Suosittuja jakeita Raamatun kirjasta Mar thehr liq 26

Jaa

Nig hehd ber che lawd che awg khad khuhn maq gha kae tug bon lawg lehq law lar-oq. Nig hehd thed cawd che haq te gad che ni ma cawg liz, awg suhr awg sar phawd awr awg ghad nud che yaog,” lehd koz che yaog.

I hehd haq koz vid che, “Ngag ved ni ma duhd har jad che suhag lehd tea. Chuhr huh chehd lehq ngag geh teq geha law lar-oq.”

Kheh te lar haz lehq, yawd awg nuz awr a cehax kawq kae lar lehq, yawd ved mehz khuhd miaq lo boz cuhx lar lehq koz che, “Ngar paog, kawz che ve ngag haq pong gha ver, pong ax laoq. Kheh ma khuhd, ngag ved a lor cawd che heh tad phehq vid. Nawg ved a lor cawd che heh phehq vid-oq,” lehd koz bon lawg che yaog.

Awg lawn ghod ver, che ve awr lehr kar tiq sax caz haq caz daq che ngag ved awg suhr yaog. Chaw kha peh vad-ag vend bax gha pong tug awg pun ngag ved awg suhr nger puhr che yaog.

I hehd teq pa phoz cad chehd huh, Yer suq khaor mod haq yug lehq bon haq chid muh che yaog. Kheh te peg lehq yawd khaor mod haq yug lehq khehq lehq awg laq guhd teq pa haq yawd pid lehq koz che, “Yug lehq cad-oq. Che ve awr lehr ngag ved awg ton yaog,” lehd koz vid che yaog.

Kawz khehd haq liz yawd yug lehq bon haq chid muh peg lehq, i hehd teq pa haq pid lehq koz che, “Nig hehd awg gha lia che ve haq dawr-oq.

Awg laq ghuhd teq pa geh yawd kawaq lehq, i hehd yuhq mir ka chehd lawz che haq gha mawg che te yand, Per troq haq koz vid che, “Teq nar rir nehax liz nig hehd ngag haq law lar maq gha cheawg la.

Ngag nig hehd teq pa haq koz ax laq, Awr pa ve muhd mig awg khuhn lo nig hehd geh teq geha a pehx med ghig awg suhx haq ngag gha dawg tug awg ni kha gag, ngag a pehx med ghig haq mad kawq dawg-og,” lehz i hehd haq koz vid che yaog.

“Ghaz mad buhg ser huh nawg ngag haq sehr pawz kha gag chid bag tug yaog,” lehz Yer suq koz vid lar che haq Per troq kawq duhd nuhd vehr che yaog. Kheh te lehq, yawd tuhez lehq duhd har jad che khuhn hax ceh huhg che yaog.

Tu lor. Kae veg. Ngawx lor. Ngag haq kawq phuhz lehq chid aq vid che phad lag gag vehor,” lehd koz vid che yaog.

Kheh te lehq Yer suq yawd haq koz vid che, “Nawg ved a teh haq awg phi khuhn kawq khuhq keoq. Awg lawn ghod ver, a teh haq kha yehd che chaw vawr, a teh haq te lehq suh tug yaog.