Suosittuja jakeita Raamatun kirjasta Jọn 15

Jaa

<<Irị anịị grepụ árị́dii ma; ọmịnị anịị sị ḅara ma. Ḅọ́rọ́ tumḅọ iḅụbie fịnị irịsọ nḅọ ḅụbie fịnị, nḅọ ma opuma sịịmgbọ́lụ suabẹm; ịrị ófórigha ọmịnị ine bẹnyẹ bẹnyẹ mịẹbịgha.

Ọmịnị iḅụbie fịnị, ịrị ma sọ ọmịna ḅụbie fịnị. Anị ḅụ ngéré mgbọ́lụ sua bẹ sị ḅara ofori; anị grepụ árị́dii ma ḅụ fịnịgha fịnịgha. Anị gbẹ́rẹ́ ḅara ma ọmịnị ine sịịmgbọlụ suabịgha ọ ḅọ́rọ́ iḅụbie fịnịgha.

Ọ ḅọ́rọ́ iḅụbie fịnị ị́yẹ́ ẹ́gẹ́rẹ́ ma sọ ọmịna ḅụbie fịnị, ọmịnị ọ dọghụnyẹ gonyẹ́ gonyẹ́ bibẹm nnị pịghị anị pa ọ pịrịbẹm.

Ọ mịnị i sẹlẹakịgha, kụ́ma ịrị ọ sẹ́lẹ́akịm sị tọ́ọ ọ pịrị ḅẹ́ o muu sịịmgbọlụ sua, anịị fịnị bẹ sịịmgbọlụ. Anịsáa ọ Daḅọ ma ḅara binyẹ binyẹ gonyẹ́ gonyẹ́ iyẹ ẹrẹ ḅụ, ori anị pa ọ pịrịbẹm.

Mịma nẹ́ngịma ḅẹlẹma nyánáḅọ ofori, ḅẹẹ ori ọrẹ duma kóróma ori nángwọ́apụ pịrịm.

Ịḅụ fịnị sịịmgbọ́lụ suagha sị ḅara gonyẹ́ gonyẹ́ ori anị pẹlẹsibẹm, sịịmgbọlụ sua sị ḅara gonyẹ́ gonyẹ́ ori anị pẹlẹ gbulumabẹm sị anị jẹ́ jẹ́ mgbọ́lụ sua bẹ ḅara.

Mịị anịị ị́yẹ́ ologho: ọ jụghọ jụghọ ḅẹlẹma a ọ ḅẹ́lẹ́mamaá ḅara.

Mịị ḅara anịị boma ḅọ́rọ́ ḅo Daḅọ ma pịrịarị ḅara ḅẹ́ ọmịnị opuma sịịmgbọlụ suam, pịghị ọ ḅụ die ḅẹẹ ọmịnị ị́yẹ́ ọḅụduaapụ.

<<Irị anịị karakárá grepụ árị́dii ma, i Daa ma anịị pịghị dụatẹlẹmaḅọ ma.

Iḅụbie fịnịgha ḅọ gonyẹ́ gonyẹ́, nḅọ fịnị ḅara anịị n gbii ḅuuma sị saghị sámụ́nọ́arị sị ḅara; ọkọfịnị sị ḅara n saghị fịnịbie gbi sua sị anị dọ́ghụm.

A mịma dugho ọ pịrịmam sị iyẹ bieḅẹlẹ ọmịna bie fịnị bẹ ḅara, ọmịna bieḅẹlẹ pịghị bifụfụụ́.

Ọ ḅọ́rọ́ ị́yẹ́ ologho ma koko koko, ọmịnị ị́yẹ́ ḅẹlẹma ḅụ fịnịbẹm, ịrị ma sọ Daḅọ ma ologho koko sị ori ḅẹlẹma ḅụ fịnị ḅara.

Mịị ị́yẹ́ ologho: ọ jụghọ jụghọ ḅẹlẹma.

Ọ mịnị ḅọ́rọ́ tuminikiriapụ ma ḅụ gbẹ́rẹ́ḅọ, nnị ọ ḅẹ́lẹ́mabẹm nna ḅụ ḅọ ḅara. Anị fịnị ḅara ọmịnị tuminikiri ma ḅụ gbẹ́rẹ́apụgha, kụ́ma tuminikiri ma bie a o sẹ́lẹ́akị pághámá ḅom. Anịị tuminikiri ma go ọ tarịgha nyẹ.