Mbandukulu 6
6
Nzeengulu dza Nzaambi mu kufuukisa baatu
1Baatu bu babaandika kufununa ha butoto na babuta baala babakyeetu, 2baala ba Nzaambi bamono ti baala babakyeetu baba bababwe, bakweele babo babasooriri. 3Yaave waleele ti : « Muwuumunu me kaba kwakinkulu mu muutu ko, bukuri muswiinyi kari. Biluumbu bya nde sa byaba bya nkama na makuumi moolo ma mibvu. » 4Mu ntaangu yiyo kwaba Banefilimi ha butoto. Mu biluumbu bibyo se, baala ba Nzaambi bayisa kumono baala babakyeetu ba baatu, na babuta baala na bo. Mu makweele mamo, mwabutuka bankanyi baba mu ntaangu ya labuka.
5Yaave wamono ti bubi bwa baatu bwafunina ha butoto, na mitima mya bo, mpisi kiluumbu, kutsimaa mamabi kitsu. 6Yaave wanyoongo mu muutu wu kayirika ha butoto. Nde wabama munsa mutima waandi. 7Yaave waleele ti : « Me nyiyaala, ha yulu butoto, baatu ba nyiri nyayirika natee bibulu, natee bisyekete, natee banoni ba yulu, bukuri me nyoongiri bu nyabayirikiri. » 8Ngo Nowa wabaka bweese ha busu bwa Yaave.
Nzaambi wabvuukisa Nowa
9Mono baala ba Nowa. Nowa waba muutu wasuunguma na wa mutima wamunsiina, waba ha kakati dya biseendu byaandi. Nowa waba kintwaari na waba kweyendaana na Nzaambi. 10Nowa wabuta baala batatu : Seme, Kame na Yafete.
11Butoto bwaba bwakituka mu mbiiyulu ha busu bwa Nzaambi ; butoto bwaba bu mwaaluula mu bubi. 12Nzaambi wamono butoto, bwo bwaba bwakituka mu mbiiyulu, bukuri mpisi muutu waba kwenama nzila yaandi, ha butoto. 13Nzaambi waleele kuri Nowa ti : « Nsukulu mpisi muswiinyi yituuriri, ha busu bwa me, bukuri butoto bwaluula mu bubi, mu ntoono bo, me nyeki bafuukisa na butoto. 14Yirika mu ntoono ye bwaatu mu miti myakuma, na sa bihekiri byalaka munsa bwo, tumi yirika mu mbasa mukila-ngaka ku mbasi na kunsa kati. 15Mono bumabu ye wuyirikila bwo : Bwo buyelemini kuba na nkama na makuumi mataanu ma bitaki mu bula, makuumi moolo na bitaki bitaanu mu bukufi, na kuumi na bitaanu mu nzangumunu. 16Yirikila bwaatu muluri, na suusa mpwaanyi ya kitaki kimosi, ha kakati dya muluri na bibaka. Sa mweelu mu lubaansi lwaandi. Bwaatu buyelemini kuba mu bitaasi bitatu. 17Na me sa ndyaamisa butoto mu mbukulu maampa, mu kufuukisa mpisi kiwuumuna na mpisi kiri mwooyo ha butoto sa kyafwa. 18Ngo me sa nsa lulelusunu lwaami na ye, na ye sa koto na baala baaku, na mukasi waaku, na bako baaku mu bwaatu. 19Ye sa tumisa byoolo byoolo mu mpisi kiri na muswiinyi, mu kubikotoso mu bwaatu. Buyelemini kuba kyamulumi na kyamukasi, mu kubikebe mwooyo kintwaari na ye. 20Mpisi kitsuumbu kya banoni, kya bibulu, kya bisyekete biri ha butoto. Ye kuholo byoolo byoolo mu byo, kyamulumi na kyamukasi, mu kubikebe mwooyo kintwaari na ye. 21Ye holo byobinso bibadyaanaa na wubisweeke ; bibyo biba byandya kuri ye na kuri bo. » 22Nowa wayirika bunu bwamutumini Nzaambi. Bubwo nde kayirika.
