Suosittuja jakeita Raamatun kirjasta San Lucas 23

Jaa

Ko are Jesús ujinganito ntha cruz, ndachro: —Suixin Ndudana, nchetjañeꞌe na̱ ixin nueꞌa na̱ keꞌe tencheꞌe na̱. Ko kain xi soldado kuengaxin xa cha ixin kensen rugacha lunthue Jesús.

Ko Jesús ndachro: —Jaꞌan rindathjo ixin jai jaꞌa sariꞌi ngajin nthi̱ꞌa̱ ngajni.

Kuthimejan ndachro xii mee ngain Jesús: —Xraxaon na jaꞌan, are Suixin tsexiꞌin tsetuꞌan.

Kuthimejan Jesús suji ndachro: —Suixin Ndudana, ngaa raa Suixin sakee espirituna. Ko are jeꞌe juexin ndachro jiꞌi, ndabeꞌen.

Are ubiji na̱ ngain jna diꞌin Ntha Luro Jaa Chujni, nthi̱ꞌa̱ kuenganito na̱ Jesús ngain ntha cruz ko kai thi yoo xi cheꞌe, naa no rajianxiin Jesús, ko inaa xa no rakjon.

Are inchin ngusine nchaꞌon, ndakunaxin xeꞌe nguixin ngataꞌa nunthe, ko mee kunchrjeꞌen nii hora. Ko are ndabanga nchaꞌon, thi manta bethua ngaxiꞌin niꞌngo icha jié, ndabichjedunga manta.

Ko are bikon xi capitán romano ixin kexreen kuꞌen, jeꞌe xa xraon xa ko binchesayeꞌe xa Ndo Dio ko ndachro xa: —Jaan, ndua xii jiꞌi xruꞌin jianꞌa jika xa.