Suosittuja jakeita Raamatun kirjasta Š. Matéu 7

Jaa

Ljipni, e ju jipet: kerkoni, e gjẽni: trukulisni, e ju χapet.

Se nganjé tše ljipen, kâ: e aí tše kerkón, gjẽn: e atîje tše trukulisen, i χapet.

Andái nganjé, tše merr veše kto fiâlje, e i bẽn, mund gjitet njeríut me trû, tše stisi špîn e tîje mbi gurin

Prandái gjiθ šurbiset tše dúani te ju bẽnjen juve njérezit, keštú eδé ju bẽ́nia atire. Se kjo ešt ljedža, eδé profetrat.

Se e ngušt ê dera, e e šterengúar uδa, tše kjelen te gjela: e pak jân tše e gjẽnjen!

Χini per deren e ngušt: pse dera e gjêr, e uδa e χapt, ešt tše kjelen nde te biérrit, e šûm jân tše χĩnjen per té.

Nde poka ju, tše jini te ljikje, dini e jipni šurbise te mira bíljevet tâje: sa mé Tata îje, tše ešt nder kjíelat, jep te mira atire tše ja ljípenjen?

Mos juδikoni, te mos jini juδikúar. Se si juδikoni, vini te juδikúar: e me at meter tše míteni, ju vién matur juve.

E nganjé, tše gjegjet kto fiâlje, e nẽng i bẽn, i gjet njeríut lavur, tše stisi špîn e tîje mbi šuren

E pse rúan ti káštezen tše ešt te siu vláut tẽnte: e traven te siu it nẽng e vê nde kufî? O si i θua tite vlau: Ljem te ndzíer kašten ka siu it: e njô trava rrî te siu it?

Ruχi ka profetrat te rrem, tše vĩnjen tek ju me te véšura delješ, e mbrẽnda jân uljke tše rrembenjen. Ka frutet e tire njiχni atá. Ndoδ’ e mbiéδen rruš ka gjẽmbat, e fikje ka murrizat?

Kestú nga arvur i mîr bẽn frute te mîre: e árvuri i kaljbet bẽn frute te ljikje.

Nẽng mund bẽnje árvuri mîr frute te ljikje: ne árvuri i kaljbet frute te mîre.

Nga arvur, tše se bẽn frute te mîr, pritet, e štiχet mbe ziárr.