اکنون انتخاب شده:
Mbandukulu 6: ATBABC
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Alliance Biblique du Congo 2024
Mbandukulu 6
6
Nzeengulu dza Nzaambi mu kufuukisa baatu
1Baatu bu babaandika kufununa ha butoto na babuta baala babakyeetu, 2baala ba Nzaambi bamono ti baala babakyeetu baba bababwe, bakweele babo babasooriri. 3Yaave waleele ti : « Muwuumunu me kaba kwakinkulu mu muutu ko, bukuri muswiinyi kari. Biluumbu bya nde sa byaba bya nkama na makuumi moolo ma mibvu. » 4Mu ntaangu yiyo kwaba Banefilimi ha butoto. Mu biluumbu bibyo se, baala ba Nzaambi bayisa kumono baala babakyeetu ba baatu, na babuta baala na bo. Mu makweele mamo, mwabutuka bankanyi baba mu ntaangu ya labuka.
5Yaave wamono ti bubi bwa baatu bwafunina ha butoto, na mitima mya bo, mpisi kiluumbu, kutsimaa mamabi kitsu. 6Yaave wanyoongo mu muutu wu kayirika ha butoto. Nde wabama munsa mutima waandi. 7Yaave waleele ti : « Me nyiyaala, ha yulu butoto, baatu ba nyiri nyayirika natee bibulu, natee bisyekete, natee banoni ba yulu, bukuri me nyoongiri bu nyabayirikiri. » 8Ngo Nowa wabaka bweese ha busu bwa Yaave.
Nzaambi wabvuukisa Nowa
9Mono baala ba Nowa. Nowa waba muutu wasuunguma na wa mutima wamunsiina, waba ha kakati dya biseendu byaandi. Nowa waba kintwaari na waba kweyendaana na Nzaambi. 10Nowa wabuta baala batatu : Seme, Kame na Yafete.
11Butoto bwaba bwakituka mu mbiiyulu ha busu bwa Nzaambi ; butoto bwaba bu mwaaluula mu bubi. 12Nzaambi wamono butoto, bwo bwaba bwakituka mu mbiiyulu, bukuri mpisi muutu waba kwenama nzila yaandi, ha butoto. 13Nzaambi waleele kuri Nowa ti : « Nsukulu mpisi muswiinyi yituuriri, ha busu bwa me, bukuri butoto bwaluula mu bubi, mu ntoono bo, me nyeki bafuukisa na butoto. 14Yirika mu ntoono ye bwaatu mu miti myakuma, na sa bihekiri byalaka munsa bwo, tumi yirika mu mbasa mukila-ngaka ku mbasi na kunsa kati. 15Mono bumabu ye wuyirikila bwo : Bwo buyelemini kuba na nkama na makuumi mataanu ma bitaki mu bula, makuumi moolo na bitaki bitaanu mu bukufi, na kuumi na bitaanu mu nzangumunu. 16Yirikila bwaatu muluri, na suusa mpwaanyi ya kitaki kimosi, ha kakati dya muluri na bibaka. Sa mweelu mu lubaansi lwaandi. Bwaatu buyelemini kuba mu bitaasi bitatu. 17Na me sa ndyaamisa butoto mu mbukulu maampa, mu kufuukisa mpisi kiwuumuna na mpisi kiri mwooyo ha butoto sa kyafwa. 18Ngo me sa nsa lulelusunu lwaami na ye, na ye sa koto na baala baaku, na mukasi waaku, na bako baaku mu bwaatu. 19Ye sa tumisa byoolo byoolo mu mpisi kiri na muswiinyi, mu kubikotoso mu bwaatu. Buyelemini kuba kyamulumi na kyamukasi, mu kubikebe mwooyo kintwaari na ye. 20Mpisi kitsuumbu kya banoni, kya bibulu, kya bisyekete biri ha butoto. Ye kuholo byoolo byoolo mu byo, kyamulumi na kyamukasi, mu kubikebe mwooyo kintwaari na ye. 21Ye holo byobinso bibadyaanaa na wubisweeke ; bibyo biba byandya kuri ye na kuri bo. » 22Nowa wayirika bunu bwamutumini Nzaambi. Bubwo nde kayirika.
اکنون انتخاب شده:
:
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Alliance Biblique du Congo 2024