Suosittuja jakeita Raamatun kirjasta Yaolhaq 13

Jaa

Niil aq-il, ngal nul juq bhai daoq aqsivq teevq daoq bivq ail ceevq naol. Teevq gaq nee teevq gaq gaiq-a yaoq. Ngal nul juq bhai gaiq-a nail khe-ai, nul juq teevq gaq nee teevq gaq ya gaiq-a nail ngaol. Nul juq teevq gaq nee teevq gaq gaiq-a nail phaq aol haq neq, nul juq ngaq nail yaq laol nial dai, tsaol-aq iqsanl mail heeq nia nail ngaol” dai, Yeiqsul ge bhiq-a nail ngaol.

Nul juq nail Heeqphaq khi nul juq nail saq laq pevq nail ngal neq, nul juq nail aqkhil bhai tsiq bhiq gaq-ao nail ngaol. Al heel ngel-i mail, nul juq iqsanl teevq gaq nee teevq gaq aqkhil ya tsiq bhiq nail ngaol. Nul juq ngaq bhai hel daiq khi nl tsao nia dai, ngal nul juq bhai nl daiq bhiq gaq-ao nail ngaol.

Yeiqsul ge nail: “Ngal nl thail thaiq nail ganl niil niai, niil aq-il naol maq gov heeq nia-ai haq-al. Thail hai ngaol-aoq, yaqhao heeq kivq lal nail ngaol” dai, ge bhiq-a nail ngaol.

Ngal nul juq bhai mal dil dai, ge lavq bhel. Yaqkav neq, yovqgavq nail ilheel nee maq tsil maq eeq-ail. Khoel-ai leevq nail bhai ya daq-a nail gaq iqsanl, khoel nail gaq nee maq tsil maq eeq-ail.

Niil aq-il ganl niil juq, nul juq heeq nia gil-aoq nail ngaol. Heeq kivq-a nail khe-ai, nl haq neq, nul juq kha dai geeqlaoq eeq nail ngel-ail.

Al heel ngel-i mail, aivq kovqkhail nee thul phaol lal khi, miltsaq khe phailkhaoq heelma loev khi, aq jiovq bhai lavqsiv pheethaiq-a nail ngaol. A bhai nee ngal-aq, maiqgaoq thailphail phail ma bhai, ulcuvq hoel bhoel khi, yaq laol juq nail aqkhil tsiq bhiq khi, aq jiovq bhai pheethaiq-ai thaq nail lavqsiv-i mail siv gee bhiq-a nail ngaol.