Kenese 6
6
O le Amio Leaga a Tagata
1‘Ua o‘o ‘ina amata ‘ona fa‘ato‘ateleina o tagata i le fogā‘ele‘ele, ma ‘ua fānauina e i latou o afafine,#Iopu 1.6; 2.1 2‘ona va‘ava‘ai lea o atali‘i o le Atua#6.2 atali‘i o le Atua: po o atali‘i o atua: po o tagata ola mai le lagi. i afafine o tagata, ‘ua lālelei lava i latou; ‘ona fai avā ai lea o i latou i fafine uma ‘ua latou loto i ai. 3‘Ona fetalai ane lea o le ALI‘I, “E lē fa‘avavau ‘ona finau o lo‘u Agaga ma tagata, auā ‘ua na o tagata i latou; a o latou aso e selau ma le luafulu o tausaga ia.”#Sala 78.39; 1 Pete 3.19-20 4Sa i le lalolagi i ia ona aso o tagata maualuluga; e fa‘apea fo‘i i ona tua mai, ‘ina ‘ua ō ane o atali‘i o le Atua i afafine o tagata ma ‘ua fānanau ai ‘iā te i latou, o tagata malolosi ia ma le tāua anamua.#Nume 13.33
5‘Ua silafia e le ALI‘I ‘ua leaga tele lava tagata i le lalolagi, o manatu uma ‘ua mafaufau ifo ai i o latou loto ‘ua na ‘ona leaga ia i aso uma lava.#Mata 24.37; Luka 17.26; 1 Pete 3.20 6‘Ua salamō fo‘i le ALI‘I ‘ina ‘ua faia e ia tagata i le lalolagi ma ‘ua tigā ai lona finagalo. 7‘Ona fetalai ane lea o le ALI‘I, “‘Ou te sōloi‘eseina i le fogā‘ele‘ele tagata na ‘ou faia; o tagata ma manu vaefā ma mea fetolofi, ‘atoa ma manu felelei auā ‘ua ‘ou salamō ‘ina ‘ua ‘ou faia i latou.” 8A o Noa, ‘ua alofagia o ia e le ALI‘I.
O Noa
9O le tala lenei ‘iā Noa; o Noa o le tagata amiotonu ia ma le sa‘o i ē tupulaga ma ia; sa la feoa‘i o le Atua ma Noa.#2 Pete 2.5 10‘Ua fānaua fo‘i e Noa ona atali‘i e to‘atolu, o Semu ma Hamo ma Iafeta. 11‘Ua leaga lava le lalolagi i luma o le Atua ma ‘ua tumu le lalolagi i le sauā. 12‘Ua silasila mai le Atua i le lalolagi, fa‘auta fo‘i, ‘ua leaga lava; auā o tagata uma ‘ua leaga ‘iā i latou a latou amio i le lalolagi.
