Suosittuja jakeita Raamatun kirjasta Luk 23

Jaa

Yóm igò le tmutuk ke Jisas, yó udélen, monen, “Hol hnifótem lu, Mà, abay se là tngón le du yóm nmò le.” Lemwót yó kem sendalù tmutuk ke Jisas yó, sensatù le nesen.

Bnalà Jisas se, monen, “Ni fasadu kóm, ditu béléu bè dou benwu bè longit gónóm e mefet nim kemdaw ni.”

Ne yó monen mò ke Jisas, “Ó Jisas, hol hentulónem ou nawa ke deng kól du yóm hol kegetahem.”

Bè yóm kekséen yó, omin Jisas hgel udélen, monen, “Ó Mà, hogotu kóm nim klowilu.” Kogol yóm kudélen yó, tódô milot se nawahen.

Tikóng le kól bè yóm ngà bulul gel bnoluy le Bangag Kulu, bè yó gónó le tmutuk ke Jisas bè yóm kros. Dalang se kul yó kem lewu tau gel mò sidek yó, sotu hteg le fi bè kwanan Jisas, ne sotu se fi bè iwóngen.

Tikóng deng móyónen gtungu, tódô là buden mnóng kdaw, baling kmifu talak tonok efet sóól mosol kdaw. Uma kóm bè yóm Gónô Dwata, wen tey nes mfól mò seng yóm dfél gónóhen nô Dwata, tódô ton le lómón ke hninggel dnólóhem bè gónón sóól.

Bè yóm kehto Jisas, mdà bè yó yóm kfitan bè yó kem sendalù, ne gtanuden yóm kmoen, botong dóyónen Dwata, monen, “Tahu laen dù salaen ilóu tau ni.”