Suosittuja jakeita Raamatun kirjasta Matthai 28

Jaa

Cacuonakawta si ungla mingphang bangkhuo kha naa ziytuv va pacuo sa ungla; A paa, Asaa hne Thlaapa Pathe ming ta tiynawna va pi tie ung; cakhutaata ica changpa bangkhuo ama ziy riypata va pacuv tie ung. Hingpa hing maw kha ung, chuozaa ta niema'a lie ica aw puo'a yi, cuo chuona te ta,” a ta yi.

Zingsuv ta a ngie vie yite, “Vuoruo hne alyi lie naw hnyina bangkhuo ca pi pata i cuo tli.

Cuorasala avuoming ta canung tie kha, “Ciy kha ung, vieluo lie ama thiepa Zingsuv nama huvpa kha ica pachang yi. Ama ca hing lie hing aw vyi, a ripa haakhata a thupakhaa tli. A vaw ungla a laanapa hing mang tie ung.

Zingsuv ta, “Ciy kha ung, cakuo ungla i uvnu tie kha Galilee luo si riypata va chang tie ung, capa lie cana ina hmung'a yi,” a ta.

Tluobyilepa tie ca Judah uvthyi tie hne khata a hmya yite rieka tie kha nawthuv tuokaa a hluvsa pi riypata khue ama khuo. “Ziytuv tie ta zuo maa hmung chung a vaw yite na a riy kha ama vya paruv, nama ta aa. Hing bie hing muokiy byipa ta a thyi sue kie zaw ma, kiema ta a palung patluo'a pate ruvnaana namaa taw li riypata maca rikuo'a yi,” ama ta. Cacuonakawta tuokaa kha a la yite ama changpa haata ama tue. Capa bie ca Judah ming hrawlie ata ning tepa hingta ama ripa bie ta a cuo.