्रुद उंडाद. कुल्योर वान आनीर, तर मिम फोईगास आदी निंदन फिकेस्काडाला इल्ला नीद इच्छा उंडाद येम? 29वाड आन्या, लेद इल्ला शेयाकुंडा. मीर निंदन फिकेताप्पुड दान जताक कदाचीत गोदमाल पण फिकेशार. 30सोंगाशी नंताक रोंडु पण सोबत वाढायनिंडा; यंकसार सोंगाशेताप्पुड निन सोंगाशेतोरकी शप्यान की, पहिला निंदन फिकी जमा शेयना इंगा काल्चेदेंक दानी गंटलु कटना; पण गोदमाल ना कोठाराला जमा शेयना.”
मोहरी दानाद दृष्टांत
31येशुड वारकी इंगा वगा दृष्टांत इच्या की, “स्वर्गद राज्य मोहरी दाना लेका उंडाद; आदी यादो वगा मनशी तिस्केन वान शेल्ला पेराशा; 32आदी तर आन्नी बीजालकाना शिन्नाद उंडाद; तरी फेद्दाद आयनेंका भाजीपालाल काना पण फेद्दाद आय्यी दानदी शट्टु आयताद इंगा मोडामलोन गुवाल दान डांकला मिंदा वच्ची निलस्ताय.”#13:32 इस्राएलला यप्पुड मोहरी शटलु फेद्दाय आयताय आप्पुड आय बाकीचे शटला काना फेद्दाय शटलु आयताय, तर गुवाल वच्ची आटला डांक मिंदा खोपाल बना मतताय.
खमीरदी दृष्टांत
33येशुड वारकी इंगा वगा दृष्टांत शप्या की, “स्वर्गद राज्य खमीर लेका उंडाद; दांटल्योनदी रव्वासा खमीर तिस्केन वगा आंडीद मुड मापलु फिंडीला #13:33 मुड मापलु फिंडीला यदगा फिंडीला येस्काड्या, दानिचांग आखरिक आदी आंता फिंडी फुगाशी फोया.”
34इ आन्नी माटलु येशुड दृष्टांतलाता मंदी गर्दीक शप्या इंगा दृष्टांत शिवाय वाड वार जताक येमीच माटलाडाकुंदु; 35दिनिचांग की, संदेष्ट्यान तीकेल येम शप्पीनेद उंड्या, आदी पुर्ण कावाला; आदी इल्ला की,
दृष्टांत शप्पेदेंक निन नाद नोर तेरशान;
युगदी उत्पत्ती आय्या आप्पुडनोट दाशी फेटने माटलु निन माटलाडी शप्यान.#स्तोत्रसंहिता 78:2.
निंदन दृष्टांतदी स्पष्टीकरण
36आप्पुड येशुड मंदी गर्दीन इडशी इंटल्योंग वच्या; आप्पुड वान शिष्यल वान तीकुड वच्चीगास आनीर, शेल्लोन निंदनदी दृष्टांत माक समजायमती शप. 37वाड उत्तर इच्या की, मंची बी पेराशेतोड मनशी कोडकु उंडाड. 38शेन इदी दुन्याम उंडाद; मंची बी स्वर्ग राज्य बिळ्ळु उंडार; निंदन दुष्ट बिळ्ळु उंडार; 39या शत्रु आदी पेराशीनाड वाड शैतान उंडाड; सोंगाशेद इदी दुन्यामदी समाप्ती उंडाद; इंगा सोंगाशेतोर इर परमेश्वर दुतलु उंडार; 40दिनिचांग यल्ला निंदन फिकी जमा शेशी आग्गीला कालचेस्तार आल्ले दुन्यामदी समाप्ती आय्यी. 41मनशी कोडकु वान स्वर्गदुतलान आंपी इंगा वार पाप शेयामते तोरनी इंगा पाप शेशेतोरनी वान राज्य लोन्केल जमा शेशार, 42इंगा वारनी आग्गी भट्टीला येशार; आंदु येडशेद इंगा फंडलु तिनेद नडशी. 43पण आप्पुड नितीमान मंदी मना आब्बान राज्यला सुर्यलेका चमकाशार. यवारकी गुम्माल उंडाय वार इनना.
