Suosittuja jakeita Raamatun kirjasta Cenisihs 6

Jaa

KaaTipenciketc tahsh kii⁠mincinawesi ekii oshi'aatc ininiwan o'omaa ahkiink, ekii maanentank ote'ink.

KaaTipenciketc hsa okii waapantaan aaniin kaa‑ahpiihci maci'ishiwepisinitc pemaatisinitc o'omaa ahkiink, okii waapantaan kaye kakaancihc e⁠nihtaa inentaminitc ote'iniink, mooshak ekii maci'naanaakatawentaminitc.

Peshik tahsh inini Noowa (Noah) kaakii ishinihkaasotc, Kishemanitoon okii minwaapamikoon.

Miitahsh o'o nahke eshi tashinsotc a'a Noowa (Noah) . Aahpici hsa kiih⁠kwayahkwaatisi, kaawiin awaac pankii kekoon kii‑ishi anaamentaakosihsii i'imaa kaakii ontahkaanesitc. Noowa kaye okii wiici pimohsemaan Kishemanitoon.

KaaTipenciketc tahsh kii‑ihkito, “Intawaa ninka nihshiwanaaci'aa a'a inini kaakii oshi'ak o'omaa ahkiink. Ininiwak, aya'aawihshak kaye kaa⁠papaamootewaatc, pinehshiinshak kaye kaa⁠papaamihsewaatc; nimincinawes ekii oshi'akwaa.”

Ahpii tahsh kiini paahtiinowaatc pemaatisiwaatc o'omaa ahkiink, otaanihsiwaa' hsa kii⁠ani nihtaawikiwa'. Iki tahsh okosihsimaak kiishikonk kaakii onciiwaatc okii waapamaawaa' e⁠minonaakosinitc i'i otaanihsimaa'. Miitahsh kaa⁠ishi otaahpinamaasowaatc wiinawaa piko ekii onenimaawaatc awenena' waa⁠wiiwiwaatc. KaaTipenciketc tahsh kii‑ihkito, “Nintahcaahk hsa kaawiin nehpic oka wiici ayaamaahsiin pemaatisinitc, aaniihsh acina ehta ta⁠pimaatisi, noonkom ta⁠maacihse ninkotwaahk niishtana (120) tahso pipoon ehta ta⁠pimaatisi.” Iki tahsh okosihsimaak kaakii onciiwaatc kiishikonk kii⁠wiiciiwaawaatc ihkwewa' o'omaa ahkiink kaakii onciinitc, okii nihtaawiki'aawaa' mihsaape'. Miitahsh kaakii onci ayaawaatc mihsaapek i'i ahpii. Aahpici tahsh kiih⁠soonkentaakosiwak iki mihsaapek, misiwe kaye kii⁠noontaakaaniwiwak.

Noowa tahsh kii‑ishihcike kahkina kekoonini kaakii ishi anoonikotc Kishemanitoon.

Kishemanitoo tahsh okii'inaan Noowawan, “Aasha ninkii kiishentaan ewii nihshiwanaaci'akwaa kahkina pemaatisiwaatc. Wawiinke niwiih tako nihshiwanaaci'aak nihshiwanaacihtaawak o'o ahkiini, aaniihsh misiwe omaanahkamikisiwiniwaan ayaani o'omaa ahkiink.

Kiin tahsh oshihtoon kihci ciimaan, mihtikook kaa⁠soonkikisiwaatc aapaci'. Ishihtoohkan hsa ci⁠pahpahkeyaak i'i kihci ciimaan. Pikiw kaye aapaci' piintoonak, saakitoonak kaye.

Kishemanitoo okiih waapantaan pishihshik nihshiwanaatahkamikisiwin e⁠ayaamakaninik o'omaa ahkiink. Aaniihsh kahkina pemaatisiwaatc kiih⁠papaa nihshiwanaatahkamikisiwak o'omaa ahkiink.

Neniishin hsa entahswewaanakisiwaatc aya'aawihshak kika poosi'aak i'imaa kihci ciimaanink. Ayaape, shikwa noonsheya'aa kewiinawaa ci⁠pimaatisiwaatc.