Suosittuja jakeita Raamatun kirjasta Jọn 16

Jaa

<<A mịná nyẹ ma dugho ọ pịrịmam, ọmịnị ịḅụ diin nyáná bẹ ḅara. Mịị tuminikiri ma ḅụ ọ ḅụḅáláḅálá nyánábẹm. Kuma ọ tẹ́mẹ́ kụrọ nyáná! A tuminikiri ma sọḅamam.>>

Kụ́ma Tọ́ntọ́ Tẹ́mẹ́ ma, karakárá ma pa túminị́ diearịḅọ ma ḅoo sáá, ọ karakárányẹ mamgba pa o diebẹm. Ori ọrẹ kụ́rọ ḅụ ẹ́gẹ́rẹ́ kọbịgha; ọ náanyẹ ma ngéré anịị o dugho bẹnyẹ, ọ pịghị tórúku ḅoarị nyẹ dugho ọ pịrịbẹm.

Akị ḅoo mị́sa ma láa na ọmịnị gbẹ́rẹ́nyẹ sọ biiagha ị́yẹ́ ẹrẹ ḅụ. O bii ọ pịghị nyánáḅobẹm, ọmịna bieḅẹlẹ pịghị ḅifụfụubẹm.

Kụ́ma a karakárányẹ ma dugho ọ pịrịm: ọmịna ibi go anịị a go soarị nyẹ. A ḅọ́rọ́ sogha sogha, Ḅárásuaḅọ ma ọ dámáḅobịgha: kụ́ma a so so a ori pa ọ fịrịmabẹm Ori ma ḅo sáá ọ mịẹbẹm sị tuminikiriapụ nimi ḅẹ́ nna kóróma karakáragha siiamịẹnyẹ gbolomanyẹ, karakárá ibiamịẹnyẹ na ḅẹ́rẹ́kọ na.

Anịị anị ọmịnị na fịnị ḅara: mị́sa anịị ọmịna tẹ́mẹ́sii sa, kụ́ma a jẹ́ pa ọmịnị árịbẹm ọ pịghị dụrụkụbẹm, gbẹ́rẹ́ḅọ sọ pịghị ine ọmịna bieḅẹlẹ kikibịgha. Anị éné ma láa sáá, ọmịnị i ḅarabie bẹnyẹ bẹnyẹ gbílabịgha. A karakárányẹ ma dugho ọ pịrịarị, i Daa ma ḅara o binyẹ gonyẹ́ gonyẹ́ ị́yẹ́ ẹrẹ ḅụ ori anị pa ọ pịrịbẹm.

A karakárányẹ ma dugho ọ pịrịarị, ọmịnị owubẹm pịghị dụadu tuminikiri anịsáa bieḅẹlẹbẹm. O biesiibẹm, kụ́ma ọmịna biesi ma pịghịma bieḅẹlẹ sọ́bẹm.