Suosittuja jakeita Raamatun kirjasta Zã 6

Jaa

A Zezi yeela bãmb yaa: Maam la bur sẽn kõt vɩɩmã. Kom kõn leb n yõk ned ning sẽn wat-a mam nengẽ ye, la ko-yũud kõn leb n yõk ned ning sẽn tẽed-a maamã abada.

Yaa Sɩɩg-sõng n kõt vɩɩm. Yĩngã ka sõngd ne baa fɩ. Goam nins mam sẽn togs yãmbã wata ne Sɩɩg-sõng la vɩɩm.

Da tʋm-y dɩɩb sẽn sãamdã yĩng ye. Tʋm-y rɩɩb ning sẽn paad vɩɩm sẽn kõn sa wã yĩnga: Ninsaal Bi-riblã n na n kõ-a yãmba. Bala, yaa yẽnda la m ba a Wẽnnaam kõ noore.

Sɩd me, ad m baaba raabo: yaa tɩ ned ning fãa sẽn yã Bi-riblã n tẽ bãmb na paam vɩɩm sẽn kõn sa. La mam na n vʋʋg-a-la yaoolem daarã.

A Zezi leoka bãmb n yeele: Wẽnnaam tʋʋmde, yaa tɩ yãmb tẽ a soab ning bãmb sẽn tʋmã.

Neb nins fãa m ba sẽn kõt maamã na n waa mam nengẽ, la mam kõn dig ned baa a yen sẽn wat mam nengẽ ye.

A Sɩmo Pɩyɛɛr leoka bãmb n yeele: Zu-soaba, tõnd na n kẽnga ãnna soab nengẽ? Yãmb tara vɩɩm sẽn kõn sa wã goama.

Maam, mam yaa bur-vɩɩg sẽn yi arzãn n sigi. Ned sã n dɩ bur kãngã, a na n vɩɩmda wakat sẽn kõn sa. La bur ning mam sẽn na n kõ dũni wã vɩɩm yĩngã, yaa mam yĩngã.

Ned baa a yen ka tõe n wa mam nengẽ, tɩ sã n ka m ba, sẽn tʋm-a maamã n tak a soab n wa-ne ye. La mam na n vʋʋg-a-la yaoolem daarã.

Bala, Wẽnnaam burã, yaa soab ning sẽn yit-a arzãn n sigda, n kõt dũni neb vɩɩmã.

Mam yaa bur sẽn kõt vɩɩm.

A Zezi deega burã, n pʋʋs Wẽnnaam barka, n pʋɩ neb nins sẽn dag n be-b be wã. B maana a woto me ne zĩmã, tɩ ned fãa deeg a sẽn dat tɛka. Nebã sẽn dɩ n tɩge, a Zezi yeela b karen-biisã tɩ b wʋk rɩ-zersã sẽn kellã, tɩ bũmb baa a yen da pa n sãam ye.

Karen-biisã sẽn dugs koglgã n zãag sẽn zems kɩlo a nu bɩ a yoobe, b yãnda a Zezi sẽn kẽnd ko-kãsengã zug n kolgd koom-koglgã. La rabeem yõk-b lame. La a Zezi yeel-b lame tɩ b ra maan dabeem tɩ yaa bãmba.