Suosittuja jakeita Raamatun kirjasta Ɛksadɔso 2

Jaa

Nyameɛ tele b’awuyebɔlɛ ne, na ɔkayele apam bɔ ɔne Abraham, Yisake ne Yakob bɛyɛle ne. Nyameɛ neane Yisraelfoɛ nemɔ, na bɛyɛle ye anwumvo.

Afoɛ pee pɛle nu, na Misraim hene wuli. Afei Yisraelfoɛ nwuni ngoaasolɛ nu amaneɛ piri paa; bɛbɔle awuye, na bɛ suɛ wɔ ngoaasolɛ nu ne dwuli Nyameɛ nyunu.

Akwadaa ne nyini, na ɔɔfale ye mane Faro awa brasua ne. Ɔfale ye yɛle ɔwa, na ɔtole ye dumaa Mose, ofikyɛ ɔhane kyɛ, “Nzue nu yeɛ nyele ye mvili ɔ.”

Na Faro awa brasua ne sele ye kyɛ, “Fa adɔma ne kɔma ye nyɔfone ma me, na ngotua wɔ kerɛ.” Yiti braa ne fale ye hɔle ɔɔmane ye nyɔfone.

Faro awa brasua wale kyɛ ɔbaabia asue ne anu. Né ye abaawa nemɔ natenate asue ne noa. Onwuni kyɛ kɛndɛen ne gyi ngyɛngyɛma ne anu, na ɔsomane ye abaawa ne ko kyɛ ɔɔfa bra.

Mose nyini ne, ɛlɛho bie ɔɔpasale oliɛma mɔ Hebrifoɛ nwo, na onwuni adwuma serɛ bɔ né bɛ́hyɛ bɛ maa bɛyɔ ɔ. Na onwuni kyɛ Misraimniɛ bie ɔ́bo oliɛma Hebrifoɛ nemɔ anu ko ɔ. Ɔtotole ye nye bra yiale, na onwuni kyɛ sona biala nne berɛ nen, ohuni Misraimniɛ ne, na ɔfale ye feale anweaa nu.