Jon 16
16
1Be Iesu e ranga noana me poeiena, “Alia e hatei ragu lei limiou u raranga teka, taraha alimiou e namots hapolase moulia te butuna romana a pöata a omi. 2Nori ena hapiou ba raroui limiou a man luman lotu, na nori e kato hamate has rariou a palai i tamilimiou bate poeier, ‘Alam u kato mei a ka teka tegi solosei menai e Sunahan.’ 3Nori e katoe riou a manka man omi teka, taraha nori ema atei sile roi lia ne Tamar has. 4Alia e hatei ragi limiou a manka teka ba tara pöata te butu nouen, ba limiou te hakats kap namou u raranga tu hala mam ra ii lia alimiou.”
A toukui turu Namnamei u Göagono
Be Iesu e pei lelena, “Alia uma hatei mam railimiou a manka teka, taraha alia u ngilin gamon ka gono meraiou limiou. 5Kaba lia e la pouts uagou tere Tamar te hala namou lia, na limiou ema rangata hase milia, ‘Ime te la uamölö?’ 6Kaba limiou e taatagi namou u raranga te hatei ragu lei lia limiou. 7Kaba lia e hatei hamana ragou limiou, a tou la pouts i tar, a niniganiga i tamilimiou. Kaba tema la pouts goi lia, a katunun hihitaguhu ema antunan la namei romana i tamilimiou. Kaba te la pouts goua lia, ba lia te hala nagu men romana i tamilimiou. 8Na pöata te la namen romana, ba nonei temi haröto ranei u katuun te ka mer u hakatsina i puta a mouna a markato a omi, na mouna a markato a niga, na mouna u kout tere Sunahan. 9Nori e hahamana nariou lia, na ka teka a mouna a markato a omi. 10Na lia e la pouts uagou tere Tamar, ba limiou tema tara lele moi lia. A ka teka e haröto nena alia a mouna a markato a niga na u raranga i tar e manana. 11Na e Sunahan e ona ranou u katunura i puta, taraha nonei e hopö kap hakapein a nihahuna tara katuun te panna tara han i puta teka, nonei e Satan.
12“Alia e ka megu u raranga u parpara te ka noana, kaba alimiou ema antunan söata namien. 13A pöata te la nama romana u Namnamei u Göagono na tara nimana, nonei emi haröto ranoui limiou a mamanaka te manana. Taraha, nonei ema la mena mei romana u raranga i tanen. E möa. Nonei e hatei nanou a man raranga te hengoe nen tere Tamar. Na nonei u Namnamei u Göagono e hatei ranoui limiou a manka tena butu nou romana i murimuri. 14Nonei e söata seie nou romana lia, taraha nonei e luenou a manka i tar bate haröto ranoien limiou. 15A mamanaka hoboto tere Tamar, a mamanaka hoboto has i tar. Nonei te pei begu lei lia, ‘Nonei e lue nou a manka i tar bate haröto ranoien limiou.’”
A nitaatagi e butun nisasaala nou
16Be Iesu e ranga lenina me poeiena, “A pöata e sukusuku hakapa ba limiou tema tara lele moi lia. Ba tema lehana lel noi ba limiou te tara poutse mou#16:16 E poeiena, E Iesu e mate nou bate töatöa poutsina. lia.” 17Ba palair u katunun tsitsilo i tanen e hiararangar me poeier, “Ime temar mouna uana u raranga teka? Nonei e pei lala, ‘A tsitabubun pöata ba limiou tema tare moi lia, ba tsitabubun pöata lel ba limiou te tara poutse moulia.’ Na nonei e pei hase lala, ‘Alia e la pouts uagou tere Tamar.’ 18Ime te mouna uana u ranga te pei lalen, ‘A tsitabubun pöata’? Ara ema atei sile rei a ka te ranga nanen.”
19E Iesu e atei sil nori i ngilin rangata naien, ba nonei e poeiena i taren, “Alimiou e hiarangrangata namiou ime temar mouna uana u ranga te hagou ranga nagula lia? 20U mana koru alia e ranga hamana mera goulimiou, alimiou e tabe mou bate har mou, kaba u katuun te ka mer u hakatsina i puta e sasaala riou. Alimiou e sagohe mou a kamits, kaba kamits i tamilimiou ena habirits ua nou tara nisasaala. 21Pöata te katsin poseiena a tahol a pien, nonei e sagohena a kamits, taraha a tou posa i tanen e sukusukuna. Kaba pöata te butu hakapa lala a pien, nonei e solopalena a kamits, taraha nonei e sasaala koru mena te posa mela leien a pien. 22Na e kato has uana iesana i tamilimiou. Alimiou e taatagi has mou, kaba alia e tara pouts ragou limiou. Ba limiou te töan sasaala koru mou, na e möa ta katuun tega antunan luban a nisasaala teka i tamilimiou. 23Nonei tara pöata, alimiou ema rangata lele moi lia ta ka. U mana koru alia e ranga hamana koru mera goulimiou, te singo sile mia limiou ta ka tere Tamar tara solor nonei e hala ranoien limiou. 24I manasa na te la noa hasina i romana alimiou uma singo silemi ta ka tere Tamar tara solor. Singoiam ba limiou te lue mouen, ba nisasaala i tamilimiou te onoto hakapa nitöa nou.”
