Suosittuja jakeita Raamatun kirjasta Luku 23

Jaa

Jesu nọ sị, “Baba, gbagharị wẹ, n'a marịn wẹ ihiẹn wẹ rị e mẹ.” Ogẹnni kẹ ndị-agha kpọgbun'ẹ gi tụ nkpọ, gi ẹ keri ẹkwa a.

Jesu nọ sị a, “M rị a gwa ị ezioku, mmẹ lẹ yụ sikọ d'a rị Alị Ezumikẹn wụ Paradaịsị tannị.”

Ya ọ nọ sị Jesu, “Jesu, ogẹn y'e gi bịa rịkẹ eze, dodo nyanhankwọ m!”

Ya Jesu nọ gi okẹn olu yi, “Baba, e bu m mmọn m che i ẹka!” O kugụ ihiẹnni, ọ nọ kwọnbepụ.

E ru wẹ ebẹhụ w'a kpọ “Okpokomisi”, wẹ nọ nọ ebẹhụ kpọma Jesu ye elu obe, ịya lẹ ndị hụ mẹ eje-ihiẹn: onyẹ ohu rị a ẹka-nni, hụn-ẹbọ rị a ẹka-ekpẹn.

Ihiẹn nọkẹ ọkụrọkụ mmẹbụọ efinnaị ẹnyanwụn gi a rị isi, ọhịhị nọ gbagbarị alị hụ ile d'e ru ọkụrọkụ ẹtọ efinnaị, anwụn amụnị. Ogẹnni kẹ Ẹkwa wẹ gi gbọnbepụ Ebẹhụ Kachanrịn Nsọ imẹ Ụnọ-NSỌ gi gbawa ẹbụọ.

Ogẹn onyẹ-isi agha ahụn kị ndị-agha kpọgbun'ẹ gi hụn ihiẹn mẹni, ọ nọ ja Osolobuẹ mma, sị, “Ezioku-ezioku, ẹka okẹnnyẹni rị ọchan!”