Suosittuja jakeita Raamatun kirjasta Luke 17

Jaa

Rap artwa arntety-penhew angkew, “Rtnerl-alha alpemel-anem. Ntwan iterl-arew, athan ngenh mwerreley-angker arawerrng Akngey-wenh-akertel, ngap mwerrerrew.”

Kel arlta anyent ikwerel rap intem arrpemarl apmwa mpwarayntem ngkweng. Rap angkepelarreng-anem nyerrerremel angkeyam-alpayntem ngkweng. Kel ntwap mentyarl renh intem awayntem iylpelerremel ipmemel. Nga angkemer ikwer alakenh, ‘Mwerr-anem ayeng ahelerrey-angenh ngkweng. Mwerrant-atherr-anem anaynteyew aylanth.’ ”

Artwa anyentan Samaria-areny ikwer-rnem-itwel alhenh, ingwer-rneman Jew-rnemarl. Artwa Samaria-areny arelhew, arlkarl alyelkerrenh, rap angkep alpew Jesus-warl, atayel nakemel Akngey. Rap kwenerrey-alpew, Jesus-arl rtnenh-itwew, “Jesus, ntwan ayenh mwerrelew! Mwerr-angker inngarl ngan Akngey!”

Kel mwanty anayntenh-arey, arrantherr ingwer-rnem arrkernewerr, apmwangkwarr alhaynteyew. Ingwer ayenharl apenteyel apmwelhelenty ngkweng-angkwarr, ntwa renh ilemer, ra ipmelheyew. Ra nyerrerremel ngkweng angkem, ‘Ya wenh, ayeng apmwelhelew ngkweng-warl. Atha ngkweng apmwa mpwarey-angenh arrpemarl.’ Kel ntwa renh ipmemel arrpemarl, rarl apmwelhelew-penh. Nga anyenterreyew-anem ikwerel-arleng.

Jesus angkew kwertengerl ikwerenh-rnemew, “Artwernem 10 mwerrerrew, ngay? Artwernem 9 weth-rnem-alew?

Rap angkew ikwer-rnem, “Arrantherr angkem, ‘Rlterrk anewantherr.’ Kel arrantherran apek alyep iterrentyan irrpeltherrey-angenh, arrantherrap arwerl yanhew angkem alakenh, ‘Arwerlay! Tyerrelha ahern-they! Kwaty alayel-anem ampepel rtney-alha!’ Rap ngenh inngarl iylparethel awem.” Alakenh-anyem Jesus angkenh kwertengerl ikwerenh-rnemew.

Akngerran iterrey-angenh Akngeyew, apwertew ilek-ilekew-then iterrem. Alakenhan apmwel-ayetharl iterreyel. Rernemap ahaperrem arrpemarl, nthakenh Akngey-itwel intem-antey aney-alpey-angenh, arrangkw. Ingwer-rneman iterreyel alakenh apek, ‘Ayeng arraty aneyew Jesus-ew. Ampwal akngerr apek atha atnyenem, arrangkw apek. Mwerrarlap alakenhan.’

Jesus angkew ikwerenh-rnemew, “Ingwer-rnemelan arrenhantherrenh arrkernem intem-antey, apmwangkwarr alhaynteyew. Akngeyelan renh-rnem artewentyel irrwampenh-antheyenh. Artwa ingwerel arrkerney-angker renh antwerrkemer, ahenty-they arertnemer rwepel apwert ilkwewarl, kwaty alay-warl iwemel. Ra alakenh apek irrey-angenh, Akngeyan ahelerrem inngey arrkerney-angker ikwer.

Ayengan Artwa Inngarl Akngey-wenh. Ayengarl apey-alpeyenheng-areyan, apal akngerran arnernkey anerl-aneyenh, Akngey iterl-arey-angenh. Rap alakenh aynteyenh awank-akerr-apeny, Noah-arl iteth anenheng-arey. Kwaty ilkwa apetyeyew-alenty, apal akngerran arnernkey anew-anenh, Akngey iterl-arey-angenh. Rernem ikwer-rnem-wenh-angkwarr anenh; amernant arlkwerrenh, kwaty antywerrenh, itengerrenh apmelerr-angkwarr, Akngey iterl-arey-angenh. Rernem alakenh anenheng-arey-antey, Noah-el rtnwa ilkwa mpwarenh. Akngeyel kwaty ilkwanem thwenew, Noah-an aylpenhew ikwerenh-rnem-akert rtnwewarl kwen. Kwaty atnyerr ilkwa ra ingwer-rnem ilwerl-athenew.