Suosittuja jakeita Raamatun kirjasta Luke 18

Jaa

Jesus angkew kwertengerl ikwerenh-rnemew, “Akngeyew angkayntenh-arey arlta arrpanenh, ipmelhey-angenh. Angka nhenhew awelhenh-arey.

Arleng-alenty ra arelh inpert iylpelant awenh. Arleng-alenty ra renh alpemeley-angenh, arrangkw. Akngeyanap alakenh-wenyarl! Ran awemarl, ikwerenh-rnemarl ikwer angkem. Rernemap ipantey apek ayern-ayntem, renh-rnem arntarnt-araynteyew. Ra awemarl, rap renh-rnem iylparetharl alpemelem. Nhenhew iterrenh-arey! Ayengan Artwa Inngarl Akngey-wenh, ingwer-ingweran ayeng apey-alpeyenh. Arlta ikwerel-antey ayengarl apey-alpeyenhelan, atha arey-alpeyenh, irrpetyapantarl atyeng iterrerl-aneyenh.”

Jesus-el tyernew, “Ntwa amentel nthakenh mpwarey-angenh alakenh, arrangkw. Akngeyelant ngenh iteth atnyenem, ikwer-itwel intem aney-alpeyew.”

Ran renh iylpelant awenh arleng-alenty, arelh inpertelanap intemarl renh ayerneynenh. Ingwer-ingwer ra iterrew ament, ‘Ingwer-rnemelan ayenh ileyel ahelengkw. Ayenhan rernem ileyel nyerr-weny, ayengan Akngeyew awelhey-angenh, atharl ingwer-rnem iltem. Inngarl alakenh-anyem. Arelh inpert ranap apetyeyel angkepelarreng, ayenh alhengkerr anthaynteyew. Artwa renhan atha ilanthem, ipmelheyew renh court-emeley-angenh.’ Alakenh-anyem artwa court-ew-artey ahelengkw iterrenh.”

Mwanty awelhenh-arey arrantherr! Ampernemelarl ilkwernem awem, rernemap iterrem alakenh, ‘Innga wenh! Irrtywerremel iley-angenh.’ Alakenh-anyem arrantherr angka atyenh awemer. Apmwel-ayeth iterrey-angenh, ayeng irrtywerrerl-anentyew-arrpantey. Arrantherr atyeng awelhenty, arrantherrap intemarl Akngey-itwel aney-alpem.”

Jesus-anap athamerrew ampa ikwer-rnem, rap angkew, “Ampernem menty apetyey atyeng-warl, arrngert angkey-angenh ikwer-rnem. Akngey-wenh-rneman ampa nhernem-apenyarl.

Jesus-an angkew ikwer, “Annga altywerela! Aranem ntwa! Ntwa iterl-arew, atha ngenh mwerreley-angker, ntwap mwerr-anem areyel aleyan.”

Jesus-el tyernew, “Ilekewarl ntwa ayenhan mwerr antweyel? Akngey rant anyent mwerr aneyel.