Suosittuja jakeita Raamatun kirjasta Luka 23

Jaa

Yesu anadeta: «E Daata, ubakoge! Yibi byo bagweti bagaagira, batabiyiji.» Yabo basirikaani, banataara imirondo ya Yesu, mu kugigaba.

Yesu anamúshuvya: «Nakubwira ukuli, kwo zeene tugaaba twembi mu Paradiizo.»

Uyo mwitani, anashubi deta: «E Yesu, ikyanya ugayingira mu bwami bwawe, ukangengeere, maashi!»

Yesu, anayamiza kwiꞌzu lihamu kwokuno: «E Daata, nasikiiriza umutima gwani mu maboko gaawe!» Neꞌri akayusa ukudeta kwokwo, umutima gwanayami deruuka.

Neꞌri bakahikaga áhali mu buuzibwa Kahanga, banabamba Yesu ku kibambo. Banabamba na yabo banakuhambwa bombi, muguma uluhande lweꞌlulyo, noꞌgundi lweꞌlumosho.

Iri hakaba bikola nga bihe ndatu bya mwiꞌzuuba, izuuba lyanazima, ubwire bwanayidika mu kihugo kyoshi, halinde ukuhisa ku bihe mwenda. Noꞌmulondo gwo bâli manisiri mu nyumba ya Rurema, lyeryo, gwanayami lalaanuka mwo kubiri, la-la-la.

Umukulu waꞌbasirikaani, mbu abonage kwokwo, anayivuga Rurema kwokuno: «Ku kasiisa, uyu mundu ashubi kwaniini imbere lya Rurema!»