Luk 13
13
Hapalis banaiam a man markato a man omi
1Nonei tara pöata teka, a palair u katuun ti ka, i hahatei e Iesu e Pailat e ha atung hamatir u katunura i Galili tara pöata ti haats uaien tere Sunahan. 2Be Iesu e ranga palis ranen, “Nori u katunura i Galili i omi koru balein a tei Galili hoboto ti mar mate uaien teka? 3E möa koru lasi. Ga lia e hatei ragi limiou, tema palis ba namoui limiou a man markato a man omi i tamilimiou, ba limiou hoboto te mate has mou! 4Na limiou go hakats has naiam te rus ia a luma a pia i Siloam me kono hamatiena a maloto na töal a katuun. Nori ti omi koru balein a palair u katuun hoboto ti kaia i Jerusalem? 5E möa has. Na lia e hatei ragou limiou, tema palis ba namoui limiou a man markato a man omi i tamilimiou, ba limiou hoboto te mate has mou!”
U ruein fik te möa ta hua
6Be Iesu e ranga mera neien u haharuei teka. “A katuun e ka mei u ruein fik te pusukuia tara kuin grep i tanen. Nonei e na sake ta hua me lagi sakesakena. 7Ba nonei e poeiena tara katuun te tara kapiin a kui i tanen, ‘Tara, turu topisa u hiningal alia u lala uama teka timi sake menai ta hua turu ruein fik teka, kaba lia u ma mala sabe ii ta hua. Bara, ngats ban! Nonei e namots hakapa pinopinoena a kannou turu tsiktsiki.’ 8Ba katunun kui e ranga palisenen me poeiena, ‘A tsi tsunono, haka ban ega ka patubi u töa u hiningal. Ba lia te kaho hahise gen romana bate hakeiegu u tei. 9Te hua tala nen romana turu hiningal te la nama, e niga nou. Kaba te möa nen, e ngats ba nariou.’”
E Iesu e kato haniga poutsi a töa tahol turu Lan u Göagono
10Turu töa u Lan u Göagono e Iesu e hihatutsia tara töa luman lotu turu Jiu. 11E ka mei a töa tahol e ka, te ka mei a liliahanei a omi te katoeien me ka mena a siki turu maloto nu töal u hiningal. Nonei e turu nitöa, ema antunan tuol hamatskö ii. 12Tara pöata te tareia e Iesu nonei a tahol teka, ba nonei e ngöe nen me ranga menen, “A tsi tahol, a siki i tamölö e kapa!” 13Ba nonei e hatakopena a limanen i tanen ba tahol e tuol sei hamatskö soköna me hatsunonena e Sunahan! 14Ba tson pepeito tara luman lotu e raharahena e Iesu te kato haniga pouts menaien a tahol turu Lan u Göagono. Ba nonei e poeiena turu katuun, “Ara e ka mera u tönomo u lan tegi kui meira. Alimiou e tatei la muma nonei tara man lan teka ba siki temi kato haniga poutseier, kaba turu Lan u Göagono e möa!” 15Ba e Iesu e mar ranga palis mena neien teka, “Alimiou u katuun u gamogamo! Ga limiou e ron la uamiou tara luman bulmakau turu Lan u Göagono bate purese miou a man bulmakau tsi a man rongki i tamilimiou batena haua ramun ramen, boka? 16Na tahol teka, a töa hatutubunei tere Abraham, e Satan e pile kapiin a tahol teka turu maloto nu töal u hiningal, ema tatei purese ba has nari a tou kits i tanen turu Lan u Göagono?” 17U ranga palis i tanen e hamatsingoler u pakö hoboto i tanen. Ba u katuun hoboto e sasaala mer a mamanaka a niga te katoeien.
U haharueina turu ngalin mastet
(Matiu 13:31-32, Mak 4:30-32)
18Be Iesu e rangatana, “Ime te markato uana a Nipepeito tere Sunahan? Aha te tatei haharuei nanen? 19Nonei e here nei a ngalin mastet te luena a katuun bate lebe nen tara kui i tanen. Ba nonei te panina, ba u apena temi tö ria tara man kala.”