E Iesu e la karasa hakapi a markatona i puta
25Be Iesu e ranga noana me poeiena, “Alia e rangan haharuei tuun gula i tamilimiou. Kaba i murimuri alia ema haharuei lel goi. E möa. Alia e ranga halesala tuun nagou e Tamar. 26Nonei tara pöata teka, alimiou e singo sila moa tara solor tere Sunahan. Alia ema pei gi alia e singo be ragou limiou tere Tamar. 27Taraha, e Tamar e ngil has ranou limiou, te ngil has menami limiou alia na limiou e hamana hase miou alia u lama tere Sunahan. 28Alia u la ma tere Tamar me la uaguma i puta teka. Na lia e laba negu a han i puta bate la pouts uagou tere Tamar.”
29Ba u katunun tsitsilo i tanen e poeier, “Alö e ranga halesala talam batema haharuei lelmi. 30Alam e atei talam alö e atei silem a mamanaka hoboto, ba tema ngile mi tegi rangata lel mei lö ta ka. Tara markato teka alam e hamanem alö u lama tere Sunahan.” 31Be Iesu e hohou rangatana me poeiena i taren, “Alimiou e hamana talamiou? 32A pöata e sukusuku hakapa, na e butu hakapa noahas ba nori te kute rariou limiou ba limiou hoboto te bus kalakala pouts uamou turu luma i tamilimiou ba lia te ka pepeisa gou. Kaba lia ema ka pepeisa koru goi, taraha e Tamar e ka gono menou lia. 33Alia e mar ranga uagula teka ba masalohana i tar te tatei ka gono mera nou limiou. E manana, a markatona i puta teka e habute nou romana u nikamits i tamilimiou, kaba limiou go tagalaiam, taraha alia u la karasa hakapi a markatona i puta.”
اکنون انتخاب شده:
Jon 16: HLA 2020
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© (Active) Wycliffe Bible Translators, Inc. All rights reserved.
Jon 16
16
1Be Iesu e ranga noana me poeiena, “Alia e hatei ragu lei limiou u raranga teka, taraha alimiou e namots hapolase moulia te butuna romana a pöata a omi. 2Nori ena hapiou ba raroui limiou a man luman lotu, na nori e kato hamate has rariou a palai i tamilimiou bate poeier, ‘Alam u kato mei a ka teka tegi solosei menai e Sunahan.’ 3Nori e katoe riou a manka man omi teka, taraha nori ema atei sile roi lia ne Tamar has. 4Alia e hatei ragi limiou a manka teka ba tara pöata te butu nouen, ba limiou te hakats kap namou u raranga tu hala mam ra ii lia alimiou.”
A toukui turu Namnamei u Göagono
Be Iesu e pei lelena, “Alia uma hatei mam railimiou a manka teka, taraha alia u ngilin gamon ka gono meraiou limiou. 5Kaba lia e la pouts uagou tere Tamar te hala namou lia, na limiou ema rangata hase milia, ‘Ime te la uamölö?’ 6Kaba limiou e taatagi namou u raranga te hatei ragu lei lia limiou. 7Kaba lia e hatei hamana ragou limiou, a tou la pouts i tar, a niniganiga i tamilimiou. Kaba tema la pouts goi lia, a katunun hihitaguhu ema antunan la namei romana i tamilimiou. Kaba te la pouts goua lia, ba lia te hala nagu men romana i tamilimiou. 8Na pöata te la namen romana, ba nonei temi haröto ranei u katuun te ka mer u hakatsina i puta a mouna a markato a omi, na mouna a markato a niga, na mouna u kout tere Sunahan. 9Nori e hahamana nariou lia, na ka teka a mouna a markato a omi. 10Na lia e la pouts uagou tere Tamar, ba limiou tema tara lele moi lia. A ka teka e haröto nena alia a mouna a markato a niga na u raranga i tar e manana. 11Na e Sunahan e ona ranou u katunura i puta, taraha nonei e hopö kap hakapein a nihahuna tara katuun te panna tara han i puta teka, nonei e Satan.
