Suosittuja jakeita Raamatun kirjasta Jọn 6

Jaa

Jizọs warị anịsáa dugho nnị pịrịbẹ, <<Ịrị anịị duma fịtúrú ma. I damaḅoo ḅọ jẹ́ éné jẹ́ éné ḅuru n ḅo ḅábịgha, pịghị i ḅụ mininiḅọ gonyẹ́ gonyẹ́ jẹ́ éné jẹ́ éné n ḅọ pụghọ sámụ́nọbịgha.

Tẹ́mẹ́ ma duma pịrịm; ojumẹnị ma sọnyẹ pịrịgha. A kọọ ọ pịrịmaá ẹ́gẹ́rẹ́ ma anịma anịị tẹ́mẹ́ nnị pịghị duma.

Fịrịnwangị síi bẹ fị́nyẹ ma pịrịma kụ́ma fịrịnwangị fịnị muu gbámásó duma láa bẹnyẹ pịrị, Tumḅọ yii Tụwọ ma pa ọ pịrịbẹnyẹ, tegó ori ma anịị Tamuno Daḅọ ma ḅara pụnụ pịrịmaá ḅọ pa die ḅẹ́ ori anịị kụ́rọ pa ọ pịrịḅọ.>>

Ḅẹẹ Daḅọ ma binyẹ anịị tọ́rụ pa Tụ́wọ ma dighiḅọ gonyẹ́ gonyẹ́ sị ọ minini duma gbámásó nyánábẹm, a pịghị n ḅọ saghịmabẹm kunema éné ma ḅụ.>>

Jizọs pagharam, <<Mịị Tamuno fịrị ma: anịị ọ fịrịmaḅọ ma ḅụ minini.>>

I Daá ma pa i pịrịnyẹ gonyẹ́ gonyẹ́ i dámáḅobẹm, i damaḅo ḅọ gonyẹ́ gonyẹ́ a pịghị jẹ́ éné jẹ́ éné n ḅo deebịgha.

Saimọn Pita ọ pagharam, <<Kị́nị́nyánáḅọ wa soo tụọ dama mú bẹ? Ịrị koko duma pịrị ẹ́gẹ́rẹ́ ma nyáná.

Irị anị sobie sághị kóróḅo dúmafịnị fịtúrú ma. Mịị fịtúrú ma fị ḅọ gonyẹ́ gonyẹ́, duma gbámásóbẹm. Mịị fịtúrú ma anịị ị́yẹ́ ojumẹnị, a pịrị sị tuminikiri gbọrụ duma bẹnyẹ.>>

<<Gbẹ́rẹ́ḅọ so ine i dámáḅobịgha ḅọ́rọ́ i fịrịma Daḅọ ma n ḅọ nụnụ i pịrịgha, a pịghị n ḅo saghịmabẹm kunema éné ma.

Ḅẹẹ Tamuno fịtúrú ma anịị ori sobie sághị ḅoḅọ ma sị duma pa tuminikiri ma pịrị.>>

Ịrị anịị dúma fịtúrú ma.

Jizọs warị fịtúrú ma saghị akị, ịmịẹḅam pa Tamuno ḅẹẹ sị anị die pa kpọrọfịnịapụ mamgba pịrị n fị dọghụ ḅara. Anị ḅara ma anị ọ pịghị nji ma die ḅara. Nnị kị́nị́mamgba fị furo bima sáá, ori ọrẹ ọḅụduaapụ ḅẹm, <<Kọọ mpara mpara ma gbálā kubiri. Gbẹ́rẹ́nyẹ sọ guluguluma.>>

Nnị ine árụ́ ma dọghụ tẹ́rẹ́ a maili na mpara láa sáá, n Jizọs arịm árụ́ ma dámáḅoarị mingi ma ọ́gọ́nọ nwángịarị, ḅáláfaa warị nna ḅụ sọọ. Kuma ori n ḅẹm, <<Ọ́ irị, ọ ḅáláfama.>>