U haharueina turu is
(Matiu 13:33)
20Be Iesu e rangata lenina, “Ta ha lel tego haharuei gono mei lia a Nipepeito tere Sunahan? 21Nonei e here nei u is. A tahol e luena u is bate sohale neien a töa taram palaua, ba i murinen ba palaua teka te la seina.”
A tamana a teki
(Matiu 7:13-14,21-23)
22E Iesu e la silaia tara man taun na man han, me hihatuts na turu katuun te la uaien i Jerusalem. 23Ba töa katuun e rangate nen, “O Tsunono, e Sunahan e taguhe nou a topisa puku a katuun?” 24Be Iesu e ranga palise nen me poeiena turu katuun ti ka gono meien, “Alimiou go torohana hatagalaiam bate sila moua tara tamana a tekteki. Taraha? Alia e ranga mera goulimiou, a katuun a parpara e torohanan tasur romana kaba ema antuna roui. 25A katuun terena luma e takeina romana bate hapiliena a tamana. Ba limiou tena tuol mia romana ielesala bate ku miou bate poei miou, ‘O Tsunono, kalata berai lam a tamana!’ Kaba nonei e ranga palis ranou limiou romana bate poeiena, ‘Alia ema atei silegi ime te la muma limiou!’ 26Ba limiou temar ranga palis uamiou romana, ‘Alam u nou na ua gono meiou lö, na lö u hihatuts hasia tara taun i tamulam!’ 27Kaba nonei e pei lelena romana, ‘Alia ema atei silegi ime te la muma limiou. Laba namou lia, alimiou u katuun hobotora tara markato a omi!’ 28Alimiou e tare mou romana e Abraham ne Aisak na e Jekop na u propet hoboto te ka ria romana tara Nipepeito tere Sunahan, kaba limiou e lapo ba raria romana ielesala. Ba limiou te tabe hohomi koru miou romana bate kutu hangilngilike miou a liho milimiou. 29U katuun e la romana rima i pal Iis, Ues, Not, na i Saut, batemi gum ria tara kannou tara Nipepeito tere Sunahan. 30Hengoiam, u katuun papala ra i romana nori tena pan riou tara pöata, ba pala te panir i romana tena katuun papala riou!”
E Iesu e taatagir u katunura i Jerusalem
(Matiu 23:37-39)
31Nonei has tara pöata ba palair u Parasi e la rima me poeier tere Iesu, “Alö go la ban a han teka bate la uaiem tara tana han. Taraha? E Herot e ngilin atung hamate na noulö!” 32Be Iesu e ranga palis ranen, “La mula batena ranga memiou Herot nonei a katuun a gamogamo, ‘Alia e tsuga ragou u liliahanei u omi na e kato haniga pouts ragou u katuun i romana na i mahö, ba u hatopisana u lan ba lia tena tuku goua tara han te la uagu lia.’ 33Alia go la noa hasia tara maroro i romana na i mahö na ielisa, batena butu goua i Jerusalem. Taraha? E ma niga nei tegi atung hamate menai a propet tara tana han, egina atung noahasia i Jerusalem.
34“A tei Jerusalem, a tei Jerusalem! Alimiou e roron atung hamate ramiou u propet na e titi hatu ramiou u katunun raranga te hala mera mei e Sunahan i tamilimiou. A pöata a para tu ngilin gono mera mei lia limiou i tar bate hatongo kap ragou limiou, temar gono mera nei a keriou u tuna i kopina pakapakanen. Kaba limiou u rama iam! 35Ba han i tamilimiou te kaka pukuna romana. Alia e ranga mera goulimiou, alimiou ema tatei tara lele moi lia e antunana te pei moa limiou, ‘A katuun te la nama tara solona a Tsunono ega sasaala!’”
انتخاب شده:
Luk 13: HLA 2020
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© (Active) Wycliffe Bible Translators, Inc. All rights reserved.
