Suosittuja jakeita Raamatun kirjasta Mateyo 5

Jaa

Elo abantu tabasanikapo inyali nokuyifunikila mumbale, kuntu bayiteka apasansukile ukuti isanikile bonse abali munanda. Efyo bwenesheni ukusanika kwenu pamenso abantu ukuti babone imilimo yenu iiweme, ukwebati bachinshike Bashinwe bamumulu.

“Nimwe ukusanika kwamuchalo. Umushi uwayimakwa palupili tekuti ufisamikwepo.

“Balishuka bo abelele imitima, pakuti bakubona Lesa.

“Balishuka bo abafwayisha ukuchita ifilungeme nomutima wabo onse pakuti Lesa akubekusha.

Nomba nkomweba ati, temweni abalwani benu nokubalombelako abakomuchusha.

“Balishuka bo abayishiba ukuti balichula mumupashi, pakuti ubufumu bwakumulu bwabo.

“Balishuka bo abaleta umutende, pakuti Lesa akubeta abana bakwe.

“Balishuka bo abakolosha, pakuti Lesa akubashinshinta.

“Balishuka bo abakochula pamulandu wabulungami, pakuti ubufumu bwamumulu bwabo.

“Balishuka bo abakwatila abanabo inkumbu, pakuti nabo Lesa akabakwatila inkumbu.

“Mwalishuka mwebo ulo abantu bakomusuula, bakomuchusha, bakomweba ifibi fyonse nokumubepesha ubufi pamulandu wanji. Angeni nokusekelela pakuti ichilambu chenu kumulu chikulu. Pakuti mfi efyo bachushishe nabasoseshi abamutanjilile.

“Balishuka bo abayichefya, pakuti Lesa akubapela ichalo abalayile.

“Nimwe umuchele wachalo. Kati umuchele wakubuluka, mba ukoyisa kulowa nendo? Taukwetepo mulimo, wakwitila bwaka kunse nabantu kabaunyantaulapo.

Echo mube ababuta kubati nimfilya Bawishinwe bakumulu baba ababuta.

Mulokusosa bwaka mwati, ‘Ina,’ nangula, ‘Iyowo.’ Ifingachila pali mfi fifuma kuli Satana.

“Mwalyumfwa ifyo abakale baebelwe ati, ‘Ilinso palinso, ilino palino!’ Nomba nebo nkomweba ati, mwilokubweseshapo ububi pabubi.

Kati ilinso lyobe ilyakumulyo lilakulenga ukubifya, ulilobolemo nokuliposa. Chawama ukulufya ichilewa chimo ichamubili obe ukuchila ukuleka umubili onse ukuya kuposwa mumulilo uutashimapo. Kati ukuboko kobe ukwamulyo kulakulenga ukubifya, ukuputuleko nokukuposa. Chawama ukulufyako ichilewa chimo ichamubili obe ukuchila ukuleka umubili onse ukuya kuposwa mumulilo uutashimapo.