Salmos 11
11
1Dxuxrén lazra' Xrana' Dios.
Ájazra che̱n' dxi'u bénne'du xu'a:
“Bzrunnuj, guxíaj lu xí'ala ca tu bxinne?”
2Le na' xque, dxulucuéza benne' ca' dxelune̱' da cale̱la
xaga nalá xéche'ze.
Ba zaj naxrúe̱' xaga nalá xéche'ze chee̱' lu du chee̱ na,
chee̱ xelútie̱' bagácheze benne' xrlátaje ca'.
3Chete ca' xelexinnaj da dxulusé̱ chuchu da xrlátaje,
¿ájazra xelún benne' xrlátaje ca'?
4Xránadxu Dios zúaqueze̱' lataj lá'azxa chee̱'.
Xabáaqueze zua lataj blau naga dxe' Dios.
Dxelenná' xanne xiaj lawe̱'.
Dxelé'ene̱' ca da dxelún bénneache.
5Xránadxu Dios dxudée̱' chawe' benne' xrlátaje ca' lu da ste̱be.
Dxecuídene̱' benne' ca' dxelune̱' da cale̱la,
ne benne' dxelune̱' da zrinnaj.
6Gudée̱' benne' ca' dxelune̱' da cale̱la lu da zi' da xa',
da zaj naca na xi', ne da dxuzézrele̱'e da dxala na ca xedxe,
ne tu be' lále̱'e̱, da ca' sel-le̱' lawe' benne' ca'.
7Caní gune̱' lawe' da naca xrlátaje Xránadxu Dios,
ne nazrí'ine̱' da naca na xrlátaje.
Benne' li lazre' ca' xelelé'ene̱' lawe̱'.
اکنون انتخاب شده:
Salmos 11: zat
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 1981, Wycliffe Bible Translators, Inc. All rights reserved.