12“Alia e ka megu u raranga u parpara te ka noana, kaba alimiou ema antunan söata namien. 13A pöata te la nama romana u Namnamei u Göagono na tara nimana, nonei emi haröto ranoui limiou a mamanaka te manana. Taraha, nonei ema la mena mei romana u raranga i tanen. E möa. Nonei e hatei nanou a man raranga te hengoe nen tere Tamar. Na nonei u Namnamei u Göagono e hatei ranoui limiou a manka tena butu nou romana i murimuri. 14Nonei e söata seie nou romana lia, taraha nonei e luenou a manka i tar bate haröto ranoien limiou. 15A mamanaka hoboto tere Tamar, a mamanaka hoboto has i tar. Nonei te pei begu lei lia, ‘Nonei e lue nou a manka i tar bate haröto ranoien limiou.’”
A nitaatagi e butun nisasaala nou
16Be Iesu e ranga lenina me poeiena, “A pöata e sukusuku hakapa ba limiou tema tara lele moi lia. Ba tema lehana lel noi ba limiou te tara poutse mou#16:16 E poeiena, E Iesu e mate nou bate töatöa poutsina. lia.” 17Ba palair u katunun tsitsilo i tanen e hiararangar me poeier, “Ime temar mouna uana u raranga teka? Nonei e pei lala, ‘A tsitabubun pöata ba limiou tema tare moi lia, ba tsitabubun pöata lel ba limiou te tara poutse moulia.’ Na nonei e pei hase lala, ‘Alia e la pouts uagou tere Tamar.’ 18Ime te mouna uana u ranga te pei lalen, ‘A tsitabubun pöata’? Ara ema atei sile rei a ka te ranga nanen.”
19E Iesu e atei sil nori i ngilin rangata naien, ba nonei e poeiena i taren, “Alimiou e hiarangrangata namiou ime temar mouna uana u ranga te hagou ranga nagula lia? 20U mana koru alia e ranga hamana mera goulimiou, alimiou e tabe mou bate har mou, kaba u katuun te ka mer u hakatsina i puta e sasaala riou. Alimiou e sagohe mou a kamits, kaba kamits i tamilimiou ena habirits ua nou tara nisasaala. 21Pöata te katsin poseiena a tahol a pien, nonei e sagohena a kamits, taraha a tou posa i tanen e sukusukuna. Kaba pöata te butu hakapa lala a pien, nonei e solopalena a kamits, taraha nonei e sasaala koru mena te posa mela leien a pien. 22Na e kato has uana iesana i tamilimiou. Alimiou e taatagi has mou, kaba alia e tara pouts ragou limiou. Ba limiou te töan sasaala koru mou, na e möa ta katuun tega antunan luban a nisasaala teka i tamilimiou. 23Nonei tara pöata, alimiou ema rangata lele moi lia ta ka. U mana koru alia e ranga hamana koru mera goulimiou, te singo sile mia limiou ta ka tere Tamar tara solor nonei e hala ranoien limiou. 24I manasa na te la noa hasina i romana alimiou uma singo silemi ta ka tere Tamar tara solor. Singoiam ba limiou te lue mouen, ba nisasaala i tamilimiou te onoto hakapa nitöa nou.”
E Iesu e la karasa hakapi a markatona i puta
25Be Iesu e ranga noana me poeiena, “Alia e rangan haharuei tuun gula i tamilimiou. Kaba i murimuri alia ema haharuei lel goi. E möa. Alia e ranga halesala tuun nagou e Tamar. 26Nonei tara pöata teka, alimiou e singo sila moa tara solor tere Sunahan. Alia ema pei gi alia e singo be ragou limiou tere Tamar. 27Taraha, e Tamar e ngil has ranou limiou, te ngil has menami limiou alia na limiou e hamana hase miou alia u lama tere Sunahan. 28Alia u la ma tere Tamar me la uaguma i puta teka. Na lia e laba negu a han i puta bate la pouts uagou tere Tamar.”
29Ba u katunun tsitsilo i tanen e poeier, “Alö e ranga halesala talam batema haharuei lelmi. 30Alam e atei talam alö e atei silem a mamanaka hoboto, ba tema ngile mi tegi rangata lel mei lö ta ka. Tara markato teka alam e hamanem alö u lama tere Sunahan.” 31Be Iesu e hohou rangatana me poeiena i taren, “Alimiou e hamana talamiou? 32A pöata e sukusuku hakapa, na e butu hakapa noahas ba nori te kute rariou limiou ba limiou hoboto te bus kalakala pouts uamou turu luma i tamilimiou ba lia te ka pepeisa gou. Kaba lia ema ka pepeisa koru goi, taraha e Tamar e ka gono menou lia. 33Alia e mar ranga uagula teka ba masalohana i tar te tatei ka gono mera nou limiou. E manana, a markatona i puta teka e habute nou romana u nikamits i tamilimiou, kaba limiou go tagalaiam, taraha alia u la karasa hakapi a markatona i puta.”
اکنون انتخاب شده:
:
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© (Active) Wycliffe Bible Translators, Inc. All rights reserved.