Mbandukulu 3
3
Mubakala na mukyeetu bababinga mu dzuumbu dya Edeni
1Nyoko yaba kibulu kibvuriri bunkita mu bibulu byobinso bya ku bitiiti byayirikiri Yaave Nzaambi. Yo yaleele kuri mukyeetu ti : Buri diri dyangwana ti Nzaambi waluleeriri ti : « Beenu lwahele kudya bimbutu bya miti myominso biri mu dzuumbu ? » 2Mukyeetu wabvutula kuri nyoko ti : « Beetu lo tudiiri bimbutu bya miti miri mu dzuumbu. 3Ngo mu bimbutu bya muti wuri ha kakati dya dzuumbu, Nzaambi wadika ti : “Yaa ludya byo ko, na yaa lubelemene byo ko, mpisi luhele kufwa.” » 4Nyoko yaleele kuri mukyeetu ti : « Ti bele pe, beenu lufwa ko. 5Ngo Nzaambi yaari dyo ti, kiluumbu ki ludya bimbutu bya muti wunde, lo miisu mya beenu sa myadzibuma, sa lwaba bunu banzaambi na sa lwabaka nyaabulu ya myamibwe na ya myamibi. »
6Mukyeetu wamono ti, bimbutu bya muti wunde byaba byabibwe mu kudya na mu kumono mu miisu, waba wamubwe mu kudzibula madyeele. Nde waholo kimbutu kya muti, wadya na waha kuri mulumi waandi waba hateke nde, na mulumi se wadya kyo. 7Miisu mya boboolo myadzibuma, na bayaaba ti bari mpene. Batuunga mu makaya ma mungenge bibyo biri bunu nsaanda.
8Bo bayuka mbeembu ya Yaave Nzaambi, waba kweyunga munsa dzuumbu mu ntaangu nsinsika. Mubakala na mukasi waandi basweeme, busu bwa Yaave Nzaambi, ha kakati dya miti mya dzuumbu. 9Yaave Nzaambi wateele mubakala mbila, wamufuula ti : « Ye kuri wuri ? » 10Mubakala wabvutula ti : « Me nyukiri mbeembu yaaku munsa dzuumbu, ngo me mbakiri boomo, bukuri me nyiri mpene ; mu didyo me nsweemini. » 11Yaave Nzaambi ti : « Na wukuleeriri ti ye wuri mpene, buri ye muti wu nyakudikiri kudya ye diiryeenu ? » 12Mubakala wabvutula ti : « Mukyeetu wu wampeeri, heerye me kimbutu kya muti, ngo me ndiiryee. »
13Yaave Nzaambi waleele kuri mukyeetu ti : « Mu nki ye yirikiri mya bu ? » Mukyeetu wabvutula ti : « Nyoko yimpuninyee ngo me ndiiryee. »
14Yaave Nzaambi waleele kuri nyoko ti :
« Bukuri ye yirikiryee mamo, ye weki kunsa mpopi,
ha kakati dya bibulu byobinso bya ku bibiti,
ye sa wekoko bari ha nsi,
na sa wedya fuunda
mu biluumbu byobinso bya kidziingu kyaaku.
15Me sa nsuusa kitaatu ha kakati dya mukyeetu na ye,
ha kakati dya babutuka mu nde na babutuka mu ye.
Wubutuka mu wamukyeetu sa kakosono mutu waaku,
ngo ye sa wamutatika kisiŋini. »
16Kuri wamukyeetu, nde waleele ti :
« Me sa nyafunisa misoongo myaaku mya mbutulu,
na sa wabuta mu mpasi.
Mampwisu maaku sa makunata kuri mulumi waaku,
ngo nde sa kakutuma. »
17Nde waleele kuri mubakala ti : « Bukuri ye waywiiriri mukasi waaku, na wadiiri kimbutu kya muti wu nyakudikiri,
mu lumvuki lwa ye,
butoto bu bwiiriri mpopi.
Ye sa wadiila mu mpasi,
mu biluumbu byobinso bya kidziingu kyaaku ;
18Butoto sa bwaha kuri ye
mpaanga na minkanga,
ye sa dya leenge dya kibiti ;
19ye sa wadya mu tukutu twa mbuunsu yaaku,
natee bu wubvutuka mu butoto,
buwuri wapalila,
bukuri ye bakuyirika mu fuunda dya butoto,
na sa wabvutuka fuunda. »
20Mubakala waluka mukasi waandi nkuumbu Eva, bukuri nde ngo nguri bobanso bamwooyo. 21Yaave Nzaambi watuungila mulumi na mukasi waandi binkutu bya mukaanda kibulu, na wabalwiika byo.
22Yaave Nzaambi waleele ti : « Mono, muutu weki bunu mosi mu beetu, mu nyaabulu mamabwe na mamabi. Tuyelemini kumukabikisa, mpisi kahele kulaambula kooko kwaandi, mu kubelemene muti wa bumwooyo, na kudya bimbutu mu kubaka kidziingu kyakinkulu. » 23Yaave Nzaambi wabapalisa mu dzuumbu dya Edeni, mpisi behatila butoto, mu bari bapalila. 24Nde wabinga muutu na wasuusa bakeruba ku mpele ya esete ya dzuumbu dya Edeni, bari na mbeesi yayila ya mbaawu, yi bakwedzuungisa mu kukebe nzila ya muti wa bumwooyo.