Luk 13
13
Hapalis banaiam a man markato a man omi
1Nonei tara pöata teka, a palair u katuun ti ka, i hahatei e Iesu e Pailat e ha atung hamatir u katunura i Galili tara pöata ti haats uaien tere Sunahan. 2Be Iesu e ranga palis ranen, “Nori u katunura i Galili i omi koru balein a tei Galili hoboto ti mar mate uaien teka? 3E möa koru lasi. Ga lia e hatei ragi limiou, tema palis ba namoui limiou a man markato a man omi i tamilimiou, ba limiou hoboto te mate has mou! 4Na limiou go hakats has naiam te rus ia a luma a pia i Siloam me kono hamatiena a maloto na töal a katuun. Nori ti omi koru balein a palair u katuun hoboto ti kaia i Jerusalem? 5E möa has. Na lia e hatei ragou limiou, tema palis ba namoui limiou a man markato a man omi i tamilimiou, ba limiou hoboto te mate has mou!”
U ruein fik te möa ta hua
6Be Iesu e ranga mera neien u haharuei teka. “A katuun e ka mei u ruein fik te pusukuia tara kuin grep i tanen. Nonei e na sake ta hua me lagi sakesakena. 7Ba nonei e poeiena tara katuun te tara kapiin a kui i tanen, ‘Tara, turu topisa u hiningal alia u lala uama teka timi sake menai ta hua turu ruein fik teka, kaba lia u ma mala sabe ii ta hua. Bara, ngats ban! Nonei e namots hakapa pinopinoena a kannou turu tsiktsiki.’ 8Ba katunun kui e ranga palisenen me poeiena, ‘A tsi tsunono, haka ban ega ka patubi u töa u hiningal. Ba lia te kaho hahise gen romana bate hakeiegu u tei. 9Te hua tala nen romana turu hiningal te la nama, e niga nou. Kaba te möa nen, e ngats ba nariou.’”
E Iesu e kato haniga poutsi a töa tahol turu Lan u Göagono
10Turu töa u Lan u Göagono e Iesu e hihatutsia tara töa luman lotu turu Jiu. 11E ka mei a töa tahol e ka, te ka mei a liliahanei a omi te katoeien me ka mena a siki turu maloto nu töal u hiningal. Nonei e turu nitöa, ema antunan tuol hamatskö ii. 12Tara pöata te tareia e Iesu nonei a tahol teka, ba nonei e ngöe nen me ranga menen, “A tsi tahol, a siki i tamölö e kapa!” 13Ba nonei e hatakopena a limanen i tanen ba tahol e tuol sei hamatskö soköna me hatsunonena e Sunahan! 14Ba tson pepeito tara luman lotu e raharahena e Iesu te kato haniga pouts menaien a tahol turu Lan u Göagono. Ba nonei e poeiena turu katuun, “Ara e ka mera u tönomo u lan tegi kui meira. Alimiou e tatei la muma nonei tara man lan teka ba siki temi kato haniga poutseier, kaba turu Lan u Göagono e möa!” 15Ba e Iesu e mar ranga palis mena neien teka, “Alimiou u katuun u gamogamo! Ga limiou e ron la uamiou tara luman bulmakau turu Lan u Göagono bate purese miou a man bulmakau tsi a man rongki i tamilimiou batena haua ramun ramen, boka? 16Na tahol teka, a töa hatutubunei tere Abraham, e Satan e pile kapiin a tahol teka turu maloto nu töal u hiningal, ema tatei purese ba has nari a tou kits i tanen turu Lan u Göagono?” 17U ranga palis i tanen e hamatsingoler u pakö hoboto i tanen. Ba u katuun hoboto e sasaala mer a mamanaka a niga te katoeien.
U haharueina turu ngalin mastet
(Matiu 13:31-32, Mak 4:30-32)
18Be Iesu e rangatana, “Ime te markato uana a Nipepeito tere Sunahan? Aha te tatei haharuei nanen? 19Nonei e here nei a ngalin mastet te luena a katuun bate lebe nen tara kui i tanen. Ba nonei te panina, ba u apena temi tö ria tara man kala.”
