Suosittuja jakeita Raamatun kirjasta :Jororn' 6

Jaa

'De or 'da, 'Mor-: 'dhu dii-deh: :eh 'nyi-a nyor⧾ 'kmo :sie: :febeh'. Nyor :or yi-a 'noror 'on bo, 'moeh :se-or' :no i :neheh'. 'De mor nyor :or po-a 'an dhih dhih 'jeh-', :yee' 'ni 'na-ton :se-or' :no i :neheh'.

Nyorsoa-a' :Zulu:, mo-: :an 'nyi nyor⧾ 'kmo :sie: :febeh'. Jorwor: :gwlor-nyor⧾-a' 'kpih se deh-' 'dhu-eh: klehkpeh. Wlu⧾ 'on :za-a-' 'de a bo, me-: no-eh, 'de a 'ye Nyorsoa-a' :Zulu, 'de Nyorsoa-a' :Zulu 'nyi a 'kmo :sie: :febeh'.

:Yee' dii-deh: :eh mu-a 'kor-:, a-a' :no-' eh-a' :koan. Jorwor: dii-deh: :eh mu-a a 'kmo :sie: :febeh' 'nyi-:, eh-: :korn :koan: a 'ye no. Dii-deh: :daa, 'yu an 'da-dih-a Nyor-kpalu-a' 'yu, or-: mu-eh a 'nyi-:. Deh no-eh, or :Baa' Nyorsoa 'worn-dih: or-a' dhih ken dih 'weh.

:Yee' 'On-ba-a' 'ton :korn-deh :wor 'dhu, nyor-beh-nyor-beh: :or pobo:-a 'on ya, :ka 'on 'dhu-a or-a' 'Yu-', 'de mor :or po-a 'an dhih dhih 'jeh-', or-: mu 'kmo :sie: :febeh' 'ye-:, :yee' 'an mu-or 'de nma-dih-deh 'di :za, 'do :de 'bor-dih-we-eh 'di.

'De or 'da, Nyorsoa-a' :koan :wor 'dhu, a po nyor or dbo-a dhih 'jeh-'.

Nyor⧾-a' klehkpeh 'On-ba 'nyi-a 'on, an mu 'noror 'on bo :yi. 'De mor nyor-beh-nyor-beh: :or mu-a 'noror 'on bo :yi, 'on :se-or' dih :no i, :ka ti-a mu-a 'dlu-' :tehn.

:Yeh or dhele-uh-a dih, :yee' Samor' :Piteh' zela-or-: :gwluhuh', or 'dae:, :Gwlor :baa', :or :korn 'de bo, :a 'ye mu :eh? :Mor 'ble wlu⧾ :en 'nyi-a nyor⧾ 'kmo :sie: :febeh'.

'Mor-: 'dhu dii-deh: :dao', :eh 'wluh-a 'de Nyorsoa 'bli yai'-'. 'De mor :mor nyor di dii-deh: :daa, or mu 'kmo :ne, :ka ti-a mu-a 'dlu-' :tehn. 'An yau :wor 'dhu dii-deh: 'an mu-a 'bluhba 'nyi-:, 'de on 'ye-a' 'kmo :sie: :febeh' 'ble.

Nyor se 'beh-dih: or 'ye 'noror 'on bo yi, :mor eh 'dhu, 'On-ba: :or dbo-a 'on, or se-or jli. :Yee' 'do :de 'bor-dih-we-eh 'di, 'an mu-or 'de nma-dih-deh 'di :za.

Nyor :or 'wluh-a 'de or 'bli yai', 'de :or 'nyi-a nyor⧾ :on :ne-a dha yao 'zorn :febeh', or-: 'dhu dii-deh: Nyorsoa 'nyi-a nyor⧾-'.

'Mor-: 'dhu dii-deh: :eh 'nyi-a nyor⧾ 'kmo :sie: :febeh'-'.

:Yee' :Yusu' 'duo: 'bhlee: :kpuan'⧾ :dao' 'weh, 'de or po Nyorsoa-a' 'zio, 'de or no-eh, on :gble-dih-ih nyor⧾ :on dhele:-a-' dih 'yi dih, 'de an-a' klehkpeh, on 'ye :ka an no-a en-' 'bhorn-a'. :Yee' 'ka :wor or no zimi-a' gble-a' :ke. :Yeh an-a' klehkpeh di-a deh, 'de on dbo-a, :yee' or 'dae: 'de or-a'a: bo :na-nyor⧾ bo, A po :yih :sie:-a 'o dih :dha :due', en-' deh-beh-deh-beh :po-eh:-' dih.

:Yeh on bli-a 'blagbe :blii:, :yee' eh 'beh-dih: eh 'ye 'yluh-buh :due' no, 'de on 'ye :Yusu', or na 'ni ken dih, or 'koan'-dih an-a'a: 'blagbe dih. :Yeh on 'ye-or, :yee' :fano-a: no-uh 'gabaa. Jorwor: or :wlu-' 'de on bo, or 'dae:, 'Mor :oo'. A 'bor :fano-a' :no-' a-uh.