Suosittuja jakeita Raamatun kirjasta Noo Mian 8

Jaa

As dooyrt eh rhoo. Cre’n fa ta shiu agglagh, shiuish dy chredjue moal? Eisht dirree eh, as hug eh yn gheay, as yn aarkey fo‐harey, as va kiuney vooar ayn.

As dreggyr yn centurion, gra, Hiarn, cha vel mee feeu oo dy heet stiagh fo my chlea: agh ynrycan loayr y fockle, as bee my harvaant er ny lheihys.

Tra cheayll Yeesey shoh ghow eh yindys, as dooyrt eh roosyn va geiyrt er, Dy firrinagh ta mee gra riu, Lheid y credjue lajer shoh, cha vel mee er gheddyn ayns Israel hene.

As dooyrt Yeesey rish y centurion, Immee royd, as ’naght myr t’ou er chredjal, myr shen dy jig oo jeh. As va e er‐mooinjerey er ny lheihys ayns yn oor cheddin.

Agh ghow ny deiney yindys, gra, Cre’n dooinney eh shoh, dy vel ny eer geayghyn as y faarkey ayns biallys da!