Suosittuja jakeita Raamatun kirjasta Sant Ian 6

Jaa

Ha Jesus a respontaz dezhe: Me eo ar bara a vuez; an hini a zeu d’am c’havout, n’hen devezo biken naoun, hag an hini a gred enoun n’hen devezo biken sec’hed.

Ar spered eo a ro buez; ar c’hig na zervich da netra. Ar c’homzou a lavaran a zo spered ha buez.

Labourit, nann evit ar boued a beris, mes evit an hini a bad beteg er vuez eternel, hag a vezo roet deoc’h gant Mab an den; rag Doue, an Tad, hen deuz merket he‐man gant he ziel.

Hou‐man eo bolontez an hini hen deuz va digasset, ma teui kement hini a zell ouz ar Mab hag a gred enhan, da gaoud ar vuez eternel; ha me hen resussito en deiz diveza.

Jesus a respontaz dezhe: Œuvr Doue eo, ma credfac’h en hini a zo bet digasset ganthan.

Kement a ro an Tad d’in a zeuio d’am c’havoud, hag an hini a zeu d’am c’havoud na daolin ket anezhan er meaz.

Simon Per a respontaz dezhan: Aotrou, da gavoud piou ez afempni? Ganez ema komzou ar vuez eternel

Me eo ar bara beo a zo diskennet euz an env; mar deu unan‐benag da zebri euz ar bara‐man, e vevo da viken; hag ar bara a roin‐me, eo va c’hig. Hen rei a rin evit buez ar bed.

Den e‐bed na hell dond d’am c’havout, ma ne zeu an Tad pehini hen deuz va digasset d’hen lakaad da zond; ha me a resussito anezhan en deiz diveza.

Rag bara Doue eo an hini a zo diskennet euz an env, hag a ro ar vuez d’ar bed.

Me eo ar bara a vuez.

Ha Jesus a gemeraz ar baraou, ha goude beza rentet grasou, e tistribuaz anezhe d’an diskibien, hag an diskibien ho distribuaz d’ar re a oa azezet; ober a rejont kement all gant ar pesked, hag ho doe kement ha ma karient. Goude ma ho doe bet ho gwalc’h, e lavaraz d’he ziskibien: Dastumit an tammou a zo choumet evit na ielo netra da goll.

Mes goude m’ho doe ranviet var‐dro pemp var‐n’ugent pe tregont stad, e veljont Jesus o vale var ar mor, hag o tostaad d’ar vag; hag e oent spountet. Mes hen a lavaraz dezhe: Me eo, n’ho pezit ket a aoun.