Suosittuja jakeita Raamatun kirjasta यहुन्ना 6

Jaa

यीशुऐ तिउंलै बोलौ, “सौदा री ज़िन्दगी दैणै वाल़ी रोटी हाऊं ऊ, ज़ुण मुं काऐ आशा आ सेऊ केबी भी भुखौ नाईं रौइंदौ, और ज़ुण मुं माथै विश्वास कौरा आ सेऊ केबी भी चिशौ नाईं रौंइदौ।

परमेश्‍वरा री आत्मा ता सौदा री ज़िन्दगी देणै वाल़ी आ, पर शरीरा री तागत नाईं। ज़ो बूश मुंइऐ तुमुलै बोली आ सै आत्मा आ, और सौदा री ज़िन्दगी भी आ।

नाश हुणै वाल़ी रोटी लै तुमै मैहनत नाईं कौरौ, पर तिऊं रोटी लै ज़ो लोगु लै सौदा री ज़िन्दगी दिया आ, ज़ो हाऊं आदमी रौ छ़ोहरु तुमुलै दिआऊ। कैलैकि बाब परमेश्‍वरै मुकै एस दैणै रौ हक्क आ दैऔ औन्दौ।”

कैलैकि मैरै बाबा री मौरज़ी इणी आ कि ज़ुण-कुण छ़ोहरु देखा लौ और तेस माथै विश्वास कौरा, सेऊ सौदा री ज़िन्दगी पा आ। और हाऊं तेस आखरी दिनै तौंइऐ ज़िउंदौ कौरु।”

यीशुऐ तिउंलै ज़वाब दैऔ, “परमेश्‍वरा रौ काम एऊ आ कि तुमै, ज़ुणिऐ सेऊ भेज़ौ औन्दौ आ, तेस माथै विश्वास कौरौ।”

ज़ो कुछ़ बाब मुलै दिआ आ हाऊं तेस अपणावा ऊ, और ज़ुण भी मुं काऐ आशा लौ तेस हाऊं केबी नाईं गाड़दौ।

शमौन पतरसै तेसलै ज़वाब दैऔ, “ओ प्रभु, आमै कास काऐ डेऊ लै तेरी बुशै ता सौदा री ज़िन्दगी दिआई।

सौदा री ज़िन्दगी री रोटी हाऊं ज़ो सौरगा कु उतरी। अगर कोई इऐं रोटी कु खा लौ, ता सौदा लै ज़िउंदौ रौआ। और ज़ो रोटी हाऊं दुनिया रै लोगु री सौदा री ज़िन्दगी लै दिआऊ, सेऊ मैरौ शरीर आ।”

कोई मुं काऐ नाईं आशी बौल़दौ ज़ेबी झ़ांऊ बाब, ज़ुणिऐ हाऊं भेज़ौ औन्दौ ऊ, तेस मुकाऐ ना आणा। और हाऊं तेस आखरी दिनै तौंइऐ ज़िउंदौ कौराऊ।

कैलैकि परमेश्‍वरा री रोटी सै ई आ ज़ो सौरगा कु उतरियौ दुनिया रै लोगु लै सौदा री ज़िन्दगी दिआ आ”।

हाऊं सेज़ी रोटीऊ ज़ो सौदा री ज़िन्दगी दिया आ।

तैबै यीशुऐ रोटी कौरी, और धन्यबाद कौरीयौ बोशणै वाल़ेऊ लै बांटी गोई। और तिणी ई माच़्छ़ी मांझ़िया कु ज़ेती सै च़ाहा थै बांटी गोई। ज़ेबी सै खाइयौ निपटी गौऐ ता तिणीऐ आपणै च़ेलेऊ लै बोलौ, “बौच़ै औन्दै गासड़ु कौठै कौरौ कि कुछ़ ढोकै, ना पाइयौ।”

ज़ेबी सै सुलै-सुलै पांज़-छ़ौ किलोमिटर दूर निकल़ी गौऐ, ता तिंउऐ यीशु पाणी दी आण्डदै और किश्ती रै नज़दीक आशदै देखौ, और डौरी गौऐ। पर तिणीऐ तिउंलै बोलौ, “हाऊं ऊ। डौरौ नाईं।”