13‘Ua fetalai atu le Atua ‘iā Noa, “‘Ua o‘o mai i o‘u luma le i‘uga o tagata uma auā ‘ua tumu le lalolagi i le sauā ‘ona o i latou; fa‘auta fo‘i, o a‘u lava, ‘ou te fa‘aumatia i latou ‘atoa ma le lalolagi.#Eseki 7.2-3, 6; Amo 8.2 14‘Ia e faia se va‘a mo oe i le la‘au o le kofa; ‘e te faia ni ana i le va‘a, ‘e te puluti ai fo‘i i le liu ma tua i pulu. 15‘Ia fa‘apea fo‘i ‘ona e faia; e tolu selau o kupita o le umi lea o le va‘a, e limagafulu o kupita lona lautele, e tolugafulu o kupita fo‘i lona maualuga. 16‘E te faia se fa‘amalama i le va‘a,#6.16 fa‘amalama o le va‘a: po o taualuga o le va‘a. o le kupita fo‘i ‘e te fa‘aumaina i luga; ‘e te faia fo‘i se faitoto‘a o le va‘a i lona itū, ‘e te faia ni ona fogāva‘a, o le aupito i lalo ma lona lua ma lona tolu. 17Fa‘auta, o a‘u fo‘i, ‘ou te fa‘ao‘oina atu le lolo i luga o le lau‘ele‘ele, e fa‘aumatia ai mea ola uma ‘ua i ai le mānava o le ola o i lalo o le lagi, e fa‘auma ai le ola o mea uma i le lalolagi.#Kene 7.4; 2 Pete 2.5 18‘Ae ‘ou te fa‘atumauina la‘u feagaiga ma oe, ‘e te ulu atu fo‘i i le va‘a, o oe ma ou atali‘i ma lau avā, ‘atoa ma avā a ou atali‘i fa‘atasi ma oe. 19‘E te ‘ave i le va‘a mea ola ‘ia ta‘ilua i mea uma, ‘ia fa‘aolaina fa‘atasi ma oe; ‘ia i ai le manu po‘a ma le manu fafine; 20o manu felelei e ta‘itasi ma lona uiga ma manu vaefā e ta‘itasi ma lona uiga, o mea fetolofi uma o i le ‘ele‘ele e ta‘itasi ma lona uiga, ‘ia ta‘ilua ‘ona ō atu ‘iā te oe i mea uma, ‘ia fa‘aolaina. 21O oe fo‘i ‘e te ‘ave ma oe ni mea e ‘ai i mea uma e ‘aina, ‘e te fa‘aputuina ‘iā te oe, ‘e fai fo‘i ma mea e ‘ai mā oe ‘atoa ma i latou.” 22Na faia fo‘i e Noa e fa‘apei ‘ona poloa‘i atu ai le Atua ‘iā te ia i mea uma, sa fa‘apea lava ‘ona fai e ia.#Epe 11.7
انتخاب شده:
Kenese 6: RSCB
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Revised Samoan Catholic Bible © Bible Society of the South Pacific, 2010.
Kenese 6
6
O le Amio Leaga a Tagata
1‘Ua o‘o ‘ina amata ‘ona fa‘ato‘ateleina o tagata i le fogā‘ele‘ele, ma ‘ua fānauina e i latou o afafine,#Iopu 1.6; 2.1 2‘ona va‘ava‘ai lea o atali‘i o le Atua#6.2 atali‘i o le Atua: po o atali‘i o atua: po o tagata ola mai le lagi. i afafine o tagata, ‘ua lālelei lava i latou; ‘ona fai avā ai lea o i latou i fafine uma ‘ua latou loto i ai. 3‘Ona fetalai ane lea o le ALI‘I, “E lē fa‘avavau ‘ona finau o lo‘u Agaga ma tagata, auā ‘ua na o tagata i latou; a o latou aso e selau ma le luafulu o tausaga ia.”#Sala 78.39; 1 Pete 3.19-20 4Sa i le lalolagi i ia ona aso o tagata maualuluga; e fa‘apea fo‘i i ona tua mai, ‘ina ‘ua ō ane o atali‘i o le Atua i afafine o tagata ma ‘ua fānanau ai ‘iā te i latou, o tagata malolosi ia ma le tāua anamua.#Nume 13.33
5‘Ua silafia e le ALI‘I ‘ua leaga tele lava tagata i le lalolagi, o manatu uma ‘ua mafaufau ifo ai i o latou loto ‘ua na ‘ona leaga ia i aso uma lava.#Mata 24.37; Luka 17.26; 1 Pete 3.20 6‘Ua salamō fo‘i le ALI‘I ‘ina ‘ua faia e ia tagata i le lalolagi ma ‘ua tigā ai lona finagalo. 7‘Ona fetalai ane lea o le ALI‘I, “‘Ou te sōloi‘eseina i le fogā‘ele‘ele tagata na ‘ou faia; o tagata ma manu vaefā ma mea fetolofi, ‘atoa ma manu felelei auā ‘ua ‘ou salamō ‘ina ‘ua ‘ou faia i latou.” 8A o Noa, ‘ua alofagia o ia e le ALI‘I.