गुप्त धनदी दृष्टांत
44येशुड मुंदारकी आन्या, स्वर्गद राज्य शेल्ला दाशी फेटने धनलेका उंडाद, आदी यादो वगा मनशीक शिक्या इंगा वाड आदी दाशी फेट्या. इंगा आनंदता फोई वाड वानदी आंता धन संपत्ती आम्मेशी आदी शेन कोन्कुन्या.
अनमोल मोतीद दृष्टांत
45येशुड मुंदारकी आन्या, स्वर्गद राज्य शिंगार मोती फुडकेतोन यादो वगा व्यापारीलेका उंडाद; 46यप्पुड वानकी वगाट अनमोल मोती शिक्या; मंग वाड फोई वानदी आंता धन संपत्ती आम्मेशी आदी कोन्कुन्या.
जाळीद दृष्टांत
47येशुड मुंदारकी आन्या, स्वर्गद राज्य समुद्रला येशीने जाळी लेका उंडाद यंदाटला समुद्रलोनी आन्नी प्रकारी मील शिकताय; 48जाळी निंडीनेंका मिल फट्टेतोर आदी कंटाम तीकुड जग्गीर इंगा कुसनी याय मंची मील उंडाय आटलान डाल्याला जमा शेशीर, इंगा वाईट आय फेकेस काडीर. 49आल्ले दुन्यामदी समाप्ती आय्यी; परमेश्वर दुतलु वच्ची नितीमान मंदी लोन्केल दुष्ट मंदीन अलग शेशार. 50इंगा वारनी आग्गी भट्टीला येशार; आंदु येडशेद इंगा फंडलु तिनेद नडशी.
फाता इंगा कोता शिक्षणदी महत्व
51येशुड वारनी आडग्या, मिक इ आन्नी माटलु तेलच्या येम? वार वान आनीर, इंगा. 52आप्पुड येशुड वारनी आन्या. “प्रत्येक नियमशास्त्र शिक्षक यवाड स्वर्ग राज्य शिष्य आयनाड वाड मना भंडार लोन्केल कोत्ताय इंगा फाताय माटलु तिशेतोन वगा इल्लु मालकुन लेका उंडाड.”
नासरेथला येशुनदी अनादर
53आप्पुड इल्ला आय्या की, इ दृष्टांतलु शप्पेद आयनेंका येशुड आंदुकेल यल्ली फोया. 54इंगा वान उरुक नासरेथकी वच्ची वगा सभास्थानला वारकी इल्ला नेरप्या की वार आश्चर्य चकीत आय्यी आनीर, इदी ज्ञान इंगा चमत्कारलु शेशेद सामर्थ्य इ मनशीक यंदुकेल शिकताद? 55इड सुतारोन कोडकु उंडाड गरा? इन आम्मान मरीया आंटार कनी? याकोब, योसेफ, शिमोन इंगा यहूदा, इर इन शिन्ना तम्मुळ्ळे गरा? 56इन शेल्यांलु, वार आंदार मना जताक लेर येम? तर इनकी इदी आंता यंदुकेल शिक्या? 57दिनिचांग वार वानदी अपमान शेशीर इंगा वान मिंदा विश्वास फेट्टाक फोईर. पण येशुड वारनी आन्या, “संदेष्ट्यानदी मना नगरला इंगा मना इल्लु इडशी इंगा यंदुच अपमान काद.” 58आंदु मंदी अविश्वास इचांग येशुड जास्त चमत्कारलु शेयालेद.
اکنون انتخاب شده:
:
هایلایت
به اشتراک گذاشتن
مقایسه
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید