Suosittuja jakeita Raamatun kirjasta Johana 6

Jaa

Naake Jesũ akĩmeera atĩrĩ, “Nĩ niĩ mũgate wa muoyo. Mũndũ o wothe ũgũũka kũrĩ niĩ ndarĩ hingo akaahũũta; na ũrĩa wothe ũkũnjĩtĩkia ndarĩ hingo akaanyoota.

Muoyo ũheanagwo nĩ Roho; amu mwĩrĩ nĩ wa tũhũ. Ũhoro ũcio ndamũhe ũtũmaga mũgĩe na Roho wa Ngai, ũrĩa ũheanaga muoyo.

Tigagaai kũnogagĩra irio iria ithiraga; nogagĩraai irio iria itũũraga nĩ ũndũ wa muoyo wa tene na tene, iria Mũrũ wa Mũndũ akamũhe, tondũ Ngai Ithe nĩonanĩĩtie atĩ we nĩamwĩtĩkĩrĩĩte.”

Tondũ wendo wa Awa nĩ atĩ arĩa oothe moonaga Mũũriũ na makamwĩtĩkia no mũhaka magĩe na muoyo wa tene na tene. Na niĩ nĩngaamariũkia mũthenya wa mũthia.”

Naake Jesũ akĩmacookeria atĩrĩ, “Ũrĩa Ngai eendaga mwĩkage-rĩ, nĩmwĩtĩkie ũrĩa aatũmire.”

Arĩa oothe Awa aheete nĩmagooka kũrĩ niĩ, na mũndũ o wothe ũngĩũka kũrĩ niĩ ndirĩ hĩndĩ ngamũingata

Naake Simoni Petero akĩmũcookeria atĩrĩ, “Mwathani, tũngĩgĩthiĩ kũrĩ ũ? Wee wĩ na ndeto iria iheanaga muoyo wa tene na tene

Nĩ niĩ mũgate wĩ muoyo ũrĩa woimire igũrũ, na ũrĩa wothe ũngĩũria, egũtũũra tene na tene. Mũgate ũrĩa ngũheana nĩ mwĩrĩ wakwa, na ngũũheana nĩ geetha andũ moone muoyo.”

Gũtirĩ mũndũ ũngĩhota gũũka kũrĩ niĩ, tiga areehirwo nĩ Awa ũrĩa wandũmire; na niĩ nĩngaamũriũkia mũthenya wa mũthia.

Nĩ amu mũgate ũrĩa Ngai aheanaga, nĩ we ũrĩa uumaga igũrũ agooka gũũkũ thĩ kũhe andũ muoyo.”

Nĩ niĩ mũgate wa muoyo.

Thuutha wa ũguo Jesũ agĩkĩoya mĩgate ĩyo, na arĩĩkia gũcookeria Ngai ngaatho akĩmĩhe acio maikarĩĩte thĩ; na agĩĩka o taguo na thamaki, nao makĩrĩa o ta ũrĩa mũndũ aangĩendire. Na rĩrĩa maarĩire makĩhũũna, Jesũ akĩĩra arutwo aake atĩrĩ, “Ũnganiai cienyũ iria ciothe ndigaru; rekeei tũtige gũte kĩndũ o na kĩ.”

Rĩrĩa arutwo maakorirwo mathiĩte itĩĩna rĩa kiromita ithaano kana ithathatũ, makĩona Jesũ agĩũka na kũrĩ o akinyangĩĩte iria igũrũ, nao magĩgĩĩtigĩra mũno. No we akĩmeera atĩrĩ, “Nĩ niĩ! Tigaai gwĩtigĩra!”