O Noa
9O le tala lenei ‘iā Noa; o Noa o le tagata amiotonu ia ma le sa‘o i ē tupulaga ma ia; sa la feoa‘i o le Atua ma Noa.#2 Pete 2.5 10‘Ua fānaua fo‘i e Noa ona atali‘i e to‘atolu, o Semu ma Hamo ma Iafeta. 11‘Ua leaga lava le lalolagi i luma o le Atua ma ‘ua tumu le lalolagi i le sauā. 12‘Ua silasila mai le Atua i le lalolagi, fa‘auta fo‘i, ‘ua leaga lava; auā o tagata uma ‘ua leaga ‘iā i latou a latou amio i le lalolagi.
13‘Ua fetalai atu le Atua ‘iā Noa, “‘Ua o‘o mai i o‘u luma le i‘uga o tagata uma auā ‘ua tumu le lalolagi i le sauā ‘ona o i latou; fa‘auta fo‘i, o a‘u lava, ‘ou te fa‘aumatia i latou ‘atoa ma le lalolagi.#Eseki 7.2-3, 6; Amo 8.2 14‘Ia e faia se va‘a mo oe i le la‘au o le kofa; ‘e te faia ni ana i le va‘a, ‘e te puluti ai fo‘i i le liu ma tua i pulu. 15‘Ia fa‘apea fo‘i ‘ona e faia; e tolu selau o kupita o le umi lea o le va‘a, e limagafulu o kupita lona lautele, e tolugafulu o kupita fo‘i lona maualuga. 16‘E te faia se fa‘amalama i le va‘a,#6.16 fa‘amalama o le va‘a: po o taualuga o le va‘a. o le kupita fo‘i ‘e te fa‘aumaina i luga; ‘e te faia fo‘i se faitoto‘a o le va‘a i lona itū, ‘e te faia ni ona fogāva‘a, o le aupito i lalo ma lona lua ma lona tolu. 17Fa‘auta, o a‘u fo‘i, ‘ou te fa‘ao‘oina atu le lolo i luga o le lau‘ele‘ele, e fa‘aumatia ai mea ola uma ‘ua i ai le mānava o le ola o i lalo o le lagi, e fa‘auma ai le ola o mea uma i le lalolagi.#Kene 7.4; 2 Pete 2.5 18‘Ae ‘ou te fa‘atumauina la‘u feagaiga ma oe, ‘e te ulu atu fo‘i i le va‘a, o oe ma ou atali‘i ma lau avā, ‘atoa ma avā a ou atali‘i fa‘atasi ma oe. 19‘E te ‘ave i le va‘a mea ola ‘ia ta‘ilua i mea uma, ‘ia fa‘aolaina fa‘atasi ma oe; ‘ia i ai le manu po‘a ma le manu fafine; 20o manu felelei e ta‘itasi ma lona uiga ma manu vaefā e ta‘itasi ma lona uiga, o mea fetolofi uma o i le ‘ele‘ele e ta‘itasi ma lona uiga, ‘ia ta‘ilua ‘ona ō atu ‘iā te oe i mea uma, ‘ia fa‘aolaina. 21O oe fo‘i ‘e te ‘ave ma oe ni mea e ‘ai i mea uma e ‘aina, ‘e te fa‘aputuina ‘iā te oe, ‘e fai fo‘i ma mea e ‘ai mā oe ‘atoa ma i latou.” 22Na faia fo‘i e Noa e fa‘apei ‘ona poloa‘i atu ai le Atua ‘iā te ia i mea uma, sa fa‘apea lava ‘ona fai e ia.#Epe 11.7
انتخاب شده:
:
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Revised Samoan Catholic Bible © Bible Society of the South Pacific, 2010.