اکنون انتخاب شده:
Mbandukulu 3: ATBABC
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Alliance Biblique du Congo 2024
Mbandukulu 3
3
Mubakala na mukyeetu bababinga mu dzuumbu dya Edeni
1Nyoko yaba kibulu kibvuriri bunkita mu bibulu byobinso bya ku bitiiti byayirikiri Yaave Nzaambi. Yo yaleele kuri mukyeetu ti : Buri diri dyangwana ti Nzaambi waluleeriri ti : « Beenu lwahele kudya bimbutu bya miti myominso biri mu dzuumbu ? » 2Mukyeetu wabvutula kuri nyoko ti : « Beetu lo tudiiri bimbutu bya miti miri mu dzuumbu. 3Ngo mu bimbutu bya muti wuri ha kakati dya dzuumbu, Nzaambi wadika ti : “Yaa ludya byo ko, na yaa lubelemene byo ko, mpisi luhele kufwa.” » 4Nyoko yaleele kuri mukyeetu ti : « Ti bele pe, beenu lufwa ko. 5Ngo Nzaambi yaari dyo ti, kiluumbu ki ludya bimbutu bya muti wunde, lo miisu mya beenu sa myadzibuma, sa lwaba bunu banzaambi na sa lwabaka nyaabulu ya myamibwe na ya myamibi. »
6Mukyeetu wamono ti, bimbutu bya muti wunde byaba byabibwe mu kudya na mu kumono mu miisu, waba wamubwe mu kudzibula madyeele. Nde waholo kimbutu kya muti, wadya na waha kuri mulumi waandi waba hateke nde, na mulumi se wadya kyo. 7Miisu mya boboolo myadzibuma, na bayaaba ti bari mpene. Batuunga mu makaya ma mungenge bibyo biri bunu nsaanda.
8Bo bayuka mbeembu ya Yaave Nzaambi, waba kweyunga munsa dzuumbu mu ntaangu nsinsika. Mubakala na mukasi waandi basweeme, busu bwa Yaave Nzaambi, ha kakati dya miti mya dzuumbu. 9Yaave Nzaambi wateele mubakala mbila, wamufuula ti : « Ye kuri wuri ? » 10Mubakala wabvutula ti : « Me nyukiri mbeembu yaaku munsa dzuumbu, ngo me mbakiri boomo, bukuri me nyiri mpene ; mu didyo me nsweemini. » 11Yaave Nzaambi ti : « Na wukuleeriri ti ye wuri mpene, buri ye muti wu nyakudikiri kudya ye diiryeenu ? » 12Mubakala wabvutula ti : « Mukyeetu wu wampeeri, heerye me kimbutu kya muti, ngo me ndiiryee. »
13Yaave Nzaambi waleele kuri mukyeetu ti : « Mu nki ye yirikiri mya bu ? » Mukyeetu wabvutula ti : « Nyoko yimpuninyee ngo me ndiiryee. »
14Yaave Nzaambi waleele kuri nyoko ti :
« Bukuri ye yirikiryee mamo, ye weki kunsa mpopi,
ha kakati dya bibulu byobinso bya ku bibiti,
ye sa wekoko bari ha nsi,
na sa wedya fuunda
mu biluumbu byobinso bya kidziingu kyaaku.
15Me sa nsuusa kitaatu ha kakati dya mukyeetu na ye,
ha kakati dya babutuka mu nde na babutuka mu ye.
Wubutuka mu wamukyeetu sa kakosono mutu waaku,
ngo ye sa wamutatika kisiŋini. »
16Kuri wamukyeetu, nde waleele ti :
« Me sa nyafunisa misoongo myaaku mya mbutulu,
na sa wabuta mu mpasi.
Mampwisu maaku sa makunata kuri mulumi waaku,
ngo nde sa kakutuma. »
17Nde waleele kuri mubakala ti : « Bukuri ye waywiiriri mukasi waaku, na wadiiri kimbutu kya muti wu nyakudikiri,
mu lumvuki lwa ye,
butoto bu bwiiriri mpopi.
Ye sa wadiila mu mpasi,
mu biluumbu byobinso bya kidziingu kyaaku ;
18Butoto sa bwaha kuri ye
mpaanga na minkanga,
ye sa dya leenge dya kibiti ;
19ye sa wadya mu tukutu twa mbuunsu yaaku,
natee bu wubvutuka mu butoto,
buwuri wapalila,
bukuri ye bakuyirika mu fuunda dya butoto,
na sa wabvutuka fuunda. »
20Mubakala waluka mukasi waandi nkuumbu Eva, bukuri nde ngo nguri bobanso bamwooyo. 21Yaave Nzaambi watuungila mulumi na mukasi waandi binkutu bya mukaanda kibulu, na wabalwiika byo.
22Yaave Nzaambi waleele ti : « Mono, muutu weki bunu mosi mu beetu, mu nyaabulu mamabwe na mamabi. Tuyelemini kumukabikisa, mpisi kahele kulaambula kooko kwaandi, mu kubelemene muti wa bumwooyo, na kudya bimbutu mu kubaka kidziingu kyakinkulu. » 23Yaave Nzaambi wabapalisa mu dzuumbu dya Edeni, mpisi behatila butoto, mu bari bapalila. 24Nde wabinga muutu na wasuusa bakeruba ku mpele ya esete ya dzuumbu dya Edeni, bari na mbeesi yayila ya mbaawu, yi bakwedzuungisa mu kukebe nzila ya muti wa bumwooyo.
اکنون انتخاب شده:
:
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Alliance Biblique du Congo 2024