Suosittuja jakeita Raamatun kirjasta Yauhaas 6

Jaa

Yexus qha rua puab has tas, “Kuv yog cov mov kws cawm txujsa. Tug kws lug cuag Kuv, tug ntawd yuav tsi tshaib plaab ib zag le; tug kws ntseeg Kuv, tug ntawd yuav tsi nqhes dlej ib zag le.

Vaajtswv tug Ntsujplig ua tau rua tuabneeg muaj sa; tabsis tuabneeg nqajtawv ua tsi tau le ntawd. Tej lug kws Kuv qha rua mej ntawd yog Ntsujplig hab yog txujsa.

Mej tsi xob nrhav tej mov kws txawj lwj; tabsis mej yuavtsum nrhav tej mov kws yuav kaav mej txujsa moog ibtxhis. Nuav yog cov mov kws Tuabneeg Leejtub yuav muab rua mej, ruaqhov Vaajtswv tug kws yog Leejtxiv tub nas homthawj tsocai rua Nwg lawm.”

Qhov kws Kuv Txiv xaav tau yog kuas txhua tug kws pum Leejtub hab ntseeg Nwg tau txujsa ntev dlhawv moog ibtxhis. Hab kuas thaus txug nub kawg Kuv yuav tsaa puab sawv lug tau txujsa.”

Yexus teb tas, “Vaajtswv tej dlejnum yogle nuav: Nwg xaav kuas mej ntseeg tug kws Nwg khaiv lug.”

Txhua tug kws Kuv Txiv muab rua Kuv, yeej yuav lug cuag Kuv. Txhua tug kws lug cuag Kuv, Kuv yeej yuav tsi muab puab ntab tawm

Ximoos Petus teb Yexus has tas, “Tug Tswv, peb yuav moog nrhav leejtwg? Tsuas yog Koj tej lug xwb txhaj pub tau txujsa ibtxhis.

Kuv yog cov mov cawm txujsa kws lug sau ntuj lug. Tug kws noj cov mov nuav yuav tau txujsa ntev dlhawv moog ibtxhis. Cov mov kws Kuv muab nuav yog Kuv cev nqaj, kws yuav muab cawm tuabneeg txujsa ntaag.”

Tuabneeg yeej tsi muaj peevxwm lug cuag tau Kuv, tsuas yog Leejtxiv tug kws khaiv Kuv lug, txhaj coj tau puab lug cuag Kuv xwb; hab thaus txug nub kawg Kuv yuav tsaa puab sawv lug tau txujsa.

Ruaqhov cov mov kws Vaajtswv muab yog tug kws lug sau ntuj lug hab muab tau txujsa rua tuabneeg nplajteb.”

Kuv yog cov mov kws cawm txujsa.

Yexus muab cov ncuav ntawd lug ua Vaajtswv tsaug, hab muab coj moog faib rua cov tuabneeg kws nyob quastsawg ntawd. Nwg muab ob tug ntseg lug ua ib yaam nkaus le ntawd hab, puab txhua tug tau noj tsau npaum le tsau tau. Thaus puab noj tsau lawm, Yexus has rua Nwg cov thwjtim has tas, “Mej moog sau tej kws suavdlawg noj tsi taag, tsi xob ca ib qho xuam le.”

Cov thwjtim tub nkuam lub nkoj moog dleb kwvlaam le 5 lossis 6 kilumev lawm, puab txawm pum Yexus moog kutaw sau nplaimdlej lug ze zujzug rua ntawm puab lub nkoj, puab ntshai kawg le. Yexus has rua puab tas, “Tsi xob ntshai, yog Kuv xwb!”