Mbandukulu Nkotulu
Nkotulu
Mukaanda watete wa Biibila nkuumbu « Mbandukulu », mambangukulu bwayirimina nsi, muutu na kaanda dya Iselili.
Kik 1 – 11 : Buri tubakukila nsi yituri ? Muutu na kari ? Nkya kibeendu kari na kyo mu nsi ? Bukuri nki budzika bwa baatu, bo na bo, bwabweeyaa ko ? Kuri bungaanga mu mimyo ? Mu bifuuri bibyo biri mpisi ntaangu biri mu kibari kyatete kya mukaanda wa Mbandukulu kiha mamvutu : Mubakala na mukyeetu mu mbandukulu (1 – 2) ; mpambukusu bo na Nzaambi (3) ; Kaayini na Abele (4) ; Nowa kunsa mbuukulu maampa yayinene (6 – 9) ; nzo yamuntutu ya Babeli (11). Misamu miri, bari ndeelulu myo, kwabutswitswikii ko mu kikulu kya muutu.
Bik 12 – 50 : Biyaabisa dyaburi Nzaambi katwaala mvuukulu kuri baatu mu nteelulu mbila mu kisalu kyaandi kuri bankaaka batete ba Iselili : Abarahami (12.1 – 25.18), wumonokono mu kanyi dyaandi na ntumumunu yaandi mu Nzaambi, wuri kifwaani mu ntaangu yoyinso, mwaana waandi Isaki, muteekulu waandi Yakobi (25.19 – 36.43), wataambiri se nkuumbu ya Iselili. Yoosefi (37.1 – 50.26), mosi mu baala ba Yakobi, nkaaka ya makaanda moolo, wuri ha kakati dya misamu minata Yakobi na baala baandi bakaka na makaanda maaku mu kweende kudzakala ku Ngipiti.
Mukaanda wa Mbandukulu wuri nyikusulu mu mayirika Nzaambi. Wubaandika mu kutswiikisa ti Nzaambi wayirika yulu na butoto, bibyo bisoongo bunene, ngo wasuusa byobinso mu lutumu lwa Nzaambi. Mukaanda wawiila mu nsiilulu dziri ti Nzaambi sa kanamitina kutsimina kaanda dyaandi. Kunu mbandukulu natee ku manunu, Nzaambi wuri muutu wanguri : Wuyabukina, wutsuundisa, wutwaalisa na wubakisa kaanda dyaandi, wuyirika kikulu kya dyo.
Mu mvutu, Nzaambi wuloombo ti baatu basiila kanyi mu nde na mu nsiilulu dzaandi, ti batumuma mu ntumunu dzaandi na mu mangisi maandi.
Mukaanda wu waholo bikulu byantama bya kaanda dya Iselili, mu kuyaabisa dyaburi kaanda didyo dyasiiriri kanyi dyaandi na mu kusa ti dinamitina kuba dyamwooyo.
اکنون انتخاب شده:
Mbandukulu Nkotulu: ATBABC
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Alliance Biblique du Congo 2024
Mbandukulu Nkotulu
Nkotulu
Mukaanda watete wa Biibila nkuumbu « Mbandukulu », mambangukulu bwayirimina nsi, muutu na kaanda dya Iselili.
Kik 1 – 11 : Buri tubakukila nsi yituri ? Muutu na kari ? Nkya kibeendu kari na kyo mu nsi ? Bukuri nki budzika bwa baatu, bo na bo, bwabweeyaa ko ? Kuri bungaanga mu mimyo ? Mu bifuuri bibyo biri mpisi ntaangu biri mu kibari kyatete kya mukaanda wa Mbandukulu kiha mamvutu : Mubakala na mukyeetu mu mbandukulu (1 – 2) ; mpambukusu bo na Nzaambi (3) ; Kaayini na Abele (4) ; Nowa kunsa mbuukulu maampa yayinene (6 – 9) ; nzo yamuntutu ya Babeli (11). Misamu miri, bari ndeelulu myo, kwabutswitswikii ko mu kikulu kya muutu.
Bik 12 – 50 : Biyaabisa dyaburi Nzaambi katwaala mvuukulu kuri baatu mu nteelulu mbila mu kisalu kyaandi kuri bankaaka batete ba Iselili : Abarahami (12.1 – 25.18), wumonokono mu kanyi dyaandi na ntumumunu yaandi mu Nzaambi, wuri kifwaani mu ntaangu yoyinso, mwaana waandi Isaki, muteekulu waandi Yakobi (25.19 – 36.43), wataambiri se nkuumbu ya Iselili. Yoosefi (37.1 – 50.26), mosi mu baala ba Yakobi, nkaaka ya makaanda moolo, wuri ha kakati dya misamu minata Yakobi na baala baandi bakaka na makaanda maaku mu kweende kudzakala ku Ngipiti.
Mukaanda wa Mbandukulu wuri nyikusulu mu mayirika Nzaambi. Wubaandika mu kutswiikisa ti Nzaambi wayirika yulu na butoto, bibyo bisoongo bunene, ngo wasuusa byobinso mu lutumu lwa Nzaambi. Mukaanda wawiila mu nsiilulu dziri ti Nzaambi sa kanamitina kutsimina kaanda dyaandi. Kunu mbandukulu natee ku manunu, Nzaambi wuri muutu wanguri : Wuyabukina, wutsuundisa, wutwaalisa na wubakisa kaanda dyaandi, wuyirika kikulu kya dyo.
Mu mvutu, Nzaambi wuloombo ti baatu basiila kanyi mu nde na mu nsiilulu dzaandi, ti batumuma mu ntumunu dzaandi na mu mangisi maandi.
Mukaanda wu waholo bikulu byantama bya kaanda dya Iselili, mu kuyaabisa dyaburi kaanda didyo dyasiiriri kanyi dyaandi na mu kusa ti dinamitina kuba dyamwooyo.
اکنون انتخاب شده:
:
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Alliance Biblique du Congo 2024