U haharueina turu is
(Matiu 13:33)
20Be Iesu e rangata lenina, “Ta ha lel tego haharuei gono mei lia a Nipepeito tere Sunahan? 21Nonei e here nei u is. A tahol e luena u is bate sohale neien a töa taram palaua, ba i murinen ba palaua teka te la seina.”
A tamana a teki
(Matiu 7:13-14,21-23)
22E Iesu e la silaia tara man taun na man han, me hihatuts na turu katuun te la uaien i Jerusalem. 23Ba töa katuun e rangate nen, “O Tsunono, e Sunahan e taguhe nou a topisa puku a katuun?” 24Be Iesu e ranga palise nen me poeiena turu katuun ti ka gono meien, “Alimiou go torohana hatagalaiam bate sila moua tara tamana a tekteki. Taraha? Alia e ranga mera goulimiou, a katuun a parpara e torohanan tasur romana kaba ema antuna roui. 25A katuun terena luma e takeina romana bate hapiliena a tamana. Ba limiou tena tuol mia romana ielesala bate ku miou bate poei miou, ‘O Tsunono, kalata berai lam a tamana!’ Kaba nonei e ranga palis ranou limiou romana bate poeiena, ‘Alia ema atei silegi ime te la muma limiou!’ 26Ba limiou temar ranga palis uamiou romana, ‘Alam u nou na ua gono meiou lö, na lö u hihatuts hasia tara taun i tamulam!’ 27Kaba nonei e pei lelena romana, ‘Alia ema atei silegi ime te la muma limiou. Laba namou lia, alimiou u katuun hobotora tara markato a omi!’ 28Alimiou e tare mou romana e Abraham ne Aisak na e Jekop na u propet hoboto te ka ria romana tara Nipepeito tere Sunahan, kaba limiou e lapo ba raria romana ielesala. Ba limiou te tabe hohomi koru miou romana bate kutu hangilngilike miou a liho milimiou. 29U katuun e la romana rima i pal Iis, Ues, Not, na i Saut, batemi gum ria tara kannou tara Nipepeito tere Sunahan. 30Hengoiam, u katuun papala ra i romana nori tena pan riou tara pöata, ba pala te panir i romana tena katuun papala riou!”
E Iesu e taatagir u katunura i Jerusalem
(Matiu 23:37-39)
31Nonei has tara pöata ba palair u Parasi e la rima me poeier tere Iesu, “Alö go la ban a han teka bate la uaiem tara tana han. Taraha? E Herot e ngilin atung hamate na noulö!” 32Be Iesu e ranga palis ranen, “La mula batena ranga memiou Herot nonei a katuun a gamogamo, ‘Alia e tsuga ragou u liliahanei u omi na e kato haniga pouts ragou u katuun i romana na i mahö, ba u hatopisana u lan ba lia tena tuku goua tara han te la uagu lia.’ 33Alia go la noa hasia tara maroro i romana na i mahö na ielisa, batena butu goua i Jerusalem. Taraha? E ma niga nei tegi atung hamate menai a propet tara tana han, egina atung noahasia i Jerusalem.
34“A tei Jerusalem, a tei Jerusalem! Alimiou e roron atung hamate ramiou u propet na e titi hatu ramiou u katunun raranga te hala mera mei e Sunahan i tamilimiou. A pöata a para tu ngilin gono mera mei lia limiou i tar bate hatongo kap ragou limiou, temar gono mera nei a keriou u tuna i kopina pakapakanen. Kaba limiou u rama iam! 35Ba han i tamilimiou te kaka pukuna romana. Alia e ranga mera goulimiou, alimiou ema tatei tara lele moi lia e antunana te pei moa limiou, ‘A katuun te la nama tara solona a Tsunono ega sasaala!’”
انتخاب شده:
:
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© (Active) Wycliffe Bible Translators, Inc. All rights reserved.