Suosittuja jakeita Raamatun kirjasta JOHANE 6

Jaa

Jesu a re: Bogobe bja bophelo ke nna. E a tlago go nna a ka se ke a kwa tlala; e a ntumelago a ka se ke a ba a nyorwa.

Se se phedišago ke Moya, nama ga e thuše selo. Mantšu a ke le botšago ona ke Moya le bophelo.

Le se ke la phegelela dijo tše di felago. Phegelelang dijo tše di tlogo dula di le gona go iša bophelong bjo bo sa felego, tše Morwamotho a tlogo le fa tšona, gobane ke yena yo Modimo a mmeilego seka sa gagwe sa bohlatse.

Gomme thato ya e a nthomilego ke gore mang le mang a bonago Morwa mme a mo dumela, a be le bophelo bjo bo sa felego, ke mo tsoše ka tšatši la mafelelo.

Jesu a fetola a re: Modiro ke gore le dumele Moromiwa wa gagwe.

Bohle ba Tate a nneago bona, ba tla go nna; gomme e a tlago go nna, nka se ke ka mo lelekela ntle.

Simone Petro a fetola a re: Morena! Re tlo tloga re leba go mang? O na le mantšu a bophelo bjo bo sa felego.

Bogobe bjoo bja go phela, bjo bo fologilego legodimong, ke nna. Ge motho a eja bogobe bjo bja ka, o tlo phela go ya go ile. Gomme bogobe bjo nna ke tlogo bo ntšha gore lefase le phele, ke nama ya ka.

Ga go motho e a kgonago go tla go nna, ge a sa gogwe ke Tate e a nthomilego; gomme ke nna ke tlogo mo tsoša ka tšatši la mafelelo.

Gobane bogobe bja Modimo ke yena Mofologalegodimong, wa go fa lefase bophelo.

Bogobe bja bophelo ke nna.

Jesu a tšea dinkgwa tšeo, a leboga, a nea barutiwa, barutiwa ba abela ba ba dutšego; le dihlapi a ba abela ka mo ba bego ba rata. Ge ba hoše, a laela barutiwa ba gagwe a re: Kgobelang maratha a šetšego, gore go se lahlege selo.

Ya re ge ba sa sela, ba feditše sebaka se e ka bago dikgato tše dikete tše tharo le go fetiša fao, ba bona Jesu a sepela godimo ga lewatle, a batamela leselawatle; gomme ba boifa. Yena a bolela le bona a re: Ke nna! Se boifeng!